ನಯನತಾರ to ಪವಿತ್ರಾ ಗೌಡ: ಮದುವೆಯಾದ ನಟರೊಂದಿಗೆ ಪ್ರೀತಿಲಿ ಬಿದ್ದ ನಟಿಯರ ಪಟ್ಟಿ ಇಲ್ಲಿದೆ.

ಸ್ಯಾಂಡಲ್‌ವುಡ್‌ ನಟ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರದ್ದು ಲವ್ ಕಮ್ ಆರೇಂಜ್ಡ್ ಮ್ಯಾರೇಜ್. ಆದರೆ, ಕೆಲ ವರ್ಷಗಳಿಂದ ದರ್ಶನ್ ಅವರೊಂದಿಗೆ ಪವಿತ್ರಾ ಗೌಡ ಅವರ ಹೆಸರು ತಳುಕು ಹಾಕಿಕೊಂಡಿತ್ತು. ಇತ್ತೀಚೆಗೆ ಈ ವಿಚಾರವನ್ನು ಸ್ವತಃ  ಪವಿತ್ರಾ ಅವರೇ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ನಮ್ಮಿಬ್ಬರದ್ದು ೧೦ ವರ್ಷಗಳ ರಿಲೇಷನ್‌ಶಿಪ್ ಅಂತ ಬರೆದುಕೊಂಡಿದ್ದರು. ಜೊತೆಗೆ ದರ್ಶನ್ ಅವರೊಂದಿಗಿನ ಆತ್ಮೀಯ ಫೋಟೊಗಳನ್ನು ಹಂಚಿಕೊಂಡಿದ್ದರು. ಈ ಬಗ್ಗೆ ವಿಜಯಲಕ್ಷ್ಮೀ ಪ್ರತಿಕ್ರಿಯಿಸಿದ್ದರು. ಆದರೆ, ನಟ ದರ್ಶನ್ ಮಾತ್ರ ಮೌನ ವಹಿಸಿದ್ದಾರೆ.

ಕನ್ನಡ ಚಿತ್ರಂಗದ ಬ್ಲ್ಯಾಕ್ ಕೋಬ್ರಾ ದುನಿಯಾ ವಿಜಯ್ ಅವರು ಕೀತಿ ಪಟೋಡಿಯವರನ್ನು ಮದುವೆಯಾಗಿ ಜೀವನ ನಡೆಸುತ್ತಿದ್ದಾರೆ.  ಇದಕ್ಕೂ ಮುನ್ನ ನಾಗರತ್ನ ಎಂಬುವವರ ಜೊತೆ ವಿಜಯ್ ಮದುವೆ ನಡೆದಿತ್ತು. ನಂತರ ಪತ್ನಿಯ ಒಪ್ಪಿಗೆ ಮೇರೆಗೆ ನಟಿ ಕೀರ್ತಿ ಜೊತೆ ಮದುವೆ ಆಗಿರುವುದಾಗಿ ವಿಜಯ್ ಹೇಳಿದ್ದರು. ಕೀತಿ ಅವರು ಜಸ್ಟ್ ಮಾತ್ ಮಾತಲ್ಲಿ, ನನ್ನುಸಿರೇ, ಜಾಲಿಡೇಸ್ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಅದಾಗಲೇ ಮದುವೆಯಾಗಿದ್ದ ಟಾಲಿವುಡ್ ನಟ ಪವನ್ ಕಲ್ಯಾಣ್ ಮೇಲೆ ನಟಿ ರೇಣು ದೇಸಾಯಿಗೆ ಲವ್ವಾಗಿತ್ತು. ಇವರಿಬ್ಬರು ಬದ್ರಿ, ಜಾನಿ ಚಿತ್ರದಲ್ಲಿ ಒಟ್ಟಿಗೆ ನಟಿಸಿದ್ದರು. 2009ರಲ್ಲಿ ವಿವಾಹ ಕೂಡ ಆಗಿದ್ದರು. ಆದರೆ, 2012ರಲ್ಲಿ  ಭಿನ್ನಾಭಿಪ್ರಾಯಗಳಿಂದ  ಡಿವೋರ್ಸ್ ಪಡೆದು ದೂರಾಗಿದ್ದರು.

ಕಾಲಿವುಡ್ ನಟ ಕಮಲ್ ಹಾಸನ್ ತಮ್ಮ ಮೊದಲನೇ ಪತ್ನಿ ವಾಣಿ ಗಣಪತಿಗೆ ಡಿವೋರ್ಸ್ ನೀಡಿ, ಸಾರಿಕಾ ಅವರನ್ನು ವರಿಸಿದ್ದರು. ಇದಾದ ಬಳಿಕ ಮತ್ತೊಬ್ಬ ನಟಿ ಗೌತಮಿ ಜೊತೆ ಕಲಮ್ ಪ್ರೀತಿಲಿ ಬಿದ್ದಿದ್ದರು. ಬಹಳ ವರ್ಷಗಳ ಕಾಲ ಇಬ್ಬರು ರಿಲೇಷನ್‌ಶಿಪ್‌ನಲ್ಲಿದ್ದ ಇವರು, 2016ರಲ್ಲಿ ದೂರಾಗಿದ್ದರು.

ಇಂಡಿಯನ್ ಮೈಕಲ್ ಜಾಕ್ಸನ್ ಪ್ರಭುದೇವ ಹಾಗೂ ನಟಿ ನಯನತಾರ ಲವ್ವಿಡವ್ವಿ ಬಹಳ ದೊಡ್ಡಮಟ್ಟದಲ್ಲಿ ಸುದ್ದಿಯಾಗಿತ್ತು. ಇಬ್ಬರು ಮದುವೆಯಾಗುವ ಮಟ್ಟಕ್ಕೆ ಹೋಗಿದ್ದರು. ನಯನಾತಾರ ಅವರು ಪ್ರಭುದೇವ್ ಜೊತೆ ಮದುವೆಯಾಗಲು  ಕ್ರೈಸ್ತ ಧರ್ಮದಿಂದ ಹಿಂದೂ ಧರ್ಮಕ್ಕೆ ಮತಾಂತರವಾಗಿದ್ದು ಎನ್ನಲಾಗಿತ್ತು. ಪ್ರಭುದೇವ ತಮ್ಮ ಮಡದಿಗೆ ಲತಾಗೆ ವಿಚ್ಛೇದನ ನೀಡಿದ್ದರು. ಆದರೆ, ಬಳಿಕ ಇಬ್ಬರೂ ದೂರಾಗಿ ಬೇರೆಯವರೊಟ್ಟಿಗೆ ಮದುವೆ ಆಗಿದ್ದರು.

ಬಾಲಿವುಡ್ ನಟಿ ತಬು ವಯಸ್ಸು 50 ದಾಟಿದ್ರೂ ಮದುವೆಯಾಗದೇ ಉಳಿದುಬಿಟ್ಟಿದ್ದಾರೆ. ಆದರೆ, ತೆಲುಗು ನಟ ನಾಗಾರ್ಜುನ ಜೊತೆ ಆಕೆ ರಿಲೇಷನ್‌ಶಿಪ್‌ನಲ್ಲಿದ್ದರು ಎಂದು ಹೇಳಲಾಗಿತ್ತು. ನಟಿ ಅಮಲಾ ಜೊತೆ ನಾಗಾರ್ಜುನ ಮದುವೆ ಆಗಿದ್ದರು. ಇನ್ನು 15 ವರ್ಷಗಳ ಕಾಲ ನಾಗ್-ತಬು ಅಫೇರ್ ವಿಚಾರ ಸೀಕ್ರೆಟ್ ಆಗಿಯೇ ಇತ್ತು ಎನ್ನಲಾಗುತ್ತದೆ. ಪತ್ನಿಯಿಂದ ದೂರಾಗಲು ನಾಗಾರ್ಜುನ ನಿರಾಕರಿಸಿದ್ದಕ್ಕೆ ತಬು ಜೊತೆಗಿನ ಲವ್‌ಸ್ಟೋರಿಗೆ ಬ್ರೇಕ್ ಬಿತ್ತು ಎನ್ನುವ ಮಾತುಗಳು ಕೇಳಿಬಂದಿತ್ತು.

ಅಮಿತಾಬ್ ಬಚ್ಚನ್ ಹಾಗೂ ರೇಖಾ ಸೀಕ್ರೆಟ್ ಲವ್‌ ಕಹಾನಿ ಬಾಲಿವುಡ್‌ನಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿತ್ತು. 'ದೋ ಅಂಜಾನೆ' ಸಿನಿಮಾ ಚಿತ್ರೀಕರಣದ ಸಮಯದಲ್ಲಿ ಇವರಿಬ್ಬರ ನಡುವೆ ಪ್ರೀತಿ ಮೂಡಿತ್ತು ಎನ್ನಲಾಗುತ್ತದೆ. ಅದಾಗಲೇ ಜಯಾ ಬಚ್ಚನ್ ಕೈ ಹಿಡಿದಿದ್ದ ಬಿಗ್‌ಬಿ, ರೇಖಾ ಜೊತೆಗೂ ಅಫೇರ್ ಮುಂದುವರಿಸಿದ್ದರು ಎಂದು ಸುದ್ದಿಯಾಗಿತ್ತು. 

ಮದ್ರಾಸ್‌ನಲ್ಲಿ ಹುಟ್ಟಿ ಬೆಳೆದ ಶ್ರೀದೇವಿ ಮೊದಲು ದಕ್ಷಿಣದ ಸಿನಿಮಾಗಳಲ್ಲಿ ನಟಿಸಿದರು. ಬಳಿಕ ಬಾಲಿವುಡ್ ಪ್ರವೇಶಿಸಿ, ಅಲ್ಲೇ ಸೆಟ್ಲ್ ಆಗಿದ್ದರು. ಹೀಗಿರುವಾಗ ರಿಲೇಷನ್‌ಶಿಪ್ ವಿಚಾರಗಳಿಂದ ಆಕೆ ಭಾರೀ ಸುದ್ದಿಯಾಗಿದ್ದರು. ಅದಾಗಲೇ ಮೊನಾ ಕಪೂರ್ ಜೊತೆ ಮದುವೆ ಆಗಿ ಎರಡು ಮಕ್ಕಳ ತಂದೆಯಾಗಿದ್ದ ಬೋನಿ ಕಪೂರ್ ಜೊತೆ ಶ್ರೀದೇವಿ ಲವ್ವಿಡವ್ವಿ ನಡೆಸಿದ್ದರು. ಬಳಿಕ ಇಬ್ಬರೂ ಮದುವೆ ಕೂಡ ಆದರು.