Happy Birthday: ನಟಿ ಸೋನು ಗೌಡ ನಟನೆಯ ಟಾಪ್ 5 ಸಿನಿಮಾಗಳ ಪಟ್ಟಿ ಇಲ್ಲಿದೆ.

ನಟಿ ಸೋನು ಗೌಡ ಅಭಿನಯದ ಮೊದಲ ಕನ್ನಡ ಸಿನಿಮಾ 'ಇಂತಿ ನಿನ್ನ ಪ್ರೀತಿಯ'. ಈ ಸಿನಿಮಾದಲ್ಲಿ ಶ್ರೀನಗರ ಕಿಟ್ಟಿ ನಾಯಕನಾಗಿ, ಸೋನು ಗೌಡ ಮತ್ತು ಭಾವನಾ ನಾಯಕಿರಾಗಿ ಅಭಿನಯಿಸಿದ್ದರು. ಇದೊಂದು ದುರಂತ ಕಥೆಯುಳ್ಳ ಸಿನಿಮಾವಾಗಿದೆ. ನಾಯಕ (ಶ್ರೀನಗರ ಕಿಟ್ಟಿ) ಮತ್ತು ನಾಯಕಿ (ಸೋನು) ಪರಸ್ಪರ ಪ್ರೀತಿಸುತ್ತಿರುತ್ತಾರೆ. ಆದರೆ ನಾಯಕ ಹಾಗೂ ನಾಯಕಿಯ ಅಣ್ಣನ ಜಗಳದಿಂದಾಗಿ ಇವರಿಬ್ಬರ ಪ್ರೀತಿ ಮುರಿದು ಬೀಳುತ್ತದೆ. ನಂತರದಲ್ಲಿ ಕಿಟ್ಟಿ ಮದ್ಯಪಾನಿಯಾಗುತ್ತಾರೆ. ಇದರಿಂದ ಆತನನ್ನು ಹೊರತರಲು ಮನೆಯವರು ಆತನಿಗೆ ಬೇರೆ ಹುಡುಗಿಯೊಂದಿಗೆ (ಭಾವನಾ) ಮದುವೆ ಮಾಡುತ್ತಾರೆ. ಆಕೆಗೆ ದಾಂಪತ್ಯದ ಬಗ್ಗೆ ಸಾಕಷ್ಟು ಕನಸಿರುತ್ತದೆ. ಆದರೆ, ಅದೆಲ್ಲವೂ ಮೊದಲ ರಾತ್ರಿಯೇ ಮುರಿದು ಬೀಳುತ್ತದೆ. ಇನ್ನೇನು ಎಲ್ಲಾ ಸರಿ ಹೋಯಿತು ಅನ್ನುವಷ್ಟರಲ್ಲಿ ಕಿಟ್ಟಿಯ ಹೆಂಡತಿ ಸಾವನ್ನಪ್ಪುತ್ತಾಳೆ. ಬಳಿಕ ಆತ ಮತ್ತೆ ಮದ್ಯಪಾನಕ್ಕೆ ದಾಸನಾಗುತ್ತಾನೆ. ಇದು ಸಿನಿಮಾ ಕಥೆ. ಈ ಸಿನಿಮಾದ ಒಂದೊಂದೇ ಬಚ್ಚಿಟ್ಟ ಮಾತು ಹಾಡು ಇಂದಿಗೂ ಫೇಮಸ್. 

2010ರಲ್ಲಿ ಬಿಡುಗಡೆಯಾದ ಪೊಲೀಸ್ ಕ್ವಾಟರ್ಸ್ ಸಿನಿಮಾವನ್ನು ಎ.ಎಂ.ಆರ್.ರಮೇಶ್ ನಿರ್ದೇಶನ ಮಾಡಿದ್ದರು. ಇದೊಂದು ನೈಜ ಘಟನೆ ಆಧಾರಿತ ಚಿತ್ರ.  ಸಿನಿಮಾದಲ್ಲಿ ಅನಿಶ್ ನಾಯಕನಾಗಿ ಮತ್ತು ಸೋನು ನಾಯಕಿಯಾಗಿ ಅಭಿನಯಿಸಿದ್ದರು. ರಸ್ತೆ ಮಧ್ಯೆ ಬಾಬ್ರಿ ಮಸೀದಿ ವಿಷಯಕ್ಕೆ ಗಲಾಟೆ ನಡೆಯುತ್ತಿರುತ್ತದೆ. ಅಲ್ಲಿ ಸೋನು ಹಾಗೂ ಅನೀಷ್ ಸಿಕ್ಕಿಬಿದ್ದಿರುತ್ತಾರೆ.  ಕೆಲವರು ತಿವಿಯುತ್ತಿದ್ದರೆ, ಮತ್ತೆ ಕೆಲವರು ಬೆಂಕಿಯ ಉಂಡೆಯನ್ನು ಬಿಸಾಡುತ್ತಿರುತ್ತಾರೆ. ಈ ಸಂದರ್ಭ ನಾಯಕ ತನ್ನ ಪ್ರಿಯತಮೆಯನ್ನು ಕಾಪಾಡುತ್ತಾನೆ.  ಇವರಿಬ್ಬರು ರಕ್ತದ ಮಡುವಿನಲ್ಲಿರುತ್ತಾರೆ. ಈ ವೇಳೆ 20 ವರ್ಷಗಳ ಹಿಂದಿನ ಕಥೆ ತೆರೆದುಕೊಳ್ಳುತ್ತದೆ. ಇಲ್ಲಿಂದ ಸಿನಿಮಾ ಕಥೆ ಹೊಸ ರೂಪಕ್ಕೆ ಹೋಗುತ್ತದೆ. ಈ ಚಿತ್ರ ಕನ್ನಡ ಮತ್ತ್ತು ತಮಿಳು ಭಾಷೆಗಳಲ್ಲಿ ಏಕಕಾಲದಲ್ಲಿ ನಿರ್ಮಾಣವಾಗಿತ್ತು. ಕನ್ನಡದಲ್ಲಿ  ಪೊಲೀಸ್ ಕ್ವಾಟರ್ಸ್, ತಮಿಳಿನಲ್ಲಿ ಕಾವಲರ್ ಕುಡಿಯಿರುಪ್ಪು ಎಂಬ ಶೀರ್ಷಿಕೆಯಲ್ಲಿ ಬಿಡುಗಡೆಯಾಗಿತ್ತು. 

ಕನ್ನಡದ ಖ್ಯಾತ ಲೇಖಕ ಪೂರ್ಣಚಂದ್ರ ತೇಜಸ್ವಿ ಅವರ ಜನಪ್ರಿಯ ಕಥೆ ಕಿರುಗೂರಿನ ಗಯ್ಯಾಳಿಗಳು. ಇದೇ ಹೆಸರು ಆಧರಿಸಿ ಸುಮನಾ ಕಿತ್ತೂರು ಸಿನಿಮಾ ಮಾಡಿದ್ದರು. ಈ ಸಿನಿಮಾದಲ್ಲಿ ಶ್ವೇತಾ ಶ್ರೀವಾಸ್ತವ್, ಸೋನು ಗೌಡ, ಸುಕೃತಾ ವಾಗ್ಲೆ, ಅಚ್ಯುತ್ ಕುಮಾರ್, ಕಿಶೋರ್ ಮುಂತಾದವರು ನಟಿಸಿದ್ದರು. ಕಿರುಗೂರು ಒಂದು ಯುಟೋಪಿಯನ್ ಹಳ್ಳಿ. ಬಲಿಷ್ಠ ಒಕ್ಕಲಿಗರ ಸಮುದಾಯ ಮತ್ತು ಹರಿಜನ ಸಮುದಾಯ ಅನ್ಯೋನ್ಯವಾಗಿರುವಂತಹ ಪ್ರದೇಶ. ಎರಡು ಸಮುದಾಯದ ಮಹಿಳೆಯರು ಜೊತೆಗೆ ಕೆಲಸ ಮಾಡುವ, ಒಟ್ಟೊಟ್ಟಿಗೆ ಕಷ್ಟ-ಸುಖ ಹಂಚಿಕೊಳ್ಳುವ ಇಲ್ಲಿ ಮಹಿಳೆಯರದ್ದೇ ಮೇಲುಗೈಯಾಗಿರುತ್ತದೆ. ಈ ಸಿನಿಮಾದ ನಟನೆಗಾಗಿ ಸೋನು ಅವರಿಗೆ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿ ಲಭಿಸಿತ್ತು. 

ಜಾಕೋಬ್ ವರ್ಗೀಸ್ ನಿರ್ದೇಶನದ ಈ ಸಿನಿಮಾದಲ್ಲಿ ಸತೀಶ್ ನೀನಾಸಂ ಮತ್ತು ಸೋನು ಗೌಡ ಮುಖ್ಯಪಾತ್ರದಲ್ಲಿ ನಟಿಸಿದ್ದರು. ಚಿತ್ರದ ನಾಯಕ ಸುಭಾಷ್ (ಸತೀಶ್ ನೀನಾಸಂ) ಒಬ್ಬ ನಿಷ್ಠಾವಂತ ಜಿಲ್ಲಾಧಿಕಾರಿ. ಇವರು ಕರ್ನಾಟಕದ ಒಂದು ಜಿಲ್ಲೆಗೆ ವರ್ಗವಾಗಿ ಬಂದಾಗ ಅಲ್ಲಿರುವ ಭ್ರಷ್ಟಾರಿಗೆ ತಲೆನೋವಾಗಿ ಪರಣಮಿಸುತ್ತಾರೆ. ಸಮಾಜ ಭ್ರಷ್ಟ ಶಕ್ತಿಗಳ ಮಟ್ಜಹಾಕಬೇಕೆಂದು ಹೋರಾಡುವ ನಾಯಕ ಒಂದು ಕಡೆ, ನಾಯಕನನ್ನು ಮಟ್ಟಹಾಕಬೇಕೆಂದು ಒಂದು ಗೂಡುವ ದುಷ್ಟಶಕ್ತಿಗಳು. ಇರ್ವರ ಹೋರಾಟದ ಪರಿಯನ್ನು ಚಿತ್ರ ವಿವರಿಸುತ್ತದೆ.

ಜನಾರ್ಧನ್ ಚಿಕ್ಕಣ್ಣ ನಿರ್ದೇಶನದ ಗುಳ್ಟು ಸಿನಿಮಾದಲ್ಲಿ ನವೀನ್ ಶಂಕರ್ ನಾಯಕನಾಗಿ ಮತ್ತು ಸೋನು ಗೌಡ ನಾಯಕಿಯಾಗಿ ಅಭಿನಯಿಸಿದ್ದರು. ಈ ಚಿತ್ರ ಸೈಬರ್ ಯುಗದಲ್ಲಿ ಈಗ ಏನೇನೆಲ್ಲಾ ನಡೆಯುತ್ತದೆ. ಓರ್ವ ವ್ಯಕ್ತಿಯ ಮಾಹಿತಿಯನ್ನು ಗೌಪ್ಯವಾಗಿ ಇಡುವುದು ಎಷ್ಟು ಮುಖ್ಯ ಎಂಬುದರ ಬಗ್ಗೆ ಬೆಳಕು ಚೆಲ್ಲಿತ್ತು. ಈ ಸಿನಿಮಾ ಉತ್ತಮವಾಗಿ ಮೂಡಿಬಂದಿದ್ದು, ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಸಿಕ್ಕಿತ್ತು.