ನಿಮಗೆ ಗೊತ್ತಾ...ಕನ್ನಡದ ಈ ಐದು ಸೆಲೆಬ್ರಿಟಿಗಳ ಮನೆಯಲ್ಲಿ ಸಿನಿಮಾ-ಸೀರಿಯಲ್ ಶೂಟಿಂಗ್ ನಡೆಯುತ್ತೆ!

ಕನ್ನಡ ಚಿತ್ರರಂಗದ ಸೂಪರ್ ಸ್ಟಾರ್ ಉಪೇಂದ್ರ ಅವರು ಬೆಂಗಳೂರಿನ ಕತ್ರಿಗುಪ್ಪೆಯಲ್ಲಿರುವ ಮನೆಯ ಜೊತೆಗೆ ಇತ್ತೀಚೆಗೆ ಸದಾಶಿವ ನಗರದಲ್ಲಿ ಐಷಾರಾಮಿ ಮನೆಯೊಂದನ್ನು ಖರೀದಿಸಿದ್ದಾರೆ. ಇದರ ಜೊತೆಗೆ ಬೆಂಗಳೂರಿನ ಹೊರವಲಯದಲ್ಲಿ ಉಪ್ಪಿ ಒಡೆತನದ 'ರುಪ್ಪಿಸ್' ರೆಸಾರ್ಟ್‌ ಇದೆ. ಇಲ್ಲಿ ಭವ್ಯವಾದ ಬಂಗಲೆಯಿದೆ. ಸದ್ಯ ಇಲ್ಲಿ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ನಿನಗಾಗಿ' ಧಾರಾವಾಹಿ ಚಿತ್ರೀಕರಣ ನಡೆಯುತ್ತಿದೆ. ಈ ಹಿಂದೆ ಮನಸೆಲ್ಲಾ ನೀನೇ ಸೀರಿಯಲ್‌ ಸೇರಿದಂತೆ ಹಲವು ಧಾರಾವಾಹಿ & ಸಿನಿಮಾಗಳ ಚಿತ್ರೀಕರಣ ನಡೆದಿದೆ.

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಭಾಗ್ಯಲಕ್ಷ್ಮೀ ಧಾರಾವಾಹಿ ಕುಸುಮಾ ಪಾತ್ರಧಾರಿ ಪದ್ಮಜಾ ರಾವ್ ಅವರು ೨೦೧೮ರಲ್ಲಿ ಮೂಡಲಮನೆ ರೀತಿಯಲ್ಲಿ ಮನೆ ಕಟ್ಟಿದ್ದಾರೆ. ಬೆಂಗಳೂರಿನಲ್ಲಿರುವ ಈ ಮನೆಯಲ್ಲಿ ಹಳೇಕಾಲದ ಹಳ್ಳಿಮನೆ ರೀತಿಯಲ್ಲಿ ಕಟ್ಟಿಸಿದ್ದಾರೆ. ಈ ಮನೆಯಲ್ಲಿ ಸಾಕಷ್ಟು ಸಿನಿಮಾ ಹಾಗೂ ಧಾರಾವಾಹಿಗಳ ಚಿತ್ರೀಕರಣ ನಡೆದಿದೆ. ಜೀ ವಾಹಿನಿಯಲ್ಲಿ ಪ್ರಸಾರವಾಗಿದ್ದ ಹಿಟ್ಲರ್ ಕಲ್ಯಾಣ ಸೀರಿಯಲ್‌ನ ಲೀಲಾ ಮನೆ ಕೂಡ ಪದ್ಮಜಾ ಅವರದ್ದೇ ಆಗಿತ್ತು.

ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಮನೆಯಿದೆ. ಈ ಮನೆಗೆ 'ಗಣಪ' ಎಂದು ಹೆಸರಿಡಲಾಗಿದೆ. ಗಣೇಶನ ಮೇಲೆ ಅಪಾರ ಭಕ್ತಿಯಿರುವ ಗೋಲ್ಡನ್ ಸ್ಟಾರ್ ತಮ್ಮನೆಗೆ ಗಣಪ ಎಂದು ಹೆಸರಿಟ್ಟಿದ್ದಾರೆ. ಇದರ ಜೊತೆಗೆ ಗಣಿ ಒಡೆತನದ ಇನ್ನೊಂದು ಮನೆಯಿದ್ದು, ಇಲ್ಲಿ ಸಿನಿಮಾ-ಸೀರಿಯಲ್ ಚಿತ್ರೀಕರಣ ನಡೆಯುತ್ತದೆ ಎನ್ನಲಾಗಿದೆ.

https://x.com/SidNeregal/status/1790995508087205974

ಬೆಂಗಳೂರಿನ ಉಳ್ಳಾಲದಲ್ಲೊಂದು ಭವ್ಯವಾದ ಮನೆಯಿದೆ. ಈ ಮನೆಯಲ್ಲಿ ಮಿಲನಾ ಧಾರಾವಾಹಿ ಸಮರ್ಥ್ ಪಾತ್ರಧಾರಿ ಮನೆಯ ಶೂಟಿಂಗ್ ಆಗಿತ್ತು. ಈ ಮನೆಯ ಮಾಲೀಕರು ಮಗಳು ಶಿವಾನಿ 'ಮಿಲನಾ' ಸೀರಿಯಲ್‌ನಲ್ಲಿ ಅರ್ಥ ಎಂಬ ಪಾತ್ರ ಮಾಡಿದ್ದರು. 12 ವರ್ಷಗಳಿಂದ ಈ ಮನೆಯಲ್ಲಿ ನಿರಂತರ ಶೂಟಿಂಗ್ ನಡೆಯುತ್ತಿದ್ದು, ಈವರೆಗೆ 350  ಸಿನಿಮಾಗಳ ಶೂಟಿಂಗ್ ಆಗಿದೆ.