Sony Mulewa: ವಧು ಸೀರಿಯಲ್‌ನ ಪ್ರಿಯಾಂಕಾ ಕುರಿತ ಇಂಟರೆಸ್ಟಿಂಗ್ ವಿಷಯಗಳಿವು!

ವಧು ಧಾರಾವಾಹಿಯಲ್ಲಿ ಪ್ರಿಯಾಂಕಳಾಗಿ ಮನೋಜ್ಞವಾಗಿ ಅಭಿನಯಿಸುತ್ತಿರುವ ನಟಿಯ ಹೆಸರು ಸೋನಿ ಮುಲೇವಾ. ಇವರು ಮೂಲತಃ ರಾಜಸ್ಥಾನಿ. ಅಪ್ಪ ಹಾಗೂ ಅಜ್ಜನ ಊರು ರಾಜಸ್ಥಾನದಲ್ಲಿದ್ದರೂ ಸೋನಿ ಮುಲೇವಾ ಹುಟ್ಟಿ ಬೆಳೆದಿದೆಲ್ಲಾ ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ. ಈ ನಟಿಗೆ ಆಕಾಶ್ ಎಂಬ ತಮ್ಮ ಹಾಗೂ ಭೂಮಿಕಾ ಎಂಬ ತಂಗಿಯಿದ್ದಾಳೆ.

ಇವರಿಗೆ ಚಿಕ್ಕವಯಸ್ಸಿನಿಂದಲೇ ಕನ್ನಡದ ನಟಿಯಾಗಬೇಕೆಂಬ ಆಸೆ ಇತ್ತಂತೆ. ಇದಕ್ಕಾಗಿ ಕನ್ನಡ ಚೆನ್ನಾಗಿ ಕಲಿಯಬೇಕೆಂಬ ಉದ್ದೇಶದಿಂದ ೮ನೇ ತರಗತಿಯಿಂದ ಮೊದಲ ಭಾಷೆಯಾಗಿ ಕನ್ನಡವನ್ನು ಆಯ್ಕೆ ಮಾಡಿಕೊಂಡಿದ್ದರಂತೆ. ಪತ್ರಿಕೋದ್ಯಮದಲ್ಲಿ ಬಿಎ ಪದವಿ ಪಡೆದಿರುವ ಸೋನಿ ಮುಲೇವಾಗೆ ಎಂಎ ಮಾಡುವ ಆಸೆ ಇದೆಯಂತೆ. ಥಿಯೇಟರ್  ಆರ್ಟ್ಸ್ ನಲ್ಲಿ ಡಿಪ್ಲೋಮಾ ಪದವಿ ಪಡೆದಿದ್ದಾರೆ.

ಸೋನಿ ಮುಲೇವಾ ರಂಗಭೂಮಿ ಕಲಾವಿದೆ ಕೂಡ ಹೌದು. ಇವರ ಮೊದಲ ನಾಟಕ ವಿಲಿಯಂ ಶೇಕ್ಸ್‌ಪಿಯರ್. ಈ ನಾಟಕದಲ್ಲಿ ಹರ್ಮಿಯ ಪಾತ್ರಕ್ಕೆ ಜೀವ ತುಂಬಿದ್ದ್ ಈ ನಟಿ, ನಂತರ ಸಂಸ್ಕೃತದ 'ಸೀತಾರಾಮ ಕಥಾ'ದಲ್ಲಿ ಅವದತಿಗೆ, ಕೌಸಲ್ಯೆ, ಸೂತ್ರಧಾರ ಎಂಬ ಮೂರು ಪಾತ್ರಗಳಲ್ಲಿ ನಟಿಸಿದ್ದರು. ಈ ನಟಿಯ ಗುರು ಮಂಡ್ಯ ರಮೇಶ್ ಅವರಂತೆ.

ಗಟ್ಟಿಮೇಳ ಧಾರಾವಾಹಿಯಲ್ಲಿ ನಾಯಕ ವೇದಾಂತ್ ವಸಿಷ್ಠ ಮಾಜಿ ಪ್ರೇಯಸಿ ಅಹಲ್ಯಾಳಾಗಿ ಅಭಿನಯಿಸುವ ಮೂಲಕ ಕನ್ನಡ ಕಿರುತೆರೆಗೆ ಕಾಲಿಟ್ಟ ಸೋನಿ ಮುಲೇವಾ, ನಂತರ ಮುದ್ದುಮಣಿ ಸೀರಿಯಲ್‌ನಲ್ಲಿ ದೃಷ್ಟಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಧಾರಾವಾಹಿ ಮಾತ್ರವಲ್ಲದೇ, ಜೆರ್ಸಿ ನಂ. 10 ಎಂಬ ಸಿನಿಮಾದಲ್ಲೂ ಚಂದನ್ ಆಚಾರ್ಯ ಅವರೊಂದಿಗೆ ತೆರೆಹಂಚಿಕೊಂಡಿದ್ದರು. ಮಹಾನಟಿ ಶೋನಲ್ಲೂ ಭಾಗವಹಿಸಿದ್ದರು.

ಸೋನಿ ಮುಲೇವಾ ಈ ಹಿಂದೆ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಿದ್ದ ಪಾರು ಹಾಗೂ ಹಿಟ್ಲರ್ ಕಲ್ಯಾಣ ಧಾರಾವಾಹಿಗಳಿಗೆ ಆಡಿಷನ್ ಕೊಟ್ಟು ರಿಜೆಕ್ಟ್ ಆಗಿದ್ದರಂತೆ. ಇದೀಗ ವಧುವಿನಲ್ಲಿ ಎಲ್ಲದಕ್ಕೂ ನಾನೇ ಮೇಲೆ ಎನ್ನುವ ಹಾಗೂ ಯಜಮಾನ್ತಿ ಆಗುವ ಬಯಕೆ ಹೊಂದಿರುವ ಪ್ರಿಯಾಂಕಾ ಪಾತ್ರದಲ್ಲಿ ಮಿಂಚುತ್ತಿದ್ದಾರೆ.

ಸೋನಿ ಮುಲೇವಾ ಮಾಡೆಲಿಂಗ್ ಕ್ಷೇತ್ರದಲ್ಲೂ ಸಕ್ರಿಯರಾಗಿದ್ದು, ಹಲವು ಸೌಂದರ್ಯ ಸ್ಪರ್ಧೆಗಳಲ್ಲಿ ಮಿಂಚಿದ್ದಾರೆ. ಜೊತೆಗೆ ನಾಲ್ಕು ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ, 2017ರಲ್ಲಿ ಮೀಸ್ ಟೀನ್ ಇಂಡಿಯ ಸ್ಪರ್ಧೆಯಲ್ಲಿ ಮೊದಲ ಬಾರಿಗೆ ಸ್ಪರ್ಧಿಸಿದ್ದರು. ಅದೇ ವರ್ಷ ಮಿಸ್ ಇಂಡಿಯಾ ಎಲೈಟ್ ಮಾಡೆಲ್ ಸ್ಪರ್ಧೆಯಲ್ಲಿ ಭಾಗವಹಿಸಿ ಗೆದ್ದಿದ್ದರು. ನಂತರ ಫೇಸ್ ಆಫ್ ಮೈಸೂರು, ಮಿಸ್ ಟೀನ್ ಇಂಟರ್ ನ್ಯಾಷನಲ್ ಸೌತ್ ಇಂಡಿಯಾ ಹಾಗೂ 2018ರಲ್ಲಿ ಗ್ಲೆನ್ ಆನನ್ ಸೂಪರ್ ಮಾಡೆಲ್ ಸ್ಪರ್ಧೆ ಭಾಗವಹಿಸಿ ಕಿರೀಟ ಮುಡಿಗೇರಿಸಿಕೊಂಡಿದ್ದರು.