ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರ ಟಾಪ್ 10 ರೋಮ್ಯಾಂಟಿಕ್ ಗೀತೆಗಳಿವು!

ರವಿಚಂದ್ರನ್ ನಿರ್ದೇಶಿಸಿ ದ್ವಿಪಾತ್ರದಲ್ಲಿ ನಟಿಸಿದ್ದ ಮಲ್ಲ ಚಿತ್ರದಲ್ಲಿ ಪ್ರಿಯಾಂಕಾ ಉಪೇಂದ್ರ ನಾಯಕಿಯಾಗಿ ನಟಿಸಿದ್ದರು. ಈ ಚಿತ್ರದ ಈ ಪ್ರೀತಿಯಾ ಮರೆತು ಗೀತೆ ಪ್ರೇಮಿಗಳಿಗೆ ರಸದೌತಣವಾಗಿತ್ತು. ಎಸ್.ಪಿ ಬಾಲಸುಬ್ರಹ್ಮಣ್ಯಂ ಮತ್ತು ಚಿತ್ರಾ ಧ್ವನಿಯಲ್ಲಿ ಗೀತೆ ಮೂಡಿ ಬಂದಿತ್ತು.

ಮೋಹನ್ ಮಂಜು ನಿರ್ದೇಶನದ ಹಳ್ಳಿ ಮೇಷ್ಟ್ರು ಚಿತ್ರದಲ್ಲಿ ಸಿಲ್ಕ್ ಸ್ಮಿತಾ ಟೀಚರ್ ಪಾತ್ರದಲ್ಲಿ ನಟಿಸಿದ್ದರು. ಚಿತ್ರದಲ್ಲಿ ಸ್ಮಿತಾ ರವಿಚಂದ್ರನ್ ರನ್ನು ಒಲಿಸುವ ಸಂದರ್ಭದಲ್ಲಿ `ಹಳ್ಳಿ ಮೇಷ್ಟ್ರೇ ಪಾಠ ಮಾಡಿ ಬನ್ನಿ' ಗೀತೆ ಬರುತ್ತದೆ. ಸಿಲ್ಕ್ ಸ್ಮಿತಾ ತಮ್ಮ ಮಾದಕತೆಯಿಂದ ಗಮನ ಸೆಳೆದಿದ್ದರು.

ದಿನೇಶ್ ಬಾಬು ನಿರ್ದೇಶನದಲ್ಲಿ ಮೂಡಿ ಬಂದಿದ್ದ ಪಾಂಡು ರಂಗ ವಿಠ್ಠಲ ಚಿತ್ರದಲ್ಲಿ ರವಿಚಂದ್ರನ್ ಜೊತೆ ರಂಭಾ ಮತ್ತು ಪ್ರೇಮಾ ನಾಯಕಿಯಾಗಿ ನಟಿಸಿದ್ದರು. ಈ ಚಿತ್ರದಲ್ಲಿ ಪ್ರೇಮಾ ಮತ್ತು ರಂಭಾ ಜೊತೆ ರವಿ ಮಾಮಾ ಡುಯೆಟ್ ಹಾಡಿದ್ದರು. ಚಿತ್ರದ ಗೀತೆಗಳಾದ `ಚೆಲ್ಲಿತೋ ಚೆಲ್ಲಿತೋ', `ಆಹಾ ಸೆಕ್ಸಿ ಲೇಡಿ' `ಬಾಂಗಡಿ ಮೀನು' ರೋಮ್ಯಾನ್ಸ್ ನಿಂದ ಹೆಸರು ಪಡೆದಿದ್ದವು.

ರವಿಚಂದ್ರನ್ ನಿರ್ದೇಶಿಸಿ ಪೋಲಿಸ್ ಪಾತ್ರದಲ್ಲಿ ನಟಿಸಿದ್ದ ಈ ಚಿತ್ರದಲ್ಲಿ ತೆಲುಗು ನಟಿ ಯಮುನಾ ನಾಯಕಿಯಾಗಿ ನಟಿಸಿದ್ದರು. ಚಿತ್ರದ ಹುಲಿ ಬಂತು ಗೀತೆ ಪ್ರಣಯಾತ್ಮಕವಾಗಿ ಮೂಡಿ ಬಂದಿತ್ತು. ಗೀತೆಗೆ ಎಸ್.ಪಿ ಬಾಲಸುಬ್ರಹ್ಮಣ್ಯಂ ಮತ್ತು ಚಿತ್ರಾ ಧ್ವನಿಯಾಗಿದ್ದರು.

ರವಿಚಂದ್ರನ್ ಮತ್ತು ಬಿಂದಿಯಾ ನಟಿಸಿದ್ದ ಈ ಚಿತ್ರದ ಸನ್ನಿವೇಶವೊಂದರಲ್ಲಿ ಮುನಿಸಿಕೊಂಡ ಗಂಡನನ್ನು ಒಲಿಸಿಕೊಳ್ಳಲು ಹೆಂಡತಿ ಭೋಜನದಲ್ಲಿ ನುಗ್ಗೇಕಾಯಿ ಪ್ರಯೋಗ ಮಾಡುತ್ತಾಳೆ. ಈ ಸಂದರ್ಭದಲ್ಲಿ ಬರುವ `ಕಾಯಿ ಕಾಯಿ ನುಗ್ಗೇಕಾಯಿ' ಗೀತೆ ಗಂಡ-ಹೆಂಡತಿಯ ರೋಮ್ಯಾನ್ಸ್ ನ್ನು ಚಿತ್ರಿಸಿತು.

ಡಿ. ರಾಜೇಂದ್ರ ಬಾಬು ನಿರ್ದೇಶನದಲ್ಲಿ ಮೂಡಿ ಬಂದ ಅಣ್ಣಯ್ಯ ಚಿತ್ರದಲ್ಲಿ ರವಿಚಂದ್ರನ್ ಜೊತೆ ಮಧೂ ನಟಿಸಿದ್ದರು. ಈ ಚಿತ್ರದಲ್ಲಿ ಬರುವ 'ಬೊಂಬೆ ಬೊಂಬೆ' ಗೀತೆಯಲ್ಲಿ ರವಿಮಾಮಾ ಜೊತೆಗೆ ಮಧೂ ರೋಮಾಂಟಿಕ್ ಆಗಿ ಹೆಜ್ಜೆ ಹಾಕಿದ್ದರು. ಎಸ್.ಪಿ ಬಾಲಸುಬ್ರಹ್ಮಣ್ಯಂ ಮತ್ತು ಎಸ್ ಜಾನಕಿ ಕಂಠದಲ್ಲಿ ಈ ಗೀತೆ ಮೂಡಿ ಬಂದಿತ್ತು.

ರವಿಚಂದ್ರನ್ ನಿರ್ದೇಶಿಸಿ ನಾಯಕನಾಗಿ ನಟಿಸಿರುವ ಈ ಚಿತ್ರದಲ್ಲಿ ಸುಧಾರಾಣಿ ನಾಯಕಿಯಾಗಿ ನಟಿಸಿದ್ದರು. ಬಾಕ್ಸಾಫೀಸಿನಲ್ಲಿ ಬ್ಲಾಕ್ ಬಸ್ಟರ್ ಆದ ಈ ಚಿತ್ರದಲ್ಲಿನ `ಸುಂದರಿ' ರೋಮಾಂಟಿಕ್ ಗೀತೆ ಪ್ರಣಯಾತ್ಮಕವಾಗಿ ಮೂಡಿ ಬಂದಿತ್ತು. ಗಂಡ ಹೆಂಡತಿಯ ನಡುವೆ ಮೂಡುವ ವೈವಾಹಿಕ ವೈಮನಸ್ಯದ ಬಗ್ಗೆ ಚಿತ್ರದ ಕಥೆಯಿತ್ತು.

ಕ್ರೇಜಿ ಸ್ಟಾರ್ ರವಿಚಂದ್ರನ್ ನಾಯಕನಾಗಿ ನಟಿಸಿದ್ದ ಮಲ್ಲ ಚಿತ್ರದಲ್ಲಿ ಪ್ರಿಯಾಂಕಾ ಉಪೇಂದ್ರ ನಾಯಕಿಯಾಗಿ ನಟಿಸಿದ್ದರು. ಈ ಚಿತ್ರದ ಗೀತೆಯೊಂದಾದ `ಯಮ್ಮೋ ಯಮ್ಮೋ ನೋಡ್ದೆ ನೋಡ್ದೆ' ಗೀತೆ ತುಂಬಾ ರೋಮಾಂಟಿಕ್ ಆಗಿ ಮೂಡಿ ಬಂದಿತ್ತು. ಈ ಗೀತೆ ಶ್ರೀನಿವಾಸ್ ಮತ್ತು ಅನುರಾಧಾ ಶ್ರೀರಾಮ್ ಕಂಠದಲ್ಲಿ ಮೂಡಿ ಬಂದಿತ್ತು.

ಓಂ ಸಾಯಿ ಪ್ರಕಾಶ್ ನಿರ್ದೇಶನದಲ್ಲಿ ಮೂಡಿಬಂದ ನೀಲಕಂಠ ಚಿತ್ರದಲ್ಲಿ ರವಿಚಂದ್ರನ್ ಜೊತೆ ನಮಿತಾ ಮತ್ತು ಶ್ರೀದೇವಿಕಾ ನಾಯಕಿಯಾಗಿ ನಟಿಸಿದ್ದರು. ಚಿತ್ರದ ಗೀತೆ ` ನೀ ಹಂಗ ನೋಡಬ್ಯಾಡ' ರವಿಚಂದ್ರನ್ ಮತ್ತು ನಮಿತಾ ಪ್ರಣಯಾತ್ಮಕ ದೃಶ್ಯಗಳನ್ನು ಸೆರೆ ಹಿಡಿದಿತ್ತು.