ಕಲರ್ಸ್ ಆರಂಭವಾಗ್ತಿದೆ Girls Vs Boys: ಈ ರಿಯಾಲಿಟಿ ಶೋನಲ್ಲಿ ಯಾರೆಲ್ಲಾ ಇದ್ದಾರೆ ಗೊತ್ತಾ?

ಗರ್ಲ್ಸ ವರ್ಸಸ್ ಬಾಯ್ಸ್ ಕಾರ್ಯಕ್ರಮ ಹೇಗಿರಲಿದೆ, ಯಾರೆಲ್ಲಾ ಇರಲಿದ್ದಾರೆ? ಈ ಶೋನ ಕಾನ್ಸೆಪ್ಟ್ ಇರಲಿದೆ ಎಂಬ ಕುತೂಹಲ ಕಿರುತೆರೆ ಪ್ರೇಕ್ಷಕರಲ್ಲಿತ್ತು. ಅದಕ್ಕೆ ತಕ್ಕಂತೆ ಮೊದಲ ಪ್ರೋಮೋ ಬಿಡುಗಡೆಯಾಗಿದೆ. ಪ್ರೋಮೋದಲ್ಲಿ ಬಹುತೇಕ ಬಿಗ್‌ಬಾಸ್‌ ಸ್ಪರ್ಧಿಗಳು ಕಾಣಿಸಿಕೊಂಡಿದ್ದಾರೆ.

ಹೆಸರೇ ಹೇಳುವಂತೆ ಈ ಶೋನಲ್ಲಿ ಎರಡು ತಂಡಗಳಿವೆ. ಬಾಯ್ಸ್ ಟೀಂನ ನಾಯಕನಾಗಿ ಬಿಗ್‌ಬಾಸ್‌ ಕನ್ನಡ ಸೀಸನ್ ೧೦ರ ಸ್ಪರ್ಧಿ ವಿನಯ್ ಗೌಡ ಕಾಣಿಸಿಕೊಂಡರೆ, ಗರ್ಲ್ಸ ಟೀಂ ನಾಯಕಿಯಾಗಿ ಸ್ಯಾಂಡಲ್‌ವುಡ್ ನಟಿ ಹಾಗೂ ಬಿಗ್‌ಬಾಸ್ ಸ್ಪರ್ಧಿ ಶುಭಾ ಪೂಂಜಾ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಹುಡುಗರ ತಂಡದಲ್ಲಿ, ಬಿಗ್‌ಬಾಸ್‌ ಸೀಸನ್ 11ರ ಸ್ಪರ್ಧಿ ಜಗದೀಶ್ ಗೌಡ, ಮಂಜು ಪಾವಗಡ, ಟ್ಯಾಲೆಂಟೆಡ್ ಕಲಾವಿದ ಪ್ರಶಾಂತ್, ವಿಶ್ವಾಸ್ , ಸೂರಜ್, ವಿವೇಕ್ ಸಿಂಹ ಮುಂತಾದವರಿದ್ದರೆ, ಇತ್ತ ಹುಡುಗಿಯರ ತಂಡದಲ್ಲಿ ಬಿಗ್‌ಬಾಸ್‌ ಸೀಸನ್  11ರ ಸ್ಪರ್ಧಿ ಶೋಭಾ ಶೆಟ್ಟಿ, ಐಶ್ವರ್ಯಾ ಸಿಂಧೋಗಿ, ಕೋಳಿ ರಮ್ಯಾ, ಸ್ಫೂರ್ತಿ, ಕರಿಮಣಿ ಸೀರಿಯಲ್ ಖ್ಯಾತಿಯ ಸ್ಪಂದನಾ ಸೋಮಣ್ಣ ಇದ್ದಾರೆ. 

ಸದ್ಯ ಕಲರ್ಸ್ ಕನ್ನಡದಲ್ಲಿ ಬಿಗ್‌ಬಾಸ್‌ ಕನ್ನಡ ಸೀಸನ್ 11 ನಡೆಯುತ್ತಿದೆ. ಬಿಗ್‌ಬಾಸ್ ಫಿನಾಲೆಗೆ ಇನ್ನೊಂದು ವಾರ ಬಾಕಿಯಿದ್ದು, ಜನರಿ 25, 26ರಂದು ಫಿನಾಲೆ ಜರುಗಲಿದೆ. ಇದು ಮುಗಿದ ಬಳಿಕ ಗರ್ಲ್ಸ ವರ್ಸಸ್ ಬಾಯ್ಸ್ ಕಾರ್ಯಕ್ರಮ ಜರುಗಲಿದೆ. ಅನುಪಮಾ ಗೌಡ ಈ ಕಾರ್ಯಕ್ರಮದ ನಿರೂಪಣೆ ಮಾಡಲಿದ್ದಾರೆ. ಸದ್ಯ ಪ್ರೋಮೋದಿಂದಲೇ ಈ ಕಾರ್ಯಕ್ರಮ ಸದ್ದು ಮಾಡ್ತಿದೆ.

 ಬಿಗ್‌ಬಾಸ್‌ ಕನ್ನಡ ಸೀಸನ್ 11ರಲ್ಲಿ ಭಾಗವಹಿಸಿದ್ದ ಲಾಯರ್ ಜಗದೀಶ್ ಅವಾಚ್ಯ ಶಬ್ಧ ಬಳಸಿದ್ದರಿಂದ ಮೂರನೇ ವಾರವೇ ಎಲಿಮಿನೇಟ್ ಆಗಿ ಹೊರಬಂದಿದ್ದರು. ವೀಕ್ಷಕರ ದೊಡ್ಮನೆಯಲ್ಲಿ ಇವರನ್ನು ಮಿಸ್ ಮಾಡಿಕೊಂಡಿದ್ದರು. ಇದೀಗ ಜಗದೀಶ್ ಮತ್ತೆ ಕಲರ್ಸ್‌ಗೆ ಕಂಬ್ಯಾಕ್ ಮಾಡಿದ್ದಾರೆ. ಪ್ರೋಮೊದಲ್ಲಿಯೂ ಸಿಕ್ಕಾಪಟ್ಟೆ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದಾರೆ.