New ott releases this week: ಈ ವಾರ ಒಟಿಟಿಯಲ್ಲಿ ಬಿಡುಗಡೆಯಾಗುತ್ತಿರುವ 6 ಸಿನಿಮಾಗಳಿವು!

ರೆಮೋ ಡಿಸೋಜಾ ನಿರ್ದೇಶನದ ಹಾಗೂ ಅಭಿಷೇಕ್ ಬಚ್ಚನ್ ಅಭಿನಯದ 'ಬಿ ಹ್ಯಾಪಿ' ಸಿನಿಮಾ ಮಾರ್ಚ್‌ 14 ರಂದು ಅಮೇಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆ ಆಗಲಿದೆ. ಚಿತ್ರದಲ್ಲಿ ಅಭಿಷೇಕ್ ಜೊತೆ ನೋರಾ ಫತೇಹಿ, ಜಾನಿ ಲಿವರ್, ನಾಸರ್, ಹರ್ಲಿನ್ ಸೇಥಿ ಮತ್ತು ಇನಾಯತ್ ವರ್ಮಾ ಅಭಿನಯಿಸಿದ್ದಾರೆ.

ತೆಲುಗು ನಟ ನಾಗಾರ್ಜುನ ಅಕ್ಕಿನೇನಿ ಪುತ್ರ ಅಖಿಲ್ ಅಭಿನಯದ ಆಕ್ಷನ್ ಸಿನಿಮಾ 'ಏಜೆಂಟ್' ಕೂಡ ಮಾರ್ಚ್‌ 14 ರಂದು ಸೋನಿ ಲಿವ್‌ನಲ್ಲಿ ಸ್ಟ್ರೀಮ್ ಆಗಲಿದೆ. ಏಜೆಂಟ್ ತೆಲುಗು ಮಾತ್ರವಲ್ಲದೇ, ತಮಿಳು, ಕನ್ನಡ, ಮಲಯಾಳಂ ಹಾಗೂ ಹಿಂದಿ ಭಾಷೆಯಲ್ಲಿ ರಿಲೀಸ್ ಆಗಲಿದೆ.

ಬೇಸಿಲ್ ಜೋಸೆಫ್ ಅಭಿನಯದ ಮಾಲಿವುಡ್‌ನ ಡಾರ್ಕ್ ಕಾಮಿಡಿ ಸಿನಿಮಾ 'ಪೋನ್‌ಮನ್' ಜಿಯೋ ಹಾಟ್‌ಸ್ಟಾರ್‌ನಲ್ಲಿ  ಮಾರ್ಚ್‌ 14 ರಂದು ರಿಲೀಸ್ ಆಗಲಿದೆ. ಈ ಸಿನಿಮಾಗೆ ಜೋತೀಶ್ ಶಂಕರ್ ಚೊಚ್ಚಲ ಬಾರಿಗೆ ಆಕ್ಷನ್ ಕಟ್ ಹೇಳಿದ್ದಾರೆ.

ಉತ್ಕರ್ಷ್ ಶರ್ಮಾ ಹಾಗೂ ನಾನಾ ಪಟೇಕರ್ ಅಭಿನಯದ ತಂದೆ-ಮಗನ ಬಾಂಧವ್ಯದ ಕಥೆ ಹೊಂದಿರುವ 'ವನವಾಸ್' ಸಿನಿಮಾ ಮಾರ್ಚ್‌ 14 ರಂದು ಜೀ5 ಒಟಿಟಿ ವೇದಿಕೆಯಲ್ಲಿ ಪ್ರಸಾರವಾಗಲಿದೆ.

ಮೆಕ್ಸಿಕನ್ ಸಿನಿಮಾ 'ವೆಲ್ಕಮ್ ಟು ದಿ ಹೌಸ್' ನೆಟ್‌ಫ್ಲಿಕ್ಸ್ ಒಟಿಟಿ ವೇದಿಕೆಯಲ್ಲಿ ಮಾರ್ಚ್ 12ರಂದು ಪ್ರಸಾರವಾಗಲಿದೆ. ಜೊತೆಗೆ ಅಮೆರಿಕನ್ ಚಿತ್ರ 'ದಿ ಎಲೆಕ್ಟ್ರಿಕ್ ಸ್ಟೇಟ್' ಮಾರ್ಚ್‌ 14 ರಂದು ನೆಟ್‌ಫ್ಲಿಕ್ಸ್ ಒಟಿಟಿ ವೇದಿಕೆಯಲ್ಲಿ ಬಿಡುಗಡೆ ಆಗಲಿದೆ.