ಬಿಗ್‌ಬಾಸ್ ಸ್ಫರ್ಧಿ ರಜತ್ ಕಿಶನ್ ಅವರ ಉದ್ಯಮ ಮತ್ತು ರಿಯಾಲಿಟಿ ಶೋಗಳ ಲಿಸ್ಟ್ ಇಲ್ಲಿದೆ.

1991 ಸೆಪ್ಟಂಬರ್ 21ರಂದು ಜನಿಸಿದ ರಜತ್‌ಗೆ ಈಗ  33 ವರ್ಷ ವಯಸ್ಸು. ಮೂಲತಃ ಬೆಂಗಳೂರಿನರಾದ ರಜತ್ ಅವರ ತಾತ ಎಲ್‌ಐಸಿ ಏಜೆಂಟ್ ಆಗಿದ್ದರು. ತಾತನ ಕಾಲದಿಂದಲೂ ರಜತ್ ಕುಟುಂಬಸ್ಥರು ಬೆಂಗಳೂರಿನ ಶಂಕರಮಠದಲ್ಲೇ ನೆಲೆಸಿದ್ದಾರೆ.  ಎಂಬೆಸ್ಸಿ ಪಬ್ಲಿಕ್ ಸ್ಕೂಲ್‌ನಲ್ಲಿ ಆರಂಭಿಕ ಶಿಕ್ಷಣ ಮುಗಿಸಿರುವ ರಜತ್, ಆಚಾರ್ಯ್ ಇನ್ಸಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಕಾಲೇಜು ಶಿಕ್ಷಣ ಮುಗಿಸಿದ್ದಾರೆ. ನಂತರ ಎಂಎನ್‌ಟಿಐನಲ್ಲಿ ಡಿಪ್ಲೋಮಾ ಇನ್ ಇನ್‌ಫಾರ್ಮ್ಮೇಷನ್ ಮುಗಿಸಿದ್ದಾರೆ.

ವೃತ್ತಿಯಲ್ಲಿ ಉದಗಯಮಿಯಾಗಿರುವ ರಜತ್ ಕಿಶನ್, ಫೈನಾನ್ಸ್ ಬಿಜಿನೆಸ್ ನಡೆಸುತ್ತಿದ್ದಾರೆ. ಇವರ ಪತ್ನಿ ಅಕ್ಷತಾ ಕೂಡ ಪ್ಯಾಟೇ ಹುಡ್ಗೀರ್ ಹಳ್ಳಿ ಲೈಫು ಸೇರಿದಂತೆ ಹಲವು ರಿಯಾಲಿಟಿ ಶೋಗಳ ಮೂಲಕ ಜನಪ್ರಿಯತೆ ಗಳಿಸಿದ್ದಾರೆ. ಈ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ.

2014ರಲ್ಲಿ ರಜತ್ ಪತ್ನಿ ಅಕ್ಷತಾ 'ಪ್ಯಾಟೇ ಹುಡ್ಗೀರ್ ಹಳ್ಳಿ ಲೈಫು ' ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದರು. ಇದೇ ಶೋ ಮೂಲಕ ರಜತ್ ಅಕ್ಷತಾ ಪತಿಯಾಗಿ ಕರ್ನಾಟಕದ ಜನತೆಗೆ ಪರಿಚಯವಾಗಿದ್ದರು. ಅಕ್ಷತಾ ಈ ಶೋನ ರನ್ನರ್ ಅಪ್ ಕೂಡ ಆಗಿದ್ದರು. ನಂತರ ಸೂಪರ್ ಜೋಡಿ ಎಂಬ ಕಪಲ್ ಶೋನಲ್ಲಿ ಇವರಿಬ್ಬರು ಭಾಗವಹಿಸಿ, ಎರಡನೇ ರನ್ನರ್ ಅಪ್ ಆಗಿದ್ದರು. ಜೊತೆಗೆ ಪೀಪಲ್ ಫೇವರಿಟ್ ಕಂಟೆಸ್ಟೆಂಟ್ ಅವಾರ್ಡ್ ಪಡೆದಿದ್ದರು.

ನಂತರ ಡ್ಯಾನ್ಸ್ ಡ್ಯಾನ್ಸ್ ಎಂಬ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದ ರಜತ್, ಗೀತಾಂಜಲಿ ಎಂಬ ಸೀರಿಯಲ್‌ನಲ್ಲಿ ವಿಲನ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಕಬ್ಬಡಿ ಆಟಗಾರನಾಗಿರುವ ಇವರು 'ಸೂಪರ್ ಕಬ್ಬಡಿ'ಯಲ್ಲಿ ಮೇನ್ ಕ್ಯಾಪ್ಟನ್ ಆಗಿ ಸ್ಪರ್ಧಿಸಿದ್ದರು. ಇವರ ಪತ್ನಿ ಅಕ್ಷತಾ ಕೂಡ ಇದರಲ್ಲಿ ಪ್ಲೇಯರ್ ಆಗಿದ್ದರು.

ರಾಜಾ-ರಾಣಿ ಸೀಸನ್ ಒಂದರಲ್ಲಿ ಭಾಗವಹಿಸಿದ್ದ ಈ ಜೋಡಿ, ಎರಡನೇ ರನ್ನರ್ ಅಪ್ ಆಗಿದ್ದರು. ಇವುಗಳಲ್ಲದೇ ನಿರಂಜನ್ ದೇಶಪಾಂಡೆ ಹೋಸ್ಟ್ ಮಾಡುತ್ತಿದ್ದ ಭಲೇ ಕಿಲಾಡಿ ಮತ್ತು ಅಕುಲ್ ಬಾಲಾಜಿ ನಿರೂಪಣೆಯ ಸಿಕ್ಸ್ತ ಸೆನ್ಸ್ ಕಾರ್ಯಕ್ರಮದಲ್ಲೂ ಭಾಗವಹಿಸಿದ್ದರು.