ಡ್ರೋನ್ ಪ್ರತಾಪ್ ಆಟದ ಬಗ್ಗೆ ವಿನಯ್ & ಟೀಂ ಮೆಚ್ಚುಗೆ: ಇದರ ಹಿಂದಿನ ನಿಜವಾದ ಕಾರಣ ಏನು?

ಬುಧವಾರದ ಸಂಚಿಕೆಯಲ್ಲಿ ನಡೆದ ಟಾಸ್ಕ್‌ನ ಉಸ್ತುವಾರಿಯನ್ನು ಡ್ರೋನ್ ಪ್ರತಾಪ್ ವಹಿಸಿದ್ದರು. ಆದರೆ, ಈ ಸಂದರ್ಭ ಅವರ ಟೀಂ ಗೆದ್ದಿತಾದರೂ ಇದರ ಬಗ್ಗೆ ಪ್ರತಾಪ್‌ಗೆ ಸಮಾಧಾನವಿರಲಿಲ್ಲ. ತಮ್ಮ ತಂಡ ಆ ಟಾಸ್ಕ್‌ನಲ್ಲಿ ನಿಯತ್ತಿನಿಂದ ಆಡಲಿಲ್ಲ ಎಂಬುದು ಅವರ ಅಭಿಪ್ರಾಯ. ತಮ್ಮ ತಂಡದ ಸದಸ್ಯರ ಮುಂದೆಯೂ ಪ್ರತಾಪ್ ಇದನ್ನು ಧೈರ್ಯವಾಗಿಯೇ ಹೇಳಿದ್ದರು. ಇದೇ ವಿಷಯವನ್ನು ಪ್ರತಾಪ್ ಎದುರಾಳಿ ತಂಡದ ಉಸ್ತುವಾರಿ ಸಿರಿ ಬಳಿಯೂ ಹೇಳಿಕೊಂಡಿದ್ದರು. ಆದ್ದರಿಂದ ಈ ವಿಷಯ ವಿನಯ್ & ಟೀಂಗೂ ತಲುಪಿತ್ತು. ನಂತರ ಗಾರ್ಡನ್ ಏರಿಯಾದಲ್ಲಿ ಕುಳಿತಿದ್ದ ವಿನಯ್ ಹಾಗೂ ತಂಡ, ಪ್ರತಾಪ್ ಅವರನ್ನು ಕರೆದು ನಿನ್ನ ಬಗ್ಗೆ ಗೌರವ ಹೆಚ್ಚಾಗಿದೆ. ನಿನ್ನನ್ನು ತಪ್ಪಾಗಿ ತಿಳಿದಿದ್ದೆವು. ಇನ್ಮುಂದೆ ನೀನು ನಮ್ಮ ಬಳಿ ಬಂದು ಏನಾದರೂ ಮಾತನಾಡಬಹುದು ಅಂತೆಲ್ಲಾ ಮೆಚ್ಚುಗೆ ಸೂಚಿಸಿದರು. ಈ ಬಗ್ಗೆ ಹೆಚ್ಚು ಎಕ್ಸೈಟ್ ಆಗದ ಪ್ರತಾಪ್ ಅವರ ಮಾತುಗಳನ್ನು ಕೇಳಿಸಿಕೊಂಡು ಸುಮ್ಮನಾದರು. 

ಬಿಗ್‌ಬಾಸ್‌ ಮನೆಯಲ್ಲಿ ಪ್ರತಾಪ್ ಆಪ್ತರಲ್ಲಿ ತನಿಷಾ ಕುಪ್ಪಂಡ ಕೂಡ ಒಬ್ಬರು. ವಿನಯ್ & ಟೀಂ ಪ್ರತಾಪ್ ಅವರನ್ನು ಹೊಗಳುವ ಜೊತೆಗೆ ಅವರ ಬಗ್ಗೆ ಒಂದಷ್ಟು ದೂರುಗಳನ್ನು ಹೇಳಿದ್ದಾರೆ. ಹೀಗಾಗಿ, ತನಿಷಾ ವಿರುದ್ಧ ವಿನಯ್ ತಂಡ ಹೇಳಿರುವ ಚಾಡಿ ಮಾತುಗಳನ್ನು ಪ್ರತಾಪ್ ಗಂಭೀರವಾಗಿ ತೆಗೆದುಕೊಳ್ಳುತ್ತಾರೆಯೇ? ಅಥವಾ ವಿನಯ್ ಅವರು ಪ್ರತಾಪ್ ಅವರನ್ನು ಹೊಗಲಿ ತಂಡದ ಭಾಗ ಮಾಡಿಕೊಳ್ಳುವ ಹುನ್ನಾರ ನಡೆಸಿದ್ದಾರೆಯೇ ಎಂಬುದನ್ನು ಕಾದು ನೋಡಬೇಕು. 

ನನ್ನ ಮಗ ಬಿಗ್‌ಬಾಸ್ ಕಾರ್ಯಕ್ರಮಕ್ಕೆ ಹೋಗಿರುವುದಕ್ಕೆ ತುಂಬಾ ಖುಷಿಯಿದೆ. ಮಗ ಇರುವುದರಿಂದ ದಿನಾಲೂ ಬಿಗ್‌ಬಾಸ್ ನೋಡುತ್ತೇನೆ. ನಮ್ಮ ಊರಿನಲ್ಲೂ ಸಹ ಎಲ್ಲರೂ ಈ ಕಾರ್ಯಕ್ರಮವನ್ನು ನೋಡುತ್ತಾರೆ. ನನ್ನ ಮಗ ಯಾರ ಮನಸ್ಸನ್ನು ನೋಯಿಸಬಾರದು. ಒಳ್ಳೆಯ ರೀತಿಯಲ್ಲಿ ಗೆಲ್ಲಬೇಕು ಅಂತ ಪ್ರತಾಪ್ ತಂದೆ ಮರಿಮಾದಯ್ಯ ಹೇಳಿದ್ದಾರೆ. 

ಈ ಹಿಂದೆ ಬಿಗ್‌ಬಾಸ್‌ ಮನೆಯಲ್ಲಿ ಡ್ರೋನ್ ಪ್ರತಾಪ್ ಮಹಿಳಾ ಸ್ಪರ್ಧಿಗಳನ್ನು ಕೆಟ್ಟ ದೃಷ್ಟಿಯಲ್ಲಿ ನೋಡುತ್ತಾರೆ ಎಂಬ ಆರೋಪ ಕೇಳಿಬಂದಿತ್ತು. ವಿನಯ್ ಈ ಆರೋಪ ಮಾಡಿದ್ದರು. ಈ ಬಗ್ಗೆ ಪ್ರತಿಕ್ರಿಯಿಸಿದ ಮರಿಮಾದಯ್ಯ, ನನ್ನ ಮಗ ಹೆಣ್ಣುಮಕ್ಕಳನ್ನು ಗೌರವಿಸುತ್ತಾನೆ. ಅವನ್ನು ಕೆಟ್ಟ ದೃಷ್ಟಿಯಲ್ಲಿ ನೋಡಿದ್ರೆ ಯಾವುದೋ ಮಟ್ಟಕ್ಕೆ ಹೋಗುತ್ತಿದ್ದ. ಪ್ತತಾಪ್ ಎಲ್ಲಾ ಹೆಣ್ಮಕ್ಕಳನ್ನು ಅಕ್ಕ-ತಂಗಿಯರಂತೆ ನೋಡುತ್ತಾನೆ ಎಂದರು.

ನಮ್ಮ ಮಗ ಬೇಸರದಲ್ಲಿರುವುದಕ್ಕೆ ನಮ್ಮ ಫೋನ್ ನಂಬರ್‌ ಬ್ಲ್ಯಾಕ್ ಮಾಡಿದ್ದಾನೆ. ಇಡೀ ಕರ್ನಾಟಕ ಹಾಗೂ ಭಾರದ ಜನರು ಪ್ರತಾನ್‌ನನ್ನು ಗೆಲ್ಲಿಸಬೇಕು ಎಂದರು. ಇನ್ನು ಜಗ್ಗೇಶ್ ಅವರ ಕಾಲ ಚಪ್ಪಲಿಗೂ ನಾವು ಸಮಾನರಲ್ಲ. ಅವರ ಬಗ್ಗೆ ಮಾತನಾಡುವ ಯೋಗ್ಯತೆಯಿಲ್ಲ. ಪ್ರತಾಪ್ ಎಷ್ಟೇ ಅವಮಾನ ಮಾಡಿದರೂ ನಾನು ಬೇಸರ ಮಾಡಿಕೊಳ್ಳುವುದಿಲ್ಲ. ಅದೊಂದು ಆಟವಷ್ಟೇ. ಉಳಿದ ಸ್ಪರ್ಧಿಗಳು ಕೂಡ ನಮ್ಮ ಮಕ್ಕಳಿದ್ದ ಹಾಗೆ. ಒಂದು ಸಮಯದಲ್ಲಿ ಆ ಮಕ್ಕಳು ಕೂಡ ತಾವು ತಪ್ಪು ಮಾಡಿದ್ದೇವೆ ಅಂತ ಬೇಸರಮಾಡಕೊಳ್ಳುತ್ತಾರೆ ಎಂದರು.