ವಯಸ್ಸು 60 ದಾಟಿದ್ರೂ ತಗ್ಗದ ಚಾರ್ಮ್: ಸೌತ್ ಸಿನಿಮಾರಂಗದಲ್ಲಿ ಈ ನಟರದ್ದೇ ಮೇಲುಗೈ !

ಕರುನಾಡ ಚಕ್ರವರ್ತಿ ಶಿವರಾಜ್‌ಕುಮಾರ್ ಅವರಿಗೆ 62 ವರ್ಷ ವಯಸ್ಸಾಗಿದೆ. ಇಂದಿಗೂ ಅವರು ಸ್ಯಾಂಡಲ್‌ವುಡ್‌ನ ಬ್ಯುಸಿಯೆಸ್ಟ್ ನಟ. ಚಂದನವನದಲ್ಲಿ ಬಹುಶಃ ಶಿವಣ್ಣನ ಕೈಯಲ್ಲಿರುವಷ್ಟು ಸಿನಿಮಾಗಳು ಬೇರೆ ಯಾವ ನಟರ ಕೈಯಲ್ಲೂ ಇಲ್ಲ. ಬಹಳಷ್ಟು ಸಲ ಅವರ ಮೂರ್ನಾಲ್ಕು ಸಿನಿಮಾಗಳು ಏಕಕಾಲಕ್ಕೆ ಚಿತ್ರೀಕರಣಗೊಳ್ಳುತ್ತಿರುತ್ತವೆ. ವರ್ಷಕ್ಕೆ ನಾಲ್ಕೈದು ಸಿನಿಮಾಗಳಂತೂ ಬಿಡುಗಡೆಯಾಗುತ್ತವೆ. ಜೊತೆಗೆ ಅವುಗಳು ಸಕ್ಸಸ್ ಆಗುತ್ತವೆ. ಫಿಟ್ನೆಸ್ ವಿಚಾರದಲ್ಲೂ ಶಿವಣ್ಣನನ್ನು ಮೀರಿಸುವವರು ಯಾರಿಲ್ಲ. ಹೆಚ್ಚು ವರ್ಕೌಟ್ ಮಾಡದ ಶಿವಣ್ಣ, ಪ್ರತಿದಿನ ಮಿಸ್ ಮಾಡದೇ ವಾಕಿಂಗ್ ಜೊತೆಗೆ ಯೋಗಾಸನಗಳನ್ನು ಮಾಡ್ತಾರೆ. ಸ್ಲೈಕ್ಲಿಂಗ್ ಅವರ ಇಷ್ಟವಾದ ವ್ಯಾಯಾಮ. ಈ ವರ್ಷವೂ ಕೂಡ ಹ್ಯಾಟ್ರಿಕ್ ಹೀರೋ ಕೈಯಲ್ಲಿ ಬರೋಬ್ಬರಿ 12 ಸಿನಿಮಾಗಳಿವೆ. 

ಭಾರತೀಯ ಚಿತ್ರರಂಗದ ಸೂಪರ್ ಸ್ಟಾರ್ ರಜನಿಕಾಂತ್. 73 ವಯಸ್ಸಿನ ರಜನಿಕಾಂತ್ ಒಂದು ಸಿನಿಮಾಗೆ ಹೀರೋ ಆಗ್ತಿದ್ದಾರೆಂದರೆ ಅವರ ಮೇಲೆ ಮಿನಿಮಮ್  300 ಕೋಟಿ ಹೂಡಿಕೆ ಮಾಡ್ತಾರೆ. ವರದಿಯ ಪ್ರಕಾರ ರಜನಿ ಸಿನಿಮಾವೊಂದಕ್ಕೆ ಬರೋಬ್ಬರಿ 100 ಕೋಟಿಗೂ ಅಧಿಕ ಸಂಭಾವನೆ ಪಡೆಯುತ್ತಾರಂತೆ. ಇಳಿ ವಯಸ್ಸಿನಲ್ಲೂ ಇಷ್ಟು ಸಂಭಾವನೆ ಪಡೆಯುವ ಏಕೈಕ ನಟ ರಜನಿಕಾಂತ್.

ಮಾಲಿವುಡ್ ಸೂಪರ್ ಸ್ಟಾರ್‌ಗಳಲ್ಲಿ ಒಬ್ಬರಾದ ಮೋಹನ್‌ ಲಾಲ್ ಅವರಿಗೀಗ 64 ವರ್ಷ ವಯಸ್ಸು. ಮಲಯಾಳಂ ಚಿತ್ರರಂಗದಲ್ಲಿ ಇಂದಿಗೂ ಇವರಿಗಿರುವ ಬೇಡಿಕೆ ಮತ್ಯಾರಿಗೂ ಇಲ್ಲ. ಎಲ್ಲಾ ಭಾಷೆಗಳಲ್ಲೂ ತಮ್ಮದೇ ಅಭಿಮಾನಿಗಳನ್ನು ಪಡೆದುಕೊಂಡಿರುವ ಇವರು, ತೆಲುಗು, ತಮಿಳು, ಕನ್ನಡ ಸಿನಿಮಾಗಳಲ್ಲಿಯೂ ಬಣ್ಣಹಚ್ಚಿದ್ದಾರೆ. ಇವರ ಮಗ ಕೂಡ ಹೀರೋ, ಆದರೂ ಮೋಹನ್ ಲಾಲ್ ಬೇಡಿಕೆ ಮಾತ್ರ ಇಂದಿಗೂ ತಗ್ಗಿಲ್ಲ. 

ಕಮಲ್ ಹಾಸನ್ ಭಾರತ ಕಂಡ ಅದ್ಭುತ ನಟರಲ್ಲೊಬ್ಬರು. 69 ವರ್ಷ ಕಮಲ್ ಹಾಸನ್ ಹಲವು ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಎಲ್ಲಾ ರೀತಿಯ ಪಾತ್ರಗಳನ್ನು ನಿರ್ವಹಿಸುವ ಇವರು, ನಟನೆ ಜೊತೆಗೆ ತಮ್ಮ ನಿರ್ಮಾಣ ಸಂಸ್ಥೆ ಮೂಲಕ ಹಲವು ಹೊಸ ಕಲಾವಿದರಿಗೆ ಸಫೋರ್ಟ್‌ ಮಾಡ್ತಿದ್ದಾರೆ. ಇಂದಿಗೂ ನೂರಾರು ಕೋಟಿ ಬಜೆಟ್ ಸಿನಿಮಾಗಳಲ್ಲಿ ನಾಯಕನಾಗಿ ನಟಿಸುವ ಕಮಲ್, ಕನ್ನಡದಲ್ಲೂ ಹಲವು ಸಿನಿಮಾ ಮಾಡಿದ್ದಾರೆ.

ಟಾಲಿವುಡ್ ನಟ ನಂದಮೂರಿ ಬಾಲಕೃಷ್ಣ ಅವರನ್ನು ಎಲ್ಲರೂ ಪ್ರೀತಿಯಿಂದ 'ಬಾಲಯ್ಯ' ಅಂತ ಕರೆಯುತ್ತಾರೆ. 64 ವರ್ಷದ ಬಾಲಯ್ಯ ತಮ್ಮ 50 ವರ್ಷ ಸಿನಿಜರ್ನಿಯಲ್ಲಿ 108 ಸಿನಿಮಾಗಳನ್ನು ಮಾಡಿದ್ದಾರೆ. ಟಾಲಿವುಡ್ ಮಾತ್ರವಲ್ಲದೇ, ಭಾರತಾದ್ಯಂತ ಅತೀ ದೊಡ್ಡ ಅಭಿಮಾನಿ ಬಳಗ ಹೊಂದಿರುವ ಇವರು, ಸಾಕಷ್ಟು ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಇವರ ಡೈಲಾಗ್‌ಗಾಗಿಯೇ ಪ್ರೇಕ್ಷಕರು ಕಾಯುತ್ತಿರುತ್ತಾರೆ.  ಸದ್ಯ ಇವರು ಎರಡು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.

ಮಾಲಿವುಡ್‌ನ ಮತ್ತೊಬ್ಬ ಸೂಪರ್ ಸ್ಟಾರ್ ಮಮ್ಮುಟಿ. 200ಕ್ಕೂ ಅಧಿಕ ಸಿನಿಮಾಗಳಲ್ಲಿ ಅಭಿನಯಿಸಿರುವ ಇವರ ವಯಸ್ಸು 72. ಇತ್ತೀಚೆಗಷ್ಟೇ ಅವರ ಅಭಿನಯದ ಟರ್ಬೋ ಸಿನಿಮಾ ಬಿಡುಗಡೆ ಆಗಿತ್ತು. ಇದರಲ್ಲಿ ಕನ್ನಡದ ರಾಜ್ ಬಿ ಶೆಟ್ಟಿ ವಿಲನ್ ಆಗಿ ಕಾಣಿಸಿಕೊಂಡಿದ್ದರು. ಈಗಲೂ ಇವರ ಕೈಯಲ್ಲಿ ಎರಡ್ಮೂರು ಸಿನಿಮಾಗಳಿವೆ. ಅದೂ ಕೂಡ ಮಾಸ್ ಹೀರೋ ಆಗಿ. ಇವರ ಮಗ ಕೂಡ ಮಾಲಿವುಡ್‌ನ ಸೂಪರ್ ಸ್ಟಾರ್. ಆದರೂ ಕೂಡ ನಿರ್ಮಾಪಕರು ಮಮ್ಮುಟಿ ಮೇಲೆ ಕೋಟ್ಯಾಂತರ ರೂಪಾಯಿ ಹೂಡಿಕೆ ಮಾಡ್ತಾರೆ. 

ತೆಲುಗಿನ ಸೂಪರ್ ಸ್ಟಾರ್ ಚಿರಂಜೀವಿ ಅವರಿಗೆ 69 ವರ್ಷ ವಯಸ್ಸಾಗಿದೆ. ರಾಜಕೀಯಕ್ಕೆ ಎಂಟ್ರಿಕೊಟ್ಟು ಕೆಲಕಾಲ ನಟನೆಯಿಂದ ದೂರವಿದ್ದ ಇವರು, ಮತ್ತೆ ಕಂಬ್ಯಾಕ್ ಮಾಡಿ ಹಳೆಯ ಯಶಸ್ಸು ಪಡೆದರು. ಇವರ ಮಗ ಕೂಡ ಟಾಲಿವುಡ್ ಸೂಪರ್ ಸ್ಟಾರ್. ಕುಟುಂಬದಲ್ಲಿ ಸೋದರಳಿಯಂದಿರು ಸೇರಿ ನಾಲ್ಕೈದು ಹೀರೋಗಳಿದ್ದರೂ ಇಂದಿಗೂ ಚಿರಂಜೀವಿ ಬೇಡಿಕೆ ನಟ ಎನಿಸಿಕೊಂಡಿದ್ದಾರೆ.