ಕನ್ನಡ ಚಿತ್ರರಂಗದಲ್ಲಿ ಪ್ರೀತಿಗೆ ಅಧಿಪತಿಗಳಿವರು: ನಿಮ್ಮ ಫೆವರಿಟ್ ಯಾರು?

ಸ್ಯಾಂಡಲ್‌ವುಡನ್‌ ಪ್ರೀತಿಯ ಹೀರೋ ಅಂದರೆ ಮೊದಲು ನೆನಪಾಗೋದೆ ಕ್ರೇಜಿಸ್ಟಾರ್ ರವಿಚಂದ್ರನ್. ಚಂದನವದಲ್ಲಿ ಲವ್ ಸ್ಟೋರಿ ಸಿನಿಮಾಗಳನ್ನು ಇಷ್ಟರಮಟ್ಟಿಗೆ ಫೇಮಸ್ ಮಾಡಿದ್ದೇ ರವಿಚಂದ್ರನ್ ಅಂದರೆ ತಪ್ಪಾಗಲ್ಲ. ಇವರ ಸಿನಿಮಾಗಳು ಸಿಂಪಲ್ ಆಗಿದ್ದರೂ ಪ್ರೇಕ್ಷಕರ ಮನಗೆಲ್ಲುತ್ತಿದ್ದವು. ಪ್ರೇಮಲೋಕ, ಕಲಾವಿದ, ಪುಟ್ನಂಜ, ಚೆಲುವ, ಸಿಪಾಯಿ, ರಾಮಾಚಾರಿ, ಮಲ್ಲ,  ರಣಧೀರ, ಪ್ರೀತ್ಸೋದ್ ತಪ್ಪಾ..? ಮುಂತಾದ ಚಿತ್ರಗಳ ಮೂಲಕ ಕಮಾಲ್ ಮಾಡಿದ್ದರು. ಈಗಲೂ ಹಲವರು ಯಾವುದಾದರೂ ಲವ್ ಸಾಂಗ್ ಬೇಕೆಂದರೆ ಮೊದಲು ಸರ್ಚ ಮಾಡೋದೇ ರವಿಚಂದ್ರನ್ ಸಿನಿಮಾದ ಹಾಡುಗಳನ್ನು.

ಚಂದನವನ ಮೋಸ್ಟ್ ಹ್ಯಾಂಡ್‌ಸಮ್ ಹೀರೋ ಅಂದರೆ ವಿಷ್ಣುವರ್ಧನ್. ಸಾಹಸಸಿಂಹ ಲವ್ ಮೂವಿಗೂ ಸೈ, ಆಕ್ಷನ್ ಸಿನಿಮಾಗೂ ಸೈ. ಆದರೆ, ಪ್ರೇಕ್ಷಕರು ಅತಿಹೆಚ್ಚು ಇಷ್ಟುಪಡುತ್ತಿದ್ದು ಇವರ ಸೌಮ್ಯತೆ ಅಂತಾನೇ ಹೇಳಬಹುದು. ಇವರ ಸಿನಿಮಾಗಳೆಲ್ಲವೂ ತುಂಬಾ ಸಿಂಪಲ್ ಹಾಗೂ ನ್ಯಾಚುರಲ್ ಆಗಿರುತ್ತಿದ್ದವು. ವಿಷ್ಣು ದಾದಾ 'ಬಂಧನ' ಸಿನಿಮಾ ಮೂಲಕ ಪ್ರೇಕ್ಷಕರಲ್ಲಿ ಸೃಷ್ಟಿಸಿದ್ದ ಕ್ರೇಜ್ ಅಷ್ಟಿಷ್ಟಲ್ಲ. ಈ ಸಿನಿಮಾದ 'ನೂರೊಂದು ನೆನಪು' ಹಾಡನ್ನು ಕನ್ನಡಿಗರು ಎಂದೂ ಮರೆಯಲ್ಲ. ಆನಂತರ ನೀ ಬರೆದ ಕಾದಂಬರಿ, ನೀನು ನಕ್ಕರೆ ಹಾಲು ಸಕ್ಕರೆ, ಮುತ್ತಿನಹಾರ, ಬಂಗಾರ ಜಿಂಕೆ, ಹೃದಯವಂತ, ಯಜಮಾನ, ಜೀವನ ಚಕ್ರ, ಸೂರ್ಯವಂಶ ಸಿನಿಮಾಗಳ ಸಿನಿರಸಿಕರ ಹೃದಯ ಕದ್ದಿದ್ದಾರೆ.

ಕನ್ನಡ ಚಿತ್ರರಂಗ ಎವರ್‌ಗ್ರೀನ್ ಹೀರೋ ರಮೇಶ್. ಕನ್ನಡ ಚಿತ್ರರಂಗದಲ್ಲಿ ತ್ಯಾಗರಾಜ ಅಂತಲೇ ಜನಪ್ರಿಯರಾಗಿರುವ ರಮೇಶ್ ಅವರ ಸಿನಿಮಾಗಳಲ್ಲಿ ಹೆಚ್ಚಾಗಿ ಪ್ರೀತಿ ಮತ್ತು ಭಾವನೆಗಳು ತುಂಬಿ ತುಳುಕುತ್ತಿದ್ದವು. ನಮ್ಮೂರ ಮಂದಾರ ಹೂವೇ, ಕರ್ಪೂರದ ಗೊಂಬೆ, ಅಮೃತಾ ವರ್ಷಿಣಿ, ಅಮೆರಿಕಾ ಅಮೆರಿಕಾ, ನಿನ್ನೇ ಪ್ರೀತಿಸುವೆ  ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಅವರಿಗೆ ತಮ್ಮ ಪ್ರೀತಿಯೇ ಸಿಗಲ್ಲ. ಹೀಗಾಗಿ ತ್ಯಾಗರಾಜನ ಪಟ್ಟ ಅಲಂಕರಿಸಿದರು. ಇವರ 'ನೂರು ಜನ್ಮಕೂ ನೂರಾರು' ಹಾಡು ಎಂದಿಗೂ ಮರೆಯಲು ಸಾಧ್ಯವೇ ಇಲ್ಲ.

ಇನ್ನೂ ಪ್ರೀತಿಯನ್ನು ಇಟ್ಟುಕೊಂಡು ಸೂಪರ್ ಸ್ಟಾರ್ ಆದವರು ಗೋಲ್ಡನ್ ಸ್ಟಾರ್ ಗಣೇಶ್. ಎಲ್ಲರೂ ಮಾಸ್ ಮತ್ತು ಕಮರ್ಷಿಲ್ ಸಿನಿಮಾಗಳಲ್ಲಿ ಬ್ಯುಸಿಯಿದ್ದ ಸಂದರ್ಭದಲ್ಲಿ ವಿಭಿನ್ನವಾಗಿ ಡೈಲಾಗ್ ಹೊಡೆದುಕೊಂಡು, ನಟನೆಯಿಂದ ಎಲ್ಲರನ್ನು ಮರಳು ಮಾಡಿಕೊಂಡು, ಲವ್ ಮತ್ತು ಎಮೋಷನ್ಸ್‌ಗಳಲ್ಲಿ ರೋಲ್ ಮಾಡುವಂತಹ ಅಧಿಪತಿಯಾದವರು ಇವರು. ಇವರ ಮುಂಗಾರು ಮಳೆ, ಚೆಲ್ಲಾಟ, ಚೆಲುವಿನ ಚಿತ್ತಾರ, ಹುಡುಗಾಟ, ಗಾಳಿಪಟ, ಕೃಷ್ಣ, ಮಳೆಯಲಿ ಜೊತೆಯಲಿ, ಚಮಕ್, ಮುಗುಳುನಗೆ, ರೋಮಿಯೋ ಸಿನಿಮಾಗಳ ಮೂಲಕ ಕನ್ನಡಿಗರಿಗೆ ಮರಳು ಮಾಡಿವವರು ಗೋಲ್ಡನ್ ಸ್ಟಾರ್. ಇವರ ಸಿನಿಮಾಗಳು ಕೂಡ ಅಷ್ಟೇ ಅದ್ಭುತವಾಗಿರುತ್ತವೆ. ಇನ್ನು ಪ್ರೀತಿ ಬಗೆಗಿನ ಗಣೇಶ್ ಡೈಲಾಗ್‌ಗಳು ಯಾವಾಗಲೂ ಟ್ರೆಂಡಿಂಗ್ನಲ್ಲಿರುತ್ತವೆ.

ಲವ್ ಮತ್ತು ರೊಮ್ಯಾಂಟಿಕ್ ಮೂಲಕ ಅಭಿಮಾನಿಗಳ ಮನಗೆದ್ದ ಮತ್ತೊಬ್ಬ ನಟ ಲವ್ಲಿ ಸ್ಟಾರ್ ಪ್ರೇಮ್. ಇವರು ಪಲ್ಲಕ್ಕಿ, ನೆನಪಿರಲಿ, ಜೊತೆ ಜೊತೆಯಲಿ, ಮಳೆ, ಚಾರ್ ಮಿನಾರ್ ಸಿನಿಮಾಗಳ ಮೂಲಕ ಪ್ರೇಕ್ಷಕರ ಮನದಲ್ಲಿ ಲವ್ಲಿ ಸ್ಟಾರ್ ಎಂಬ ಪಟ್ಟ ಪಡೆದರು.