ಬಿಗ್‌ಬಾಸ್‌ ಸೀಸನ್ 10ರ ಮನೆಯಲ್ಲಿ ಸ್ನೇಹಿತ್ ಗೌಡ ಮಾಡಿಕೊಂಡ ಎಡವಟ್ಟುಗಳಿವು!

ಆರನೇ ವಾರ ಸ್ಪರ್ಧಿಗಳಿಗೆ ಬಿಗ್‌ಬಾಸ್ ವಿಶೇಷ ಟಾಸ್ಕ್ ನೀಡಿದ್ದರು. ಅದರ ಪ್ರಕಾರ, ಎಲ್ಲಾ ಸ್ಪರ್ಧಿಗಳ ಮನೆಯಿಂದ ಪತ್ರಗಳು ಬಂದಿದ್ದು, ಆ ಲೆಟರ್ ಪಡೆದುಕೊಳ್ಳಲು ಬಿಗ್‌ಬಾಸ್‌ ಕೊಡುವ ಟಾಸ್ಕ್ ಗೆಲ್ಲಬೇಕು. ಆ ಟಾಸ್ಕ್‌ನಲ್ಲಿ ವಿನಯ್ ಗೌಡ, ನಮ್ರತಾ ಗೌಡ ಹಾಗೂ ನೀತು ಗೆದ್ದಿದ್ದರು. ಆದರೆ, ಇಬ್ಬರಿಗೆ ಮಾತ್ರ ಪತ್ರ ಪಡೆಯುವ ಅವಕಾಶವಿತ್ತು.  ಬಿಗ್‌ಬಾಸ್ ಮೂವರು ಚರ್ಚಿಸಿ ನಿರ್ಧಾರ ತೆಗೆದುಕೊಳ್ಳುವಂತೆ ಸೂಚಿಸಿದ್ದರು. ಸ್ನೇಹಿತ್‌ ಅವರು ನೀತು ಬಳಿಬಂದು ಕಣ್ಣೀರಿಡುತ್ತಾ, ನಮ್ರತಾಗೆ ಲೆಟರ್ ಕೊಡಿ. ನಿಮಗಾಗಿ ನಾನು ಏನು ಬೇಕಾದರೂ ಮಾಡುತ್ತೇನೆ ಎಂದಿದ್ದರು. ಆ ಮಾತಿನಿಂದ ಸಂಕಷ್ಟಕ್ಕೆ ಸಿಲುಕಿದ್ದ ಅವರು, ಮನೆಯಿಂದ ಎಲಿಮಿನೇಟ್ ಆಗುವ ಸ್ಥಿತಿಗೂ ಹೋಗಿದ್ದರು.  

ಅವಶ್ಕಕತೆ ಇಲ್ಲದಿದ್ದರೂ ತಮಗಾಗಿ ರಿಸ್ಕ್ ತೆಗೆದುಕೊಂಡ ಸ್ನೇಹಿತ್ ಅವರ ಮೇಲೆ ನಮ್ರತಾ ಗೌಡ ಅವರು ಸಿಕ್ಕಾಪಟ್ಟೆ ಗರಂ ಆಗಿದ್ದರು. ಜೊತೆಗೆ ನನಗಾಗಿ ಏನೂ ಮಾಡಬೇಡಿ. ನೀವು ಎಲಿಮಿನೇಟ್ ಆಗಿ ಹೋಗಿದ್ದರೆ ಏನು ಮಾಡುತ್ತಿದ್ರಿ ಅಂತ ಜೋರು ಧ್ವನಿಯಲ್ಲಿ ಹೇಳಿದ್ದರು. 

ಪ್ರತಿ ವಾರ ನಡೆಯುವ ಕಳಪೆ ಹಾಗೂ ಉತ್ತಮ ಆಯ್ಕೆಯಲ್ಲಿ ಯಾರೂ ಚರ್ಚೆ ನಡೆಸುವಂತಿಲ್ಲ. ಆದರೆ, ಸ್ನೇಹಿತ್ ಪ್ರತಿ ಬಾರಿ ತಮ್ಮ ತಂಡದಲ್ಲಿ ಚರ್ಚೆ ನಡೆಸುತ್ತಿದ್ದರು. ನಂತರ ಸುದೀಪ್ ಬುದ್ಧಿವಾದ ಹೇಳಿದ್ದರು. ಆದರೂ ಆವರು ಬದಲಾಗೇ ಇಲ್ಲ. ಸ್ನೇಹಿತ್ ಮತ್ತೆ ಅದೇ ಕೆಲಸವನ್ನು ಮಾಡಿದ್ದರು. 

ಬಾತ್‌ರೂಮ್ ಹೋಗುವ ವಿಚಾರಕ್ಕೆ ವಿನಯ್ ಹಾಗೂ ಸ್ನೇಹಿತ್ ಅಡ್ಜಸ್ಟಮೆಂಟ್ ಮಾಡಿಕೊಂಡಿದ್ದರು. ಇದನ್ನು ಗಮನಿಸಿದ ಡ್ರೋನ್ ಪ್ರತಾಪ್, ಅವರನ್ನು ಪ್ರಶ್ನೆ ಮಾಡಿದ್ದರು. ನೀವೇನು ಮೇಲಿಂದ ಬಂದವರಲ್ಲ ಅಂತ ನೇರವಾಗಿ ಮಾತನಾಡಿದ್ದರು. ಇದಕ್ಕೆ ಸ್ನೇಹಿತ್ ಹಾಗೆಯೇ ಮಾಡುತ್ತೇವೆ ಏನೀಗ ಅಂತ ಏರುಧ್ವನಿಯಲ್ಲಿ ಮಾತನಾಡಿದ್ದರು.  ಈ ಬಗ್ಗೆ ವಾರಾಂತ್ಯದಲ್ಲಿ ಸ್ನೇಹಿತ್‌ ಅವರಿಗೆ ಕಿಚ್ಚ ಸುದೀಪ್ ಕ್ಲಾಸ್ ತೆಗೆದುಕೊಂಡಿದ್ದರು. 

ಇತ್ತೀಚೆಗೆ ರಾತ್ರಿ ವೇಳೆ ಬಿಗ್‌ಬಾಸ್ ಸ್ಪರ್ಧಿಗಳು ಊಟ ಮಾಡುವಾಗ ಅನ್ನ ಕಡಿಮೆಯಾಗಿತ್ತು. ಅನ್ನ ಕಡಿಮೆಯಿದೆ ಅಂತ ಗೊತ್ತಿದ್ದರೂ ಕೂಡ ಸ್ನೇಹಿತ್ ತಟ್ಟೆ ತುಂಬಾ ಅನ್ನ ಹಾಕಿಕೊಂಡು ಊಟ ಮಾಡುತ್ತಿದ್ದರು. ಇದನ್ನು ಕಂಡು ಕ್ಯಾಪ್ಟನ್ ಕಾರ್ತಿಕ್ ಗರಂ ಆಗಿದ್ದರು. ಈ ವೇಳೆ ಸ್ನೇಹಿತ್ ವರ್ತನೆಗೆ ಆಕ್ಷೇಪ ವ್ಯಕ್ತವಾಗಿತ್ತು. 

ಬಿಗ್‌ಬಾಸ್ ಮನೆಯಲ್ಲಿ ಸ್ನೇಹಿತ್ ಅವರು ನಮ್ರತಾ ಅವರ ಜೊತೆ ಆಪ್ತತೆ ಬೆಳಸಿಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ. ಇದು ಹಲವು ಬಾರಿ ನಮ್ರತಾಗೆ ಇರಿಟೇಷನ್ ಅನಿಸುತ್ತೆ. ಈ ಬಗ್ಗೆ ಅವರು ನೇರವಾಗಿ ಹೇಳಿದ್ದಿದೆ.. ಆದರೂ ಸ್ನೇಹಿತ್ ಅದನ್ನು ಮುಂದುವರೆಸುತ್ತಿದ್ದಾರೆ. ನಂತರದಲ್ಲಿ ಈ ವಿಷಯ ನಮ್ರತಾ ಕಣ್ಣೀರು ಹಾಕುವ ಹಂತ ತಲುಪಿತ್ತು. ಸ್ಮೈಲ್ ಮಾಡ್ಕೊಂಡು ಎಲ್ಲರನ್ನೂ ಚಿಲ್ಲಾಗಿ ಗೆದುಕೊಳ್ಳುತ್ತಿದ್ದೇನೆ ಎಂದ ಮಾತ್ರಕ್ಕೆ ಎಲ್ಲವೂ ಸರಿಯಿದೆ ಎಂದಲ್ಲ ಎಂದು ನಮ್ರತಾ ಹೇಳಿದ್ದರು. ಅದಕ್ಕೆ ಸ್ನೇಹಿತ್, ನಾನು ಮಾತನಾಡುವುದನ್ನು ನಿಲ್ಲಿಸಬೇಕೆ? ನಿಮ್ಮಿಂದ ದೂರ ಹೋಗಲೇ ಅಂತ ಪ್ರಶ್ನಿಸಿದ್ದರು. ಅದಕ್ಕೆ ನಮ್ರತಾ, ನಿಮಗೆ ಬೇಕಾದಾಗ ನೀವು ಮಾತು ನಿಲ್ಲಿಸಬಹುದು. ನಿಮಗೆ ಬೇಕಾದಾಗ ನೀವು ಬ್ಲೇಮ್ ಮಾಡಬಹುದು. ಮೊದಲ ದಿನದಿಂದಲೂ ಇದನ್ನೂ ಮಾಡ್ತಿದ್ದೀರಿ. ನಾವು ಒಬ್ಬರಿಗೊಬ್ಬರು ಹರ್ಟ್ ಮಾಡಿಕೊಳ್ಳುತ್ತಿದ್ದೇವೆ. ನಿಮಗೆ ನಿಜಕ್ಕೂ ಏನು ಬೇಕು ಎಂದು ಪ್ರಶ್ನಿಸಿದ್ದರು. ಅದಕ್ಕೆ ಸ್ನೇಹಿತ್, ನಿಮಗೆ ಯಾವಾಗಾದರೂ ಒನ್‌ ಸೈಡ್ ಲವ್ ಇತ್ತಾ? ಅಂತ ಮರು ಪ್ರಶ್ನೆ ಮಾಡಿದ್ದರು. ಅದಕ್ಕೆ ನಮ್ರತಾ, ನೀವು ನನ್ನನ್ನು ಲೈಕ್ ಮಾಡ್ತೀರಿ ಅನ್ನೋದು ಗೊತ್ತು. ನನಗೆ ಓಪನ್ ಆಗೋಕೆ ಸಮಯ ಬೇಕು. ಒಂದು ತಿಂಗಳಲ್ಲಿ ಇದೆಲ್ಲಾ ಆಗಬೇಕು ಅಂದ್ರೆ ಆಗಲ್ಲ ಅಂತ ಕಣ್ಣಲ್ಲಿ ನೀರು ತುಂಬಿಕೊಂಡಿದ್ದರು.