Happy Birthday Kiccha: ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರ ಆಸ್ತಿ ಮೌಲ್ಯ, ಮನೆ, ಕಾರುಗಳ ಪಟ್ಟಿ ಇಲ್ಲಿದೆ.

ನಟ ಕಿಚ್ಚ ಸುದೀಪ್ ಆದಾಯ, ಲೈಫ್‌ಸ್ಟೈಲ್, ಮಾನವೀಯತೆ, ಸಾಮಾಜಿಕ ಕಳಕಳಿ ಹೀಗೆ ಎಲ್ಲದರಲ್ಲೂ ಶ್ರೀಮಂತ. ಮೂಲಗಳ ಪ್ರಕಾರ, ಸ್ಯಾಂಡಲ್‌ವುಡ್ ಬಾದ್‌ ಶಾ ಕಿಚ್ಚ ಸುದೀಪ್ ಅವರ ಒಟ್ಟು ಆಸ್ತಿ ಮೌಲ್ಯ 125 ಕೋಟಿ ರೂಪಾಯಿ. ಅವರ ಆದಾಯದ ಪ್ರಮುಖ ಮೂಲ ನಟನೆ, ರಿಯಾಲಿಟಿ ಶೋಗಳ ನಿರೂಪಣೆ, ನಿರ್ದೇಶನ ಹಾಗೂ ತಮ್ಮ ಕಿಚ್ಚ ಕ್ರಿಯೇಷನ್ಸ್ ನಿರ್ಮಾಣ ಸಂಸ್ಥೆ. 

ಕಿಚ್ಚನ ಬಳಿ ಹಲವು ದುಬಾರಿ ಹಾಗೂ ಐಷಾರಾಮಿ ಕಾರುಗಳಿವೆ. ಅವರ ಬಳಿ ರೇಂಜ್ ರೋವರ್ ವೋಗ್ಯ, ಜೀಪ್ ರಾಂಗ್ಲರ್, ಜೀಪ್ ಕಂಪಾಸ್, ಬಿಎಂಎಬ್ಲ್ಯೂ ಎಂ3, ಜಾಗ್ವಾರ್, ಹಮ್ಮರ್ ಹೆಚ್‌೩, ಲ್ಯಾಂಬೋಗಿನಿ ಅವೆಂಟಾ ಡಾರ್, ವೋಲ್ವೋ ಕಾರಗಳಿವೆ. 

ಶಿವಮೊಗ್ಗದಲ್ಲಿ ಜನಿಸಿದ ಕಿಚ್ಚ ಸುದೀಪ್ ಇಂದು ಭಾರತೀಯ ಚಿತ್ರರಂಗದಲ್ಲಿ ತನ್ನದೇ ಆದ ಚಾಪು ಮೂಡಿಸಿದ್ದಾರೆ. ಅಂದಹಾಗೆ, ಸುದೀಪ್ ಅವರ ನಿವಾಸ ಹೆಸರು ಶ್ರೀನಿಧಿ. ಈ ಮನೆಯನ್ನು 1991ರಲ್ಲಿ ಸುದೀಪ್ ಅವರ ತಂದೆ ನಿರ್ಮಿಸಿದ್ದರು. ಕಿಚ್ಚ ಈಗಲೂ ಕೂಡ ಅದೇ ಮನೆಯಲ್ಲಿ ವಾಸವಿದ್ದು, ಇದು ಜೆಪಿ ನಗರದ ಪುಟ್ಟೇನಹಳ್ಳಿಯಲ್ಲಿದೆ.  ಇದರ ಮೌಲ್ಯ 20 ಕೋಟಿ ರೂಪಾಯಿ. ಇದಲ್ಲದೇ ಸುದೀಪ್ ಮುಂಬೈ ಹಾಗೂ ಹೈದರಾಬಾದ್‌ನಲ್ಲಿ ಪ್ರಾಪರ್ಟಿ ಹೊಂದಿದ್ದಾರೆ. 

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ 2023ರಲ್ಲಿ ಅತಿಹೆಚ್ಚು ಸಂಭಾವನೆ ಪಡೆಯುವ ನಟರ ಪೈಕಿ ಮೂರನೇ ಸ್ಥಾನದಲ್ಲಿದ್ದಾರೆ. ಸದ್ಯ ಅವರು ಕಿಚ್ಚ ೪೬ ಸಿನಿಮಾದ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಈ ಚಿತ್ರ 5 ಭಾಷೆಗಳಲ್ಲಿ ಸಿನಿಮಾ ತೆರೆಗೆ ಬರೋದು ಪಕ್ಕಾ ಆಗಿದ್ದು, ಪ್ರೋಮೋದಲ್ಲಿ ಕನ್ನಡ ಸೇರಿದಂತೆ 4 ಭಾಷೆಗಳಲ್ಲಿ ಟೀಸರ್‌ಗೆ ಕಿಚ್ಚನ ಖಡಕ್ ವಾಯ್ಸ್ ಇದೆ. ಇದರ ಜೊತೆಗೆ ಈ ವರ್ಷ ಕೆಲ ಸಿನಿಮಾಗಳಿಗೆ ಸಹಿ ಹಾಕಿರುವ ಕಿಚ್ಚ ಸುದೀಪ್, 2023ರ ವರದಿಗಳ ಪ್ರಕಾರ ಪ್ರತಿ ಚಿತ್ರಕ್ಕೆ 20 ರಿಂದ 25 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ.

ನಟ ಸುದೀಪ್ ಅವರು ಹಲವು ಕಂಪನಿಗಳ ಜಾಹೀರಾತಿನಲ್ಲೂ ಕೂಡ ನಟಿಸುತ್ತಾರೆ.  ಜಾಹೀರಾತುಗಳಿಗೂ ಕೂಡ ಅವರ ದುಬಾರಿ ಮೊತ್ತದ ಸಂಭಾವನೆಯನ್ನೇ ಪಡೆಯುತ್ತಾರೆ. ಸುದೀಪ್ ಜೋಸ್ ಅಲುಕಾಸ್, ರಮ್ಮಿ ಸರ್ಕಲ್ ಸೇರಿದಂತೆ ಹಲವಾರು ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದಾರೆ.