ನಿಮಗೆ ಕೆಜಿಎಫ್ ಚಾಪ್ಟರ್ 2 ಇಷ್ಟವಾದರೇ, ಈ ಗ್ಯಾಂಗ್‌ಸ್ಟರ್ ಚಿತ್ರಗಳನ್ನು ತಪ್ಪದೇ ನೋಡಿ

ಉಪೇಂದ್ರ ನಿರ್ದೇಶನದ `ಓಂ' ಚಿತ್ರದಲ್ಲಿ ಶಿವರಾಜಕುಮಾರ್ ಬೆಂಗಳೂರಿನ ರೌಡಿ `ಸತ್ಯ'ನ ಪಾತ್ರದಲ್ಲಿ ಮಿಂಚಿದ್ದರು. ಆಗಿನ ಕಾಲನ ಅನೇಕ ನಿಜ ಜೀವನದ ಭೂಗತ ವ್ಯಕ್ತಿಗಳು ಈ ಚಿತ್ರದಲ್ಲಿ ನಟಿಸಿದ್ದು ವಿಶೇಷ.

ಪ್ರೇಮ್ ನಿರ್ದೇಶನದ `ಜೋಗಿ' ಚಿತ್ರದಲ್ಲಿ ಶಿವರಾಜಕುಮಾರ್ ನಾಯಕನಾಗಿ ನಟಿಸಿದ್ದರು. ಒಬ್ಬ ಮುಗ್ಧ ಹಳ್ಳಿ ಹೈದ ಹೇಗೆ ಖ್ಯಾತಿ ರೌಡಿ ಆಗುತ್ತಾನೆ ಎಂಬುದು ಚಿತ್ರದ ಕಥೆಯಾಗಿತ್ತು.

ಮೆಜೆಸ್ಟಿಕ್ ಚಿತ್ರದ ಮೂಲಕ ದರ್ಶನ್ ಚಂದನವನದಲ್ಲಿ ನಾಯಕನಾಗಿ ಸಿನಿ ಜೀವನ ಆರಂಭಿಸಿದರು. ನಾಯಕನಾಗಿ ನಟಿಸಿದ ಮೊದಲ ಚಿತ್ರದಲ್ಲಿಯೇ ಭರ್ಜರಿ ಯಶಸ್ಸು ಪಡೆದರು.

ಪ್ರೇಮ್ ನಿರ್ದೇಶನದಲ್ಲಿ ದರ್ಶನ್ `ಕರಿಯ' ಚಿತ್ರದಲ್ಲಿ ರೌಡಿಯ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರದಲ್ಲೂ ಕೂಡ ನಿಜ ಜೀವನದ ರೌಡಿಗಳು ನಟಿಸಿದ್ದರು.

ನಾಗಣ್ಣ ನಿರ್ದೇಶನದ `ಕೋಟಿಗೊಬ್ಬ' ಚಿತ್ರದಲ್ಲಿ ಸಾಹಸಸಿಂಹ ವಿಷ್ಣುವರ್ಧನ್ ಭೂಗತ ಲೋಕದ ದೊರೆಯೊಬ್ಬನ ಪಾತ್ರದಲ್ಲಿ ನಟಿಸಿದ್ದರು. ಭಾಷಾ ಚಿತ್ರದ ರಿಮೇಕ್ ಆದ ಈ ಚಿತ್ರದಲ್ಲಿ ವಿ‍ಷ್ಣು ಅದ್ಭುತವಾಗಿ ನಟಿಸಿದ್ದರು.

ಬೆಂಗಳೂರು ಭೂಗತ ಲೋಕದ ನಿಜ ಕಥೆಯನ್ನು ಆಧಾರಿಸಿ ಮಾಡಿದ ಚಿತ್ರ ಆ ದಿನಗಳು. ಕೆ.ಎಂ.ಚೈತನ್ಯ ನಿರ್ದೇಶನದ ಈ ಚಿತ್ರದಲ್ಲಿ ಚೇತನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಕೊತ್ವಾಲ್ ರಾಮಚಂದ್ರನ ಹತ್ಯೆಯ ಬಗ್ಗೆ ಈ ಚಿತ್ರ ಮೂಡಿ ಬಂದಿತ್ತು.

ರವಿ ಶ್ರೀವತ್ಸ ನಿರ್ದೇಶನದಲ್ಲಿ ಮೂಡಿಬಂದ `ಡೆಡ್ಲಿ ಸೋಮ' ಚಿತ್ರ ನಿಜ ಜೀವನದ ರೌಡಿ ಸೋಮನ ಕಥೆಯಾಧಾರಿತವಾಗಿತ್ತು. ಆದಿತ್ಯ ಮತ್ತು ರಕ್ಷಿತಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.

ಸೂರಿ ನಿರ್ದೇಶನದ `ಕಡ್ಡಿಪುಡಿ' ಚಿತ್ರದಲ್ಲಿ ಶಿವರಾಜಕುಮಾರ್ ಮತ್ತು ರಾಧಿಕಾ ಪಂಡಿತ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ರೌಡಿಯೊಬ್ಬ ಹೇಗೆ ತನ್ನ ಹೆಂಡಿತಿಯಿಂದ ಪರಿವರ್ತನೆಗೆ ಒಳಗಾಗುತ್ತಾನೆ ಎಂಬುದು ಚಿತ್ರದ ಕಥೆಯಾಗಿತ್ತು.

ಪ್ರಶಾಂತ ನೀಲ್ ನಿರ್ದೇಶನದ ಉಗ್ರಂ ಚಿತ್ರ ಶ್ರೀಮುರಳಿಗೆ ಮರುಜನ್ಮ ನೀಡಿದ ಚಿತ್ರವೆಂದರೆ ತಪ್ಪಾಗಲಾರದು. ಕೋಲಾರ್ ಸುತ್ತಲಿನ ಭೂಗತ ಕಥೆಯೊಂದನ್ನು ಚಿತ್ರವಾಗಿಸಿದ್ದರು ನೀಲ್.