ಸೂಪರ್ ಹಿಟ್ ಸೀರಿಯಲ್ ಕೊಟ್ಟು ನಟನೆಯಿಂದ ದೂರ ಉಳಿದ ಕನ್ನಡ ಕಿರುತೆರೆ ನಟಿಯರಿವರು: ಕಾರಣ ಏನು ಗೊತ್ತಾ?

ಅನುಷಾ ನಾಯಕ್ 2022ರಲ್ಲಿ ಪ್ರಸಾರವಾಗುತ್ತಿದ್ದ 'ಪುನರ್ ವಿವಾಹ ಧಾರಾವಾಹಿಯಲ್ಲಿ ಆರತಿ ಪಾತ್ರಕ್ಕೆ ಜೀವ ತುಂಬಿದ್ದರು. ಕೆಲ ಕನ್ನಡ ಸಿನಿಮಾಗಳಲ್ಲೂ ಅಭಿನಯಿಸಿರುವ ಅವರಿಗೆ ಗ್ಲಾಮರ್ ಪಾತ್ರ ಮಾಡಲು ಇಷ್ಟವಿರಲಿಲ್ಲ. ದೇಹ ಪ್ರದರ್ಶನಕ್ಕೆ ಆದ್ಯತೆ ನೀಡುವ ಪಾತ್ರವು ಬೇಕಿರಲಿಲ್ಲ. ಇದೇ ಕಾರಣಕ್ಕೆ ನಟನೆಯಿಂದ ದೂರ ಸರಿದರು. ಸದ್ಯ ಅವರಿಗೆ ಮದುವೆಯಾಗಿ ಮಗುವಿದ್ದು, ಸೋಶಿಯಲ್ ಮೀಡಿಯಾದಿಂದಲೂ ದೂರ ಉಳಿದಿದ್ದಾರೆ. 

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾದ ಜಯರಾಮ್ ಕಾರ್ತಿಕ್ ಹಾಗೂ ಮಯೂರಿ ಕ್ಯಾತರಿ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಂಡಿದ್ದ 'ಅಶ್ವಿನಿ ನಕ್ಷತ್ರ' ಸೀರಿಯಲ್‌ನಲ್ಲಿ ನೆಗೆಟಿವ್ ರೋಲ್‌ನಲ್ಲಿ ಕಾಣಿಸಿಕೊಂಡಿದ್ದ ಪ್ರಿಯಾ ಕೆಸರೆ ಅರು ಕೂಡ ಈಗ ಧಾರಾವಾಹಿಯಿಂದ ದೂರ ಉಳಿದಿದ್ದಾರೆ. ಅವರು ತೆರೆ ಮೇಲೆ ಕಾಣಿಸಿಕೊಂಡು ಸುಮಾರು ವರ್ಷಗಳೇ ಆಯಿತು. 

2012ರಲ್ಲಿ 'ಪಲ್ಲವಿ ಅನುಪಲ್ಲವಿ' ಎಂಬ ಧಾರಾವಾಹಿ ಪ್ರಸಾರವಾಗುತ್ತಿತ್ತು. ಇದರಲ್ಲಿ 'ನಂದಿನಿ' ಎಂಬ ಪಾತ್ರಕ್ಕೆ ಬಣ್ಣಹಚ್ಚಿದ್ದ 'ರಶ್ಮಿ ಅಭಯಸಿಂಹ' ಸದ್ಯ ಸೀರಿಯಲ್‌ಗಳಲ್ಲಿ ಕಾಣಿಸಿಕೊಳ್ಳುತ್ತಿಲ್ಲ. ಅವರೀಗ ಧಾರಾವಾಹಿಗಳಿಗೆ ಸಂಭಾಷಣೆಗಾರ್ತಿಯಾಗಿ, ಚಿತ್ರಕಥೆ ಹಾಗೂ ಬರಹಗಾರ್ತಿಯಾಗಿ ಕೆಲಸ ಮಾಡ್ತಿದ್ದಾರೆ. 

2013ರಲ್ಲಿ ಸುವರ್ಣ ವಾಹಿನಿಯಲ್ಲಿ ಪ್ರಸಾರಾಗುತ್ತಿದ್ದ 'ಮಿಲನಾ' ಧಾರಾವಾಹಿಯಲ್ಲಿ ಪ್ರಾರ್ಥನಾ ಎಂಬ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ನಟಿ ವಿನುತಾ, ಸದ್ಯ ನಟನೆಯಿಂದ ದೂರ ಉಳಿದಿದ್ದಾರೆ. ಅವರೀಗ ಮೇಕಪ್ ಆರ್ಟಿಸ್ಟ್ ಆಗಿ ಕೆಲಸ ಮಾಡುತ್ತಿದ್ದಾರೆ. 

2013ರಲ್ಲಿ 'ಮಿಲನಾ' ಧಾರಾವಾಹಿಯನ್ನು ನಟಿ ವಿನುತಾ ಬಿಟ್ಟ ಮೇಲೆ ಆ ಪಾತ್ರಕ್ಕೆ 'ಸೌಮ್ಯ' ಜೀವ ತುಂಬಿದ್ದರು. 'ಪಲ್ಲವಿ ಅನುಪಲ್ಲವಿ' ಸೀರಿಯಲ್‌ನಲ್ಲೂ ಇವರು ಅಭಿನಯಿಸಿದ್ದರು. ಆ ನಂತರ ನಟನೆಗೆ ಗುಡ್‌ಬೈ ಹೇಳಿದ ಸೌಮ್ಯಾ, ಸದ್ಯ ಇಂಟೀರಿಯರ್ ಡಿಸೈನ್ ಮಾಡುವ ಸ್ವಂತ ಕಂಪನಿಯನ್ನು ನಡೆಸುತ್ತಿದ್ದಾರೆ.  

2004ರಲ್ಲಿ ಈಟಿವಿಯಲ್ಲಿ ಪ್ರಸಾರವಾಗಿದ್ದ  'ನಂದಗೋಕುಲ' ಧಾರಾವಾಹಿ ಪ್ರಸಾರವಾಗುತ್ತಿತ್ತು.  ರಾಕಿಂಗ್ ಸ್ಟಾರ್ ಯಶ್ ಹಾಗೂ ರಾಧಿಕಾ ಪಂಡಿತ್ ಒಟ್ಟಿಗೆ ಕಾಣಿಸಿಕೊಂಡಿದ್ದ ಈ ಧಾರಾವಾಹಿಯಲ್ಲಿ ವನಿತಾ ಉಮೇಶ್ ಅಭಿನಯಿಸಿದ್ದರು. ಮದುವೆ ಬಳಿಕ ನಟನೆಯಿಂದ ದೂರ ಉಳಿದಿರುವ ವನಿತಾ, ರಾಕಿಂಗ್ ದಂಪತಿ ಜೊತೆಗೆ ಸಂಪರ್ಕದಲ್ಲಿದ್ದಾರೆ. 

ಜೋಗುಳ, ಗುಪ್ತಗಾಮಿನಿ ಮುಂತಾದ ಸೂಪರ್ ಹಿಟ್ ಧಾರಾವಾಹಿಗಳಲ್ಲಿ ಅಭಿನಯಿಸಿದ್ದ ಟಾಕಿಂಗ್ ಸ್ಟಾರ್ ಸೃಜನ್ ಪತ್ನಿ ಗ್ರೀಷ್ಮಾ ಸದ್ಯ ನಟನೆಯಿಂದ ದೂರ ಉಳಿದಿದ್ದಾರೆ. ಗ್ರೀಷ್ಮಾ ಅವರದ್ದು ರಂಗಭೂಮಿ ಕುಟುಂಬ. ಸದ್ಯ ಅವರು ನಟಿ ಶ್ವೇತಾ ಚೆಂಗಪ್ಪ ಅವರ ಜೊತೆ ಸಲೂನ್ ನಡೆಸುತ್ತಿದ್ದಾರೆ. ಜೊತೆಗೆ ಸೋಶಿಯಲ್ ಮೀಡಿಯಾದಲ್ಲೂ ಸಕ್ರಿಯರಾಗಿದ್ದಾರೆ.