ಕನ್ನಡ ಸಿನಿಮಾಗಳ ಐಟಂ ಸಾಂಗ್‌ಗಳಿಗೆ ಹೆಜ್ಜೆ ಹಾಕಿರುವ ಬಾಲಿವುಡ್ ಬೆಡಗಿಯರಿವರು!

ಬಾಲಿವುಡ್ ನಟಿ ನತಾಶಾ ಸ್ಟಾಂಕೋವಿಕ್ ಅವರು 2016ರಲ್ಲಿ ರಿಲೀಸ್ ಆದ ದುನಿಯಾ ವಿಜಯ ನಟನೆಯ 'ದನ ಕಾಯೋನು' ಸಿನಿಮಾದ  'ಬಾರೆ ಗಂಗೆ' ಎಂಬ ಐಟಂ ಹಾಡಿನಲ್ಲಿ ಕಾಣಿಸಿಕೊಂಡಿದ್ದರು. ಈ ಚಿತ್ರಕ್ಕೆ ಯೋಗರಾಜ್ ಭಟ್ ಆಕ್ಷನ್ ಕಟ್ ಹೇಳಿದ್ದರು. 

ಬಾಲಿವುಡ್ ನಟಿ ಮಹಕ್ ಚಾವಲ್ ಅವರು 2015ರಲ್ಲಿ ಬಿಡುಗಡೆಯಾದ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಮಿಸ್ಟರ್ ಐರಾವತ ಸಿನಿಮಾದ 'ಕತ್ತಲಗಟ್ಟು ಕಾ' ಎಂಬ ಐಟಂ ಸಾಂಗ್‌ಗೆ ಹೆಜ್ಜೆ ಹಾಕಿದ್ದರು. ಈ ಚಿತ್ರವನ್ನು ಎ.ಪಿ.ಅರ್ಜುನ್ ನಿರ್ದೇಶನ ಮಾಡಿದ್ದರು.

ಜೋಗಿ ಪ್ರೇಮ್ ಅಭಿನಯದ 'ಡಿಕೆ' ಸಿನಿಮಾ ಸೇಸಮ್ಮ ಸೇಸಮ್ಮ ಬಾಗ್ಲು ತೆಗಿಯಮ್ಮ ಹಾಡಿಗೆ ಬಾಲಿವುಡ್ ನಟಿ ಸನ್ನಿ ಲಿಯೋನ್ ಹೆಜ್ಜೆ ಹಾಕಿದ್ದರು. ಈ ಸಿಕ್ಕಾಪಟ್ಟೆ ಹಿಟ್ ಆಗಿತ್ತು. ಇದರ ಜೊತೆಗೆ ಕ್ರೇಜಿ ಸ್ಟಾರ್ ವಿ.ರವಿಚಂದ್ರನ್ ಅಭಿನಯದ 'ಲವ್ ಯೂ ಆಲಿಯಾ' ಸಿನಿಮಾದ ಐಟಂ ಹಾಡೊಂದಕ್ಕೂ ಸನ್ನಿ ಹೆಜ್ಜೆ ಹಾಕಿದ್ದರು.

2007ರಲ್ಲಿ ತೆರೆಕಂಡ ಜೋಗಿ ಪ್ರೇಮ್ ನಿರ್ದೇಶಿಸಿ, ನಟಿಸಿದ್ದ 'ಪ್ರೀತಿ ಏಕೆ ಭೂಮಿ ಮೇಲಿದೆ...?' ಸಿನಿಮಾದ 'ಗೌರಿ ಪಾಳ್ಯದ ಗಲ್ಲಿಯೊಳಗೆ' ಎಂಬ ಐಟಂ ಹಾಡಿಗೆ ಬಾಲಿವುಡ್ ಬೆಡಗಿ ಮಲ್ಲಿಕಾ ಶರಾವತ್ ಹೆಜ್ಜೆ ಹಾಕಿದ್ದರು.

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅಭಿನಯದ ಪವರ್ ಸಿನಿಮಾದ 'ವೈ ವೈ' ಎಂಬ ಐಟಂ ಹಾಡಿಗೆ ಬಾಲಿವುಡ್ ನಟಿ ನೀತು ಚಂದ್ರ ಭರ್ಜರಿಯಾಗಿ ಸ್ಟೆಪ್ ಹಾಕಿದ್ದರು. ಈ ಚಿತ್ರವನ್ನು ಕೆ ಮಾದೇಶ್ ನಿರ್ದೇಶನ ಮಾಡಿದ್ದು, ಈ ಹಾಡು ಹಿಟ್ ಆಗಿತ್ತು.

ಬಾಲಿವುಡ್ ನಟಿ ಶೆಫಾಲಿ ಜರಿವಾಲಾ ಅವರು ಪುನೀತ್ ರಾಜ್‌ಕುಮಾರ್, ಲೂಸ್‌ಮಾದ ಯೋಗಿ, ಶ್ರೀನಗರ ಕಿಟ್ಟಿ ಮುಖ್ಯಭೂಮಿಕೆ ನಟಿಸಿದ್ದ ಹುಡುಗರು ಸಿನಿಮಾ 'ನಾ ಬೋರ್ಡು ಇರದ ಬಸ್ಸನು' ಹಾಡಿಗೆ ಹೆಜ್ಜೆ ಹಾಕಿದ್ದರು.

ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ ಅಭಿನಯದ 'ಗೆಳೆಯ' ಸಿನಿಮಾದ 'ನನ್ನ ಲುಕ್ಕು ಬೇರೆನೇ..ನನ್ನ ಸ್ಟೈಲು ಬೇರೆನೆ' ಹಾಡಿಗೆ ಬಾಲಿವುಡ್ ನಟಿ ರಾಕಿ ಸಾವಂತ್ ಬಿಂದಾಸ್ ಸ್ಟೆಪ್ಸ್ ಹಾಕಿದ್ದರು.

2017ರಲ್ಲಿ ತೆರೆಕಂಡ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ  'ಚಕ್ರವರ್ತಿ' ಸಿನಿಮಾದ ನಾಟಿ ಗರ್ಲ್ ಎಂಬ ಐಟಂ ಹಾಡಿನಲ್ಲಿ ಇಶಿತಾ ವ್ಯಾಸ್ ಹೆಜ್ಜೆ ಹಾಕಿದ್ದರು.

ಆಕ್ಷನ್ ಫ್ರಿನ್ಸ್ ಧ್ರುವಾ ಸರ್ಜಾ ಅಭಿನಯದ ಮುಂಬರುವ ಕೆಡಿ ಸಿನಿಮಾದ ಐಟಂ ಹಾಡೊಂದಕ್ಕೆ ಬಾಲಿವುಡ್ ಹಾಟ್ ಬೆಡಗಿ ನೋರಾ ಫತೇಹಿ ಹೆಜ್ಜೆ ಹಾಕಿದ್ದಾರೆ. ಜೋಗಿ ಪ್ರೇಮ್ ನಿರ್ದೇಶನದ ಈ ಚಿತ್ರದಲ್ಲಿ ಕ್ಲಬ್ ಡ್ಯಾನ್ಸ್ ಒಂದರಲ್ಲಿ ನೋರಾ ಫತೇಹಿ ಸೊಂಟ ಬಳಕಿಸಲಿದ್ದಾರೆ.