ಶುಭಾ ಪೂಂಜಾ ಟು ಗೀತಾ ಭಾರತಿ ಭಟ್: ತೂಕ ಕಳೆದುಕೊಂಡು ಸ್ಲಿಮ್ ಆದ ಕನ್ನಡದ ನಟಿಮಣಿಯರು ಇವರು!

2006ರಲ್ಲಿ ತೆರೆಕಂಡ 'ಜಾಕ್ ಪಾಟ್' ಚಿತ್ರದಿಂದ ಕನ್ನಡ ಚಿತ್ರರಂಗ ಪ್ರವೇಶಿಸಿದ ನಟಿ ಶುಭ ಪೂಂಜಾ ನಂತರ ಚಂಡ, ಮೊಗ್ಗಿನ ಮನಸ್ಸು ಚಿತ್ರಗಳ ಮೂಲಕ ಖ್ಯಾತಿ ಪಡೆದರು. ಆರಂಭದಲ್ಲಿ ತೆಳ್ಳಗಿದ್ದ ಶುಭ ಪೂಂಜಾ ನಂತರದಲ್ಲಿ ಸ್ವಲ್ಪ ದಪ್ಪಗಾಗಿದ್ದರು. ಇದರಿಂದಾಗಿ ಬಾಡಿ ಶೇಮಿಂಗೂ ಕೂಡ ಒಳಗಾಗಿದ್ದರು. ಸದ್ಯ ಶುಭ ಪೂಂಜಾ 10  ಕೆಜಿ ತೂಕ ಇಳಿಸಿದ್ದಾರೆ. ಇದಕ್ಕಾಗಿ ಅವರು ಪ್ರತಿದಿನ ಯೋಗಭ್ಯಾಸ ಹಾಗೂ ರನ್ನಿಂಗ್ ಮಾಡುತ್ತಿದ್ದರಂತೆ. ಸದ್ಯ ಶುಭ ಪೂಜಾ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.   

ಕನ್ನಡ ಕಿರುತೆರೆಯಲ್ಲಿ 'ಗುಂಡಮ್ಮ' ಎಂದೇ ಗುರುಯಿಸಿಕೊಂಡಿರುವ ನಟಿ ಗೀತಾ ಭಾರತಿ ಭಟ್ ತಮ್ಮ ಪ್ರತಿಭೆಯಿಂದಲೇ ಗುರುತಿಸಿಕೊಂಡವರು. ಇವರು ಕೂಡ ಸಾಕಷ್ಟು ಬಾರಿ ಬಾಡಿ ಶೇಮಿಂಗ್‌ಗೆ ಒಳಗಾಗಿದ್ದಾರೆ. ಗೀತಾ ತಮ್ಮ ತೂಕ ಹೆಚ್ಚಾಗಲು ಕಾರಣವೇನೆಂದು ಸಂದರ್ಶನವೊಂದರಲ್ಲಿ ತಿಳಿಸಿದ್ದರು. ಗೀತಾ ಅವರು ಶಾಲೆಯಲ್ಲಿದ್ದಾಗ ಶಾಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರಂತೆ. ಇದರಿಂದಲೇ ಅವರ ತೂಕ ಹೆಚ್ಚಾಗತೊಡಗಿತ್ತು. ಆದರೆ, ಇದರಿಂದಾಗಿ ಗೀತಾ ಅವರು ಹಲವಾರು ಅವಮಾನಗಳನ್ನು ಎದುರಿಸಬೇಕಾಯಿತು. ಒಂದೂವರೆ ವರ್ಷದಿಂದ ಜಿಮ್ ಮಾಡುತ್ತಿರುವ ಈ ನಟಿ ಈಗ 30 ಕೆಜಿ ತೂಕ ಇಳಿಸಿಕೊಂಡು ಸಖತ್ ಸ್ಲಿಮ್ ಆಗಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಅವರು, ನಾನು ಯಾರನ್ನೂ ಮೆಚ್ಚಿಸಲು ಅಥವಾ ನಟನೆಯಲ್ಲಿ ಆಫರ್ ಪಡೆಯಲು ತೂಕ ಇಳಿಸಿಕೊಂಡಿಲ್ಲ. ಬಿಗ್‌ ಬಾಸ್ ಬಳಿಕ ನನಗೆ ಕೆಲ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಂಡವು. ಹೀಗಾಗಿ ಫಿಟ್ ಆಗಿರಲು ಜಿಮ್‌ಗೆ ತೆರಳಿದೆ ಎಂದು ಹೇಳಿದ್ದಾರೆ. 

ನಮ್ಮನೆ ಯುವರಾಣಿ, ಸಿಲ್ಲಿಲಲ್ಲಿ ಧಾರಾವಾಹಿ ಮೂಲಕ ನಟಿಸಿದ ಜ್ಯೋತಿ ಕಿರಣ್‌, ಮದುವೆಯಾಗಿ ಮಗುವಾದ ಬಳಿಕ ದಪ್ಪಗಾದರು. ಈ ವೇಳೆ ಮಗುವಿನ ಆರೈಕೆಯಲ್ಲಿ ತೊಡಗಿದ್ದ ಈ ನಟಿ ನಟನೆಯಿಂದ ಕೊಂಚ ಬ್ರೇಕ್ ಪಡೆದರು. ಮಗಳು 2 ವರ್ಷವಿದ್ದಾಗ ನಟಿ ಜ್ಯೋತಿ ಸಣ್ಣಗಾಗಲು ನಿರ್ಧರಿಸಿದರು. ಪತಿಯ ಸಲಹೆಯಂತೆ 6 ತಿಂಗಳು ವಾಕ್ ಮಾಡಲು ಪ್ರಾರಂಭಿಸಿದ ಇವರು, ನಂತರ ಜಿಮ್ ಸೇರಿಕೊಂಡರು. ಆಹಾರ ಹಾಗೂ ಫಿಟ್‌ನೆಸ್ ವಿಷಯದಲ್ಲಿ ಗಂಭೀರವಾಗಿದ್ದ ಜ್ಯೋತಿ ಕಿರಣ್, 65  ಕೆಜಿಯಿಂದ 45ಗೆ ತೂಕ ಇಳಿಸಲು ಬರೋಬ್ಬರಿ 5 ವರ್ಷ ತೆಗೆದುಕೊಂಡರು. ಸದ್ಯ ಸಖತ್ ಸ್ಲಿಮ್ ಆಗಿರುವ ಅನೇಕರಿಗೆ ಸ್ಫೂರ್ತಿ. ಸದ್ಯ ಈ ನಟಿ ಅಂತರಪಟ ಧಾರಾವಾಹಿಯಲ್ಲಿ ನಾಯಕಿಯ ಅಮ್ಮನ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. 

ನಟಿ ಅನು ಜನಾರ್ಧನ್ ಜೀ  ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಸತ್ಯ ಸೀರಿಯಲ್‌ನಲ್ಲಿ ಕೀರ್ತನಾ ಪಾತ್ರದ ಮೂಲಕ ಜನಪ್ರಿಯತೆ ಪಡೆದಿದ್ದಾರೆ. ಸೀರಿಯಲ್ ಜೊತೆಗೆ ರಿಯಲ್‌ ಲೈಫ್‌ನಲ್ಲೂ ಸಖತ್ ಸ್ಟೈಲಿಶ್ ಆಗಿ ಕಾಣಿಸಿಕೊಳ್ಳುವ ಈ ನಟಿ, ನಟನೆಗೆ ಬರುವ ಮೊದಲು ದಪ್ಪಗಾಗಿದ್ದರಂತೆ. ಬಳಿಕ ಕಷ್ಟಪಟ್ಟು ಡಯೆಟ್ ಮಾಡಿ, ಒಂದು ವರ್ಷದ ಬಳಿಕ ಬಳುಕುವ ಬಳ್ಳಿಯಂತೆ ಆಗಿದ್ದಾರೆ. ಭರತನಾಟ್ಯ ಕಲಾವಿದೆಯಾಗಿರುವ ಇವರಿಗೆ, ತೆಳ್ಳಗಾಗಲು ನೃತ್ಯ ಹಾಗೂ ಆಹಾರ ಕ್ರಮ ಸಾಕಷ್ಟು ಸಹಾಯ ಮಾಡಿದೆಯಂತೆ. 

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಯಾರೇ ನೀ ಮೋಹಿನಿ ಧಾರಾವಾಹಿಯಲ್ಲಿ ತೆಗೆಟಿವ್ ಪಾತ್ರದಲ್ಲಿ ಗಮನ ಸೆಳೆದಿದ್ದ ನಟಿ ಐಶ್ವರ್ಯಾ ಬಾಸ್ಪುರೆ ಕೂಡ ತೂಕ ಇಳಿಸಿಕೊಂಡು ಸಖತ್ ಸ್ಲಿಮ್ ಆಗಿದ್ದಾರೆ. ಐಶ್ವರ್ಯಾ ಬಾಸ್ಪುರೆ, ಡಯೆಟ್ ಹಾಗೂ ವಕೌಟ್ ಮಾಡಿ ತಮ್ಮ ತೂಕವನ್ನು ಇಳಿಸಿಕೊಂಡು ಇದೀಗ ಸಿಕ್ಕಾಪಟ್ಟೆ ತೆಳ್ಳಗಾಗಿದ್ದಾರೆ.

ಜೊತೆ ಜೊತೆಯಲಿ ಸೀರಿಯಲ್‌ನಲ್ಲಿ ಮೀರಾ ಪಾತ್ರದ ಮೂಲಕ ಗಮನ ಸೆಳೆದಿದ್ದ ನಟಿ ಮಾನಸ ಮನೋಹರ್ ಲಾಕ್‌ಡೌನ್ ಸಂದರ್ಭದಲ್ಲಿ ಎಲ್ಲರೂ ಮನೆಯಲ್ಲಿದ್ದ ಇಷ್ಟದ ಆಹಾರವನ್ನು ಸವಿದು ದಪ್ಪಗಾಗಿದ್ದರು. ಬಳಿಕ ತಮ್ಮ ಫಿಟ್‌ನೆಸ್ ಬಗ್ಗೆ ಕಾಳಜಿ ವಹಿಸಿದ್ದ ಅವರು, ವಾಕಿಂಗ್, ವರ್ಕೌಟ್ ಮಾಡಿ, 12 ಕೆಜಿ ತೂಕವನ್ನು ಇಳಿಸಿಕೊಂಡಿದ್ದರು. ತೂಕ ಇಳಿಸಿಕೊಳ್ಳಲು ಪರ್ಸನಲ್ ಟ್ರೈನರ್ ನೇಮಿಸಿಕೊಂಡಿದ್ದ ಈ ನಟಿ, ಅವರು ಹೇಳಿದಂತೆ ಪ್ರತಿನಿತ್ಯ 2 ಗಂಟೆ ವರ್ಕೌಟ್ ಮಾಡುತ್ತಿದ್ದರಂತೆ. ಜೊತೆಗೆ ಮನೆಯ ಟೆರಸ್‌ನಲ್ಲಿ ಒಂದು ಗಂಟೆ ವಾಕಿಂಗ್ ಮಾಡುತ್ತಿದ್ದರಂತೆ. ಇದರ ಜೊತೆಗೆ ಚೆನ್ನಾಗಿ ನೀರು ಕುಡಿಯುತ್ತಿದ್ದರಂತೆ.