ಮುದ್ದು ಮನಸೇ ಪೆದ್ದು ಮನಸೇ ಟು ನಿನ್ನಾಣೆ ನಿನ್ನಾಣೆ: ಪ್ರೇಕ್ಷಕರು ಎಂದೂ ಮರೆಯದ ದರ್ಶನ್ ಅವರ ವಿಂಟೇಜ್ ಹಾಡುಗಳಿವು!

ಇಂದ್ರಜಿತ್ ಲಂಕೇಶ್ ನಿರ್ದೇಶನದ 'ಲಂಕೇಶ್ ಪತ್ರಿಕೆ' ಸಿನಿಮಾ2003ರಲ್ಲಿ ರಿಲೀಸ್ ಆಗಿತ್ತು. ಈ ಚಿತ್ರದ 'ಎಂದೋ ಕಂಡ ಕನಸು' ಹಾಡು ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆದುಕೊಂಡಿದೆ. ಸಿನಿಮಾದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಜೊತೆ ವಸುಂದರಾ ದಾಸ್ ಅಭಿನಯಿಸಿದ್ದರು. ರಾಜೇಶ್ ಕೃಷ್ಣನ್ ಈ ಹಾಡಿಗೆ ದನಿಯಾಗಿದ್ದರು.

ಅದೇ ವರ್ಷ ತೆರೆಕಂಡ ಲಾಲಿಹಾಡು ಸಿನಿಮಾ 'ನನ್ನ ಹೃದಯ ನನ್ನ ಹೃದಯ' ಎನ್ನು ಸಾಂಗ್ ತುಂಬಾನೇ ಫೇಮಸ್ ಆಗಿತ್ತು. ಹೇಮಂತ್ ರಾವ್ ಹಾಗೂ ನಂದಿತಾ ಹಾಡಿದ್ದ ಈ ಸಾಂಗ್ ಇಂದಿಗೂ ಜನಪ್ರಿಯತೆ ಪಡೆದುಕೊಂಡಿದೆ.

ದರ್ಶನ್ ಮೊದಲ ಬಾರಿ ಪೂರ್ಣ ಪ್ರಮಾಣದ ನಾಯಕನಾಗಿ ನಟಿಸಿದ ಮೊದಲ ಸಿನಿಮಾ ಮೆಜೆಸ್ಟಿಕ್. ಈ ಚಿತ್ರ ಬಾಕ್ಸಾಫೀಸ್​​ನಲ್ಲಿ ಉತ್ತಮ ಗಳಿಕೆ ತಂದುಕೊಟ್ಟಿತು. ಸತ್ಯ ನಿರ್ದೇಶನದ ಈ ಸಿನಿಮಾ ದರ್ಶನ್  ಕರಿಯರ್​​​ಗೆ ದೊಡ್ಡ ಬುನಾದಿ ಹಾಕಿ ಕೊಟ್ಟಿತ್ತು.  ಈ ಚಿತ್ರದ 'ಮುದ್ದು ಮನಸೇ ಪೆದ್ದು ಮನಸೇ' ಯುವ ಜನರ ಮನಗೆದ್ದಿತ್ತು. ಹಾಡಿನಲ್ಲಿ ದರ್ಶನ್ ಅವರ ಚಾಕೋಲೆಟ್ ಹೀರೋ ಲುಕ್ ಪ್ರೇಕ್ಷಕರಿಗೆ ಇಷ್ಟವಾಗಿತ್ತು.

2009ರಲ್ಲಿ ತೆರೆಕಂಡ ಅಭಯ್ ಸಿನಿಮಾದ 'ಯಾಕೋ ಏನೋ' ಸಾಂಗ್ ಹಿಟ್ ಆಗಿತ್ತು. ಈ ಹಾಡಿನಲ್ಲಿ ದರ್ಶನ್‌ಗೆ ಜೋಡಿಯಾಗಿ ಆರತಿ ಥಾಕೂರ್ ಅಭಿನಯಿಸಿದ್ದರು. ಸೋನು ನಿಗಮ್ ಈ ಹಾಡಿಗೆ ಧ್ವನಿಯಾಗಿದ್ದರು.

2004ರಲ್ಲಿ ತೆರೆಕಂಡ ಧರ್ಮ ಸಿನಿಮಾದ 'ಕಾವ್ಯ ಕಾವ್ಯಾ' ಹಾಡು ಸಿಕ್ಕಾಪಟ್ಟೆ ಹಿಟ್ ಆಗಿತ್ತು. ಈ ಸಿನಿಮಾದಲ್ಲಿ ದರ್ಶನ್, ನಂದಿತಾ ಜೆನ್ನಿಫರ್ ಹಾಗೂ ಸಿಂಧು ಮೆನನ್ ನಟಿಸಿದ್ದರು. ಚಾಲೆಂಜಿಂಗ್ ಸ್ಟಾರ್ ವಿಂಟೇಜ್ ಹಾಡುಗಳಲ್ಲಿ ಇದೂ ಕೂಡ ಒಂದು.

2003ರಲ್ಲಿ ರಿಲೀಸ್ ಆದ  'ನಮ್ಮ ಪ್ರೀತಿಯ ರಾಮು' ಚಿತ್ರದಲ್ಲಿ  ದರ್ಶನ್ ಮೊದಲ ಬಾರಿಗೆ ಅಂಧನಾಗಿ ನಟಿಸಿದ್ದರು.  ಈ ಚಿತ್ರ ಬಾಕ್ಸಾಫೀಸ್​​ನಲ್ಲಿ ಸದ್ದು ಮಾಡದಿದ್ರೂ ದರ್ಶನ್ ಅಭಿನಯಕ್ಕೆ ಎಲ್ಲರಿಂದ ಪ್ರಶಂಸೆ ದೊರೆತಿತ್ತು. ಇದರಲ್ಲಿ 'ನನ್ನೆದೆ ಬಾನಲ್ಲಿ' ಹಾಡು ಸೂಪರ್ ಹಿಟ್ ಆಗಿತ್ತು.

ವಾಸು ನಿರ್ದೇಶನದ 'ಲಾಲಿಹಾಡು' ಸಿನಿಮಾದ 'ದಿನ ಬೆಳಗೋ ಆ ಸೂರ್ಯನ' ಹಾಡು ಕೂಡ ಸಿಕ್ಕಾಪಟ್ಟೆ ಹಿಟ್ ಆಗಿತ್ತು. ಸಾಧುಕೋಕಿಲ್ ಸಂಗೀತ ನಿರ್ದೇಶಕರಾಗಿ ಕೆಲಸ ಮಾಡಿದ್ದ ಈ ಚಿತ್ರ ಬಾಕ್ಸಾಫೀಸ್‌ನಲ್ಲಿ 3 ಕೋಟಿ ಗಳಿಸುವ ಮೂಲಕ ದರ್ಶನ್​​ಗೆ ಇನ್ನೂ ಹೆಚ್ಚಿನ ಹೆಸರು ನೀಡಿತ್ತು.

ಲಾಲಿಹಾಡು ಸಿನಿಮಾದ 'ಓ ಉಷೆ' ಹಾಡು ಕೂಡ ಇಂದಿಗೂ ಫೇಮಸ್. ಈ ಚಿತ್ರದಲ್ಲಿ ಚಾಲೆಂಜಿಂಗ್ ಸ್ಟಾರ್ ಸಿಂಗರ್ ಆಗಿ ಕಾಣಿಸಿಕೊಂಡಿದ್ದರು. ಈ ಚಿತ್ರ 2003ರಲ್ಲಿ ರಿಲೀಸ್ ಆಗಿತ್ತು.

ಮೆಜೆಸ್ಟಿಕ್ ಚಿತ್ರದಲ್ಲಿ ಗಮನ ಸೆಳೆದ ದರ್ಶನ್​​​​​​ಗೆ ಸ್ಟಾರ್ ಪಟ್ಟ ತಂದುಕೊಟ್ಟ ಚಿತ್ರ 'ಕರಿಯ' ಸಿನಿಮಾ. ರಿಯಲ್ ರೌಡಿಗಳನ್ನು ಬಳಸಿಕೊಂಡು ನಿರ್ದೇಶಕ ಪ್ರೇಮ್ ಈ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳಿದ್ದರು. ಚಿತ್ರದ ಹಾಡುಗಳ ಜೊತೆಗೆ ರೌಡಿಸಂ ಕಥೆ ಆಧರಿಸಿದ ಕರಿಯ ಚಿತ್ರ 8 ಕೋಟಿ ಕಲೆಕ್ಷನ್ ಮಾಡುವ ಮೂಲಕ ದರ್ಶನ್​​​​​​​​​​ಗೆ ಸ್ಟಾರ್ ವ್ಯಾಲ್ಯೂ ತಂದು ಕೊಡ್ತು. ಈ ಚಿತ್ರ 'ಯಾವುದೂ ಈ ಹೃದಯ' ಹಾಡು ಕೂಡ ಸಿಕ್ಕಾಪಟ್ಟೆ ಹಿಟ್ ಆಗಿತ್ತು.

2006ರಲ್ಲಿ ಬಿಡುಗಡೆಯಾದ ಸುಂಟರಗಾಳಿ ಸಿನಿಮಾದಲ್ಲಿ ದರ್ಶನ್ ಹಾಗೂ ಕ್ರೇಜಿ ಕ್ವೀನ್ ರಕ್ಷಿತಾ ನಟಿಸಿದ್ದರು. ಈ ಸಿನಿಮಾವನ್ನು ಸಾಧುಕೋಕಿಲ ನಿರ್ದೇಶಿಸಿದ್ದರು. ಇದರಲ್ಲಿ 'ನಿನ್ನಾಣೆ ನಿನ್ನಾಣೆ' ಹಾಡು ಇಂದಿಗೂ ಎವರ್‌ಗ್ರೀನ್.