ಹೊರಗಡೆ ಮಾಡಿದ ತಪ್ಪಿಗೆ ಬಿಗ್‌ಬಾಸ್‌ ಮನೆಯಲ್ಲಿ ತಲೆಬಾಗಿ ಕ್ಷಮೆ ಕೇಳಿದ ಡ್ರೋನ್ ಪ್ರತಾಪ್

ಹೊರಗೆ ಒಂದಷ್ಟು ಕಾಂಟ್ರವರ್ಸಿಗಳಾದವು. ಕನ್‌ಫೆಸ್ ಮಾಡಿಕೊಳ್ಳಲು ನಿಮಗೆ 'ಬಿಗ್‌ಬಾಸ್‌'ಗಿಂತ ಒಂದೊಳ್ಳೆ ವೇದಿಕೆ ಸಿಗಲ್ಲ. ನಿಮ್ಮ ಆಟವನ್ನು ನೋಡಿದ್ರೆ ಇಲ್ಲಿಯವರೆಗೂ ಎಲ್ಲೂ ನನ್ನಿಂದ ತಪ್ಪಾಗಿದೆ. ಹೊರಗಡೆ ಹೋದಮೇಲೆ ಬದಲಾಗ್ತೀನಿ ಅಂತ ಸ್ಪಷ್ಚವಾಗಿ ಹೇಳಿಲ್ವಲ್ಲಾ ? ಎಂದು ಡ್ರೋನ್ ಪ್ರತಾಪ್‌ಗೆ ಜಾಹ್ನವಿ ಪ್ರಶ್ನೆ ಕೇಳಿದರು.

ಅದಕ್ಕೆ ಪ್ರತಾಪ್ ಅವರು ಕಿಚ್ಚ ಸುದೀಪ್ ಸರ್ ನನಗೆ ಚಪ್ಪಾಳೆ ಕೊಟ್ಟಾಗ ಒಂದು ಪ್ರಶ್ನೆ ಕೇಳ್ತಾರೆ. ಸಾಧನೆ ಮಧ್ಯೆ ತಪ್ಪುಗಳು ಆಗಿದ್ಯಾ ಅಂತ. ನಾನು 'ಹೌದು' ಅಂತ ಒಪ್ಪಿಕೊಂಡಿದ್ದೀನಿ. ನಾನು ಆಡಿದ ಮಾತುಗಳಿಗೆ ಕ್ಷಮೆ ಕೇಳಬೇಕು ಅಂದ್ರೆ ಇಲ್ಲೇ ಎದ್ದು ನಿಂತು ಕೇಳ್ತೀನಿ. ಅದಕ್ಕೇನು ನನಗೆ ಹಿಂಜರಿಕೆ ಇಲ್ಲ. ಜೊತೆಗೆ ನಾಡಿನ ಜನತೆಗೆ ನಾನು ಮಾಡಿರುವ, ಆಡಿರುವ ಕೆಲವು ಮಾತುಗಳಿಂದ. ಹೌದು ಕೆಲವು ಮಾತುಗಳನ್ನ ಹೇಳಿದ್ದೀನಿ. ನನ್ನಿಂದ ತಪ್ಪಾಗಿದೆ. ನಾನು ತಲೆಬಗ್ಗಿಸಿ ಕ್ಷಮೆ ಕೇಳ್ತಿನಿ. ನಾನೂ ಒಬ್ಬ ಮನುಷ್ಯನಾಗಿ ಹೊರಗಡೆ ಬದುಕೋದಕ್ಕೆ, ನನ್ನ ಸಂಸ್ಥೆ ಬೆಳೆಸೋದಕ್ಕೆ. ಒಂದು ಸಣ್ಣ ಕೆಲಸ ಏನು ಮಾಡುತ್ತಿದ್ದೀನಿ. ಅದನ್ನ ಮುಂದುವರೆಸೋದಕ್ಕೆ ಒಂದು ಅವಕಾಶ ಕೊಟ್ಟಿದ್ದೀರಾ. ಮುಂದೆಯೂ ಕೊಡ್ತಿರಾ ಅಂತ ಭಾವಿಸುತ್ತಾ ತಲೆಬಾಗಿ ಕ್ಷಮೆ ಕೇಳ್ತಾದ್ದೀನಿ ಎಂದು ಕ್ಷಮೆ ಕೇಳಿದರು. 

ಏನಾದರೂ ಆದಾಗ ಹೊರಗೆ ನನ್ನ ಪತ್ನಿ, ಮಗ ಇದ್ದಾರೆ. ಅವರುಗಳಿಗೆ ನನ್ನಿಂದ ನೋವಾಗಬಾರದು ಅಂತ ಹೇಳ್ತಿರಾ. ಪ್ರತಾಪ್ ವಿಷಯದಲ್ಲೂ ಅವರಿಗೂ ಒಂದು ಫ್ಯಾಮಿಲಿಯಿದೆ. ಅವರು ನೋಡ್ತಾ ಇರ್ತಾರೆ ಅಂತ ನಿಮಗೆ ಯಾಕೆ ಗೊತ್ತಾಗಲ್ಲ?ಎಂದು ವಿನಯ್‌ಗೆ ಕಿರಿಕ್ ಕೀರ್ತಿ ಕೇಳಿದ್ರು.

ಇದಕ್ಕೆ ಉತ್ತರಿಸಿದ ವಿನಯ್, ಪ್ರತಾಪ್ ವಿಷ್ಯದಲ್ಲಿ ನಾನು ತಪ್ಪು ಮಾತಾಡಿಲ್ಲ. ಅವನು ಮಾತಾಡಿರುವ ಕೆಲವು ಮಾತುಗಳಿಗೆ, ಕೊಟ್ಟಿರುವ ಸ್ಟೇಟ್‌ಮೆಂಟ್‌ಗಳು ತಪ್ಪು ಎನಿಸಿದಾಗ ನಾನು ಪ್ರಶ್ನೆ ಮಾಡಿದ್ದೀನಿ. ಪ್ರತಾಪ್‌ನ ಕೆಳಗೆ ಹಾಕಿ, ಹೊರಗಿನ ವಿಷಯಗಳನ್ನ ಮಾತಾಡಿಲ್ಲ. ಉಲ್ಟಾ ಪ್ರಶ್ನೆಗಳನ್ನ ಮಾಡಿದ್ದೀನಿ ಹೊರತು ಬೇರೆ ರೀತಿ ಮಾತಾಡಿಲ್ಲ ಅಂತ ಸ್ಪಷ್ಟಪಡಿಸಿದರು. 

ಸಂಗೀತಾ ಅವರೇ..ನಿಮ್ಮ ಮತ್ತು ಪ್ರತಾಪ್ ಬಾಂಡಿಂಗ್ ಮಧ್ಯೆದಲ್ಲಿ ತುಂಬಾ ಜಾಸ್ತಿಯಾಗುತ್ತೆ. ಪ್ರತಾಪ್‌ಗೆ ಇರುವ ಜನ ಬೆಂಬಲ ನೋಡಿ ನೀವು 'ಪ್ರತು..ತಮ್ಮ' ಅಂತ ಬಾಂಡಿಂಗ್‌ನ ಕ್ರಿಯೇಟ್ ಮಾಡಿಕೊಂಡ್ರಾ? ಇದು ಸ್ಟ್ರಾಟೆಜಿನಾ? ಅಥವಾ ಇದು ಪ್ರಾಮಾಣಿಕವಾಗಿ ಅವನನ್ನು ನೀವು ತಮ್ಮ ಅಂತ ಸ್ವೀಕರಿಸಿದ್ದೀರಾ? ಎಂದು ಜಾಹ್ನವಿ ಕೇಳಿದರು.

ಪ್ರತಾಪ್ ಯಾರು ಅಂತ ನನಗೆ ಆರಂಭದಲ್ಲಿ ಗೊತ್ತಿರಲಿಲ್ಲ. ಅಷ್ಟಕ್ಕೂ ಈ ಮನೆಯಲ್ಲಿ ವಿನಯ್ ಬಿಟ್ಟರೆ ಇನ್ಯಾರೂ ನನಗೆ ಪರಿಚಯ ಇರಲಿಲ್ಲ. ಡ್ರೋನ್ ಪ್ರತಾಪ್ ಟ್ರೋಲ್ ಆಗ್ತಿದ್ರು ಅಂತ ಗೊತ್ತಿತ್ತು. ಆದರೆ, ಬೇರೆ ಮಾಹಿತಿ ಗೊತ್ತಿರಲಿಲ್ಲ. ಅವನು ಸುಳ್ಳ, ನಂಬಬೇಡಿ ಅಂತ ಸ್ನೇಹಿತ್ ಹೇಳಿದಾಗ ನನಗೇನೂ ಐಡಿಯಾ ಇರಲಿಲ್ಲ. ಅಲ್ಲಿಂದಲೂ ಅವನಿಗೆ ನಾನು ಸಪೋರ್ಟ್ ಮಾಡ್ತಿದ್ದೆ. ಆಗಿನಿಂದಲೂ ಬಾಂಡಿಂಗ್ ಇತ್ತು. ಇಬ್ಬರಿಗೂ ಕಣ್ಣಿಗೆ ಏಟು ಬಿದ್ದಾಗ ಬಾಂಡಿಂಗ್ ಜಾಸ್ತಿಯಾಯಿತು. ನಾವಿಬ್ಬರೂ ಒಂದೇ ನೋವನ್ನು ಅನುಭವಿಸುತ್ತಿದ್ವಿ. ನಾನು ನನ್ನ ಅಣ್ಣನನ್ನು ಇವನಲ್ಲಿ ನೋಡ್ತಿನಿ. ಅವನು ಕೂಡ ಇದೇ ತರಹ ನೋವನ್ನೂ ತೋರಿಸಿಕೊಳ್ಳುವುದಿಲ್ಲ. ಆದರೆ, ಸಡನ್ ಅಗಿ ಬಸ್ಟ್ ಔಟ್ ಆಗ್ತಾನೆ. ಇದು ಅವನಲ್ಲಿ ಕಾಣಿಸಿತು. ಇವನಿಗೆ ಎಷ್ಟು ವೋಟ್ಸ್ ಸಿಗ್ತಿದೆ ಅಂತ ನನಗೆ ಗೊತ್ತಿಲ್ಲ. ಅದು ನನಗೆ ಬೇಕಾಗಿಲ್ಲ. ನನಗೆ ನನ್ನ ವೋಟ್ಸ್, ವ್ಯಕ್ತಿತ್ವ ಮುಖ್ಯ. ಇನ್ನೊಬ್ಬರ ವೋಟ್ಸ್ ನನಗೆ ಬೇಕಾಗಿಲ್ಲ ಅಂತ ಹೇಳಿದರು.