Happy Birthday D Boss: ಅಭಿಮಾನಿಗಳ ಪ್ರೀತಿಯ ದಾಸನ ಈ ಗುಣಗಳ ಬಗ್ಗೆ ನಿಮಗೆ ಗೊತ್ತಾ?

ನಟ ದರ್ಶನ್ ತಾವೊಬ್ಬರೇ ಎತ್ತರಕ್ಕೆ ಬೆಳೆದಿಲ್ಲ. ಅವರ ಜೊತೆ ತಮ್ಮೊಂದಿಗಿದ್ದವರಿಗೂ ಬೆನ್ನೆಲುಬಾಗಿದ್ದಾರೆ. ಸ್ನೇಹಕ್ಕಾಗಿಯೇ ಸೃಜನ್ ಲೋಕೇಶ್, ಆದಿತ್ಯ, ಸೌರವ್ ಜೊತೆ ನಟಿಸಿದ್ದಾರೆ. ಜೊತೆಗೆ ಸಂಗೀತ ನಿರ್ದೇಶಕ ಹರಿಕೃಷ್ಣ ಅವರನ್ನು ಕನ್ನಡ ಚಿತ್ರರಂಗಕ್ಕೆ ಪರಿಚಯಿಸಿದ್ದಾರೆ. ತಮ್ಮ ಹೋಮ್ ಪ್ರೊಡಕ್ಷನ್ ಮೂಲಕ ನೆನಪಿರಲಿ ಪ್ರೇಮ್ ಹಾಗೂ ಸೂರಜ್ ಗೌಡ ಅವರಿಗೆ ಸಿನಿಮಾ ಮಾಡಿದ್ದಾರೆ. ವಿನೋದ್ ಪ್ರಭಾಕರ್, ತರುಣ್ ಸುಧೀರ್, ಪ್ರಜ್ವಲ್ ದೇವರಾಜ್ ಹೀಗೆ ಅನೇಕರು ದಾಸನ ಪ್ರಾಣ ಸ್ನೇಹಿತರು. 

ದರ್ಶನ್ ಇಷ್ಟು ಎತ್ತರಕ್ಕೆ ಬೆಳೆದು ನಿಂತರೂ ಕೂಡ ತಮ್ಮ ಆರಂಭಿಕ ಹಾಗೂ ಕಷ್ಟದ ದಿನಗಳನ್ನು ಮರೆತಿಲ್ಲ. ಕಷ್ಟ ಅಂತ ಮನೆ ಬಾಗಿಲಿಗೆ ಬಂದವರನ್ನು ದರ್ಶನ್ ಎಂದಿಗೂ ಹಾಗೆಯೇ ಕಳಿ ಸುವುದಿಲ್ಲ. ಚಿತ್ರರಂಗದವರೇ ಆಗಿರಲಿ, ಅಭಿಮಾನಿಗಳೇ ಆಗಿರಲಿ ಅಥವಾ ಸಾಮಾನ್ಯ ಜನರೇ ಆಗಿರಲಿ ದರ್ಶನ್ ಎಲ್ಲರಿಗೂ ಆರ್ಥಿಕ ಸಹಾಯ ಮಾಡಿದ್ದಾರೆ. ಅನೇಕರ ಆಸ್ಪತ್ರೆ ವೆಚ್ಚ ಭರಿಸಿದ್ದಾರೆ. ದರ್ಶನ್ ಈ ಗುಣವನ್ನು ಮೆಚ್ಚಿಕೊಂಡವರು ಅನೇಕ ಜನರಿದ್ದಾರೆ. ಇನ್ನು ಚಿತ್ರರಂಗದಲ್ಲೂ ತಾನು ಬೆಳೆದು ತನ್ನವರನ್ನು ಬೆಳೆಸುವ ಗುಣ ದರ್ಶನ್ ಅವರಲ್ಲಿದೆ. ಹೊಸ ಕಲಾವಿದರ ಬೆಂಬಲಕ್ಕೆ ಸದಾ ನಿಲ್ಲುತ್ತಾರೆ. ಸಾಂಗ್, ಟೀಸರ್ ಲಾಂಚ್ ಎಲ್ಲದಕ್ಕೂ ಹೋಗಿ ಚಿತ್ರವನ್ನು ಗೆಲ್ಲುಸುವಂತೆ ಮನವಿ ಮಾಡುತ್ತಾರೆ.

ಮನುಷ್ಯ ಎಂದಮೇಲೆ ಬರೀ ಒಳ್ಳೆಯ ಗುಣಗಳೇ ಇರುವುದಿಲ್ಲ. ಉತ್ತಮ ಗುಣಗಳೊಂದಿಗೆ ಕೆಲ ಋಣಾತ್ಮಕ ಗುಣಗಳಿವುದು ಇದ್ದೇ ಇರುತ್ತವೆ. ಅಂತಹ ಗುಣ ದರ್ಶನ್ ಅವರಲ್ಲೂ ಇದೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸಿಕ್ಕಾಪಟ್ಟೆ ಮುಂಗೋಪಿ. ಅದರೆ, ಅಷ್ಟೇ ಸ್ವಾಭಿಮಾನಿ ಕೂಡ ಹೌದು. 

ದರ್ಶನ್‌ಗೆ ಬಾಲ್ಯದಿಂದಲೂ ಪ್ರಾಣಿ ಪಕ್ಷಿ ಅಂದರೆ ಅಚ್ಚುಮೆಚ್ಚು. ಮೈಸೂರಿನ ಫಾರ್ಮ್‌ಹೌಸ್‌ನಲ್ಲಿ ಸಾಕಷ್ಟು ಪ್ರಾಣಿ ಪಕ್ಷಿಗಳನ್ನು ಸಾಕುತ್ತಿದ್ದಾರೆ. ಮೈಸೂರು ಮೃಗಾಲಯದಲ್ಲೂ ಪ್ರಾಣಿಗಳನ್ನು ದತ್ತು ತೆಗೆದುಕೊಳ್ಳುತ್ತಾರೆ. ಬರೀ ತಾವು ಮಾತ್ರ ಪ್ರಾಣಿಗಳನ್ನು ದತ್ತು ತೆಗೆದುಕೊಳ್ಳುವುದಲ್ಲ. ತಮ್ಮ ಆಪ್ತರಿಗೂ, ಅಭಿಮಾನಿಗಳಿಗೂ ಸಲಹೆ ನೀಡುತ್ತಾರೆ. ಅರಣ್ಯ ಇಲಾಖೆಯ ರಾಯಭಾರಿ ಕೂಡ ಆಗಿದ್ದಾರೆ.

ದರ್ಶನ್ ವೀಕೆಂಡ್ ಬಂತೆಂದರೆ ಮೈಸೂರಿನಲ್ಲಿರುವ ತಮ್ಮ ಫಾರ್ಮ್ ಹೌಸ್‌ನತ್ತ ಮುಖ ಮಾಡುತ್ತಾರೆ. ಬೆಳೆಗ್ಗೆಯೇ ಸಾಮಾನ್ಯ ರೈತನಂತೆ ಹಸುಗಳ ಹಾಲು ಕರೀತಾರೆ. ಹುಲ್ಲು ಕುಯ್ದು, ಜಾನುವಾರುಗಳಿಗೆ ಮೇವು ಹಾಕ್ತಾರೆ. ರೈತರಿಗೆ ಕಷ್ಟ ಬಂದಾಗ ಸ್ಪಂದಿಸುತ್ತಾರೆ. ಅವರ ಪರವಾಗಿ ಮಾತನಾಡುತ್ತಾರೆ.

ಅಭಿಮಾನಿಗಳ ಪ್ರೀತಿ ದಾಸನಿಗೆ ಕಾರು-ಬೈಕ್‌ಗಳೆಂದರೆ ಸಖತ್ ಕ್ರೇಜ್. ದರ್ಶನ್ ಬಳಿ ಮಾರುತಿ ೮೦೦ನಿಂದ ಹಿಡಿದು ಲಂಬೋರ್ಗಿನಿ ವರೆಗೆ ಸಾಕಷ್ಟು ದುಬಾರಿ ಕಾರುಗಳಿವೆ. ಇನ್ನು ಬೈಕ್‌ಗಳ ವಿಷಯಕ್ಕೆ ಬಂದರೆ ೩೦ ಲಕ್ಷದ ಬೈಕ್‌ನಿದ ಹಿಡಿದು ಅಪ್ಪನ ಹಳೇ ಕಾಲದ ಲೂನಾ ಕೂಡ ಜೋಪಾನವಾಗಿ ಇಟ್ಟುಕೊಂಡಿದ್ದಾರೆ ದಚ್ಚು.

ಡಿ ಬಾಸ್‌ಗೆ ಫೋಟೋಗ್ರಫಿ ಅಂದರೆ ಅಚ್ಚುಮೆಚ್ಚು. ಸಿನಿಮಾ ಶೂಟಿಂಗ್‌ನಿಂದ ವಿರಾಮ ಸಿಕ್ಕರೆ ಸಾಕು, ಸಾರಥಿ ತಮ್ಮ ಸ್ನೇಹಿತರೊಂದಿಗೆ ಕಾಡಿನತ್ತ ಸವಾರಿ ಹೊರಟು ಬಿಡ್ತಾರೆ. ಈ ಸಂದರ್ಭ ಪ್ರಾಣಿ, ಪಕ್ಷಿ, ವನ್ಯ ಮೃಗಗಳ ಫೋಟೋ ಸೆರೆ ಹಿಡಿಯುತ್ತಾರೆ. ನಂತರ ಅವುಗಳ ಪ್ರದರ್ಶನ ಏರ್ಪಡಿಸಿ, ಅದರಿಂದ ಬಂದ ಹಣದಿಂದ ಅರಣ್ಯ ಇಲಾಖೆಯ ಗುತ್ತಿಗೆ ನೌಕರರಿಗೆ ಸಹಾಯ ಹಸ್ತವನ್ನೂ ನೀಡುತ್ತಾರೆ. 

ದರ್ಶನ್‌ಗೆ ಕುದುರೆ ಸವಾರಿ ಅಂದರೆ ಪಂಚಪ್ರಾಣ. ಫಾರ್ಮ್‌ ಹೌಸ್‌ನಲ್ಲಿದ್ರೆ ವರ್ಕೌಟ್ ಮಾಡುವ ಬದಲು ಕುದುರೆ ಸವಾರಿ ಹೋಗಿ ಬರುತ್ತಾರೆ. ಅದ್ರಲ್ಲೂ ಸಾರಥಿ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದ 'ಬಾದಲ್' ದರ್ಶನ್ ನೆಚ್ಚಿನ ಕುದುರೆ. ಅದು ಸಾವನ್ನಪ್ಪಿದಾಗ ಬಹಳ ಬೇಸರಪಟ್ಟುಕೊಂಡಿದ್ದರು. ಬಾದಲ್ ಕುದುರೆಯ ಹಚ್ಚೆ ಕೂಡ ಹಾಕಿಸಿಕೊಂಡಿದ್ರು.