2021 ರ ಟಾಪ್ 10 ಕನ್ನಡ ಟಿವಿ ಸೀರಿಯಲ್ ಗಳು

ಯಶವಂತ್ ಪ್ರಭು ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ `ಕನ್ನಡತಿ' ಸೀರಿಯಲ್ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದೆ. ಕಿರಣ್ ರಾಜ್, ರಂಜನಿ ರಾಘವನ್ ಮತ್ತು ಸಾರಾ ಅಣ್ಣಯ್ಯ ಮುಖ್ಯ ಪಾತ್ರಗಳಲ್ಲಿ ನಟಿಸುತ್ತಿರುವ ಈ ಧಾರಾವಾಹಿ ತ್ರಿಕೋನ ಪ್ರೇಮ ಕಥೆಯನ್ನು ಹೊಂದಿದೆ. ರೆಗುಲರ್ ಪ್ರೇಮ ಕಥೆಯೊಂದಿಗೆ ಕನ್ನಡದ ಪ್ರೇಮವನ್ನು ತೋರಿಸುವ ಈ ಧಾರಾವಾಹಿ ಕೊನೆಯಲ್ಲಿ ಹೇಳುವ ಕನ್ನಡದ ಪಾಠ ಹೆಚ್ಚು ಗಮನ ಸೆಳೆದಿದೆ. ರಂಜನಿಯ ಶುದ್ಧ ಕನ್ನಡ ಮತ್ತು ಕಿರಣ್ ರಾಜ್ ಸ್ವ್ಯಾಗ್ ಈ ಸೀರಿಯಲ್ ಹೈಲೈಟ್ಸ್.

ಆರ್ ಕಿರಣ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ `ಗಟ್ಟಿಮೇಳ' ಧಾರಾವಾಹಿ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದೆ. ರಕ್ಷಿತ್ ಗೌಡ ನಿರ್ಮಾಣ ಮಾಡಿ ನಾಯಕನಾಗಿ ನಟಿಸುತ್ತಿರುವ ಈ ಸೀರಿಯಲ್ ನಲ್ಲಿ ನಿಶಾ ರವಿಕೃಷ್ಣನ್ ನಾಯಕಿ. ಕಿರಿಕ್ ನಿಂದ ಆರಂಭವಾಗುವ ವೇದಾಂತ್-ಅಮೂಲ್ಯ ಲವ್ ಸ್ಟೋರಿ ನಂತರ ಮದುವೆ ಹಂತಕ್ಕೆ ಬರುತ್ತದೆ. ಮದ್ದು ಜೋಡಿಗಳ ಕ್ಯೂಟ್ ಪ್ರೇಮ ಕಥೆ ಮತ್ತು ಮೂರು ಕುಟುಂಬಗಳ ಗಾಥೆ ಈ ಸೀರಿಯಲ್ ನ ಪ್ರಮುಖ ಅಂಶ.

ಕೆ.ಎಸ್. ರಾಮಜೀ ನಿರ್ದೇಶನದಲ್ಲಿ ಮೂಡಿ ಬಂದಿರುವ `ನಾಗಿಣಿ 2' ಸೀರಿಯಲ್ ನಲ್ಲಿ ನಮ್ರತಾ ಗೌಡ ಮತ್ತು ನಿನಾದ ಹರಿತ್ಸ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಜೀ ಕನ್ನಡ ವಾಹಿನಿಯಲ್ಲಿ ಈ ಮೊದಲು ಮೂಡಿಬಂದ `ನಾಗಿಣಿ' ಧಾರಾವಾಹಿಯ ಸಿಕ್ವೆಲ್ ಇದು. ತಮ್ಮಿಷ್ಟದಂತೆ ರೂಪ ಬದಲಿಸುವ ಇಚ್ಚಾಧಾರಿ ನಾಗಗಳು ಭೂಲೋಕದಲ್ಲಿ ತಮ್ಮಿಂದ ಬಲವಂತವಾಗಿ ಕಸಿದ ನಾಗಮಣಿಯನ್ನು ವಶಪಡಿಸಿಕೊಳ್ಳಲು ಮತ್ತು ತಮ್ಮನ್ನು ಹಿಂದಿನ ಜನ್ಮದಲ್ಲಿ ಕೊಂದವರ ವಿರುದ್ಧ ಸೇಡು ತೀರಿಸಿಕೊಳ್ಳಲು ಮರುಜನ್ಮ ಪಡೆಯುತ್ತಾರೆ.

ಆರೂರು ಜಗದೀಶ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ`ಜೊತೆ ಜೊತೆಯಲಿ' ಸೀರಿಯಲ್ಲ ನಲ್ಲಿ ಅನಿರುದ್ಧ ಜಾತ್ಕರ್ ಮತ್ತು ಮೇಘಾ ಶೆಟ್ಟಿ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಮರಾಠಿಯ `ತುಲಾ ಪಹಟೇ ರೇ' ಸೀರಿಯಲ್ ನ ರಿಮೇಕ್ ಆಗಿರುವ ಈ ಧಾರಾವಾಹಿ ಜೀ ಕನ್ನಡದಲ್ಲಿ ಮೊದಲ ಬಾರಿಗೆ ಪ್ರಸಾರವಾದಾಗ ದಾಖಲೆಯ ಟಿ.ಆರ್.ಪಿ ಪಡೆದಿತ್ತು.

ಜೀ ಕನ್ನಡ ವಾಹಿನಿಯಲ್ಲಿ ಮೂಡಿ ಬರುತ್ತಿರುವ `ಸತ್ಯ' ಧಾರಾವಾಹಿಯಲ್ಲಿ ಗೌತಮಿ ಜಾಧವ್, ಸಾಗರ್ ಬಿಲಿ ಗೌಡ ಮತ್ತು ಪ್ರಿಯಾಂಕಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ತಮಿಳು ಭಾಷೆಯಲ್ಲಿ ಇದೇ ಹೆಸರಿನ ಮೂಲ ಸೀರಿಯಲ್ ದ ರಿಮೇಕ್ ಇದು.

ಕೆ.ಎಸ್. ರಾಮಜಿ ನಿರ್ದೇಶನದಲ್ಲಿ ಮೂಡಿಬಂದ `ಮಂಗಳ ಗೌರಿ ಮದುವೆ' ಸೀರಿಯಲ್ ನಲ್ಲಿ ಗಗನ್ ಚಿನ್ನಪ್ಪ ಮತ್ತು ಕಾವ್ಯಾಶ್ರೀ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. `ಪುಟ್ಟಗೌರಿ ಮದುವೆ' ಧಾರಾವಾಹಿಯ ಸಿಕ್ವೆಲ್ ಆಗಿ ಈ ಸೀರಿಯಲ್ ಮೂಡಿಬಂದಿದೆ. ಕಲರ್ಸ್ ಕನ್ನಡದಲ್ಲಿ ಮೂಡಿಬಂದ ಈ ಸೀರಯಲ್ ಸುಮಾರು ಎರಡುವರೆ ಸಾವಿರ ಎಪಿಸೋಡ್ ಗಳಿಗಿಂತ ಹೆಚ್ಚು ಪ್ರಸಾರವಾಗಿದೆ.

ಜೀ ಕನ್ನಡ ವಾಹಿನಿಯಲ್ಲಿ ಮೂಡಿ ಬರುತ್ತಿರುವ ಹಿಟ್ಲರ್ ಕಲ್ಯಾಣ ಸೀರಿಯಲ್ ಅನ್ನು ದೀಲೀಪ್ ರಾಜ್ ನಿರ್ಮಾಣ ಮಾಡಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಮಲೈಕಾ ವಸುಪಾಲ್ ನಾಯಕಿಯಾಗಿ ನಟಿಸಿರುವ ಈ ಧಾರಾವಾಹಿಯನ್ನು ತ್ರಿಶೂಲ್ ನಿರ್ದೇಶಿಸುತ್ತಿದ್ದಾರೆ. ಇದು ಹಿಂದಿಯ `ಗುಡ್ಡನ್ ತುಮಸೇ ನ ಹೋ ಪಾಯೇಗಾ' ಸೀರಿಯಲ್ ನ ರಿಮೇಕ್.

ರಿತ್ವಿಕ್ ಮಾತಾಡ್ ಮತ್ತು ನಯನಾ ನಾಗರಾಜ್ ಮುಖ್ಯ ಪಾತ್ರಗಳಲ್ಲಿ ನಟಿಸಿರುವ `ಗಿಣಿರಾಮ' ಧಾರಾವಾಹಿಯನ್ನು ಆರ್. ಪ್ರೀತಮ್ ಶೆಟ್ಟಿ ನಿರ್ದೇಶನ ಮಾಡಿದ್ದಾರೆ. ಶಿವರಾಮ್ ಮತ್ತು ಮಹತಿಯ ಹಳ್ಳಿ ಪ್ರೇಮ ಕಥೆಯನ್ನು ಹೇಳುವ ಈ ಸೀರಿಯಲ್ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ. ಇದು ಮರಾಠಿಯ `ಜೀವ ಜಾಲಾ ಯೇಡಾ ಪೀಸಾ' ಧಾರಾವಾಹಿಯ ರಿಮೇಕ್.

ಕೆ.ಎಸ್. ರಾಮಜೀ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ `ಗೀತಾ' ಧಾರಾವಾಹಿಯಲ್ಲಿ ಧನುಷ್ ಗೌಡ ಮತ್ತು ಭವ್ಯಾ ಗೌಡ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಗಗನಾ ಎಂಟರ್ಪ್ರೈಸ್ ಅಡಿ ಮೂಡಿ ಬರುತ್ತಿರುವ ಈ ಸೀರಿಯಲ್ ಪರಸ್ಪರ ದ್ವೇಷಿಸುವ ಇಬ್ಬರು ಕಾಲೇಜು ವಿಧ್ಯಾರ್ಥಿಗಳು ಮದುವೆಯಾದಾಗ ಆಗುವ ಮತ್ತು ಮುಂದೆ ಅದರಿಂದ ಆಗುವ ಘಟನೆಗಳು ಚಿತ್ರಿಸುತ್ತದೆ. 

ಪ್ರಕಾಶ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ನಮ್ಮನೆ ಯುವರಾಣಿ ಕನ್ನಡ ಧಾರಾವಾಹಿಯಲ್ಲಿ ಅಂಕಿತಾ ಅಮರ್, ಕಾವ್ಯಾ ಮಹಾದೇವ್, ದೀಪಕ್ ಗೌಡ ಮತ್ತು ರಘು ಎನ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ಈ ಸೀರಿಯಲ್ ಜೈಮಾತಾ ಕಂಬೈನ್ಸ್ ಅಡಿಯಲ್ಲಿ ಮೂಡಿ ಬರುತ್ತಿದೆ.