ತುಕಾಲಿ ಸಂತುಗೆ ಉಂಡೆಕೋಳಿ ತಿನ್ನುವಾಸೆ, ವರ್ತೂರ್‌ಗೆ ದೊಡ್ಮನೆಯೊಳಗೆ ಹಳ್ಳಿಕಾರ್ ಹೋರಿ ನೋಡುವಾಸೆ: ಉಳಿದವರ ಆಸೆ ಏನು ಗೊತ್ತಾ?

ಡ್ರೋನ್ ಪ್ರತಾಪ್ ತಾವು ಐದು ನಿಮಿಚಕ್ಕಾದರೂ ಬಿಗ್‌ಬಾಸ್‌ ಮನೆಯ ಕ್ಯಾಪ್ಟನ್ ಆಗಬೇಕು ಎಂದರು. ಅದರ ಜೊತೆಗೆ ತಮ್ಮ ಡ್ರೋನ್ ಅನ್ನು ಕಳಿಸಿಕೊಡಬೇಕು. ತಮ್ಮನ್ನು ಪ್ರೀತಿಸುವ, ಇಷ್ಟಪಡುವ ಅಗಂತುಕ ವ್ಯಕ್ತಿಯೊಡನೆ ಒಮ್ಮೆ ಮಾತನಾಡಬೇಕು ಎಂಬ ಆಸೆಯನ್ನು ವ್ಯಕ್ತಪಡಿಸಿದರು. 

ಸಂಗೀತಾ ಶೃಂಗೇರಿ ತುಸ ದೊಡ್ಡ ಆಸೆಗಳನ್ನೇ ಬಿಗ್‌ಬಾಸ್‌ ಮುಂದೆ ಹೇಳಿಕೊಂಡರು. ನನ್ನ ಇಷ್ಟದ ನಟ ಯಶ್ ಅವರಿಂದ ಹಾಗೂ ರಾಧಿಕಾ ಪಂಡಿತ್ ಅವರಿಂದ ಒಂದು ಸಂದೇಶ ಬಂದರೆ ನನಗೆ ಇನ್ನಷ್ಟು ಸ್ಪೂರ್ತಿ ತುಂಬಿದಂತಾಗುತ್ತದೆ. ಜೊತೆಗೆ ರಕ್ಷಿತ್ ಶೆಟ್ಟಿ, ರಾಜ್‌ ಬಿ ಶೆಟ್ಟಿ ಹಾಗೂ ನಿರ್ದೇಶಕ ಕಿರಣ್ ಮನೆಗೆ ಬಂದರೆ ಖುಷಿಯಾಗುತ್ತದೆ. ನನ್ನ ಅತ್ತಿಗೆಯೊಟ್ಟಿಗೆ ಹೆಚ್ಚು ಸಮಯ ಕಳೆಯಲು ಸಾಧ್ಯವಾಗಲಿಲ್ಲ, ಅವರನ್ನು ಕಳಿಸಿ. ಶ್ರುತಿ ಅವರಿಂದ ನನ್ನ ಗೇಮ್‌ಗೆ ಬಹಳ ಸಹಾಯವಾಯ್ತು. ಅವರಿಗೆ ಒಮ್ಮೆ ಕರೆಮಾಡಿ ಅವರಿಂದ ಟಿಪ್ ತೆಗೆದುಕೊಳ್ಳುವ ಆಸೆಯಿದೆ ಎಂದರು.

ವಿನಯ್ ಗೌಡ ಅವರು ಮನೆಯ ಎಲ್ಲಾ ಸದಸ್ಯರ ಮೀಮ್‌ಗಳನ್ನು ಹಾಕುವಂತೆ ಹೇಳಿದರು. ಒಂದು ಮೂವಿ ನೈಟ್ ಅರೆಂಜ್ ಮಾಡಿ ಸುದೀಪ್ ಅವರ ಯಾವುದಾದರೂ ಒಂದು ಸಿನಿಮಾ ತೋರಿಸುವಂತೆ ಹೇಳಿದರು. ಗಿಚ್ಚಿ-ಗಿಲಿಗಿಲಿ ತಂಡವನ್ನು ಕರೆಸಿ ಕಾಮಿಡಿ ಸ್ಕಿಟ್ ಮಾಡಿಸುವಂತೆ ಕೇಳಿದರು. ಫೈರ್ ಕ್ಯಾಂಪ್‌ ಒಂದನ್ನು ಅರೆಂಜ್ ಮಾಡುವಂತೆಯೂ ಮನವಿ ಮಾಡಿದರು. 

ಕಾರ್ತಿಕ್ ಮಹೇಶ್ ತಾವು ಡೊಳ್ಳು ಕುಣಿತ ಕಲಿತಿದ್ದು ಅದರ ಪ್ರದರ್ಶನಕ್ಕೆ ಅವಕಾಶ್ ಕೊಡುವಂತೆ ಕೇಳಿದರು. ಸುದೀಪ್‌ ಅವರ ಡೈಲಾಗ್ ಒಂದನ್ನು ಪ್ರದರ್ಶಿಸುವ ಆಸೆಯಿದೆಯೆಂದು ಹೇಳಿದರು. ತಮ್ಮ ತಂಗಿಯ ಜೊತೆಗೆ ಮಾತನಾಡಲು ಅವಕಾಶ ನೀಡುವಂತೆ ಸಹ ಮನವಿ ಮಾಡಿದರು. 

ಇನ್ನು ವರ್ತೂರು ಸಂತೋಷ್ ಅವರು ಹಳ್ಳಿಕಾರ್ ಹೋರಿಗಳನ್ನು ಮನೆಯೊಳಗೆ ಕರೆಸುವಂತೆ ಹೇಳಿದರು. ಜೊತೆಗೆ ಹಳ್ಳಿಕಾರ್ ಟಿ ಶರ್ಟ್ ಹಾಗೂ ಚೈನ್ ಕೊಡಿ ಅಂದರು. ಇದರ ಜೊತೆಗೆ ಬಿಗ್‌ಬಾಸ್‌ ಅನ್ನು ನೋಡಬೇಕೆಂಬ ಆಸೆ ವ್ಯಕ್ತಪಡಿಸಿದರು. ಆದರೆ, ಬಿಗ್‌ಬಾಸ್‌ ಅದು ಅಸಾದ್ಯ ಅಂತ ಹೇಳಿದರು. 

ತುಕಾಲಿ ಸಂತೋಷ್ ತಾವು ಕ್ಯಾಪ್ಟನ್ ಆಗುವ ಆಸೆಯಿದೆ ಎಂದರು. ಬಳಿಕ ತಮಗೆ ಉಂಡೆ ಕೋಳಿ ತಿನ್ನುವ ಆಸೆಯಾಗಿದೆ ಎಂದರು. ಅದಾದ ಬಳಿಕ ಮನೆಯ ಎಲ್ಲಾ ಸದಸ್ಯರು ಒಂದು ದಿನ ನನ್ನ ಮಾತನ್ನು ಕೇಳುವಂತೆ ಮಾಡಿ ಎಂದರು. ತಮಗೆ ಒಳ್ಳೆಯ ಬಟ್ಟೆಗಳನ್ನು ಧರಿಸಬೇಕು, ಹೀರೋ ರೀತಿ ಕಾಣಿಸಿಕೊಳ್ಳಬೇಕು ಎಂಬ ಆಸೆಯಿದೆ ಎಂದರು. ಇದರಲ್ಲಿ ಪ್ರತಾಪ್ ಹಾಗೂತುಕಾಲಿ ಸಂತು ಅವರನ್ನು ಕ್ಯಾಪ್ಟನ್ ಮಾಡಲು ಬಿಗ್‌ಬಾಸ್‌ ವೋಟಿಂಗ್ ಮಾಡಿಸಿದರು. ಆದರೆ, ಇಬ್ಬರಿಗೂ ಸಮಾನವಾದ ಮತ ಸಿಕ್ಕಿದ್ದರಿಂದ ಇಬ್ಬರೂ ಕ್ಯಾಪ್ಟನ್ ಆಗಲು ಸಾಧ್ಯವಾಗಲಿಲ್ಲ.