ಮಿಡ್ ವೀಕ್ ಡಬಲ್ ಎಲಿಮಿನೇಷನ್: ಈ ವಾರ ಬಿಗ್‌ಬಾಸ್‌ ಮನೆಯಿಂದ ಹೊರ ಹೋಗೋದು ಇವರೇನಾ?

ಜನವರಿ 27 ಹಾಗೂ 28ರಂದು ಬಿಗ್‌ಬಾಸ್‌ ಕನ್ನಡ ಸೀಸನ್ ೧೦ರ ಗ್ರ್ಯಾಂಡ್ ಫಿನಾಲೆ ನಡೆಯಲಿದೆ ಅಂತ ಹೇಳಲಾಗಿದೆ. ಹೀಗಾಗಿ ಈಗಾಗಲೇ ಬಿಗ್‌ಬಾಸ್‌ ಮನೆಯಿಂದ ಎಲಿಮಿನೇಟ್ ಆಗಿರುವ ಸ್ಪರ್ಧಿಗಳು ಡ್ಯಾನ್ಸ್ ತಯಾರಿ ಕೂಡ ಮಾಡುತ್ತಿದ್ದಾರಂತೆ. ಈ ತಿಂಗಳಾಂತ್ಯದಲ್ಲಿ ಫಿನಾಲೆ ನಡೆಯುಲಿದ್ದು,  20, 21ರಂದು ಈ ಸೀಸನ್‌ನ ಕೊನೆಯ ವೀಕೆಂಡ್ ಪಂಚಾಯಿತಿ ನಡೆಯಲಿದೆ.

ಪ್ರತೀ ಸೀಸನ್‌ನಲ್ಲೂ ಮಿಡ್ ವೀಕ್ ಎಲಿಮಿನೇಷನ್ ಇತ್ತು.  ಮಿಡ್‌ ವೀಕ್‌ನಲ್ಲಿ ಮಲಗಿದ್ದ ಎಲ್ಲಾ ಸ್ಪರ್ಧಿಗಳನ್ನು ಎಬ್ಬಿಸಿ ಎಲಿಮಿನೇಷನ್ ಮಾಡಿದ ಉದಾಹರಣೆಗಳು ಕೂಡ ಇವೆ. ಅಷ್ಟೇ ಅಲ್ಲದೇ ಕಳೆದ ವಾರ ಸಂತು-ಪಂತು ಸೇವ್ ಆದಾಗ ಕಿಚ್ಚ ಸುದೀಪ್‌, ಈ ವಾರ ಯಾರೂ ಮನೆಗೆ ಹೋಗ್ತಿಲ್ಲ. ಆದ್ರೆ, ಮುಂದಿನ ವಾರದ ಪ್ರತಿ ದಿನವೂ ಟ್ವಿಸ್ಟ್ ಇರಲಿದೆ ಅಂತ ಮೊದಲೇ ಸೂಚನೆ ಕೊಟ್ಟಿದ್ದರು. ಹೀಗಾಗಿ ಈ ಸೀಸಸ್‌ನಲ್ಲೂ ಟ್ವಿಸ್ಟ್ ಇರಲಿದ್ದು, ಮಿಡ್‌ ವೀಕ್ ಡಬಲ್ ಎಲಿಮಿನೇಷನ್ ನಡೆದರೂ ಆಶ್ಚರ್ಯವಿಲ್ಲ. 

ಸಂಗೀತಾ ಈಗಾಗಲೇ ಟಿಕೆಟ್ ಟು ಫಿನಾಲೆ ಟಾಸ್ಕ್ ಗೆದ್ದು ಫಿನಾಲೆ ಹಂತ ತಲುಪಿದ್ದಾರೆ. ಇವರೊಂದಿಗೆ ವಿನಯ್ ಗೌಡ, ಕಾರ್ತಿಕ್ ಮಹೇಶ್, ಡ್ರೋನ್ ಪ್ರತಾಪ್ ಹಾಗೂ ವತೂರು ಸಂತೋಷ್ ಟಾಪ್‌ 5ನಲ್ಲಿರುತ್ತಾರೆ ಎನ್ನಲಾಗಿದೆ. ಹೀಗಾಗಿ ಈ ವಾರ ನಮ್ರತಾ ಗೌಡ, ತುಕಾಲಿ ಸಂತೋಷ್ ಹಾಗೂ ತನಿಷಾ ಎಲಿಮಿನೇಟ್ ಆಗಬಹುದು ಅಥವಾ ವರ್ತೂರು ಸಂತೋಷ್ ಬದಲು ತನಿಷಾ ಟಾಪ್‌ 5ನಲ್ಲಿ ಬರಲೂಬಹುದು. 

ಈ ವಾರ ಬಿಗ್‌ಬಾಸ್‌ ಮನೆಯಿಂದ ಹೊರಹೋಗಲು ಡ್ರೋನ್ ಪ್ರತಾಪ್, ವರ್ತೂರು ಸಂತೋಷ್, ತನಿಷಾ ಕುಪ್ಪಂಡ, ವಿನಯ್ ಗೌಡ, ನಮ್ರತಾ ಗೌಡ, ಕಾರ್ತಿಕ್ ಮಹೇಶ್ ನಾಮಿನೇಟ್ ಆಗಿದ್ದಾರೆ. ನಾಮಿನೇಷನ್‌ನಲ್ಲಿ ತುಕಾಲಿ ಸಂತು ಸೇವ್ ಆಗಿದ್ದಾರೆ. 

ಈ ವಾರದ ನಾಮಿನೇಷನ್ ಪ್ರಕ್ರಿಯೆ ಮುಗಿದಿದ್ದರೂ ಕೂಡ ಇನ್ನೂ ವೋಟಿಂಗ್ ಲೈನ್ಸ್ ತೆರೆದಿಲ್ಲ. ಹೀಗಾಗಿ, ಮಿಡ್ ನೈಟ್ ಅಥವಾ ಮಿಡ್ ವೀಕ್ ಎಲಿಮಿನೇಷನ್ ನಡೆಯಬಹುದು ಅಂತ ಹೇಳಲಾಗ್ತಿದೆ. ಸದ್ಯ ಬಿಗ್‌ಬಾಸ್‌ ಮನೆಗೆ ಈಗಾಗಲೇ ಎಲಿಮಿನೇಟ್ ಆಗಿರುವ ಸ್ಫರ್ಧಿಗಳು ಎಂಟ್ರಿಕೊಟ್ಟು ಉಳಿದವರಿಗೆ ಸಲಹೆ-ಸೂಚನೆ ನೀಡಿದ್ದಾರೆ.