ಬೇರೆ ಧರ್ಮದವರನ್ನು ಮದುವೆಯಾದ ದಕ್ಷಿಣ ಭಾರತದ ಖ್ಯಾತ ನಟ-ನಟಿಯರ ಪಟ್ಟಿ ಇಲ್ಲಿದೆ.

ನಟ ಸೂರ್ಯ ತಮಿಳು ಹಿಂದೂವಾದರೆ, ನಟಿ ಜ್ಯೋತಿಕಾ ಹಾಫ್ ಪಂಜಾಬಿ ಹಾಗೂ ಹಾಫ್ ಮುಸ್ಲಿಂ. ಏಳು ಸಿನಿಮಾಗಳಲ್ಲಿ ಒಟ್ಟಿಗೆ ಬಣ್ಣಹಚ್ಚಿದ್ದ ಈ ಜೋಡಿ ಪ್ರೀತಿಸಿ ಮದುವೆಯಾಗಿತ್ತು.  2006ರ ಸೆಪ್ಟಂಬರ್ 11ರಂದು ಚೈನೈನ ಪಾರ್ಕ್ ಶೆರೆಟನ್ ಹೊಟೇಲ್‌ನಲ್ಲಿ ಸೂರ್ಯ-ಜ್ಯೋತಿಕಾ ಮದುವೆ ನೆರವೇರಿತ್ತು. ಈ ದಂಪತಿಗೆ ದೇವ್ ಮತ್ತು ದಿಯಾ ಎಂಬ ಇಬ್ಬರು ಮಕ್ಕಳಿದ್ದಾರೆ. 

ಕಾಲಿವುಡ್ ಸ್ಟಾರ್ ನಟ ದಳಪತಿ ವಿಜಯ್ ಹಿಂದೂ ಹುಡುಗಿ ಸಂಗೀತಾ ಸ್ವರ್ಣಲಿಂಗಂ ಅವರೊಂದಿಗೆ 1999ರ ಆಗಸ್ಟ 25ರಂದು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ನಟ ವಿಜಯ್ ಕ್ರಿಶ್ಚಿಯನ್. ಈ ದಂಪತಿಗೆ ಜೇಸನ್ ಸಂಜಯ್ ವಿಜಯ್ ಹಾಘೂ ದಿವ್ಯಾ ಸಾಶಾ ಎಂಬ ಇಬ್ಬರು ಮಕ್ಕಳಿದ್ದಾರೆ.  

ಹಿಂದೂ ಧರ್ಮಕ್ಕೆ ಸೇರಿದ ಸ್ಯಾಂಡಲ್‌ವುಡ್ ನಟಿ ಸಂಜನಾ ಗಲ್ರಾನಿ ಅವರು, ಮುಸ್ಲಿಂ ಧರ್ಮದವರಾದ  ಅಜೀಜ್  ಎಂಬುವವರನ್ನು ಪ್ರೀತಿಸಿ ಮದುವೆಯಾಗಿದ್ದಾರೆ. ಡ್ರಗ್ಸ್ ಪ್ರಕರಣದಲ್ಲಿ ಬಂಧಿತರಾಗಿದ್ದ ಸಂದರ್ಭದಲ್ಲಿ ಸ್ಯಾಂಡಲ್‍ವುಡ್ ನಟಿ ಸಂಜನಾ ಗಲ್ರಾನಿ ರಹಸ್ಯವಾಗಿ ಮದುವೆಯಾಗಿರುವುದು ಹೊರಬಂದಿತ್ತು. ಆದರೆ, ಆ ಸಂದರ್ಭದಲ್ಲಿ ಸಂಜನಾ ತಮ್ಮ ಮದುವೆ ವಿಚಾರವನ್ನು ಅಲ್ಲಗೆಳೆದಿದ್ದರು. ನಂತರ ತಮ್ಮ ಮದುವೆ ವಿಚಾರ ಬಿಚ್ಚಿಟ್ಟಿದ್ದರು. ಈ ದಂಪತಿಗೆ ಅಲಾರಿಕ್ ಎಂಬ ಓರ್ವ ಪುತ್ರನಿದ್ದಾನೆ.

ತಮಿಳು ನಟ ಅಜಿತ್ ಹಿಂದೂ ಬ್ರಾಹ್ಮಣ ಕುಟುಂಬಕ್ಕೆ ಸೇರಿದವರು. ಅವರ ಪತ್ನಿ ಶಾಲಿನಿ ಪ್ರೊಟೆಸ್ಟಂಟ್ ಕ್ರಿಶ್ಚಿಯನ್ ಕುಟುಂಬಕ್ಕೆ ಸೇರಿದವರು. ಹಲವು ಸಿನಿಮಾಗಳಲ್ಲಿ ಒಟ್ಟಿಗೆ ಅಭಿನಯಿಸಿದ್ದ ಈ ಜೋಡಿ, ಪರಸ್ಪರ ಪ್ರೀತಿಸಿ 2000ರ ಏಪ್ರಿಲ್ 28ರಂದು ವಿವಾಹ ಬಂಧನಕ್ಕೊಳಗಾಗಿದ್ದರು. ಸುಖ ಸಂಸಾರ ನಡೆಸುತ್ತಿರುವ ಈ ಜೋಡಿಗೆ ಅನುಷ್ಕಾ ಮತ್ತು ಆದ್ವಿಕ್ ಎಂಬ ಇಬ್ಬರು ಮಕ್ಕಳಿದ್ದಾರೆ. 

ದಕ್ಷಿಣ ಭಾರತದ ಖ್ಯಾತ ನಟಿ ಪ್ರಿಯಾಮಣಿ, ತಮ್ಮ ಹಲವು ವರ್ಷಗಳ ಗೆಳೆಯ ಮುಸ್ತಾಫಾ ರಾಜ್‌ ಅವರನ್ನು 2017ರ ಆಗಸ್ಟ್ 23ರಂದು ಮದುವೆಯಾದರು. ಈ ನಟಿ ಇಸ್ಲಾಂ ಧರ್ಮದವರಾದ ಮುಸ್ತಫಾ ಅವರೊಂದಿಗೆ ಎಂಗೇಜ್‌ಮೆಂಟ್ ಮಾಡಿಕೊಳ್ಳುತ್ತಿದ್ದಂತೆ ಸಾಕಷ್ಟು ಟೀಕೆಗೆ ಒಳಗಾಗಿದ್ದರು. ಇದಕ್ಕೆ ಸೋಶಿಯಲ್ ಮೀಡಿಯಾ ಮೂಲಕ ಉತ್ತರಿಸಿದ್ದ ಪ್ರಿಯಾಮಣಿ, ಇಷ್ಟೊಂದು ದ್ವೇಷ, ನೆಗೆಟಿವಿಟಿ ಪ್ರತಿಕ್ರಿಯೆಯಿಂದ ಸಾಕಾಗಿ ಹೋಗಿದೆ. ಇದು ನನ್ನ ಜೀವನ. ನನ್ನ ಅಪ್ಪ-ಅಮ್ಮನಿಗೆ ಮತ್ತು ಪತಿಗೆ ಮಾತ್ರ ನಾನು ಉತ್ತರಿಸಬೇಕಿರುವುದು ಎಂದು ಹೇಳಿದ್ದರು. 

ಮುಸ್ಲಿಂ ಕುಟುಂಬದಲ್ಲಿ ಜನಿಸಿದ ಖುಷ್ಬೂ ಅವರ ನಿಜವಾದ ಹೆಸರು ನಾಖತ್ ಖಾನ್. ಇವರು 2000ನೇ ಇಸವಿಯಲ್ಲಿ ನಟ, ನಿರ್ದೇಶಕ ಹಾಗೂ ನಿರ್ಮಾಪಕ ಸುಂದರ್ ಅವರನ್ನು ಮದುವೆಯಾದರು ಸುಂದರ್ ಹಿಂದೂ ಕುಟುಂಬದಲ್ಲಿ ಜನಿಸಿದವರು. ಈ ದಂಪತಿಗೆ ಆವಂತಿಕಾ ಹಾಗೂ ಆನಂದಿತಾ ಎಂಬ ಇಬ್ಬರು ಮಕ್ಕಳು ಇದ್ದಾರೆ. 

ಕನ್ನಡ, ತೆಲುಗು, ತಮಿಳು ಹಾಗೂ ತುಳು ಭಾಷೆಗಳಲ್ಲಿ ನಟಿಸಿ ಗಮನ ಸೆಳೆದಿದ್ದ ನಟಿ ರಮ್ಯಾ ಬರ್ನಾ, ಮುಸ್ಲಿಂ ಧರ್ಮದವರಾದ ಫಹಾದ್ ಅಲಿ ಖಾನ್ ಎಂಬುವವರ ಜೊತೆ ಶಿವಾಜಿನಗರದ ರಿಜಿಸ್ಟರ್ ಕಛೇರಿಯಲ್ಲಿ ಗೌಪ್ಯವಾಗಿ ಮದುವೆಯಾಗಿದ್ದರು. ಫಹಾದ್ ಅಲಿ ಅವರು ಶಾಸಕ ಜಮೀರ್ ಅಹ್ಮಮದ್ ಖಾನ್ ಅವರ ಸಂಬಂಧಿ. ಸ್ವಂತ ಬಿಸ್‌ನೆಸ್ ಮಾಡುತ್ತಿರುವ ಫಹಾದ್, ಚಿತ್ರರಂಗದಲ್ಲೂ ತೊಡಗಿಕೊಂಡಿದ್ದರು.  

ನಟ ಆರ್ಯ ಹಿಂದೂ ಕುಟುಂಬಕ್ಕೆ ಸೇರಿದವರು. ಸಯ್ಯೇಶಾ ಮುಸ್ಲಿಂ ಕುಟುಂಬಕ್ಕೆ ಸೇರಿದವರು. ಪರಸ್ಪರ ಪ್ರೀತಿಸಿದ್ದ ಈ ಜೋಡಿ 2021ರ ಜುಲೈ 23ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಈ ದಂಪತಿಗೆ ಅರಿಯಾನಾ ಎಂಬ ಓರ್ವ ಪುತ್ರಿಯಿದ್ದಾಳೆ. 

ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಖ್ಯಾತಿ ಪಡೆದಿರುವ ನಟಿ ಜೆನಿಲಿಯಾ ಡಿಸೋಜಾ ಕ್ಯಾಥೋಲಿಕ್ ಕ್ರಿಶ್ಚಿಯನ್. ರಿತೇಶ್ ದೇಶಮುಖ್ ಮರಾಠಿ ಹಿಂದೂ. ಪರಸ್ಪರ ಪ್ರೀತಿಸಿದ್ದ ಈ ಜೋಡಿ 2012ರ ಫೆಬ್ರವರಿ 3ರಂದು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಇವರಿಬ್ಬರು ಹಿಂದೂ- ಕ್ರಿಶ್ಚಿಯನ್ ಸಂಪ್ರಾದಾಯದಂತೆ ಮದುವೆಯಾಗಿದ್ದರು. ಈ ದಂಪತಿಗೆ ರಿಯಾನ್ ಮತ್ತು ರಾಹಿಲ್ ಎಂಬ ಇಬ್ಬರು ಮಕ್ಕಳಿದ್ದಾರೆ.