ಕನ್ನಡದ ಹೆಮ್ಮೆಯ ಕೆಜಿಎಫ್ ಚಾಪ್ಟರ್-2ಗೆ ವರ್ಷದ ಸಂಭ್ರಮ: ಸಿನಿಮಾದ ಪ್ರಮುಖ ದಾಖಲೆಗಳ ಪಟ್ಟಿ ಇಲ್ಲಿದೆ.

ಸಿಂಗಲ್ ಸಿನಿಮಾ ಚೈನ್‌ನಲ್ಲಿ(PVR) ಸಾರ್ವಕಾಲಿಕವಾಗಿ 124 ಕೋಟಿ ರೂ. ಗಳಿಕೆ ಮಾಡಿದ ಸಿನಿಮಾ ಕೆಜಿಎಫ್ ಚಾಪ್ಟರ್-2. ಬಹುತೇಕ ಎಲ್ಲಾ ರಾಜ್ಯಗಳಲ್ಲಿ ಮೊದಲ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ 2ನೇ ಸಿನಿಮಾ ಕೂಡ ಹೌದು. ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಭಾರತದ ಸಿನಿಮಾಗಳಲ್ಲಿ 3ನೇ ಸಿನಿಮಾ KGF ಚಾಪ್ಟರ್‌- 2. ಮೊದಲೆರಡು ಸ್ಥಾನದಲ್ಲಿ ದಂಗಲ್, ಬಾಹುಬಲಿ- 2 ಇದ್ದು, ಕೆಜಿಎಫ್ ಚಾಪ್ಟರ್ ೨  1,250 ಕೋಟಿ ರೂಪಾಯಿ ಗಳಿಸಿತ್ತು. ಬಾಹುಬಲಿ- 2 ನಂತರ ಭಾರತದಲ್ಲಿ ಸಾರ್ವಕಾಲಿಕ ಎರಡನೇ ಅತಿ ಹೆಚ್ಚು ಗಳಿಕೆ ಕಂಡ ಸಿನಿಮಾ. 

21ನೇ ಶತಮಾನದಲ್ಲಿ ಬಾಹುಬಲಿ ಹಾಗೂ ಗದ್ದರ್ ಬಿಟ್ಟರೆ ಅತಿ ಹೆಚ್ಚು ಟಿಕೆಟ್ ಮಾರಾಟವಾದ ಸಿನಿಮಾ ನಮ್ಮ ಹೆಮ್ಮೆಯ ಕೆಜಿಎಫ್ ಚಾಪ್ಟರ್-2. ಫಸ್ಟ್ ವೀಕೆಂಡ್‌ನಲ್ಲಿ ಅತಿಹೆಚ್ಚು ಗಳಿಕೆ ಕಂಡ ಭಾರತ ಸಿನಿಮಾ ಎನಿಸಿಕೊಂಡಿದೆ. ಕೆಜಿಎಫ್ ಚಾಪ್ಟರ್-2 552 ಕೋಟಿ ರೂ. ಗಳಿಕೆ ಕಂಡಿದ್ದು, ಬಾಹುಬಲಿ- 2 ಚಿತ್ರ 526 ಕೋಟಿ ರೂ. ಗಳಿಸಿತ್ತು. 

ಮುಂಗಡ ಬುಕಿಂಗ್‌ನಲ್ಲಿ ಬಾಹುಬಲಿ -2 ಸಿನಿಮಾ 58 ಕೋಟಿ ರೂ. ಗಳಿಸಿದ್ದರೆ, ಕನ್ಬಡದ ಕೆಜಿಎಫ್ ಚಾಪ್ಟರ್-2 80 ಕೋಟಿ ರೂ. ಗಳಿಸಿತ್ತು. ಈ ಮೂಲಕ ಮುಂಗಡ ಬುಕಿಂಗ್‌ನಲ್ಲಿ ಅತಿ ಹೆಚ್ಚು ಗಳಿಸಿದ ಭಾರತದ ಸಿನಿಮಾ ಎನಿಸಿಕೊಂಡಿತ್ತು. 

ಕೆಜಿಎಫ್ ಚಾಪ್ಟರ್-2 ಸಿನಿಮಾದ ಟೀಸರ್ ಮೊದಲ ಮತ್ತು ಅತಿ ಬೇಗ 100 ಮಿಲಿಯನ್, 150 ಮಿಲಿಯನ್ ಹಾಗೂ 250 ಮಿಲಿಯನ್ ವೀವ್ಸ್ ಪಡೆದಿತ್ತು. ಜೊತೆಗೆ ವಿಶ್ವದಾದ್ಯಂತ ಒಟ್ಟು 1,000 ಕೋಟಿ ಕ್ಲಬ್‌‌ಗೆ ವೇಗವಾಗಿ ಪ್ರವೇಶಿಸಿದ ಭಾರತದ ಸಿನಿಮಾ ಎಂಬ ಹೆಗ್ಗಳಿಕೆಗೂ ಈ ಚಿತ್ರ ಪಾತ್ರವಾಗಿದೆ. 

ಕೆಜಿಎಫ್ ಚಾಪ್ಟರ್-2 ಸಿನಿಮಾದ ಟೀಸರ್ ಯೂಟ್ಯೂಬ್‌ನಲ್ಲಿ ಮೊದಲ ಮತ್ತು ವೇಗವಾಗಿ 1 ಮಿಲಿಯನ್, 2 ಮಿಲಿಯನ್, 3 ಮಿಲಿಯನ್, 4 ಮಿಲಿಯನ್ ವೀವ್ಸ್ ಮತ್ತು ವಿಶ್ವದಲ್ಲೇ ಅತಿ ಹೆಚ್ಚು ಲೈಕ್ಸ್ ಗಿಟ್ಟಿಸಿತ್ತು. ಈ ಚಿತ್ರದ ಟೀಸರ್‌ಗೆ  9.8 ಮಿಲಿಯನ್ ಲೈಕ್ಸ್ ಬಂದಿದ್ದವು. 

 ಯುಕೆಯಲ್ಲಿ ಕೇವಲ 12 ಗಂಟೆಗಳಲ್ಲಿ ಸುಮಾರು 5,000 ಟಿಕೆಟ್‌ಗಳು ಮಾರಾಟವಾಗಿ ಕೆಜಿಎಫ್ ಚಾಪ್ಟರ್-2 ಸಿನಿಮಾ ದಾಖಲೆ ಬರೆದಿತ್ತು. ಈ ಅದ್ಭುತ ಸಾಧನೆ ಮಾಡಿದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೂ ಈ ಸಿನಿಮಾ ಪಾತ್ರವಾಗಿದೆ. ಕೆನಡಾದಲ್ಲಿ ಅತಿ ಹೆಚ್ಚು ಕಾಲ ಪ್ರದರ್ಶನ ಕಂಡ ಸಿನಿಮಾ ಕೂಡ ಹೌದು. 

ಬುಕ್‌ಮೈ ಶೋನಲ್ಲಿ ಕೆಜಿಎಫ್ ಚಾಪ್ಟರ್-2 ಸಿನಿಮಾದ ಟಿಕೆಟ್‌ಗಳು ಸಾರ್ವಕಾಲಿಕ ದಾಖಲೆಯ ಮಟ್ಟದಲ್ಲಿ ಮಾರಾಟವಾಗಿದ್ದವು. ಅಂದರೆ ಬರೋಬ್ಬರಿ 17.1 ಮಿಲಿಯನ್ ಟಿಕೆಟ್‌ಗಳು ಮಾರಾಟವಾಗಿದ್ದವು. ಬುಕ್‌ಮೈ ಶೋ ಪ್ಲಾಟ್‌ಫಾರ್ಮ್‌ನಲ್ಲಿ ಅತಿಹೆಚ್ಚು ಟಿಕೆಟ್ ಮಾರಾಟವಾಗಿ, ಹಳೇ ದಾಖಲೆಗಳನ್ನೆಲ್ಲಾ KGF- 2 ಮುರಿದಿದೆ. ಪ್ರತಿ ಸೆಕೆಂಡಿಗೆ 84 ಟಿಕೆಟ್‌ಗಳು ಮಾರಾಟವಾಗಿತ್ತು. ಬಾಹುಬಲಿ 2 ಚಿತ್ರದ 17 ಮಿಲಿಯನ್ ಟಿಕೆಟ್‌ಗಳು ಮಾರಾಟವಾಗಿದ್ದವು. 

KGF- 2 ವಿಶ್ವದಾದ್ಯಂತ IMAXನಲ್ಲಿ ಬಿಡುಗಡೆಯಾದ ಮೊದಲ ಕನ್ನಡ ಸಿನಿಮಾ. ಜೊತೆಗೆ  ಪ್ಯಾಂಡಮಿಖ್ ನಂತರ ವಿಶ್ವದಾದ್ಯಂತ 10 ಸಾವಿರಕ್ಕು ಹೆಚ್ಚು ಪ್ರದರ್ಶನ ಕಂಡ 2ನೇ ಸಿನಿಮಾ ಕೆಜಿಎಫ್ ಚಾಪ್ಟರ್-2 . 

ಯೂಟ್ಯೂಬ್‌ನಲ್ಲಿ ಕೆಜಿಎಫ್ ಚಾಪ್ಟರ್-2 ಸಿನಿಮಾದ ಎಲ್ಲಾ ಭಾಷೆಗಳು ಟ್ರೈಲರ್ 109 ಮಿಲಿಯನ್‌ಗೂ ಹೆಚ್ಚು ವೀವ್ಸ್ ಪಡೆದಿದೆ. 24 ಗಂಟೆಗಳಲ್ಲಿ ಅತಿ ಹೆಚ್ಚು ವೀಕ್ಷಿಸಿದ ಭಾರತದ ಸಿನಿಮಾ ಟ್ರೈಲರ್ ಕೂಡ ಆಗಿದೆ. ಭಾರತದಲ್ಲಿ 'ತೂಫಾನ್' ಹಾಡು 24 ಗಂಟೆಗಳಲ್ಲಿ ಅತಿ ಹೆಚ್ಚು ವೀಕ್ಷಿಸಿದ ಲಿರಿಕಲ್ ವಿಡಿಯೋ ಸಾಂಗ್ ಆಗಿದೆ.