ಬಿಗ್‌ಬಾಸ್‌ ಮನೆಯಲ್ಲಿ ಬ್ರೋ ಕೋಡ್ ನಡೀತಿದೆ: ವಿನಯ್ ಸೇವ್ ಮಾಡೋದೇ ಅವರ ಗುರಿ

ಕಳೆದ ಸಂಚಿಕೆಯಲ್ಲಿ ನಡೆದ ಟಾಸ್ಕ್‌ನಲ್ಲಿ ವಿನಯ್‌ ಅವರನ್ನು ಕಾರ್ತಿಕ್ ಓಲೈಸಲು ಪ್ರಯತ್ನಿಸಿದಂತೆ ಕಾಣಿಸಿತು. ಈ ಬಗ್ಗೆ ಸಂಗೀತಾ ಅವರು ಪ್ರತಾಪ್ ಬಳಿ ಚರ್ಚೆ ನಡೆಸಿದ್ದಾರೆ. ಇಲ್ಯಾರು ವಾಯ್ಸ್‌ ರೈಸ್‌ ಮಾಡುತ್ತಿಲ್ಲ. ಇಲ್ಲಿ ಯಾರೂ ವಾಯ್ಸ್‌ ರೈಸ್‌ ಮಾಡುತ್ತಿರುವುದು ನಾವಿಬ್ಬರೇ. ನಾವಿಬ್ಬರು ಇದ್ದುದ್ದನ್ನು ಇದ್ದ ಹಾಗೆ ಹೇಳುತ್ತೇವೆ. ಬೇರೆ ಯಾರಿಗೂ ಮುಖದ ಮೇಲೆ ಹೇಳುವ ಗಟ್ಸ್ ಇಲ್ಲ. ವರ್ತೂರು ಅವರು ಸ್ವಲ್ಪ ಹೇಳುತ್ತಾರೆ, ಆಮೇಲೆ ಸುಮ್ಮನಾಗುತ್ತಾರೆ. ಕಾರ್ತಿಕ್ ಯಾಕೆ ಹಾಗೆ ಆಡ್ತಿದ್ದಾನೆ? ಅವನು ವಿನಯ್‌ಗೆ ಬಕೆಟ್ ಹಿಡಿಯುತ್ತಿದ್ದಾನೆ. ಬಹುಶಃ ನಾನು ನಿನ್ನ ಜೊತೆ ಕ್ಲೋಸ್ ಆಗಿರೋದು ಕಾರ್ತಿಕ್‌ಗೆ ಇಷ್ಟವಾಗ್ತಿಲ್ಲ ಅನಿಸುತ್ತಿದೆ. ವಿನಯ್ ಸ್ಟ್ರಾಟೆಜಿ ಏನೆಂದರೆ ಅವರು ಎಲ್ಲರನ್ನು ಬ್ರೋ ಕೋಡ್ ಅಂತ ಹೇಳಿ ಬಕೆಟ್ ಹಿಡಿಸಿಕೊಳ್ಳುತ್ತಿದ್ದಾರೆ. ಉಳಿದವರು ತಾವು ಬಂದ ಉದ್ದೇಶವನ್ನೇ ಮರೆತು ಅವರ ಜೊತೆ ನಿಲ್ಲುತ್ತಾರೆ ಎಂದರು. ಅದಕ್ಕೆ ಪ್ರತಾಪ್, ಕಾರ್ತಿಕ್ ಅಣ್ಣನಿಗೆ ಕಿಚ್ಚನ ಚಪ್ಪಾಳೆ ಸಿಕ್ಕಿದ್ದಕ್ಕೆ ವಿನಯ್ ಅಣ್ಣ ಸುಮ್ಮನಿದ್ದಾರೆ ಎಂದಿದ್ದಾರೆ. 

ಮೈಖಲ್ ಬಿಗ್‌ಬಾಸ್ ಮನೆಗೆ ಕಾಲಿಟ್ಟಾಗಿನಿಂದಲೂ ತಮ್ಮ ನೇರ ನುಡಿಯ ಮೂಲಕ ಬಿಗ್‌ಬಾಸ್‌ ಮನೆಯಲ್ಲಿ 'ಜಂಟಲ್‌ಮ್ಯಾನ್' ಅಂತ ಕರೆಸಿಕೊಂಡಿದ್ದರು. ತಮಗೆ ಪರಿಚಯವೇ ಇಲ್ಲದ ಅವರ ವ್ಯಕ್ತಿತ್ವವನ್ನು ಕನ್ನಡಿಗರು ಮೆಚ್ಚಿಕೊಂಡಿದ್ದರು. ಜೊತೆಗೆ ಸೇವ್ ಮಾಡುತ್ತಾ ಬಂದಿದ್ದರು. ಆದರೆ, ಈ ವಾರ ಬಿಗ್‌ಬಾಸ್‌ ಮನೆಯಲ್ಲಿನ  ಮೈಕಲ್ ವರ್ತನೆಗೂ ಹಾಗೂ ಹಿಂದಿನ ವಾರಗಳ ವರ್ತನೆಗೂ ಅಜಗಜಾಂತರವಿತ್ತು. ಕನ್ನಡ ಶಿಕ್ಷಕನಾಗಿ ಚೆನ್ನಾಗಿ ಟಾಸ್ಕ್ ನಿರ್ವಹಿಸಿದ್ದ ಮೈಕಲ್, ಬೇರೆಯವರು ಟಾಸ್ಕ್ ಆಡುವಾಗ ಸರಿಯಾಗಿ ಸ್ಪಂದಿಸದೇ ಅಸಹಕಾರ ತೋರಿದ್ದಾರೆ. ಜೊತೆ ಅವರ ಮಾತುಗಳು ಕೂಡ ಕೊಂಚ ಅಹಂಕಾರದಿಂದ ಕೂಡಿತ್ತು. 

ಮೊದಲಿಗೆ ಬಿಗ್‌ಬಾಸ್‌ ಆದರೆ ಮನೆಯಿಂದ ಯಾರನ್ನು ಎಲಿಮಿನೇಟ್ ಮಾಡ್ತೀರಾ ಅಂತ ಪ್ರತಾಪ್‌ಗೆ ಪ್ರಶ್ನೆ ಕೇಳಲಾಗಿತ್ತು. ಅದಕ್ಕೆ ಪ್ರತಾಪ್ ಮೈಕಲ್ ಎಂದಿದ್ದರು. ಇದಕ್ಕೆ ಕೌಂಟರ್ ನೀಡಿದ ಮೈಕಲ್, ಡ್ರೋನ್ ಪ್ರತಾಪ್‌ಗೆ ವ್ಯಕ್ತಿತ್ವವೇ ಇಲ್ಲ, ಸಿಂಪತಿಯಲ್ಲೇ ಬದುಕುತ್ತಿದ್ದಾನೆ. ಅವನು ನನಗೆ ಪ್ರತಿಸ್ಪರ್ಧಿಯೇ ಅಲ್ಲ. ನಾನು ಅವನು ಪ್ರತಿಸ್ಪರ್ಧಿ ಅಂತ ಪರಿಗಣಿಸೋದು ಇಲ್ಲ ಎಂದರು. ಬಿಗ್‌ಬಾಸ್‌ ಆರಂಭದ ದಿನಗಳಲ್ಲಿ ತಮಗೆ ವೋಟ್ ಮಾಡಿದ್ದ ಪ್ರತಾಪ್ ಫ್ಯಾನ್ಸ್‌ಗೆ ಧನ್ಯವಾದ ಹೇಳಿದ್ದ ಮೈಕಲ್, ಇಂದು ಪ್ರತಾಪ್ ವಿರುದ್ಧ ತಿರುಗಿ ಬಿದ್ದಿದ್ದು, ಮೈಕಲ್ ಮಾತು ಕೇಳಿ ಪ್ರತಾಪ್‌ಗೆ ಬೇಸರವಾಗಿದೆ. ಜೊತೆಗೆ ಸಂಗೀತಾ ಬಗ್ಗೆಯೂ ಮೈಕಲ್ ಕಠೋರವಾಗಿ ಮಾತನಾಡಿದ್ದಾರೆ.

ಇನ್ನು ಅಡುಗೆ ಮನೆಯಲ್ಲಿ ಅಕ್ಕಿ ತೊಳೆಯುವ ಚಿಕ್ಕ ವಿಚಾರಕ್ಕೂ ಮೈಕಲ್ ಅವರು ಕಾರ್ತಿಕ್ ಜೊತೆ ಜಗಳವಾಡಿದ್ದಾರೆ. ಮೈಕಲ್ ಪಾತ್ರೆ ತೊಳೆಯುತ್ತಿದ್ದಾಗ ಕಾರ್ತಿಕ್, ಲೇಟ್ ಆಗಿದೆ. ಸ್ವಲ್ಪ ಅಕ್ಕಿ ತೊಳೆದುಕೊಳ್ಳುತ್ತೇನೆ ಎಂದಿದ್ದಾರೆ. ಇದೇ ವಿಚಾರವನ್ನಿಟ್ಟುಕೊಂಡು ಮೈಕಲ್, ಕಾರ್ತಿಕ್ ಅವರನ್ನು ಕೋಪೋದ್ರೇಕಗೊಳಿಸುವಂತೆ ಅಹಂಕಾರದಿಂದ ಮಾತನಾಡಿದ್ದಾರೆ. ಇದೆಲ್ಲವೂ  ಕಳೆದ ವಾಋದ ವಿನಯ್ ಅವರ ವರ್ತನೆಯನ್ನ ನೆನಪಿಸುವಂತಿತ್ತು.

ಈ ವಾರ ಮನೆಯಿಂದ ಹೊರಹೋಗಲು ಪವಿ, ಸಿರಿ, ವಿನಯ್, ಮೈಕಲ್, ಸಂಗೀತಾ, ಪ್ರತಾಪ್ ನಾಮಿನೇಟ್ ಆಗಿದ್ದಾರೆ. ಈ ಪೈಕಿ ವೈಲ್ಡ್ ಕಾರ್ಡ್ ಎಂಟ್ರಿ ಪಡೆದಿರುವ ಪವಿ, ಸಿರಿ ಅಥವಾ ಮೈಕಲ್ ಮನೆಯಿಂದ ಹೊರಹೋಗಬಹುದು ಎನ್ನಲಾಗುತ್ತಿದೆ. ಮೈಕಲ್ ಈ ವಾರ ಬಿಗ್‌ಬಾಸ್‌ ಮನೆಯಲ್ಲಿ ತೋರಿದ ವರ್ತನೆ ಅನೇಕರಿಗೆ ಇಷ್ಟವಾಗಿಲ್ಲ.