ಸುದೀಪ್ ಮ್ಯಾಕ್ಸ್ ಸಿನಿಮಾದಲ್ಲಿ ಉಗ್ರಂ ಮಂಜು ಪಾತ್ರವೇನು ಗೊತ್ತಾ? ಇಲ್ಲಿದೆ ಮಾಹಿತಿ

ಕಿರಣ್ ರಾಜ್ ನಾಯಕನಾಗಿ ನಟಿಸಿರುವ 'ರಾನಿ' ಸಿನಿಮಾಗಾಗಿ ಉಗ್ರಂ ಮಂಜು ಅವರು ಹೇರ್ ಕಟ್ ಮತ್ತು ದಾಡಿ ಕಟ್ ಮಾಡಿಸಿದ್ದರಂತೆ. ಈ ಫೋಟೋಗಳನ್ನು ನೋಡಿದ ಸುದೀಪ್ ಅವರು ತಮ್ಮ ಸಿನಿಮಾ ಮ್ಯಾಕ್ಸ್‌ಗಾಗಿ ಮಂಜು ಹೆಸರನ್ನು ಸೂಚಿಸಿದ್ದರು. ಅದರಂತೆ ಉಗ್ರಂ ಮಂಜು ಮ್ಯಾಕ್ಸ್ ಚಿತ್ರದಲ್ಲಿ ಮಿಂಚಿದ್ದಾರೆ.

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿನಯದ 'ಮ್ಯಾಕ್ಸ್' ಸಿನಿಮಾದಲ್ಲಿ ಉಗ್ರಂ ಮಂಜು ನಿರ್ವಹಿಸಿರುವ ಪಾತ್ರದ ಹೆಸರು ದಾಸ. ಎಲ್ಲಾ ಸಿನಿಮಾಗಳಲ್ಲೂ ವಿಲನ್ ಆಗಿ ಕಾಣಿಸಿಕೊಂಡಿರುವ ಉಗ್ರಂ ಮಂಜು, ನೆಗೆಟಿವ್ ಶೆಡ್ ಇರುವಂತಹ ಪೊಲೀಸ್ ಅಧಿಕಾರಿ ಪಾತ್ರವನ್ನು ಮಾಡಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಟೀಸರ್‌ನಲ್ಲಿ 'ನಿಮ್ಮ ಸಾಹೇಬ್ರು ನಾಳೆ ತಾನೇ ಡ್ಯೂಟಿಗೆ ಜಾಯಿನ್ ಆಗೋದು, ಇವತ್ ಯಾಕೆ ಇಷ್ಟೆಲ್ಲಾ ಬಿಲ್ಡಪ್' ಎಂಬ ಡೈಲಾಗ್ ಮೂಲಕ ಪ್ರೇಕ್ಷಕರ ಗಮನ ಸೆಳೆದಿದೆ. ಸಿನಿಮಾದ ಟ್ರೇಲರ್‌ನಲ್ಲೂ ಅವರ ಸಂಭಾಷಣೆ ಗಮನ ಸೆಳೆದಿದೆ.

ಸುದೀಪ್ ನಟನೆಯ ಮ್ಯಾಕ್ಸ್ ಸಿನಿಮಾದಲ್ಲಿ ಉಗ್ರಂ ಮಂಜು ನಟಿಸಿರುವ ಕಾರಣ ಟ್ರೇಲರ್ ಪ್ಲೇ ಮಾಡಿ ಬಿಗ್‌ಬಾಸ್‌ ಶುಭಾಶಯ ಕೋರಿದ್ದಾರೆ. ಬಿಗ್‌ಬಾಸ್ ಕನ್ನಡ ಸೀಸನ್ 11ರಲ್ಲಿ ಉಗ್ರಂ ಮಂಜು ಗೇಮ್ ಚೇಂಜರ್ ಆಗಿದ್ದಾರೆ. ಜೊತೆಗೆ ಗ್ರೇ ಏರಿಯಾ ಕಿಂಗ್ ಅಂತ ಅಡ್ಡಹೆಸರು ಪಡೆದಿದ್ದಾರೆ. ಗೌತಮಿ ಜೊತೆಗೆ ಅವರ ಗೆಳೆತನ ಕೂಡ ಹೈಲೈಟ್ ಆಗಿದೆ.

ತಮ್ಮ ಖಡಕ್ ನೋಟ ಮತ್ತು ಮಾತಿನಿಂದಲೇ ಗಮನಸೆಳೆಯುವ  ಉಗ್ರಂ ಮಂಜು, 2014ರಲ್ಲಿ ತೆರೆಕಂಡ ಶ್ರೀಮುರಳಿ ನಟನೆಯ `ಉಗ್ರಂ' ಸಿನಿಮಾ ಮೂಲಕ ಜನಪ್ರಿಯತೆ ಗಳಿಸಿದ್ದಾರೆ.  ಕಿಡಿ, ಮಂಜರಿ, ರುಸ್ತುಂ, ಹೀರೋ, ಎಲ್ಲೋ ಬೋರ್ಡ್‌, ತೂತು ಮಡಿಕೆ ಸಂತು ಸ್ಟ್ರೇಟ್ ಫಾರ್ವರ್ಡ್, ಕಿರಿಕ್ ಪಾರ್ಟಿ, ಮಾಸ್ ಲೀಡರ್, ಅಂಬಿ ನಿಂಗ್ ವಯಸ್ಸಾಯ್ತೋ!, ಭರಾಟೆ, ದೂರದರ್ಶನ, ಬುದ್ಧಿವಂತ 2, ರಾನಿ ಸೇರಿದಂತೆ ಸಾಕಷ್ಟು  ಸಿನಿಮಾಗಳಲ್ಲಿ ನಟಿಸಿರುವ ಇವರು,  ತಮ್ಮದೇಯಾದ ಮ್ಯಾನರಿಸಂನಿಂದ ಪ್ರೇಕ್ಷಕರನ್ನು ರಂಜಿಸಿದ್ದಾರೆ.

ಬಿಗ್‌ಬಾಸ್ ಕನ್ನಡ ಸೀಸನ್ 11ರ ಕಾರ್ಯಕ್ರಮದಲ್ಲಿ ಉಗ್ರಂ ಮಂಜು ಅವರಿಗೆ ಕೊಂಚ ಜಾಸ್ತಿಯೇ ಸ್ಕ್ರೀನ್ ಸ್ಪೇಸ್ ಸಿಕ್ಕಿದ್ದು, ಇವರು ಫಿನಾಲೆಗೆ ಹೋಗುವುದರಲ್ಲಿ ಯಾವುದೇ ಅನುಮಾನವಿಲ್ಲ ಎನ್ನಲಾಗ್ತಿದೆ. ಇವರು ಬಿಗ್‌ಬಾಸ್‌ ಟ್ರೋಫಿ ಗೆಲ್ತಾರಾ? ಇಲ್ಲವಾ? ಎಂಬುದನ್ನು ಕಾದು ನೋಡಬೇಕು.