ಬಿಗ್‌ಬಾಸ್‌ ಸ್ಪರ್ಧಿಗಳಿಗೆ ತಮ್ಮ ಕೈರುಚಿ ಜೊತೆಗೆ ಕಿಚ್ಚ ಸುದೀಪ್ ಕಳುಹಿಸಿದ್ದ ಸಂದೇಶಗಳ ಅರ್ಥವೇನು?

ಮೈಕಲ್‌ಗೆ ಕಳುಹಿಸಿದ ಸಂದೇಶದಲ್ಲಿ 'ಗೊತ್ತಿರುವ ದಾರಿ ಅಲ್ವಾ ಅಂತ ಅಂದುಕೊಂಡು ಹೋಗುವವರೆ ಎಡವೋದು ಜಾಸ್ತಿ. ಆದರೆ, ದಾರಿ ಸರಿಯಿದ್ದು ಇಡುವ ಹೆಜ್ಜೆನಾ ಸ್ವಲ್ಪ ಅಲರ್ಟ್ ಆಗಿ ಇಟ್ಟರೆ ಏನಾಗಬೇಕೋ ಅದೇ ಆಗುತ್ತೆ ಅಂತ ಬರೆಯಲಾಗಿತ್ತು. ಹಾನೆಸ್ಟಿ+ಸ್ಟ್ರಾಟೆಜಿ= ಗೆಲುವು, ಹಾನೆಸ್ಟಿ+ಸ್ಟ್ರಾಟೆಜಿ = ಸೋಲು. ಈ ಸಿಂಪಲ್ ಫಾರ್ಮುಲಾಗಳನ್ನು ಜಸ್ಟ್ ಅಪ್ಲೈ ಮಾಡಿ ನೋಡೊ. ಇದು ಗೆಲುವಿನ ದಾರಿ ತೋರಿಸಬಹುದು ಎಂಬ ಸಂದೇಶ ಡ್ರೋನ್ ಪ್ರತಾಪ್‌ಗೆ ಸಿಕ್ಕಿದೆ. 

ಸಂಗೀತಾಗೆ ಅರ್ಧ ಕಪ್‌ ಖಾಲಿಯಾಗಿದೆ. ಅರ್ಧ ಕಪ್ ತುಂಬಿದೆ ಅನ್ನುವುದು ದೃಷ್ಟಿಕೋನ. ಕಪ್‌ನಲ್ಲಿ ನೀರಿದೆ ಅನ್ನೋದು ವಾಸ್ತವ ಎಂಬ ಸಂದೇಶವಿತ್ತು. ಇನ್ನು ಸಿರಿಗೆ ಸಿಹಿಯಂದ್ರೆ ಯಾರಿಗೆ ತಾನೇ ಇಷ್ಟವಿಲ್ಲಾ? ಬರೀ ಸಿಹಿ ಅಷ್ಟೇ ಇದ್ದರೆ ಸ್ವಲ್ಪ ಕಷ್ಟನೇ. ಉಪ್ಪು, ಖಾರ ಸೇರಿಸಿ ನೋಡಿ ಆಟ ಬದಲಾಗುತ್ತೆ ಎಂಬ ಸಂದೇಶ ಲಭಿಸಿದ.

ವಿನಯ್‌ಗೆ ಸಿಕ್ಕ ಸಂದೇಶದಲ್ಲಿ ಜರ್ನಿಯಲ್ಲಿ ಇಳಿಜಾರು ಬಂದಾಗ ಚೇಂಜ್ ಮಾಡಬೇಕಾಗಿರೋದು ಗೇರ್ ಅಷ್ಟೇ, ಗಾಡಿಯನ್ನಲ್ಲ. ''ಥಿಂಕ್‌'' ಅಂತ ಬರೆಯಲಾಗಿತ್ತು. ನಮ್ರತಾಗೆ ಸಿಕ್ಕ ಸಂದೇಶದಲ್ಲಿ ಒಂದೇ ಬಾಣದಿಂದ ಯುದ್ಧ ಗೆಲ್ಲೋಕೆ ಆಗುತ್ತಾ? ಬತ್ತಲಿಕಡೆ ಕಣ್ಣಾಡಿಸಿ, ಬೇರೆ ಬಾಣಗಳು ಸಿಕ್ಕರೂ ಸಿಗಬಹುದು. ಆಲ್‌ ದಿ ಬೆಸ್ಟ್ ಅಂತ ಬರೆಯಲಾಗಿತ್ತು. 

ಕಾರ್ತಿಕ್‌ಗೆ ಸಿಕ್ಕ ಸಂದೇಶದಲ್ಲಿ ಹೆಡ್‌ ಶೇವ್ ಮಾಡಿ ಆಟದ ಮೇಲಿರುವ ನಿಮ್ಮ ಡೆಡಿಕೇಷನ್ ತೋರಿಸಿಬಿಟ್ರಿ. ಫೋಕಸ್ ಸರಿ ಮಾಡಿ. ಫೈನಲಿಸ್ಟ್‌ನಲ್ಲಿ ನಿಮ್ಮ ಹೆಸರನ್ನು ಸೇವ್ ಮಾಡಿಕೊಳ್ಳಿ ಅಂತ ಬರೆದಿತ್ತು. ಇನ್ನು ತನಿಷಾಗೆ, ಸ್ಪೀಕರ್ ಸೂಪರ್ ಆಗೋದಕ್ಕೆ ಕ್ವಾಲಿಟಿ ಎಷ್ಟೋ, ಸೌಂಡ್ ಕೂಡ ಅಷ್ಟೇ ಮುಖ್ಯ ಎಂಬ ಸಂದೇಶ ಲಭಿಸಿತ್ತು. 

ಪವಿ ಪೂವಪ್ಪಗೆ ಸಿಕ್ಕ ಸಂದೇಶದಲ್ಲಿ ಗೇಮ್‌ ಚೇಂಜರ್ ಆಗಿ ಎಂಟ್ರಿಕೊಟ್ರಿ, ಆದ್ರೆ ನೀವೆ ಚೇಂಜ್ ಆಗಿಬಿಟ್ರಲ್ಲಾ. ಚೇಂಜ್ ಮಾಡೋಕೆ ಇನ್ನೂ ಟೈಮ್ ಇದೆ. ಟಿಕ್‌ ಟಿಕ್‌ ಟಿಕ್‌ ಎಂದು ಬರೆಯಲಾಗಿತ್ತು. ಅವಿನಾಶ್‌ಗೆ ಬಂದ ಸಂದೇಶದಲ್ಲಿ ಬಿಗ್‌ಬಾಸ್‌ ಒಂದು ಮೈಂಡ್ ಗೇಮ್‌. ಏನ್ ಹೇಳಿ..ಮೈಂಡ್ ಗೇಮ್ ಅಂತ ಇತ್ತು.

ತುಕಾಲಿ ಸಂತುಗೆ ಬಂದ ಸಂದೇಶದಲ್ಲಿ ಈ ಜರ್ನಿಯಲ್ಲಿ ಕಾಮಿಡಿ ಜೊತೆಗೆ ಇತ್ತೀಚೆಗೆ ಸೇರಿಕೊಂಡಿರುವ ಕಲರ್ಸ್ ನೋಡಿದ್ರೆ ನಿಮ್ಮ ರೇಂಬೋ ರೆಬೆಲ್ ಆಗಿದೆ. ಕೀಪ್‌ ಇಟ್ ಅಪ್ ಎಂದು ಬರೆಯಲಾಗಿತ್ತು. ವರ್ತೂರು ಸಂತೋಷ್ ಅವರಿಗೆ ಕಾಲ ಕಾಲಕ್ಕೆ ಮಾತಾಡೋದಕ್ಕೂ ಕಾಲ ಬಂದಾಗ ಮಾತಾಡೋದಕ್ಕೂ ಇರೋ ವ್ಯತ್ಯಾಸವನ್ನ ಕಂಡು ಹಿಡಿದಿದ್ದೀರಾ ಅನ್ಸುತ್ತೆ. ಇದನ್ನು ಕಾಪಾಡಿಕೊಳ್ಳಿ ಅಂತ ಸಂದೇಶ ಸಿಕ್ತು.