ಕಿರಾತಕ ಟು ಗಾಳಿಪಟ: ಸ್ಯಾಂಡಲ್‌ವುಡ್‌ನ 5 ಬೆಸ್ಟ್ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾಗಳಿವು!

ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಅವರಿಗೆ ಮೊದಲು ಬ್ರೇಕ್ ನೀಡಿದ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾ 'ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ'. ಸರಳ ಪ್ರೇಮಕಥೆಗೆ ವಿನೂತನ ನಿರೂಪಣೆ ಹೊಂದಿದ್ದ ಈ ಚಿತ್ರದಲ್ಲಿ ಕುಶಾಲ್ ಆಗಿ ರಕ್ಷಿತ್ ಹಾಗೂ ಖುಷಿಯಾಗಿ ಶ್ವೇತಾ ಶ್ರೀವಾತ್ಸವ್ ನಡುವಿನ ಕೆಲ ಸಂಭಾಷಣೆಗಳು ಹಾಸ್ಯಮಯವಾಗಿದ್ದವು.  ರಕ್ಷಿತ್ ವಿಭಿನ್ನ ಶೇಡ್‌ಗಳಲ್ಲಿ ನಟಸಿದ್ದ ಈ ಸಿನಿಮಾವನ್ನು ಸಿಂಪಲ್ ಸುನಿ ನಿರ್ದೇಶನ ಮಾಡಿದ್ದರು. 2013ರಲ್ಲಿ ತೆರೆಕಂಡಿದ್ದ ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು.

2011ರಲ್ಲಿ ಬಿಡುಗಡೆಯಾದ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ 'ಕಿರಾತಕ' ಸಿನಿಮಾಗೆ ಸಿಕ್ಕಾಪಟ್ಟೆ ಅಭಿಮಾನಿಗಳಿದ್ದಾರೆ. ಈ ಸಿನಿಮಾವನ್ನು ಎಷ್ಟೇ ಬಾರಿ ನೋಡಿದ್ರೂ ಬೋರ್ ಆಗುವುದಿಲ್ಲ. ಇದು ತಮಿಳು ಚಿತ್ರ ರಿಮೇಕ್ ಆಗಿದ್ದರೂ, ಯಶ್ ಅವರ ನಟನೆಗೆ ಪ್ರೇಕ್ಷಕರು ಫಿದಾ ಆಗಿದ್ದರು. ಇದರಲ್ಲಿ ಅಣ್ತಮ್ಮ ಎಂಬ ಅವರ ಡೈಲಾಗ್, ಮಂಡ್ಯ ಭಾಷೆ ಎಲ್ಲವೂ ಸಖತ್ ಕಿಕ್ ಕೊಟ್ಟಿತ್ತು. ಕಿರಾತಕ ಚಿತ್ರದಲ್ಲಿ ಪ್ರೀತಿ, ಕಾಮಿಡಿ ಎಲ್ಲವೂ ಇತ್ತು. ಈ ಸಿನಿಮಾದಿಂದಲೇ ಯಶ್‌ಗೆ ಸಿಕ್ಕಾಪಟ್ಟೆ ಅಭಿಮಾನಿಗಳು ಹುಟ್ಟಿಕೊಂಡರು.

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರಿಗೆ ಒಳ್ಳೆಯ ಕಾಮಿಡಿ ಸೆನ್ಸ್ ಇತ್ತು. ಅವರ ಎಲ್ಲಾ ಸಿನಿಮಾಗಳಲ್ಲೂ ಕಾಮಿಡಿಯನ್ನು ಬಳಸಿಕೊಳ್ಳುತ್ತಾರೆ. 2011ರಲ್ಲಿ ತೆರೆಕಂಡ  ಯೋಗರಾಜ್ ಭಟ್ ನಿರ್ದೇಶನದ 'ಪರಮಾತ್ಮ' ಸಿನಿಮಾದ ಡೈಲಾಗ್‌ಗಳು, ಸಂಭಾಷಣೆ, ಅನಿರೀಕ್ಷಿತ ಕ್ಲೈಮ್ಯಾಕ್ಸ್ ಎಲ್ಲವೂ ಸಖತ್ ಆಗಿದ್ದವು. ಈ ಚಿತ್ರದಲ್ಲಿ ಪ್ರೇಮಕಥೆ ಜೊತೆಗೆ ಕಾಮಿಡಿ ಸನ್ನಿವೇಶಗಳಿದ್ದವು. ಇಂದಿಗೂ ಈ ಚಿತ್ರ  ಅನೇಕರ ಫೇವರಿಟ್ ಅಂದರೆ ತಪ್ಪಾಗಲ್ಲ. ಪರಮಾತ್ಮ ಇದು ಕೇವಲ ಒಂದು ಚಿತ್ರವಲ್ಲ ಎಮೋಷನ್ ಎಂದು ಹೇಳುವವರೇ ಹೆಚ್ಚಿದ್ದಾರೆ. ಈ ಸಿನಿಮಾದ ಒಂದೊಂದು ಹಾಡುಗಳು ಕೂಡ ಅದ್ಭುತವಾಗಿದ್ದು, ಜನರ ಮನಸಲ್ಲಿ ಅಚ್ಚಳಿಯದೇ ಉಳಿದಿವೆ.

ಗೋಲ್ಡನ್ ಸ್ಟಾರ್ ಗಣೇಶ್ ಅವರಿಗೆ ಕಾಮಿಡಿ ಪಾತ್ರ ನೀರು ಕುಡಿದಷ್ಟೇ ಸುಲಭ ಅಂದ್ರೆ ತಪ್ಪಾಗಲ್ಲ.  2008ರಲ್ಲಿ ಗಣೇಶ್, ದಿಗಂತ್ ಹಾಗೂ ರಾಜೇಶ್ ಕೃಷ್ಣನ್ ಮೂವರ ಸಂಗಮದಲ್ಲಿ ಬಂದಿದ್ದ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾ 'ಗಾಳಿಪಟ'.  ಈ ಸಿನಿಮಾದಲ್ಲೂ ಮೂವರು ನಾಯಕರ ಪ್ರೇಮಕಥೆ ಜೊತೆಗೆ ಸಿಕ್ಕಾಪಟ್ಟೆ ಹಾಸ್ಯ ಸನ್ನಿವೇಶಗಳಿವೆ. ಅಂದ್ಹಾಗೆ, ಚಿತ್ರದಲ್ಲಿ ಗಣೇಶ್ ಹೊಡೆಯೋ ಡೈಲಾಗ್ ಇಂದಿಂಗೂ ಟ್ರೆಂಡಿಂಗ್‌ನಲ್ಲಿವೆ.

ರಾಕಿಂಗ್ ಸ್ಟಾರ್ ಯಶ್ ಮತ್ತು ಕೃತಿ ಕರಾಬಂಧ ನಟನೆಯ 'ಗೂಗ್ಲಿ' ಕೂಡ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾ. 2013ರಲ್ಲಿ ತೆರೆಕಂಡ ಪವನ್ ಒಡೆಯರ್ ನಿರ್ದೇಶನದ ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಚಿತ್ರದಲ್ಲಿ ಯಶ್ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದು, ಪ್ರೇಮಕಥೆ ಜೊತೆಗೆ ಕಾಮಿಡಿ ಸನ್ನಿವೇಶಗಳು ಕ್ಲಿಕ್ ಆಗಿದ್ದವು.