ಟಾಲಿವುಡ್‌ನ ಈ ಏಳು ಮಂದಿ ಸ್ಟಾರ್ ನಟರ ಬಳಿಯಿದೆ ಸ್ವಂತ ವಿಮಾನ!

ಟಾಲಿವುಡ್ ನಟ ಅಕ್ಕಿನೇನಿ ನಾಗರ್ಜುನ್ ಸೌತ್ ಸಿನಿಮಾರಂಗದ ಶ್ರೀಮಂತ ನಟ. 1986ರಲ್ಲಿ ತೆರೆಕಂಡ ವಿಕ್ರಮ್ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಅವರು, ಕೇವಲ ನಟನಾಗಿ ಮಾಥ್ರವಲ್ಲದೇ ಉದ್ಯಮಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. 3010 ಕೋಟಿ ರೂಪಾಯಿ ಆಸ್ತಿ ಒಡೆಯರಾಗಿರುವ ಅಕ್ಕಿನೇನಿ ನಾಗರ್ಜುನ ಅವರ ಬಳಿ ಸ್ವಂತ ವಿಮಾನವಿದೆ. ಇವರು ರಜೆ ದಿನಗಳಲ್ಲಿ ಫ್ಯಾಮಿಲಿಯೊಂದಿಗೆ ಇದೇ ವಿಮಾನದಲ್ಲಿ ತಿರುಗಾಡಿದ ಉದಾಹರಣೆಗಳಿವೆ. 

ತೆಲುಗು ಚಿತ್ರರಂಗದ ಸ್ಟಾಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಪ್ರತಿಯೊಂದು ಸಿನಿಮಾಗೂ ಬಹಳ ದೊಡ್ಡ ಸಂಭಾವನೆಯನ್ನೇ ಪಡೆಯುತ್ತಾರೆ. ಇವರ ಬಳಿ ಕೂಡ ಪ್ರೈವೆಟ್ ಜೆಟ್ ಇದೆ. ಮದುವೆ ಬಳಿಕ ಅಲ್ಲು ಅರ್ಜುನ್ ಈ ವಿಮಾವನ್ನು ಖರೀದಿ ಮಾಡಿದ್ದಾರೆ. ಈ ಹಿಂದೆ ರೇಸು ಗುರುಮ್ ಹಾಗೂ ಪುಷ್ಟಾ ಸಿನಿಮಾಗಳ ಪ್ರಮೋಷನ್ ಸಂದರ್ಭದಲ್ಲಿ ಅಲ್ಲು ಅರ್ಜುನ್ ಇದೇ ವಿಮಾನದಲ್ಲಿ ತೆರಳುತ್ತಿದ್ದರು. 

ಚಿತ್ರರಂಗದ ಜೊತೆಗೆ ರಾಜಕೀಯದಲ್ಲೂ ತೊಡಗಿದ್ದ ಮೆಗಾಸ್ಟಾರ್ ಚಿರಂಜೀವಿ ಸದ್ಯ ರಾಜಕೀಯ ತೊರೆದು ಸಂಪೂರ್ಣವಾಗಿ ನಟನೆಯಲ್ಲಿ ತೊಡಗಿಕೊಂಡಿದ್ದಾರೆ. ಇವರ ಬಳಿಯೂ ಚಾರ್ಟರ್ ಪ್ಲೇನ್ ಇದೆ. ಸಿನಿಮಾ ಪ್ರಚಾರಕ್ಕೆ ಹಾಗೂ ಫ್ಯಾಮಿಲಿಯೊಂದಿಗೆ ಹೊರಗಡೆ ತೆರಳಲು ಮೆಗಾ ಸ್ಟಾರ್ ಈ ವಿಮಾನವನ್ನೇ ಬಳಸುತ್ತಾರೆ. 

ತೆಲುಗು ಸಿನಿಮಾರಂಗಕ್ಕೆ ಸಾಕಷ್ಟು ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿರುವ ನಟ ರಾಮ್ ಚರಣ್ 1370 ಕೋಟಿ ರೂಪಾಯಿ ಆಸ್ತಿ ಒಡೆಯ. ಇವರು ಕೂಡ ಪ್ರೈವೆಟ್ ಜೆಟ್ ಹೊಂದಿದ್ದಾರೆ. ಪತ್ನಿ ಉಪಸನಾ ಜೊತೆಗೆ ಅವರು ಸಾಕಷ್ಟು ಬಾರಿ ಇದೇ ವಿಮಾನದಲ್ಲಿ ಕಾಣಿಸಿಕೊಂಡಿದ್ದಾರೆ. 

ನಟ ಪವನ್ ಕಲ್ಯಾಣ ಕೂಡ ಸಿನಿಮಾದ ಜೊತೆಗೆ ರಾಜಕೀಯದಲ್ಲೂ ಸಕ್ರಿಯರಾಗಿದ್ದಾರೆ. ಅಕ್ಕಡ ಅಮ್ಮಾಯಿ ಇಕ್ಕಡ ಅಬ್ಬಾಯಿ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟ, ಇವರು ಇಂದು ಸ್ಟಾರ್ ನಟರಾಗಿ ಮಿಂಚುತ್ತಿದ್ದಾರೆ. ಇವರ ಬಳಿಯೂ ಕೂಡ ಖಾಸಗಿ ವಿಮಾನವಿದೆ. 

ನಟ ಜ್ಯೂನಿಯರ್ ಎನ್‌ಟಿಆರ್ ಬಳಿ 80 ಕೋಟಿ ಮೌಲ್ಯದ ವಿಮಾನವಿದೆ. ಇದನ್ನು ಹೈದರಾಬಾದ್‌ನ ಶಮ್ಷಾಬಾದ್ ವಿಮಾನ ನಿಲ್ದಾಣದಲ್ಲಿ ಪಾರ್ಕ್ ಮಾಡಲಾಗುತ್ತದೆ. ಹಲವು ಬಾರಿ  ಜ್ಯೂನಿಯರ್ ಎನ್‌ಟಿಆರ್ ಈ ವಿಮಾನದಲ್ಲಿ ಕಾಣಿಸಿಕೊಂಡಿದ್ದಾರೆ. 

ತೆಲುಗು ಚಿತ್ರರಂಗದ ಬೇಡಿಕೆಯ ನಟರಲ್ಲಿ ಒಬ್ಬರಾಗಿರುವ ಮಹೇಶ್ ಬಾಬು, ಸಿನಿಮಾದ ಜೊತೆಗೆ ಕುಟುಂಬಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ನೀಡುತ್ತಾರೆ. ಸ್ವಂತ ವಿಮಾನ ಹೊಂದಿರುವ ಇವರು ಆಗಾಗ ಫ್ಯಾಮಿಲಿಯೊಂದಿಗೆ ಇದೇ ವಿಮಾನದಲ್ಲಿ ಸುತ್ತಾಡುತ್ತಿರುತ್ತಾರೆ.