ಡ್ರೋನ್ ಪ್ರತಾಪ್ ಮಹಿಳೆಯರನ್ನು ಕೆಟ್ಟ ದೃಷ್ಟಿಯಲ್ಲಿ ನೋಡ್ತಾರೆ ಎಂಬ ಆರೋಪದ ಬಗ್ಗೆ ಸ್ಪರ್ಧಿಗಳು ಸುದೀಪ್ ಬಳಿ ಹೇಳಿದ್ದಿಷ್ಟು!

ಡ್ರೋನ್ ಪ್ರತಾಪ್ ಜೊತೆ ಆತ್ಮೀಯವಾಗಿರುವ ಸಂಗೀತಾ ಶೃಂಗೇರಿ, ಪ್ರತಾಪ್ ಖಂಡಿವಾಗಿಯೂ ಯಾರನ್ನೂ ಕೆಟ್ಟ ದೃಷ್ಟಿಯಿಂದ ನೋಡಿಲ್ಲ. ಆ ರೀತಿಯ ನೋಡುವ ವ್ಯಕ್ತಿಯೂ ಅವರಲ್ಲ ಎಂದರು. ಮುಂದುವರೆದು ಅದಕ್ಕೆ ಉದಾಹರಣೆಯನ್ನೂ ನೀಡಿದ ಸಂಗೀತಾ, ನಾನು ವಾಶ್‌ರೂಂನಿಂದ ಬರುವಾಗ ಅವರು ಅಲ್ಲಿದ್ದರೆ ತಕ್ಷಣ ಹೊರ ಹೋಗುತ್ತಾರೆ. ಪಕ್ಕಾ ಜೆಂಟಲ್‌ಮ್ಯಾನ್ ರೀತಿ ವರ್ತಿಸುತ್ತಾನೆ ಎಂದರು. 

ಈ ವಿಚಾರವಾಗಿ ಕಿಚ್ಚ ಸುದೀಪ್ ನಮೃತಾ ಗೌಡ ಅವರನ್ನು ಪ್ರಶ್ನಿಸಿದಾಗ, ಡ್ರೋನ್ ಪ್ರತಾಪ್ ಬಹಳ ಕನ್‌ಫ್ಯೂಷನ್‌ನಿಂದ ನೋಡುತ್ತಿರುತ್ತಾರೆ. ಆದರೆ, ಅವರು ಕೆಟ್ಟದಾಗಂತೂ ನೋಡಲ್ಲ ಎಂದರು. 

ಈ ವಿಷಯದ ಬಗ್ಗೆ ವಿನಯ್, ಇಶಾನಿ, ತುಕಾಲಿ ಸಂತು ಅವರುಗಳು ಪ್ರತಾಪ್ ವಿಚಿತ್ರವಾಗಿ ನೋಡುತ್ತಾರೆ ಎಂದರು. ಇದಕ್ಕೆ ಪ್ರತಿಕ್ರಿಯಿಸಿದ ಕಿಚ್ಚ, ವಿಚಿತ್ರ ಹಾಗೂ ಕೆಟ್ಟದೃಷ್ಟಿ ನಡುವೆ ವ್ಯತ್ಯಾಸವಿದೆಯಲ್ಲವೇ ಎಂದಾಗ, ವಿನಯ್ ಹಾಗೂ ತುಕಾಲಿ ಸಂತು ತಮ್ಮ ಹೇಳಿಕೆ ಬದಲಾಯಿಸಿದರು. ಇನ್ನು ಇಶಾನಿ ಪ್ರತಾಪ್ ನನ್ನ ಜೊತೆ ಸರಿಯಾಗಿ ಮಾತನಾಡಿಲ್ಲ ಎಂದೇನೋ ಹೇಳಿದರು. ಅವರ ಮಾತನ್ನು ಸುದೀಪ್ ಒಪ್ಪಲಿಲ್ಲ. ಕೊನೆಗೆ ತಮ್ಮ ಹೇಳಿಕೆಯನ್ನು ಬದಲಾಯಿಸಿಕೊಂಡರು.

ಪ್ರೀತಿ ವಿಚಾರವಾಗಿ ದೊಡ್ಮನೆಯಲ್ಲಿ ಮೈಕಲ್-ಇಶಾನಿ, ಕಾರ್ತಿಕ್-ಸಂಗೀತಾ ಹಾಗೂ ನಮ್ರತಾ-ಸ್ನೇಹಿತ್ ಜೋಡಿ ಸದ್ದು ಮಾಡುತ್ತಿದೆ. ಈ ಮಧ್ಯೆ ವರ್ತೂರು ಸಂತೋಷ್ ಮತ್ತು ತನಿಷಾ ಕುಪ್ಪಂಡ ಜೋಡಿಯಾಗುವ ಲಕ್ಷಣ ಕಾಣ್ತಿದೆ. ಇದನ್ನು ಗಮನಿಸಿದ ಕಿಚ್ಚ ಸುದೀಪ್, ತನಿಷಾ ಹೆಸರೇಳಿ ವರ್ತೂರು ಸಂತೋಷ್ ಅವರನ್ನು ಕಾಲೆಳೆದಿದ್ದಾರೆ. ಕಳೆದ ಸಂಚಿಕೆಯಲ್ಲಿ ಬಿಗ್‌ಬಾಸ್ ಸ್ಪರ್ಧಿಗಳು ಸಿನಿಮಾ ಮಾಡಿದ್ರೆ ಯಾವ ಟೈಟಲ್ ಇಡಬಹುದು ಎಂದು ತೋರಿಸಲಾಗಿತ್ತು. ದೊಡ್ಮನೆಯಲ್ಲಿ ತನಿಷಾಗೆ ಬೆಂಕಿ ಎಂದು ಕರೆಯಲಾಗುತ್ತೆ. ಇದೇ ಹೆಸರನ್ನಿಟ್ಟುಕೊಂಡು ಬೆಂಕಿಯ ಬಲೆ ಎಂಬ ಟೈಟಲ್ ಇಟ್ಟುಕೊಂಡು ತನಿಷಾ-ವರ್ತೂರು ಸಂತೋಷ್ ಫೋಟೋ ಹಾಕಲಾಗಿತ್ತು. ಇದನ್ನು ನೋಡಿದ ಎಲ್ಲರೂ ಬಿದ್ದು ಬಿದ್ದು ನಕ್ಕಿದ್ದಾರೆ. ಆದರೆ, ವರ್ತೂರು ನಾನು ಮಾಮೂಲಾಗಿ ಕ್ಲೋಸ್ ಆಗಿರುತ್ತೇನೆ ಎಂದರು. ಇದಕ್ಕೆ  ಸುದೀಪ್, ಓಹೋ ನಿಮಗೆ ಕ್ಲೋಸ್ ಆಗಿರೋದೇ ಮಾಮುಲಾ  ಎಂದು ಕಾಲೆಳೆದಿದ್ದಾಎ. ಜೊತೆಗೆ ನಿಮ್ಮಬ್ಬರದ್ದೂ ಟೊಮ್ಯಾಟೋ ಸಂಬಂಧ ಅಲ್ವಾ ಅಂತ ತಮಾಷೆ ಮಾಡಿದ್ದಾರೆ. 

ಬಿಗ್‌ಬಾಸ್ ಮನೆಯಿಂದ ನಾಲ್ಕನೇ ವಾರ ರಕ್ಷಕ್ ಬುಲೆಟ್ ಔಟ್ ಆಗಿದ್ದಾರೆ. 2ನೇ ವಾರದ ಕ್ಯಾಪ್ಟನ್ ಆಗಿ ಗಮನ ಸೆಳೆದಿದ್ದ ರಕ್ಷಕ್, ನಂತರದ ದಿನಗಳಲ್ಲಿ ನಡೆದುಕೊಳ್ಳುತ್ತಿದ್ದ ರೀತಿ ಅನೇಕರಿಗೆ ಇಷ್ಟವಾಗುತ್ತಿರಲಿಲ್ಲ. ಇತ್ತೀಚೆಗೆ ಡ್ರೋನ್ ಪ್ರತಾಪ್‌ಗೆ ಗೂಬೆ ಎಂದಿದ್ದಕ್ಕೆ ಕಿಚ್ಚ ರಕ್ಷಕ್‌ಗೆ ಖಡಕ್ ಕ್ಲಾಸ್ ಕೂಡ ತೆಗೆದುಕೊಂಡಿದ್ದರು. ಅದಾದ ಮೇಲೆ ಪ್ರತಾಪ್ ತಮಗೆ ಕೆಲಸ ಹೇಳಿದ್ದರು ಎಂದು ರಕ್ಷಕ್ ಕೋಪ ಮಾಡಿಕೊಂಡಿದ್ದರು. ಬೇಜಾನ್ ಕೊಬ್ಬು ತೋರಿಸ್ತಾ ಇದಾನೆ, ಅವನಿಗೆ ಇಷ್ಟ್ರಲ್ಲೇ ಕೊಡ್ತೀನಿ ಎಂದಿದ್ದರು. ಇದನ್ನು ವೀಕ್ಷಕರು ಗಮನಿಸಿದ್ದರು.