ಬಿಲ್ಲ ರಂಗ ಭಾಷಾ ಟು ರಾಜಾವೀರ ಮದಕರಿ ನಾಯಕ: ಅಪೂರ್ಣವಾಗಿ ಉಳಿದಿರುವ ಸ್ಯಾಂಡಲ್‌ವುಡ್ ಸ್ಟಾರ್ ನಟರ ಸಿನಿಮಾಗಳಿವು!

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅವರ ಕೈಯಲ್ಲಿ ಸದ್ಯ ಹತ್ತಕ್ಕೂ ಹೆಚ್ಚು ಸಿನಿಮಾಗಳಿವೆ. ತಮ್ಮ ವಿಶಿಷ್ಟ ಮ್ಯಾನರಿಸಂ ಹಾಗೂ ವಿಭಿನ್ನ ಪಾತ್ರಗಳ ಮೂಲಕ ಗಮನ ಸೆಳೆದಿರುವ ಶಿವಣ್ಣನ ಚಿತ್ರಗಳ ಬಗ್ಗೆ ಸಾಕಷ್ಟು ಕುತೂಹಲಗಳಿರುತ್ತವೆ. ಆದರೆ, ಈ ಹಿಂದೆ ಅನೌನ್ಸ್ ಆಗಿದ್ದ ಸೆಂಚುರಿ ಸ್ಟಾರ್ ಶಿವಣ್ಣನ ಕೆಲ ಸಿನಿಮಾಗಳು ಇನ್ನೂ ಬಿಡುಗಡೆ ಭಾಗ್ಯ ಕಂಡಿಲ್ಲ. ಹಾಗಾದರೆ, ಸಿನಿಮಾಗಳು ಯಾವವು ಎಂಬುದನ್ನು ಕೆಳಗೆ ನೋಡೋಣ.

ಮನಮೋಕ- ಸಿಂಪಲ್‌ ಸುನಿ ನಿರ್ದೇಶನ
ಬದ್ಮಾಶ್- ಆರ್ ಚಂದ್ರು 
ಖದರ್- ಕುಮಾರ್ ಎಸ್ ರಾಜ್‌ 
ಕಾಳಿ-ಜೋಗಿ ಪ್ರೇಮ್ 

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಸ್ಯಾಂಡಲ್‌ವುಡ್‌ನ ಬಹುಮುಖ ಪ್ರತಿಭೆ. ಭಾರತೀಯ ಚಿತ್ರರಂಗದಲ್ಲಿ ಹಲವು ಸ್ಟಾರ್ ನಟರಿದ್ದಾರೆ. ಅದರಲ್ಲಿ ಕೆಲವರಷ್ಟೆ ಎಂಥಹ ಪಾತ್ರಗಳಲ್ಲಿಯೂ ಉತ್ತಮವಾಗಿ ನಟಿಸಬಲ್ಲರು. ಅಂಥಹವರಲ್ಲಿ ಒಬ್ಬರು ಕನ್ನಡಿಗ ನಟ ಸುದೀಪ್. ಬಿಲ್ಡಪ್ ತುಂಬಿದ ನಾಯಕ ಪಾತ್ರಗಳನ್ನು ಸುದೀಪ್ ಹಲವು ಮಾಡಿದ್ದಾರೆ. ಆದರೆ, ಸುದೀಪ್ ಕೇವಲ ಅದೊಂದೇ ಮಾದರಿಯ ಪಾತ್ರಗಳಿಗೆ ಗಂಟು ಬಿದ್ದವರಲ್ಲ. ಆ ರೀತಿಯ ಪಾತ್ರಗಳನ್ನು ಅವರೇ ಅರಸಿ ಹೋದವರೂ ಅಲ್ಲ. ಬದಲಿಗೆ ಮಾಸ್ ಇಮೇಜಿನ ಪಾತ್ರಗಳ ನಡುವೆ ಒಳ್ಳೆಯ ಪಾತ್ರಗಳನ್ನು ಅರಸಿದ್ದಿದೆ, ಹಠಕ್ಕೆ ಬಿದ್ದು ನಟಿಸಿದ್ದಿದೆ. ಇಲ್ಲಿ ಪ್ರೇಕ್ಷಕರಲ್ಲಿ ನಿರೀಕ್ಷೆ ಹುಟ್ಟಿಸಿ, ಇನ್ನೂ ನಿರ್ಮಾಣವಾಗದ ಸುದೀಪ್ ಸಿನಿಮಾಗಳನ್ನು ನೀಡಲಾಗಿದೆ.

ಕಲ್ವಾರ್‌ಲಾಲ್-ಸುದೀಪ್ 
ಥಗ್ಸ್ ಆಫ್ ಮಾಲ್ಗುಡಿ-ರಕ್ಷಿತ್ ಶೆಟ್ಟಿ 
ಕಾಳಿ-ಶಿವಣ್ಣ-ಪ್ರೇಮ್-ಹಂಸಲೇಖ
ಬಿಲ್ಲ ರಂಗ ಭಾಷಾ-ಅನುಫ್ ಬಂಡಾರಿ
ಅಶ್ವತ್ಥಾಮ-ಅನೂಪ್ ಭಂಡಾರಿ
ರೈಸನ್-ಹಾಲಿವುಡ್

ಕನ್ನಡ ಚಿತ್ರರಂಗದಲ್ಲಿ ಅತಿಹೆಚ್ಚು ಅಭಿಮಾನಿಗಳಲ್ಲಿ ಹೊಂದಿರುವ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸಿನಿಮಾಗಳ ಮೇಲೆಯೂ ಸಾಕಷ್ಟು ನಿರೀಕ್ಷೆಗಳಿರುತ್ತವೆ. ದರ್ಶನ್ ಈಗಾಗಲೇ ಹಲವು ಯಶಸ್ವಿ ಸಿನಿಮಾಗಳನ್ನು ನೀಡಿದ್ದು, ಪ್ರಮುಖ ನಿರ್ದೇಶಕರೊಂದಿಗೆ ಕೈಜೋಡಿಸಿದ್ದಾರೆ. ಆದರೆ, ಡಿ ಬಾಸ್ ಅವರ ಕೆಲ ಸಿನಿಮಾಗಳು ಇನ್ನೂ ಕಾರ್ಯರೂಪಕ್ಕೆ ಬಂದಿಲ್ಲ. ಆ ಚಿತ್ರಗಳು ಯಾವವು? ಎಂಬ ಮಾಹಿತಿ ಕೆಳಗಿದೆ.

ಕಪಾಲಿ-ಉಪೇಂದ್ರ ಬರೆದ ಕಥೆ
ರಾಜಾವೀರ ಮದಕರಿ ನಾಯಕ-ರಾಜೇಂದ್ರ ಸಿಂಗ್ ಬಾಬು & ರಾಕ್‌ಲೈನ್ ವೆಂಕಟೇಶ್
ಸಿಂಧೂರ ಲಕ್ಷ್ಮಣ- ತರುಣ್ ಸುಧೀರ್
ಸರ್ವಾಂತರ್ಯಾಮಿ-ದಿನಕರ್ ತೂಗುದೀಪ್
ಗೋಲ್ಡ್ ರಿಂಗ್-ರಾಕ್‌ಲೈನ್ ವೆಂಕಟೇಶ್

ಹಾಸನದಲ್ಲಿ ನವೀನ್‌ಕುಮಾರ್ ಗೌಡ ಆಗಿ ಹುಟ್ಟಿದ ಯಶ್, ಇಂದು ರಾಕಿಂಗ್ ಸ್ಟಾರ್ ಆಗಿ ಅಸಂಖ್ಯಾತ ಅಭಿಮಾನಿಗಳ ಆರಾಧ್ಯ ದೈವ ಎನಿಸಿಕೊಂಡಿದ್ದಾರೆ. KGF ರೀತಿಯ ಸೆನ್ಸೇಷನ್‌ ಸಿನಿಮಾದಿಂದ ದೇಶ ವಿದೇಶದಲ್ಲೂ ರಾಕಿ ಭಾಯ್ ಆಗಿ ಚಿರಪರಿಚಿತರಾಗಿದ್ದಾರೆ. ಯಶ್ ಕಾಲ್‌ಶೀಟ್‌ಗಾಗಿ ಪರಭಾಷಾ ನಿರ್ಮಾಪಕರು ಕ್ಯೂ ನಿಂತಿದ್ದಾರೆ. ಕೇವಲ 18 ಸಿನಿಮಾಗಳಲ್ಲಿ ನಟಿಸಿ, ಸೂಪರ್ ಸ್ಟಾರ್ ಪಟ್ಟಕ್ಕೇರಿದ್ದಾರೆ.  ಒಂದೇ ಒಂದು ಸಿನಿಮಾದಿಂದ ಇಡೀ ಭಾರತೀಯ ಚಿತ್ರರಂಗ ಮತ್ತೊಮ್ಮೆ ಸ್ಯಾಂಡಲ್‌ವುಡ್‌ನತ್ತ ತಿರುಗಿ ನೋಡುವಂತೆ ಮಾಡಿದ್ದಾರೆ. ಆದರೆ, ಕೆಜಿಎಫ್ ಸಿನಿಮಾ ಚಿತ್ರೀಕರಣವಾಗುತ್ತಿದ್ದಂತೆ ಯಶ್ 'ಕಿರಾತಕ 2' ಚಿತ್ರಕ್ಕೆ ಸಹಿ ಹಾಕಿದ್ದರು. ದುರಾದೃಷ್ಟವಶಾತ್ ಆ ಸಿನಿಮಾ ಪೂರ್ಣವಾಗಲಿಲ್ಲ. 

ಡಿವೈನ್ ಸ್ಟಾರ್ ರಿಷಭ್ ಶೆಟ್ಟಿ ಕಾಂತಾರ ಯಶಸ್ಸಿನ ನಂತರ ಪ್ಯಾನ್ ಇಂಡಿಯಾ ಸ್ಟಾರ್ ಮನ್ನಣೆ ಪಡೆದಿದ್ದಾರೆ. ನಟ ಮತ್ತು ನಿರ್ದೇಶಕರಾಗಿ ಗುರುತಿಸಿಕೊಂಡಿರುವ ಅವರು ಸದ್ಯ ಕಾಂತಾರ ಚಿತ್ರದ ಮೇಲೆ ಹೆಚ್ಚು ಗಮನ ಹರಿಸುತ್ತಿದ್ದಾರೆ. ಇದೊಂದು ಬಿಗ್ ಬಜೆಟ್ ಸಿನಿಮಾವಾಗಿದೆ. ಕಾಂತಾರಕ್ಕೂ ರಿಷಭ್ ಶೆಟ್ಟಿ ಕೆಲ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದರು. ಅವುಗಳ ಸದ್ಯ ಯಾವುದೇ ಅಪ್‌ಡೇಟ್ ಸಿಕ್ಕಿಲ್ಲ. ಆ ಸಿನಿಮಾಗಳ ಪಟ್ಟಿ ಇಲ್ಲಿದೆ.

ರುದ್ರಪ್ರಯಾಗ
ಬೆಲ್ ಬಾಟಮ್ 2-ಜಯತೀರ್ಥ
ಅಂಟಗೋನಿ ಶೆಟ್ಟಿ-ಸಮರ್ಥ್ ಕಡಕೋಲ್

ನಟ ಉಪೇಂದ್ರಗೆ ರಿಯಲ್ ಸ್ಟಾರ್ ಎಂಬ ಬಿರುದು ಬಂದಿದ್ದೆ ಅವರ ರಿಯಾಲಿಸ್ಟಿಕ್ ಸಿನಿಮಾಗಳಿಂದ. ಕನ್ನಡ ಚಿತ್ರರಂಗದಲ್ಲಿ ಟ್ರೆಂಡ್ ಸೆಟ್ಟರ್ ಡೈರೆಕ್ಟರ್ ಆಗಿರೋ ರಿಯಲ್ ಸ್ಟಾರ್ ಉಪೇಂದ್ರ ಡಿಫರೆಂಟ್ ಅಂದರೆ ಏನು ಅಂತ ಕನ್ನಡ ಚಿತ್ರರಂಗಕ್ಕೇ ತೋರಿಸಿಕೊಟ್ಟವರು. ವಿಭಿನ್ನ ಕತೆ, ವಿಶಿಷ್ಟ ಸಂಭಾಷಣೆ, ವಿಶೇಷ ಹಾಡುಗಳಿಂದ ಪ್ರೇಕ್ಷಕರನ್ನು ರಂಜಿಸುವ ಉಪೇಂದ್ರ ಅವರ ಕೆಲ ಸಿನಿಮಾಗಳು ಕೂಡ ಇನ್ನೂ ಕಂಪ್ಲೀಟ್ ಆಗಿಲ್ಲ. 

ಉಪ್ಪಿರುಪ್ಪಿ-ಕ ಮಾದೇಶ್-ಸಾಧುಕೋಕಿಲ
ಮೋದಿ-ಉದಯ ಪ್ರಕಾಶ್
ಲಗಾಮ್-ಕ ಮಾದೇಶ್ವರ
ಭೀಮೂಸ್ ಬ್ಯಾಂಗ್ ಬ್ಯಾಂಗ್ ಕಿಡ್ಸ್-ಉಪೇಂದ್ರ-ರಮ್ಯಾ-ರಾಜೇಂದ್ರ ಬಾಬು

ಕ್ರೇಜಿಸ್ಟಾರ್ ರವಿಚಂದ್ರನ್ ಅವರ ಕೆಲವೊಂದು ಸಿನಿಮಾಗಳು ಮುಹೂರ್ತ ಹಾಗೂ ಮತ್ತೆ ಕೆಲವು ಸಿನಿಮಾಗಳು ಶೂಟಿಂಗ್ ಆಗಿ ಅರ್ಧಕ್ಕೆ ನಿಂತಿವೆ. ಅದರಲ್ಲಿ 'ಮಂಜಿನ ಹನಿ ' ಕೂಡ ಒಂದು. 2015ರಲ್ಲಿ ಆರಂಭವಾಗಿದ್ದ ಮಂಜಿನ ಹನಿ ರವಿಚಂದ್ರನ್ ಅವರ ಕನಸಿನ ಸಿನಿಮಾವಾಗಿತ್ತು. ಈ ಚಿತ್ರದಲ್ಲಿ ಸುಮಾರು 9 ಶೇಡ್​​​ಗಳಲ್ಲಿ ಕಾಣಿಸಿಕೊಳ್ಳಲು ರೆಡಿಯಾಗಿದ್ದರು. ಚಿತ್ರವನ್ನು 9 ಕೋಟಿ ರೂಪಾಯಿ ವೆಚ್ಚದಲ್ಲಿ ತಯಾರಿ ಮಾಡಲು ನಿರ್ಧರಿಸಿದ್ದರು. ಆದರೆ, ಬಜೆಟ್ ಕಾರಣ ಚಿತ್ರ ಮುಂದುವರೆಯಲಿಲ್ಲ. 

ಸ್ಯಾಂಡಲ್‌ವುಡ್ ಬ್ಲ್ಯಾಕ್ ಕೋಬ್ರಾ ದುನಿಯಾ ವಿಜಯ್ ಸದ್ಯ 'ಭೀಮಾ' ಸಿನಿಮಾದಲ್ಲಿ ಬ್ಯುಸಿಯಾಗಿದ್ದರು. ವಿಜಯ್ ಈ ಸಿನಿಮಾಗೂ ಮೊದಲು ಹಲವು ಚಿತ್ರಗಳಿಗೆ ಸಹಿ ಹಾಕಿದ್ದರು. ಆದರೆ, ಈ ಪೈಕಿ ಕೆಲ ಚಿತ್ರಗಳು ನಿರ್ಮಾಣಗೊಂಡಿಲ್ಲ.  

ಕುಸ್ತಿ-ದುನಿಯಾ ವಿಜಯ್
ಕೋಬ್ರಾ- ಹೆಚ್‌ ವಾಸು
ಪುಟ್ಟ-ಓಂ ಪ್ರಕಾಶ್ ರಾವ್
ಮುಖ್ಯಮಂತ್ರಿ ಐ ಲವ್ ಯೂ-ರವಿ ಬೆಳಗೆರೆ

ಕನ್ನಡ ಚಿತ್ರರಂಗದಲ್ಲಿ ಸದ್ಯ ಡಾಲಿ ಧನಂಜಯ್ ಬಹುಬೇಡಿಕೆಯ ನಟ. ಒಂದು ದಶಕದಲ್ಲಿ ಸುಮಾರು ೨೫ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಡಾಲಿ, ನಿರ್ಮಾಪಕರಾಗಿಯೂ ಗುರುತಿಸಿಕೊಂಡಿದ್ದಾರೆ. ಟಾಲಿವುಡ್ ಮತ್ತು ಕಾಲಿವುಡ್‌ನಲ್ಲೂ ಇವರಿಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಇದೆ. ಅಭಿಮಾನಿಗಳಿಂದ ಕಾಮನ್ ಮ್ಯಾನ್ ಹೀರೋ ಎಂದೇ ಬಿರುದು ಪಡೆದಿರುವ ಧನಂಜಯ್, ಟಗರು ಸಿನಿಮಾ ಬಳಿಕ ಸಾಕಷ್ಟು ಜನಪ್ರಿಯತೆ ಗಳಿಸಿದರು. ಇವರ ಕೆಲ ಸಿನಿಮಾಗಳು ಕೂಡ ತೆರೆಕಂಡಿಲ್ಲ. 

ಡಾಲಿ-ಧನಂಜಯ್-ರಚಿತಾ ರಾಮ್
ವಿಜಯಾದಿತ್ಯ

ಕಂಠಿ ಸಿನಿಮಾ ಬಳಿಕ ರೋರಿಂಗ್ ಸ್ಟಾರ್ ಶ್ರೀಮುರಳಿ ಹಲವು ಸಿನಿಮಾಗಳಲ್ಲಿ ನಟಿಸಿದ್ದರು. ಆದರೆ, ಆ ಚಿತ್ರಗಳು ಹಿಟ್ ಆಗಲಿಲ್ಲ. ನಂತರ 2014ರಲ್ಲಿ ಬಂದ ಪ್ರಶಾಂತ್ ನೀಲ್ ನಿರ್ದೇಶನದ 'ಉಗ್ರಂ' ಸಿನಿಮಾ ಶ್ರೀಮುರಳಿಗೆ ಬಿಗ್ ಬ್ರೇಕ್ ನೀಡಿತು. `ಉಗ್ರಂ' ಮುರಳಿ ಸಿನಿಜೀವನದ ಕಳಸಪ್ರಾಯ ಚಿತ್ರ. ಈ ಸಿನಮಾ ಅದ್ಭುತ ಯಶಸ್ಸು ಕಂಡಿತ್ತು. ಇದರ ಯಶಸ್ಸಿನ ಬೆನ್ನಲೆ ಹೊಂಬಾಳೆ ಸಂಸ್ಥೆ  'ಉಗ್ರಂ ವೀರಂ'  ಟೈಟಲ್‌ನ ಸೀಕ್ವೆಲ್ ಅನೌನ್ಸ್ ಮಾಡಿತ್ತು. ಆದರೆ, ಕೆಜಿಎಫ್ ಸಿನಿಮಾ ಯಶಸ್ಸಿನ ನಂತರ ಪ್ರಶಾಂತ್ ನೀಲ್‌ಗೆ ಬೇಡಿಕೆ ಹೆಚ್ಚಾದ್ದರಿಂದ ಅವರು ದೊಡ್ಡ ಸಿನಿಮಾಗಳಲ್ಲಿ ಬ್ಯುಸಿಯಾದರು. 

ಕನ್ನಡ ಚಿತ್ರರಂಗದ ಹಿಟ್ ಜೋಡಿ ಹೇಮಂತ್ ರಾವ್ ಹಾಗೂ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ 'ತೆನಾಲಿ' ಸಿನಿಮಾಗೆ ತಯಾರಿ ನಡೆಸಿದ್ದರು. ಚಿತ್ರಕ್ಕಾಗಿ ರಕ್ಷಿತ್ ಟೆಸ್ಟ್ ಲುಕ್ ಕೂಡ ನೀಡಿದ್ದರು. ಆದರೆ, ಬಜೆಟ್ ಕಾರಣದಿಂದ ಈ ಚಿತ್ರ ಮುಂದುವರೆಯಲಿಲ್ಲ. ನಂತರ ಇವರಿಬ್ಬರು ಸಪ್ತ ಸಾಗರದಾಚೆ ಎಲ್ಲೋ ಚಿತ್ರ ಮಾಡಿದರು. ಈ ಸಿನಿಮಾ ಪ್ರೇಕ್ಷಕರಿಂದ ಅತ್ಯುತ್ತಮ ವಿಮರ್ಶೆ ಪಡೆಯಿತು. 

ಕನ್ನಡ ಚಿತ್ರರಂಗದ ಹಿಟ್ ಜೋಡಿ ಹೇಮಂತ್ ರಾವ್ ಹಾಗೂ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ 'ತೆನಾಲಿ' ಸಿನಿಮಾಗೆ ತಯಾರಿ ನಡೆಸಿದ್ದರು. ಚಿತ್ರಕ್ಕಾಗಿ ರಕ್ಷಿತ್ ಟೆಸ್ಟ್ ಲುಕ್ ಕೂಡ ನೀಡಿದ್ದರು. ಆದರೆ, ಬಜೆಟ್ ಕಾರಣದಿಂದ ಈ ಚಿತ್ರ ಮುಂದುವರೆಯಲಿಲ್ಲ. ನಂತರ ಇವರಿಬ್ಬರು ಸಪ್ತ ಸಾಗರದಾಚೆ ಎಲ್ಲೋ ಚಿತ್ರ ಮಾಡಿದರು. ಈ ಸಿನಿಮಾ ಪ್ರೇಕ್ಷಕರಿಂದ ಅತ್ಯುತ್ತಮ ವಿಮರ್ಶೆ ಪಡೆಯಿತು.