ಸಿನಿಮಾಗೆ ಎಂಟ್ರಿಕೊಟ್ಟ ದುನಿಯಾ ವಿಜಯ್ ಪುತ್ರಿಯರ ವಯಸ್ಸು, ಎಜುಕೇಷನ್, ಬ್ಯುಸಿನೆಸ್ ಬಗ್ಗೆ ನಿಮಗೆ ಗೊತ್ತಾ?

ದುನಿಯಾ ವಿಜಯ್ ಅವರಿಗೆ ರಿತನ್ಯಾ, ಮೋನಿಷಾ ಎಂಬ ಇಬ್ಬ್ರು ಪುತ್ರಿಯರ ಜೊತೆಗೆ ಸಾಮ್ರಾಟ್ ಎಂಬ ಓರ್ವ ಪುತ್ರನಿದ್ದಾನೆ.  ಸಿನಿಮಾಗೆ ಎಂಟ್ರಿಕೊಡುವುದಕ್ಕೂ ಮುನ್ನ ವಿಜಿ ಪುತ್ರಿಯರು ಹೆಚ್ಚಾಗಿ ಮೀಡಿಯಾ ಮುಂದೆ ಕಾಣಿಸಿಕೊಂಡಿರಲಿಲ್ಲ. ಹಿರಿಯ ಪುತ್ರಿ ರಿತನ್ಯಾ ಸೋಶಿಯಲ್ ಮೀಡಿಯಾದಲ್ಲೂ ಅಷ್ಟು ಆಕ್ಟೀವ್ ಇಲ್ಲ. ಎರಡನೇ ಪುತ್ರಿ ಮೋನಿಷಾ ಆಕ್ಟೀವ್ ಇದ್ದಾರೆ.

ದುನಿಯಾ ವಿಜಯ್ ಹಿರಿಯ ಪುತ್ರಿಯ ಮೊದಲ ಹೆಸರು ಮೋನಿಕಾ. ಆದರೆ, ಸಿನಿಮಾರಂಗಕ್ಕೆ ಎಂಟ್ರಿಕೊಡುವುದಕ್ಕೂ ಮುನ್ನ ಅಂದರೆ 2024ರ ಏಪ್ರಿಲ್ 11ರಂದು ತಮ್ಮ ಹೆಸರನ್ನು ರಿತನ್ಯಾ ವಿಜಯ್ ಅಂತ ಬದಲಿಸಿಕೊಂಡರು.

ವಿಜಯ್ ಕಿರಿಯ ಪುತ್ರಿ ಮೋನಿಷಾ ಬೆಂಗಳೂರಿನ ಆರ್ಟ್ಸ್ ಅಂಡ್ ಸೈನ್ಸ್ ಕಾಲೇಜಿನಲ್ಲಿ ಥಿಯೇಟರ್, ಇಂಗ್ಲೀಷ್ ಹಾಗೂ ಸೈಕಾಲಜಿ ವಿಷಯಗಳಲ್ಲಿ ಬಿಎ ಪದವಿ ಪಡೆದಿದ್ದಾರೆ. ಜೊತೆಗೆ ನ್ಯೂಯಾರ್ಕ್ ಫಿಲ್ಮ್ ಅಕಾಡೆಮಿಯಲ್ಲಿ ನಟನೆ ಮತ್ತು ಚಿತ್ರರಂಗಕ್ಕೆ ಸಂಬಂಧಿಸಿದ ತರಬೇತಿ ಪಡೆದಿದ್ದಾರೆ. ಇನ್ನು ಹಿರಿಯ ಪುತ್ರಿ ರಿತನ್ಯಾ ಮುಂಬೈನ ಅನುಪಮ್ ಖೇರ್ ನಟನಾ ಶಾಲೆಯಲ್ಲಿ ಡಿಪ್ಲೋಮಾ ಮುಗಿಸಿದ್ದಾರೆ. ಮೋನಿಷಾಗೆ ಈಗ 21 ವರ್ಷ.

ಮೋನಿಷಾ ಫ್ಯಾಷನ್ ಡಿಸೈನರ್ ಕೂಡ ಹೌದು. ಸೋಶಿಯಲ್ ಮೀಡಿಯಾದಲ್ಲಿ ಆಗಾಗ ತಾವು ಡಿಸೈನ್ ಮಾಡಿದ ಡ್ರೆಸ್ ಫೋಟೋ ಹಂಚಿಕೊಳ್ಳುತ್ತಿರುತ್ತಾರೆ. ಜೊತೆಗೆ ಮಾಡೆಲ್ ಆಗಿಯೂ ಗುರುತಿಸಿಕೊಂಡಿರುವ ಇವರು, ಹಲವು ವೇದಿಕೆಗಳಲ್ಲಿ ರ್ಯಾಂಪ್ ವಾಕ್ ಮಾಡಿದ್ದಾರೆ. ಶುಗರ್ ಬೈ ಮೋನಿಷಾ ಎಂಬ ಬ್ರ್ಯಾಂಡ್ ಆರಂಭಿಸಿದ್ದು, ಅವ ಹೊಸ-ಹೊಸ ಡಿಸೈನ್‌ಗಳಿಗೆ ಅಕ್ಕ ರಿತನ್ಯಾ ಅವರೇ ಮಾಡೆಲ್ ಆಗಿದ್ದಾರೆ.

ರಿತನ್ಯಾ ತಮ್ಮ ತಂದೆಯ 'ಲ್ಯಾಂಡ್‌ಲಾರ್ಡ್' ಮೂಲಕ ಬೆಳ್ಳಿತೆರೆಗೆ ಕಾಲಿಟ್ಟಿದ್ದಾರೆ. ಈ ಸಿನಿಮಾವನ್ನು ಜಡೇಶ್ ಕುಮಾರ್ ಹಂಪಿ ನಿರ್ದೇಶನ ಮಾಡುತ್ತಿದ್ದು, ರಿತನ್ಯಾ ಅಪ್ಪನ ಸಿನಿಮಾದಲ್ಲೇ ಲಾಂಚ್ ಆಗ್ತಿದ್ದಾರೆ. ಇದಲ್ಲದೇ ಯುವ ರಾಜ್‌ಕುಮಾರ್ ಅವರ 3ನೇ ಸಿನಿಮಾಗೂ ರಿತನ್ಯಾ ನಾಯಕಿಯಾಗಿದ್ದಾರೆ. ಇನ್ನು ಕಿರಿಯ ಪುತ್ರಿ ಮೋನಿಷಾ 'ಸಿಟಿ ಲೈಟ್ಸ್' ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದು, ಈ ಚಿತ್ರವನ್ನ ದುನಿಯಾ ವಿಜಯ್ ಅವರೇ ನಿರ್ದೇಶಿಸುತ್ತಿದ್ದಾರೆ. ಹಳ್ಳಿ ಹುಡುಗಿಯ ಮುಗ್ಧ ಕಥೆಯನ್ನು ಒಳಗೊಂಡಿರುವ ಈ ಚಿತ್ರದಲ್ಲಿ ವಿನಯ್ ರಾಜ್‌ಕುಮಾರ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.