ಬರ್ತ್‌ಡೇ ಸ್ಪೆಷಲ್: ಸ್ಯಾಂಡಲ್‌ವುಡ್ ನಟ ತರುಣ್ ಚಂದ್ರ ನಟನೆಯ ಟಾಪ್ 5 ಸಿನಿಮಾಗಳ ಪಟ್ಟಿ ಇಲ್ಲಿದೆ.

ನಟ ತರುಣ್ ಚಂದ್ರ ಅವರು ಖುಷಿ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟರು.  ಈ ಚಿತ್ರದಲ್ಲಿ ವಿಜಯ್ ರಾಘವೇಂದ್ರ, ತರುಣ್ ಚಂದ್ರ, ಹರೀಶ್ ಪ್ರಭಾತ್ ಮತ್ತು ಸಿಂಧು ಮೆನನ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.  ಚಿತ್ರದಲ್ಲಿ  ಇಬ್ಬರು ಶ್ರೀಮಂತ ಕೈಗಾರಿಕೋದ್ಯಮಿಗಳ ಮಕ್ಕಳಾದ ಅಜಯ್ (ತರುಣ್ ಚಂದ್ರ), ವಿಜಯ್ ಮತ್ತು ಶಶಾಂಕ್ ತುಂಬಾ ಬೇಜವಾಬ್ದಾರಿಯಿಂದ ವರ್ತಿಸುತ್ತಾರೆ. ಇದರಿಂದ ಬೇಸತ್ತ ಅವರ ತಂದೆ ತಮ್ಮ ಮಕ್ಕಳೇ ಸ್ವಂತವಾಗಿ ಸಂಪಾದನೆ ಮಾಡುವಂತೆ ಸವಾಲು ನೀಡುತ್ತಾರೆ. ಈ ಸವಾಲಿನಲ್ಲಿ ಮೂರು ಜನ ಮಕ್ಕಳು ಗೆಲ್ಲುತ್ತಾರಾ? ಇಲ್ಲವಾ ಎಂಬುದೇ ಈ ಸಿನಿಮಾ ಕಥೆ.  

ಗೆಳೆಯ ಸಿನಿಮಾದಲ್ಲಿ ಪ್ರಜ್ವಲ್ ದೇವರಾಜ್ ಮತ್ತು ತರುಣ್ ಚಂದ್ರ ನಾಯಕರಾಗಿ ಕಾಣಿಸಿಕೊಂಡಿದ್ದರು. ರ್ಷ ಎ ನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿಬಂದಿತ್ತು. ಇಬ್ಬರು ಕಾಲೇಜು ಸ್ನೇಹಿತರು ಉದ್ಯೋಗವನ್ನರಸಿ ಬೆಂಗಳೂರಿಗೆ ಬರುತ್ತಾರೆ. ನಂತರ ಬೆಂಗಳೂರಿನ ಎರಡು ಪರಸ್ಪರ ವಿರುದ್ಧ ಮಾಫಿಯಾ ಗ್ಯಾಂಗ್‌ಗಳಲ್ಲಿ ಸೇರುತ್ತಾರೆ. ನಂತರ ಈ ಇಬ್ಬರು ಪರಸ್ಫರ ಹೇಗೆ ಕಾದಾಟಕ್ಕೆ ನಿಲ್ಲುತ್ತಾರೆ ಮತ್ತು ಅದರ ಅಂತ್ಯವೇನು ಎಂಬದನ್ನು ಚಿತ್ರ ನಿರೂಪಿಸುತ್ತದೆ. ೨೦೦೭ರಲ್ಲಿ ಮೂಡಿಬಂದ ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು. 

ಲವ್ ಗುರು ಸಿನಿಮಾದಲ್ಲಿ ತರುಣ್ ಚಂದ್ರ ನಾಯಕನಾಗಿ ಮತ್ತು ರಾಧಿಕಾ ಪಂಡಿತ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು.  ಇವರ ಜೊತೆಗೆ ಪ್ರಜ್ವಲ್ ದೇವರಾಜ್, ಯಜ್ಞ ಶೆಟ್ಟಿ, ರಮೇಶ್ ಭಟ್ ಸೇರಿದಂತೆ ಮೊದಲಾದವರು ನಟಿಸಿದ್ದರು.  ಸಿನಿಮಾದಲ್ಲಿ ಪ್ರಾರ್ಥನ್ (ತರುಣ್) ಮತ್ತು ಖುಷಿ (ರಾಧಿಕಾ) ಒಂದೇ ಆಫೀಸ್‌ನಲ್ಲಿ ಕೆಲಸ ಮಾಡುತ್ತಿರುತ್ತಾರೆ. ಬಳಿಕ ಇಬ್ಬರು ಪ್ರೀತಿಯಲ್ಲಿ ಬೀಳುತ್ತಾರೆ. ಆದರೆ, ಅದೇ ಕಂಪನಿಯ ಬಾಸ್ ಖುಷಿಯನ್ನು ಮದುವೆಯಾಗುವುದಾಗಿ ಪ್ರಫೋಸ್ ಮಾಡಿದಾಗ ಎಲ್ಲವೂ ಬದಲಾಗುತ್ತದೆ.  

ಸಂಜಯ್ ಕೆ ನಿರ್ದೇಶನದ ಪರಿಚಯ ಸಿನಿಮಾದಲ್ಲಿ ತರುಣ್ ಚಂದ್ರ ಮತ್ತು ರೇಖಾ ವೇದವ್ಯಾಸ್ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.  ಜಯಂತ್ (ತರುಣ್) ಪ್ರೇಮಿಗಳ ದಿನಂದು ನಿಮ್ಮಿಯನ್ನು (ರೇಖಾ) ಭೇಟಿಯಾಗುತ್ತಾರೆ. ಜೊತೆಗೆ ಆ ಕ್ಷಣದಲ್ಲೇ ಆಕೆಯೊಂದಿಗೆ ಪ್ರೀತಿಯಲ್ಲಿ ಬೀಳುತ್ತಾನೆ. ಆದರೆ, ನಿಮ್ಮಿ ಆತನಿಗೆ ಮೊಬೈಲ್ ನಂಬರ್ ನೀಡಲು ನಿರಾಕರಿಸುತ್ತಾಳೆ. ಬಳಿಕ  ಜಯಂತ್ ಅವಳಿಗಾಗಿ ಹೇಗೆ ಹುಡುಕಾಡುತ್ತಾನೆ ಎಂಬುದು ಚಿತ್ರದ ಕಥೆ. ಈ ಚಿತ್ರದ ಹಾಡುಗಳು ಸಖತ್ ಹಿಟ್ ಆಗಿದ್ದವು. 

ಲವ್ ಗುರು ಬಳಿಕ ಗಾನ ಬಜಾನ ಸಿನಿಮಾದ ಮೂಲಕ ರಾಧಿಕಾ ಪಂಡಿತ್ ಮತ್ತು ತರುಣ್ ಸುಧೀರ್ ಮತ್ತೊಮ್ಮೆ ತೆರೆಹಂಚಿಕೊಂಡಿದ್ದರು. ಈ ಚಿತ್ರವನ್ನು ಪ್ರಶಾಂತ್ ರಾಜ್ ನಿರ್ದೇಶನ ಮಾಡಿದ್ದರು. ಚಿತ್ರದಲ್ಲಿ ರಾಧಿಕಾ ಕುಟ್ಟು (ತರುಣ್)ನನ್ನು ಪ್ರೀತಿಸುತ್ತಿರುತ್ತಾಳೆ. ಈ ಮಧ್ಯೆ ಮನೆಯವರು ಒತ್ತಡದಿಂದಾಗಿ ಕ್ರಿಶ್‌ನೊಂದಿಗೆ ನಿಶ್ಚಿತಾರ್ಥ ಮಾಡಿಕೊಳ್ಳುತ್ತಾಳೆ. ಬಳಿಕ ಕುಟ್ಟು ಕೂಡ ತನ್ನನ್ನು ಪ್ರೀತಿಸುತ್ತಿರುವ ವಿಷಯ ತಿಳಿದ ರಾಧಿಕಾ ಆತನನೊಂದಿಗೆ ಮದುವೆಯಾಗಲು ನಿರ್ಧರಿಸುತ್ತಾಳೆ.