ಅಬ್ಬಬ್ಬಾ...ದುಬಾರಿ ಬೈಕ್ ಮತ್ತು ಕಾರುಗಳಿಗೆ ದಾಸ ಈ ನಮ್ಮ ಚಾಲೆಂಜಿಂಗ್ ಸ್ಟಾರ್!

Author Sowmya Bairappa | Updated: Wednesday, February 19, 2025, 09:54 AM [IST]

ಸೆಲೆಬ್ರಿಟಿಗಳ ವೈಯಕ್ತಿಕ ಬದುಕಿನ ಬಗ್ಗೆ ಅವರ ಅಭಿಮಾನಿಗಳಿಗೆ ಹಾಗೂ ಜನರಿಗೆ ಹೆಚ್ಚು ಆಸಕ್ತಿ ಇರುತ್ತದೆ. ಸಿನಿ ತಾರೆಯರ ಬಳಿ ಯಾವೆಲ್ಲಾ ಕಾರುಗಳಿವೆ, ಯಾವ ಬ್ರ್ಯಾಂಡ್ ಬಟ್ಟೆ ಹಾಕುತ್ತಾರೆ. ಅವರ ಮನೆ ಹೇಗಿದೆ? ಎಂಬೆಲ್ಲಾ ಕುತೂಹಲವಿರುತ್ತೆ. ಸಾಮಾನ್ಯವಾಗಿ ನಟ-ನಟಿಯರ ಕಾರ್ ಕ್ರೇಜ್ ಬಗ್ಗೆ ಸುದ್ದಿಯಾಗುತ್ತಿರುತ್ತದೆ. ಸ್ಯಾಂಡಲ್‌ವುಡ್‌ನಲ್ಲಿ ಹೆಚ್ಚು ಕಾರು ಕ್ರೇಜ್ ಇರುವ ನಟ ಅಂದರೆ ಅದು ಚಾಲೆಂಜಿಂಗ್ ಸ್ಟಾರ್ ದರ್ಶನ್.. ಡಿ ಬಾಸ್ ಹಲವು ದುಬಾರಿ ಕಾರುಗಳನ್ನು ಖರೀದಿಸಿ ಸುದ್ದಿಯಾಗುತ್ತಿರುತ್ತಾರೆ. ಹಾಗಾದರೆ, ದಾಸನ ಬಳಿ ಯಾವೆಲ್ಲಾ ಬೈಕ್ ಹಾಗೂ ಕಾರುಗಳಿವೆ? ಅವುಗಳ ಬೆಲೆ ಎಷ್ಟು ಎಂಬ ಮಾಹಿತಿ ಇಲ್ಲಿದೆ.

Table of content

ಕಾರುಗಳ ಜೊತೆಗೆ ದಾಸನ ಬಳಿ ತಾವು ಮೊದಲು ಬಳಸಿದ ಸ್ಕೂಟರ್‌ನಿಂದ ಹಿಡಿದು ನಾಲ್ಕು ಅತ್ಯಂತ ದುಬಾರಿ ಬೈಕ್‌ಗಳಿವೆ. ಈ ಪೈಕಿ 16 ಲಕ್ಷ ಬೆಲೆಬಾಳುವ ಸುಜುಕಿ ಹಯಾಭುಜ, 19 ಲಕ್ಷದ ಸುಜುಕಿ Intruder ಎಂ 1800 ಆರ್, 20 ಲಕ್ಷದ ಹಾರ್ಲೆ-ಡೇವಿಡ್ಸನ್ ಹೆರಿಟೇಜ್ ಸಾಫ್ಟೇಲ್ ಕ್ಲಾಸಿಕ್ ಬೈಕ್ ಜೊತೆಗೆ 18 ಲಕ್ಷ ಮೌಲ್ಯದ ಡುಕಾಟಿ ಮಲ್ಟಿ ಎಸ್‌ಡಿಆರ್ 18ಎ 19ಎಸ್ ಬೈಕ್‌ಗಳು ಇವೆ.

ಫಾರ್ಚೂನರ್ ಮತ್ತು ಬಿಎಂಡಬ್ಲ್ಯೂ ಕಾರುಗಳು ಕೂಡ ದರ್ಶನ್ ಬಳಿ ಇವೆ. ಫಾರ್ಚೂನರ್ ಕಾರಿನ ಬೆಲೆ 38 ಲಕ್ಷ ರೂಪಾಯಿ ಆಗಿದೆ. ಹಾಗೆಯೇ ಬಿಎಂಡಬ್ಲ್ಯೂ ಕಾರಿನ ಬೆಲೆ 61 ಲಕ್ಷ ರೂಪಾಯಿ. ದಾಸನ ಬಳಿಕ ಕೆಂಪು ಬಣ್ಣದ ಜೀಪ್ ಕೂಡ ಇದ್ದು, ಇದರ ಬೆಲೆ 53 ಲಕ್ಷ ರೂ. ಆದರೆ, ಇಷ್ಟು ಕಾರುಗಳಲ್ಲಿ ಸದ್ಯ ಯಾವ ಕಾರುಗಳು ದರ್ಶನ್ ಬಳಿ ಇವೆ ಎನ್ನುವ ಖಚಿತ ಪಟ್ಟಿ ಇಲ್ಲ.

ದರ್ಶನ್ ಬಳಿ ರೇಂಜ್ ರೋವರ್ ಕಾರು ಕೂಡ ಇದೆ. ಇದರ ಬೆಲೆ 2.75 ಕೋಟಿ ರೂಪಾಯಿ ಆಗಿದೆ. ಇಷ್ಟೆಲ್ಲಾ ಕಾರುಗಳನ್ನು ಹೊಂದಿರುವ ದಾಸನ ಬಳಿ ದುಬಾರಿ ಮಿನಿ ಕಾರಾದ 'ಮಿನಿಕೂಪರ್' ಕೂಡ ಇದೆ. ಈ ಮಿನಿಕೂಪರ್ ಕಾರಿನ ಬೆಲೆ 38 ಲಕ್ಷ. ಈ ಕಾರಿನಲ್ಲಿ ಕೂಡ ದರ್ಶನ್ ಆಗಾಗ ಸುತ್ತಾಡುತ್ತಾ ಇರುತ್ತಾರೆ.

ನಟ ದರ್ಶನ್ ಅವರ ಬಳಿಯಿರುವ ಅತ್ಯಂತ ದುಬಾರಿ ಕಾರು ಎಂದರೆ ಅದು ಲಂಬೋರ್ಗಿನಿ. ಈ ಕಾರನ್ನು ಅವರು 2018ರಲ್ಲಿ ಖರೀದಿ ಮಾಡಿದ್ದರು. ಈ ಕಾರಿನ ಬೆಲೆ ಬರೋಬ್ಬರಿ 3 ಕೋಟಿ ರೂಪಾಯಿ. ನಟ ದರ್ಶನ್‌ಗೆ ಕಾರು ಕ್ರೇಜ್ ಇರುವುದರಿಂದ ಮಾರುಕಟ್ಟೆಗೆ ಬರುವ ಹೊಸ ಕಾರುಗಳನ್ನು ಆಗಾಗ ಖರೀದಿ ಮಾಡುತ್ತಾ ಇರುತ್ತಾರೆ.

ದರ್ಶನ್ ಅವರ ಬಳಿದ್ದ ದುಬಾರಿ ಕಾರು ಅಂದ್ರೆ, ಅದು ಹಮ್ಮರ್. ದುಬೈಯಿಂದ ಈ ಕಾರನ್ನ ತರಿಸಿಕೊಳ್ಳಲಾಗಿತ್ತು. ಆದ್ರೀಗ, ಈ ಕಾರನ್ನ ಮಾರಟ ಮಾಡಿದ್ದಾರೆ ಎನ್ನಲಾಗಿದೆ. ಅದರ ಬಲದಲಾಗಿದೆ ಲಂಬೋರ್ಗಿನಿ ಕೊಂಡುಕೊಂಡಿದ್ದಾರಂತೆ.

ಚಾಲೆಂಜಿಂಗ್ ಸ್ಟಾರ್ ಬಳಿ ಎರಡು ಆಡಿ ಕಾರುಗಳಿವೆ. ಇಂದು ಕಪ್ಪು ಬಣ್ಣದ್ದು ಹಾಗೂ ಇನ್ನೊಂದು ಬಿಳಿ ಬಣ್ಣದ್ದು. ಒಂದನ್ನು ಪತ್ನಿ ವಿಜಯಲಕ್ಷ್ಮಿ ಬಳಸುತ್ತಿದ್ದರು. ಇನ್ನೊಂದು ನಟ ದರ್ಶನ್ ಬಳಸುತ್ತಿದ್ದರು. ಇವುಗಳ ಬೆಲೆ 85.52 ಲಕ್ಷ ರೂಪಾಯಿ. ಇನ್ನು ದರ್ಶನ್ ಅವರ ಮನೆಯಲ್ಲಿ i20 ಕಾರು ಕೂಡ ಇದೆ. ಈ ಕಾರನ್ನು ದರ್ಶನ್ ಮಗ ವಿನೀಶ್ ಮಾತ್ರ ಬಳಸುತ್ತಾರಂತೆ.

ಡಿ ಬಾಸ್ ಬಳಿ ನೀಲಿ ಬಣ್ಣದ ಜಾಗ್ವಾರ್ ಕಾರು ಇದೆ. ಇದನ್ನು ಅವರ ಪತ್ನಿ ವಿಜಯಲಕ್ಷ್ಮಿ ತಮ್ಮ ಪ್ರೀತಿಯ ಪತಿಗೆ ಬರ್ತಡೇ ದಿನದಂದು ಉಡುಗೊರೆಯಾಗಿ ನೀಡಿದ್ದರು. ಇದರ ಬೆಲೆ 88 ಲಕ್ಷ ರೂ. ಇನ್ನು ದುಬಾರಿ ಕಾರುಗಳಲ್ಲಿ ಒಂದಾದ ಪೋರ್ಶೆ ಕಾರು ಕೂಡ ದರ್ಶನ್ ಬಳಿಯಿದೆ. ಈ ಕಾರನ್ನು ನಿರ್ಮಾಪಕ ಸಂದೇಶ ನಾಗರಾಜ್ ದರ್ಶನ್ ಅವರ ಹುಟ್ಟುಹಬ್ಬಕ್ಕೆ ಉಡುಗೊರೆಯಾಗಿ ನೀಡಿದ್ದರು. ಈ ಕಾರಿನ ಬೆಲೆ ಬರೋಬ್ಬರಿ 1.5 ಕೋಟಿ ರೂಪಾಯಿ.

ನಟ ದರ್ಶನ್ 2022ರಲ್ಲಿ ಲ್ಯಾಂಡ್ ರೋವರ್ ಡಿಫೆಂಡರ್ ಕಾರು ಖರೀದಿ ಮಾಡಿದ್ದರು. ಇದು ಅವರ ದುಬಾರಿ ಕಾರುಗಳಲ್ಲೊಂದು. ಇದು 2022ರ ಮಾಡಲ್. ಈ ಕಾರಿನ ಮೊತ್ತ 1.20 ಕೋಟಿ ರೂಪಾಯಿ. ಈ ಕಾರಿನಲ್ಲಿ ದರ್ಶನ್ ರೈಡ್ ಹೋಗಿದ್ದು,ಆ ಫೋಟೊಗಳು ಮತ್ತು ವಿಡಿಯೋ ವೈರಲ್ ಆಗಿದ್ದವು.