ಬರ್ತ್​ಡೇ ಸ್ಪೆಷಲ್: ಜಯಮಾಲಾ ನಾಯಕಿಯಾಗಿ ಅಭಿನಯಿಸಿರುವ ಟಾಪ್ 5 ಕನ್ನಡ ಸಿನಿಮಾಗಳಿವು!

ಡಾ.ರಾಜ್​ಕುಮಾರ್ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದ 'ಶಂಕರ್ ಗುರು' ಚಿತ್ರ ಸುಮಾರು ಒಂದುವರೆ ವರ್ಷಕಾಲ ಪ್ರದರ್ಶನ ಕಂಡು ಹಿಂದಿನ ಚಿತ್ರಗಳ ದಾಖಲೆಗಳನೆಲ್ಲಾ ಹಿಂದೆ ಹಾಕಿ ಅತಿಹೆಚ್ಚು ಗಳಿಕೆ ಕಂಡಿತು. ಚಿತ್ರಮಂದಿರಗಳಲ್ಲಿ ಸುಮಾರು ಒಂದುವರೆ ವರ್ಷಗಳ ಕಾಲ ಪ್ರದರ್ಶನವಾಗಿತ್ತು. ವಿ. ಸೋಮಶೇಖರ್ ನಿರ್ದೇಶಿಸಿದ್ದ ಜಯಮಾಲ, ಪದ್ಮಪ್ರಿಯಾ, ಕಾಂಚಾನಾ ವೈಶಾಲಿ ಕಾಸರವಳ್ಳಿ, ವಜ್ರಮುನಿ, ತೂಗುದೀಪ ಶ್ರೀನಿವಾಸ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು.  

ಪ್ರೇಮದ ಕಾಣಿಕೆ ಸಿನಿಮಾವನ್ನು ವಿ.ಸೋಮಶೇಖರ್ ನಿರ್ದೇಶನ ಮಾಡಿದ್ದರು. 1976ರಲ್ಲಿ ಬಿಡುಗಡೆಯಾಗಿದ್ದ ಈ ಸಿನಿಮಾದಲ್ಲಿ ಡಾ.ರಾಜ್​ಕುಮಾರ್​, ಆರತಿ ಹಾಗೂ ಜಯಮಾಲ ಅಭಿನಯಿಸಿದ್ದರು. 'ಪ್ರೇಮದ ಕಾಣಿಕೆ' ಸಿನಿಮಾದಲ್ಲಿ ಪುನೀತ್​ ರಾಜ್​ಕುಮಾರ್​ 6 ತಿಂಗಳ ಶಿಶುವಾಗಿ ಕಾಣಿಸಿದ್ದರು. ಈ ಮೂಲಕ ಅಪ್ಪು ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟರು.    

ದೊರೈ ಭಗವಾನ್ ನಿರ್ದೇಶನದ 'ಗಿರಿಕನ್ಯೆ' ಸಿನಿಮಾದ ಲ್ಲಿ ಡಾ.ರಾಜ್​ಕುಮಾರ್ ಮತ್ತು ಜಯಮಾಲಾ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದರು. ಈ ಸಿನಿಮಾದ ವಿಲನ್ ಪಾತ್ರಕ್ಕೆ ಮೊದಲು ರಜನಿಕಾಂತ್ ಅವರನ್ನು ಕೇಳಲಾಗಿತ್ತು. ಆದರೆ, ಕಾರಣಾಂತರಗಳಿಂದ ಅವರು ಈ ಸಿನಿಮಾದಲ್ಲಿ ಅಭಿನಯಿಸಲಾಗಲಿಲ್ಲ. ಬಳಿಕ ಈ ಪಾತ್ರವನ್ನು ವಜ್ರಮುನಿ ನಿರ್ವಹಿಸಿದ್ದರು. ಈ ಚಿತ್ರದಲ್ಲಿ ಚೆನ್ನ (ರಾಜ್​ಕುಮಾರ್) ತನ್ನ ಟೀ ಎಸ್ಟೇಟ್ ನಲ್ಲಿ ಕೆಲಸ ಮಾಡಲು ಬಂದ ಚೆಲುವಿ (ಜಯಮಾಲಾ) ಜೊತೆ ಪ್ರೀತಿಯಲ್ಲಿ ಬೀಳುತ್ತಾನೆ. ಆದರೆ, ಟೀ ಎಸ್ಟೇಟ್ ಮ್ಯಾನೇಜರ್ (ವಜ್ರಮುನಿ) ದುಷ್ಟ ವ್ಯಕ್ತಿಯಾಗಿದ್ದು, ಈತನೂ ಕೂಡ ಚೆಲುವಿ ಮೇಲೆ ಕಣ್ಣು ಹಾಕಿರುತ್ತಾನೆ. ಜೊತೆಗೆ ಚೆನ್ನ ಹಾಗೂ ಚೆಲುವಿಯನ್ನು ಬೇರ್ಪಡಿಸಲು ಪ್ರಯತ್ನಿಸುತ್ತಾನೆ. ಇದೇ ವಿಚಾರವಾಗಿ ಚೆನ್ನ ಹಾಗೂ ಮ್ಯಾನೇಜರ್ ನಡುವೆ ಸೆಣಸಾಟ ನಡೆಯುತ್ತದೆ.  

'ಮುನಿಯನ ಮಾದರಿ' ಸಿನಿಮಾವನ್ನು ದೊರೈ ಭಗವಾನ್ ನಿರ್ದೇಶಿಸಿ, ನಿರ್ಮಿಸಿದ್ದರು. ಈ ಚಿತ್ರ 1983ರಲ್ಲಿ ಬಿಡುಗಡೆಯಾಗಿದ್ದು, ಶಂಕರ್ ನಾಗ್, ಜೈ ಜಗದೀಶ್, ಕೋಕಿಲಾ ಮೋಹನ್ ಮತ್ತು ಜಯಮಾಲ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು.  ಈ ಚಿತ್ರದಲ್ಲಿ ಸಾಲದ ಸುಳಿಗೆ ಸಿಕ್ಕ ಮುನಿಯನ ತಂದೆ (ಶಂಕರ್ ನಾಗ್)  ಸಾಲ ತೀರಿಸಲಾಗದೇ ತನ್ನ ಮಗನನ್ನು ಯಜಮಾನನಿಗೆ ಅಡವಿಡುತ್ತಾನೆ.ನಂತರ ಮುನಿಯ ಬೆಳೆದು ದೊಡ್ಡವನಾದ ಮೇಲೆ ತನ್ನದೆಯಾದ ಭೂಮಿಯನ್ನು ಹೋದಳು ಮುಂದಾಗುತ್ತಾನೆ. ಆದರೆ, ಆ ಯಜಮಾನನು ಆತನ ಪ್ರತಿಯೊಂದು ನಡೆಯನ್ನು ವಿರೋಧಿಸುತ್ತಾನೆ.  

1975ರಲ್ಲಿ ಬಿಡುಗಡೆಯಾದ ತ್ರಿಮೂರ್ತಿ ಸಿನಿಮಾವನ್ನು ಸಿ ವಿ ರಾಜೇಂದ್ರನ್ ನಿರ್ದೇಶನ ಮಾಡಿದ್ದರು. ಈ ಸಿನಿಮಾದಲ್ಲಿ ಡಾ.ರಾಜ್​ಕುಮಾರ್, ಜಯಮಾಲ, ಆರ್ ಸಂಪತ್ ಹಾಗೂ ವಜ್ರಮುನಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಡಾ.ರಾಜ್​ಕುಮಾರ್ ಈ ಸಿನಿಮಾದಲ್ಲಿ ಮೂರು ವಿಭಿನ್ನ ಪಾತ್ರಗಳಲ್ಲಿ ಅಭಿನಯಿಸಿದ್ದರು.