ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ನ ಮುರಳಿ & ಸಹನಾ ಪಾತ್ರಧಾರಿಗಳ ವಯಸ್ಸು, ಎಜುಕೇಷನ್ ಸೇರಿದಂತೆ ಇಂಟರೆಸ್ಟಿಂಗ್ ವಿಷಯಗಳಿವು!

ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯ ಮುರಳಿ ಪಾತ್ರಧಾರಿಯ ಹೆಸರು ಪವನ್ ಕುಮಾರ್. ಇವರು ಮಲೆನಾಡಿನವರು. ಮೊದಲಿನಿಂದೂ ನಟನಾಗಬೇಕು ಎಂಬ ಕನಸು ಹೊಂದಿದ್ದ ಪವನ್, ಕಂಪ್ಯೂಟರ್ ಸೈನ್ಸ್‌ನಲ್ಲಿ ಡಿಪ್ಲೊಮಾ ಪದವಿ ಪಡೆದುಕೊಂಡದ್ದಾರೆ. ಜೊತೆಗೆ ಚಾರ್ಟರ್ಡ್ ಫೈನಾನ್ಸ್‌ ಅನಾಲಿಸ್ಟ್ ಕೋರ್ಸ್‌ಗಳನ್ನು ಕಲಿತ್ತಿದ್ದಾರೆ. ಪವನ್ ನಟನೆಯನ್ನು ಸರಿಯಾಗಿ ಕಲಿಯಲು ನಾಗತಿಹಳ್ಳಿ ಚಂದ್ರಶೇಖರ್ ಅವರ ಟೆಂಟ್ ಸಿನಿಮಾವನ್ನು ಸೇರಿಕೊಂಡು ತರಬೇತಿ ಪಡೆದುಕೊಂಡಿದ್ದಾರೆ.

ಟೆಂಟ್ ಸಿನಿಮಾದಲ್ಲಿ 4 ತಿಂಗಳ ಕಾಲ ನಟನೆ ಕಲಿತ ಬಳಿಕ ಪವನ್, 'ಮಾದಕ' ಎಂಬ ಕಿರುತೆರೆ ಧಾರಾವಾಹಿಯಲ್ಲಿ ನಟಿಸಿ ಜನಮನ ಗೆದ್ದರು. ನಂತರ ಪತ್ತೆಧಾರಿ ಪ್ರತಿಭಾ, ನಾ ನಿನ್ನ ಬಿಡಲಾರೆ, ಮಹಾಕಾಳಿ, ಕಿನ್ನರಿ, ಆಕೃತಿ ಹೀಗೆ ಹಲವು ಧಾರಾವಾಹಿಗಳಲ್ಲಿ ಬಣ್ಣ ಹಚ್ಚಿದರು. ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಗಟ್ಟಿಮೇಳ' ಧಾರಾವಾಹಿಯಲ್ಲಿ ವಿಲನ್ ಆಗಿ ಕೂಡ ಅಬ್ಬರಿಸಿದ್ದರು.  

ಕಿರುತೆರೆಯ ಮಾತ್ರವಲ್ಲದೇ, ಸಂಚಿನ ಸುಳಿ ಸೇರಿದಂತೆ ಕೆಲ ಸಿನಿಮಾಗಳಲ್ಲೂ ಕೂಡ ನಟಿಸಿದ್ದಾರೆ. ಇದರ ಜೊತೆಗೆ ಸಂಜನಾ ಬರ್ಲಿ ಅವರ ಜೊತೆ 'ಲವ್ ರೀಸೆಟ್' ಎಂಬ ಕಿರುಚಿತ್ರದಲ್ಲೂ ಪವನ್ ಅಭಿನಯಿಸಿದ್ದಾರೆ. ಕಳೆದ ಮೂರು ವರ್ಷಗಳಿಂದ 'ಮುರಳಿ' ಪಾತ್ರದಲ್ಲಿ  ನಟಿಸುತ್ತಿದ್ದು ಜನ ಮೆಚ್ಚಿಕೊಂಡಿದ್ದಾರೆ.

ಇನ್ನು ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ 'ಸಹನಾ' ಪಾತ್ರಧಾರಿಯ ನಿಜವಾದ ಹೆಸರು ಅಕ್ಷರಾ. ಬೆಂಗಳೂರಿನಲ್ಲಿಯೇ ಹುಟ್ಟಿ ಬೆಳೆದ ಅಕ್ಷತಾ ಅವರಿಗೆ ಈಗ 25 ವರ್ಷ ಎನ್ನಲಾಗಿದ್ದು, ಇವರು ಫೈನಾನ್ಸ್ ವಿಭಾಗದಲ್ಲಿ ಎಂಬಿಎ ಪದವಿ ಪಡೆದುಕೊಂಡಿದ್ದಾರೆ.

ಅಮ್ನೋರು ಎಂಬ ಧಾರಾವಾಹಿ ಮೂಲಕ ಕನ್ನಡ ಕಿರುತೆರೆಗೆ ಎಂಟ್ರಿಕೊಟ್ಟ ಈ ಅಕ್ಷರಾ ಅವರಿಗೆ ಇದು ಎರಡನೇ ಧಾರಾವಾಹಿ. ಸೀರಿಯಲ್ ಜೊತೆಗೆ ಬ್ಯಾಡ್ ಮ್ಯಾನರ್ಸ್ ಹಾಗೂ ಶೀಘ್ರಮೇವ ಕಲ್ಯಾಣ ಪ್ರಾಪ್ತಿರಸ್ತು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಧಾರಾವಾಹಿಯಲ್ಲಿ ಸದಾ ಸೀರೆಯಲ್ಲಿ ಪಕ್ಕಾ ಹಳ್ಳಿ ಹುಡುಗಿಯಾಗಿ ಕಾಣಿಸಿಕೊಳ್ಳುವ ಇವರು, ರಿಯಲ್‌ ಲೈಫ್‌ನಲ್ಲಿ ಮಾಡರ್ನ್.