ಬಾಡಿಗೆ ಮನೆಯಲ್ಲಿ ವಾಸ, ಕಿರಾಣಿ ಅಂಗಡಿಯವನ ಮದುವೆಯಾಗಿದ್ದ ಪವಿತ್ರಾ ಗೌಡ ಲೈಫ್ ಬದಲಾಗಿದ್ದು ಹೇಗೆ? ಇಲ್ಲಿದೆ ಡಿಟೇಲ್ಸ್

ಬೆಂಗಳೂರಿನ ಚಾಮರಾಜಪೇಟೆಯಲ್ಲಿ ಪವಿತ್ರಾ ಗೌಡ ಕುಟುಂಬ ಬಾಡಿಗೆ ಮನೆಯಲ್ಲಿತ್ತು. ಈ ಸಂದರ್ಭ ಆ ಮನೆಯ ಕಿರಾಣಿ ಅಂಗಡಿ ಮಾಲೀಕನ ಪುತ್ರ ಸಂಜಯ್ ಸಿಂಗ್ ಜೊತೆಗೆ ಸಲುಗೆ ಬೆಳೆದು ನಂತರ ಅದು ಪ್ರೀತಿಗೆ ತಿರುಗಿತ್ತು. ಬಳಿಕ ಇಬ್ಬರು ಮದುವೆಯಾದರು. ಆ ನಂತರ ಸಂಜಯ್ ಸಿಂಗ್ ಹಾಗೂ ಪವಿತ್ರಾ ದಂಪತಿಗೆ 'ಖುಷಿ' ಎಂಬ ಮಗಳು ಜನಿಸಿದಳು. ತಾಯಿಯಾದ ಬಳಿಕ ಪವಿತ್ರಾ ದಪ್ಪಗಾಗಿದ್ದರು. 

ಪವಿತ್ರಾ ಗೌಡ ಅವರಿಗೆ ಸೌಂದರ್ಯದ ಬಗ್ಗೆ ಹೆಚ್ಚು ಗಮನವಿತ್ತು. ಹೀಗಾಗಿ, ಸಣ್ಣ ಆಗಬೇಕು ಅಂತ ಏರೋಬಿಕ್ಸ್ ಕ್ಲಾಸ್‌ಗೆ ಸೇರಿದರು. ಅಲ್ಲಿಂದ ಅವರಿಗೆ ನಟಿಯೊಬ್ಬರ ಪರಿಚಯವಾಗಿತ್ತು. ಈ ಪರಿಚಯ ಸ್ನೇಹವಾಗಿತ್ತು. ಆ ನಟಿಯಿಂದ ಪವಿತ್ರಾ ಕೂಡ ಚಿತ್ರರಂಗದ ಮೇಲೆ ಆಸಕ್ತಿ ಬೆಳೆಸಿಕೊಂಡರು. ಸಿನಿಮಾಗಳಿಗೆ ಆಡಿಷನ್ ಕೊಡಲು ಆರಂಭಿಸಿದರು. 

ಆನಂತರ ಪವಿತ್ರಾ ಗೌಡ ಅವರು ಸೆಲೆಬ್ರಿಟಿಗಳು ಭಾಗಿಯಾಗುತ್ತಿದ್ದ ಪಾರ್ಟಿಗಳಲ್ಲಿ ಭಾಗಿಯಾಗಲು ಆರಂಭಿಸಿದರು. ಅಲ್ಲಿ ಅವರಿಗೆ ಸ್ಟಾರ್ ನಟ-ನಟಿಯರ ಪರಿಚಯವಾಯಿತು. ಈ ಸಂದರ್ಭ ಸಂಜಯ್ ಸಿಂಗ್ ಹಾಗೂ ಪವಿತ್ರಾ ಗೌಡ ನಡುವೆ ಮನಸ್ತಾಪ ಶುರುವಾಗಿ ಅವರಿಬ್ಬರು ದೂರವಾದರು.

ನಂತರ ನಿರ್ದೇಶಕ ಉಮೇಶ್ ಗೌಡ ನಿರ್ದೇಶನದ  'ಅಗಮ್ಯ' ಸಿನಿಮಾ ಮೂಲಕ ಚಂದನವನಕ್ಕೆ ಕಾಲಿಟ್ಟರು. ಒಂದು ಕಾಲದಲ್ಲಿ ಬೆಂಗಳೂರು ಭೂಗತವನ್ನ ಆಳಿದ್ದ ಎಂ.ಪಿ ಜಯರಾಜ್ ಮಗ ನಾಯಕನಾಗಿದ್ದ ಈ ಸಿನಿಮಾದಲ್ಲಿ ಪವಿತ್ರಾ ನಾಯಕಿಯಾಗಿದ್ದರು. ಇದಾದ ಬಳಿಕ ಕಾಲಿವುಡ್‌ನತ್ತ ಮುಖ ಮಾಡಿದ ಇವರು, '54312' ಹೆಸರಿನ ಸಿನಿಮಾಗೆ ನಾಯಕಿಯಾಗಿ ಆಯ್ಕೆಯಾದರು. ನಂತರದಲ್ಲಿ ಕೋತಿಗಳು ಸಾರ್ ಕೋತಿಗಳು,  ಸಾಗುವ ದಾರಿ, ಪ್ರೀತಿ ಕಿತಾಬು ಸೇರಿದಂತೆ ಕೆಲ ಸಿನಿಮಾಗಳಲ್ಲಿ ನಟಿಸಿದರು. ಆದರೆ, ಈ ಸಿನಿಮಾಗಳು ಅವರಿಗೆ ಹೆಸರು, ಯಶಸ್ಸು ತಂದುಕೊಡಲಿಲ್ಲ. 

ಸಿನಿಮಾ ಕಾರ್ಯಕ್ರಮವೊಂದರಲ್ಲಿ ಕಾಮನ್ ಫ್ರೆಂಡ್ ಒಬ್ಬರಿಂದ ದರ್ಶನ್ ಹಾಗೂ ಪವಿತ್ರಾ ಗೌಡ ಪರಿಚಯವಾಗಿತ್ತು ಎನ್ನಲಾಗಿದೆ. ಹಿಂದೊಮ್ಮೆ ದರ್ಶನ್ ಸಹೋದರಿ, ತಾಯಿ ಜೊತೆಗಿರುವ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ದರ್ಶನ್ ಸಿನಿಮಾಗಳ ಶೂಟಿಂಗ್ ಸೆಟ್‌ನಲ್ಲೂ ಪವಿತ್ರಾ ಕಾಣಿಸಿಕೊಂಡಿದ್ದರು. ಮೈಸೂರಿನ ಹೊಟೇಲ್ ಗಲಾಟೆ ವಿಚಾರದಲ್ಲೂ ಇವರ ಹೆಸರು ಕೇಳಿಬಂದಿತ್ತು. ಕೆಲ ತಿಂಗಳ ಹಿಂದಷ್ಟೇ ದರ್ಶನ್ ಜೊತೆಗಿನ ಆತ್ಮೀಯ ಫೋಟೋಗಳನ್ನು ಹಂಚಿಕೊಂಡಿದ್ದ ಪವಿತ್ರಾ, ನಮ್ಮದು ದಶಕದ ಸಂಬಂಧ ಅಂತ ಬರೆದುಕೊಂಡಿದ್ದರು. ಇವರಿಬ್ಬರು ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದವು. 

ಸಿನಿಮಾರಂಗದಲ್ಲಿ ಸಕ್ಸಸ್ ಆಗದ ಪವಿತ್ರಾ, ಉದ್ಯಮದತ್ತ ಮುಖ ಮಾಡಿದರು. ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲಿ ರೆಡ್ ಕಾರ್ಪೆಟ್ ಸ್ಟುಡಿಯೋ 777 ಹೆಸರಿನ ಫ್ಯಾಷನ್ ಬುಟಿಕ್ ನಡೆಸುತ್ತಿದ್ದಾರೆ. ಈ ಬೂಟಿಕ್‌ನಲ್ಲಿ ಸೆಲೆಬ್ರಿಟಿಗಳು ಬಟ್ಟೆ ಖರೀದಿಸುತ್ತಾರೆ. ಈ ಶಾಪ್ ಓಪನ್‌ನಿಂಗ್‌ಗೆ ಕ್ರೇಜಿ ಕ್ವೀನ್ ರಕ್ಷಿತಾ, ಮೇಘಾ ಶೆಟ್ಟಿ, ಅಮೂಲ್ಯ ಆಗಮಿಸಿದ್ದರು. ಬೆಂಗಳೂರಿನಲ್ಲಿ ದೊಡ್ಡ ಮನೆ ಹೊಂದಿರುವ ಇವರು, ದುಬಾರಿ ಕಾರುಗಳಲ್ಲಿ ಓಡಾಡುತ್ತಾರೆ.