ಅಪ್ಪು ಹಾಗೂ ಅಣ್ಣಾವ್ರ ಕಾಂಬಿನೇಷನ್​ನಲ್ಲಿ ಬಂದ ಸಿನಿಮಾಗಳ ಪಟ್ಟಿ ಇಲ್ಲಿದೆ.

ಪ್ರೇಮದ ಕಾಣಿಕೆ ಸಿನಿಮಾವನ್ನು ವಿ.ಸೋಮಶೇಖರ್ ನಿರ್ದೇಶನ ಮಾಡಿದ್ದರು. 1976ರಲ್ಲಿ ಬಿಡುಗಡೆಯಾಗಿದ್ದ ಈ ಸಿನಿಮಾದಲ್ಲಿ ಡಾ.ರಾಜ್​ಕುಮಾರ್​, ಆರತಿ ಹಾಗೂ ಜಯಮಾಲ ಅಭಿನಯಿಸಿದ್ದರು. 'ಪ್ರೇಮದ ಕಾಣಿಕೆ' ಸಿನಿಮಾದಲ್ಲಿ ಪುನೀತ್​ ರಾಜ್​ಕುಮಾರ್​ 6 ತಿಂಗಳ ಶಿಶುವಾಗಿ ಕಾಣಿಸಿದ್ದರು. ಈ ಸಿನಿಮಾ ಮೂಲಕ ಬಾಲ ಕಲಾವಿದರಾಗಿ ಕನ್ನಡ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ್ದರು. 

ಪುನೀತ್​ ರಾಜ್​ಕುಮಾರ್ ಒಂದು ವರ್ಷದ ಮಗುವಿದ್ದಾಗ ಸನಾದಿ ಅಪ್ಪಣ್ಣ ಸಿನಿಮಾದಲ್ಲಿ ನಟಿಸಿದ್ದರು. ಈ ಸಿನಿಮಾ 1977ರಲ್ಲಿ ಬಿಡುಗಾಡೆಯಾಗಿತ್ತು. ಈ ಸಿನಿಮಾದಲ್ಲಿ ಡಾ.ರಾಜ್​ಕುಮಾರ್ ಮತ್ತು ಜಯಪ್ರದ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. 

ತಾಯಿಗೆ ತಕ್ಕ ಮಗ 1978ರಲ್ಲಿ ಬಿಡುಗಡೆಯಾಗಿತ್ತು. ಪುನೀತ್​ ರಾಜ್​ಕುಮಾರ್ ಎರಡನೇ ವರ್ಷದವರಿದ್ದಾಗ 'ತಾಯಿಗೆ ತಕ್ಕ ಮಗ' ಸಿನಿಮಾದಲ್ಲಿ ನಟಿಸಿದ್ದರು. ಈ ಸಿನಿಮಾದಲ್ಲಿ ಡಾ.ರಾಜ್​ಕುಮಾರ್​, ಪದ್ಮಪ್ರಿಯ ಸಾವಿತ್ರಿ, ಸಾಹುಕಾರ್ ಜಾನಕಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರವನ್ನು ವಿ. ಸೋಮಶೇಖರ್ ನಿರ್ದೇಶನ ಮಾಡಿದ್ದರು.

ಪುನೀತ್​ ರಾಜ್​ಕುಮಾರ್ 1980ರಲ್ಲಿ ದೊರೈ-ಭಗವಾನ್ ನಿರ್ದೇಶನದಲ್ಲಿ ಬಂದ ವಸಂತಗೀತ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು.  ಈ ಸಿನಿಮಾದಲ್ಲಿ ಡಾ.ರಾಜ್​ಕುಮಾರ್, ಗಾಯತ್ರಿ, ರೀನಿವಾಸಮೂರ್ತಿ, ಪುನೀತ್ ರಾಜ್‍ಕುಮಾರ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. 

ಪುನೀತ್ ಹೆಸರು ಮನೆಮಾತಾಗುವಂತೆ ಮಾಡಿದ್ದು, ಬಾಲನಟನಾಗಿ ಪುನೀತ್ ಭರವಸೆ ಹುಟ್ಟಿಸಿದ ಚಿತ್ರ ಭಾಗ್ಯವಂತ. ಈ ಸಿನಿಮಾ 1981ರಲ್ಲಿ ಬಿಡುಗಡೆಯಾಗಿತ್ತು. ಅಪ್ಪ-ಅಮ್ಮನನ್ನು ಕಳೆದುಕೊಂಡ ಅನಾಥ ಮಗುವಿನ ಪಾತ್ರಕ್ಕೆ ಜೀವ ತುಂಬುವ ಅಪ್ಪು,​ ಎಲ್ಲರಿಂದಲೂ ನತದೃಷ್ಟ ಎನಿಸಿಕೊಳ್ಳುತ್ತಾರೆ. ಆದರೆ, ರೈಲೊಂದನ್ನು ಅಪಾಯದಿಂದ ಪಾರು ಮಾಡಿ, ಅದರ ಚಾಲಕನಿಂದ ಭಾಗ್ಯವಂತ ಎಂದು ಹೊಗಳಿಸಿಕೊಳ್ಳುತ್ತಾರೆ.  ಭಾಗ್ಯವಂತ ಸಿನಿಮಾಕ್ಕೆ ಕಂಠದಾನ ಮಾಡಿದ ಪುನೀತ್​​, ಬಾನ ದಾರಿಯಲ್ಲಿ ಸೂರ್ಯ ಹಾಡು ಹಾಡಿ ಜನರ ಮೆಚ್ಚುಗೆ ಪಡೆದರು. ಈ ಹಾಡು ಇಂದಿಗೂ ಕೂಡ ಜನಪ್ರಿಯವಾಗಿದೆ.  

ಹೊಸ ಬೆಳಕು ಸಿನಿಮಾ 1982ರಲ್ಲಿ ಬಿಡುಗಡೆಯಾಗಿತ್ತು. ಈ ಸಿನಿಮಾವನ್ನು ದೊರೈ-ಭಗವಾನ್ ನಿರ್ದೇಶನ ಮಾಡಿದ್ದರು.  ಈ ಸಿನಿಮಾದಲ್ಲಿ  ಡಾ.ರಾಜ್​ಕುಮಾರ್​, ಸರಿತ, ಕೆ. ಎಸ್ ಅಶ್ವಥ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಪುನೀತ್ ಬಾಲ ನಟರಾಗಿ ಕಾಣಿಸಿಕೊಂಡಿದ್ದರು.  

ಚಲಿಸುವ ಮೋಡಗಳು ಚಿತ್ರದಲ್ಲಿ ವರನಟ ಡಾ.ರಾಜ್​ಕುಮಾರ್​ ನಾಯಕನಾಗಿ ಮತ್ತು ಅಂಬಿಕ ನಾಯಕಿಯಾಗಿ ಮುಖ್ಯ ಪಾತ್ರದಲ್ಲಿ ತೆರೆಯ ಮೇಲೆ ಅಭಿನಯಿಸಿದ್ದಾರೆ. ಕೆ ಎಸ್ ಅಶ್ವಥ್, ಪಂಡರಿ ಬಾಯಿ, ಮೊದಲಾದವರ ತಾರ ಬಳಗವೇ ಚಿತ್ರದಲ್ಲಿದೆ. ಈ ಸಿನಿಮಾದಲ್ಲಿ ಕೂಡ ಪುನೀತ್ ಬಾಲ ನಟರಾಗಿ ನಟಿಸಿದ್ದರು.  

ಡಾ.ರಾಜ್​ಕುಮಾರ್​ ಅಭಿನಯದ ಭಕ್ತ ಪ್ರಹ್ಲಾದ (1983) ಕನ್ನಡದ ಸೂಪರ್​ ಹಿಟ್ ಚಿತ್ರಗಳಲ್ಲಿ ಒಂದು. ತೆಲುಗಿಗೆ ನರಸಿಂಹಾವತಾರಮ್ ಎಂದು ಡಬ್ ಆದ ಜನಪ್ರಿಯ ಸಿನಿಮಾ ಇದು. ಈ ಚಿತ್ರದಲ್ಲಿ ಪ್ರಹ್ಲಾದನ ಪಾತ್ರಕ್ಕೆ ಜೀವ ತುಂಬಿದ್ದವರು ಪುನೀತ್ ರಾಜ್​ಕುಮಾರ್. ಪುನೀತ್ ಕಂಠ ಮಾಧುರ್ಯದಲ್ಲಿ ಹೊರಬಂದ ಗೋವಿಂದ ಗೋವಿಂದ ಹಾಡನ್ನು ಕನ್ನಡಿಗರು ಮೆಚ್ಚಿಕೊಂಡಿದ್ದರು. ಸಂಭಾಷಣೆಯ ದಾಟಿಯಲ್ಲಿ ಮೂಡಿಬಂದ ಎಲ ಎಲವೋ ಹಾಡಿಗೂ ರಾಜ್​ಕುಮಾರ್ ಜೊತೆಗೂಡಿ ಪುನೀತ್ ಜೀವ ತುಂಬಿದ್ದರು. ಕನ್ನಡದ ಪೌರಾಣಿಕ ಚಿತ್ರ ಪರಂಪರೆಯಲ್ಲಿ ಪುನೀತ್​ರ ಪ್ರಹ್ಲಾದನ ಪಾತ್ರ ಎಲ್ಲರು ಮೆಚ್ಚುವಂತಹದ್ದು. 

ಸಿರಿತನ ಮತ್ತು ಬಡತನದ ಪರಿಕಲ್ಪನೆಗಳನ್ನು ಮಕ್ಕಳ ಕಣ್ಣಲ್ಲಿ ಪರಿಶೀಲಿಸುವ ಅಪರೂಪದ ಸಿನಿಮಾ ಎರಡು ನಕ್ಷತ್ರಗಳು. ಈ ಸಿನಿಮಾದಲ್ಲಿ ಪುನೀತ್ ದ್ವಿಪಾತ್ರದಲ್ಲಿ ಅಭಿನಯಿಸಿದ್ದರು.  ಮಹಾರಾಜನ ಮಗ ಮತ್ತು ಬಡ ಕುಡುಕನ ಮಗನ ವಯಸ್ಸು ಒಂದೇ. ಅವರ ಉಡುಪು ಅದಲುಬದಲಾಗಿ ಎರಡೂ ಪಾತ್ರಗಳು ಅನುಭವಿಸುವ ಕಷ್ಟಪರಂಪರೆಗಳನ್ನು ಈ ಸಿನಿಮಾ ತೆರೆದಿಡುತ್ತದೆ.  ಈ ಸಿನಿಮಾದ ನನ್ನ ಉಡುಪು ನನ್ನದು, ನಿನ್ನ ಉಡುಪು ನಿನ್ನದು ಜನಪ್ರವಾಗಿತ್ತು.  ಈ ಚಿತ್ರದ ಅಭಿನಯಕ್ಕಾಗಿ ಪುನೀತ್ ಅವರಿಗೆ ಅತ್ಯುತ್ತಮ ಬಾಲನಟ ಪುರಸ್ಕಾರ ಲಭಿಸಿತ್ತು.  

ಯಾರಿವನು ಸಿನಿಮಾದಲ್ಲಿ ಕೂಡ ಪುನೀತ್ ಬಾಲ ನಟನಾಗಿ ಮಿಂಚಿದ್ದರು. ಈ ಚಿತ್ರ 1984ರಲ್ಲಿ  ಗಡೆಯಾಗಿತ್ತು. ಈ ಸಿನಿಮಾದಲ್ಲಿ ರೂಪಾದೇವಿ, ಸರೋಜಾ ದೇವಿ, ಶ್ರೀನಾಥ್ ಹಾಗೂ ವರನಟ ಡಾ.ರಾಜ್​ಕುಮಾರ್​ ನಟಿಸಿದ್ದರು.