Friday OTT Releases: ಕನ್ನಡದ 2 ಚಿತ್ರಗಳ ಜೊತೆಗೆ ಇಂದು ಒಟಿಟಿಯಲ್ಲಿ ಬಿಡುಗಡೆಯಾದ ಟಾಪ್ ಸಿನಿಮಾಗಳಿವು!

ವಿಕ್ಕಿ ಕೌಶಲ್, ರಶ್ಮಿಕಾ ಮಂದಣ್ಣ ಹಾಗೂ ಅಕ್ಷಯ್ ಖನ್ನಾ ನಟನೆಯ ಛಾವಾ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ಮರಾಠಾ ಯೋಧ ಛತ್ರಪತಿ ಶಿವಾಜಿಯವರ ಮಗ ಸಂಭಾಜಿ ಮಹಾರಾಜ್ ಸಾಹಸ ಜೀವನದ  ಕುರಿತದಾದ ಈ ಐತಿಹಾಸಿಕ ಸಿನಿಮಾವನ್ನು ಲಕ್ಷ್ಮಣ್ ಉಟೇಕರ್ ನಿರ್ದೇಶನ ಮಾಡಿದ್ದರು. ಫೆಬ್ರವರಿ 14ರಂದು ಥಿಯೇಟರ್‌ನಲ್ಲಿ ಬಿಡುಗಡೆಯಾಗಿದ್ದ ಛಾವಾ ಚಿತ್ರ, ಏಪ್ರಿಲ್ 11ರಂದು ನೆಟ್‌ಫ್ಲಿಕ್ಸ್ ಒಟಿಟಿಯಲ್ಲಿ ಬಿಡುಗಡೆಯಾಗಿದೆ.

ವಿಶಾಲ್ ಫ್ಯೂರಿಯಾ ನಿರ್ದೇಶನದ  ಚೋರಿ 2 ಕೂಡ ಇಂದು ಒಟಿಟಿಯಲ್ಲಿ ಬಿಡುಗಡೆಯಾಗಿದೆ. ಇದು 2021ರಲ್ಲಿ ಬಿಡುಗಡೆಗೊಂಡಿದ್ದ ಚೋರಿ ಸಿನಿಮಾದ ಮುಂದುವರೆದ ಭಾಗ. ನುಶ್ರತ್ ಭರುಚ್ಚಾ ಈ ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದು, ತನ್ನ ಏಳು ವರ್ಷದ ಮಗಳನ್ನು ದುಷ್ಟರಿಂದ ಕಾಪಾಡಿಕೊಳ್ಳಲು ಅಪಾಯಕಾರಿ ಹಾದಿಯಲ್ಲಿ ಸಾಗುವ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ಇಂದು  ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಿದೆ.

ಮಲಯಾಳಂನ ಕ್ರೈಮ್ ಥ್ರಿಲ್ಲರ್ ಹಾಗೂ ಡಾರ್ಕ್ ಕಾಮಿಡಿ ಸಿನಿಮಾ 'ಪ್ರವಿಂಕೂಡು ಶಪ್ಪು' ಇಂದಿನಿಂದ ಸೋನಿ ಲಿವ್‌ನಲ್ಲಿ ಸ್ಟ್ರೀಮಿಂಗ್ ಆರಂಭಿಸಲಿದೆ. ಸೌಬಿನ್ ಶಾಹಿರ್, ಬಾಸೆಲ್ ಜೋಸೆಫ್ ಮತ್ತು ಚೆಂಬನ್ ವಿನೋದ್ ಜೋಸ್ ಅಭಿನಯದ ಈ ಸಿನಿಮಾ ಒಂದು ಕಳ್ಳಂಗಡಿಯಲ್ಲಿ ನಡೆಯುವ ಕೊಲೆಯ ರಹಸ್ಯವನ್ನು ಬಿಚ್ಚಿಡುತ್ತದೆ.

ಕನ್ನಡದಲ್ಲಿ ಡೈನಾಮಿಕ್ ಪ್ರಿನ್ಸ ಪ್ರಜ್ವಲ್ ದೇವರಾಜ್ ಹಾಗೂ ಸೋನಲ್ ಮೊಂಥೆರೋ ಅಭಿನಯದ ಹಾರರ್ ಜಾನರ್‌ನ 'ರಾಕ್ಷಸ' ಸಿನಿಮಾ ಇಂದು ಸನ್ ನೆಕ್ಸ್ಟ್‌ನಲ್ಲಿ ಒಟಿಟಿಯಲ್ಲಿ ಬಿಡುಗಡೆಯಾಗಿದೆ. ಮಮ್ಮಿ, ದೇವಕಿ ಸಿನಿಮಾಗಳ ಮೂಲಕ ಗುರುತಿಸಿಕೊಂಡಿದ್ದ ಈ ಸಿನಿಮಾ ಲೋಹಿತ್ ಹೆಚ್ ನಿರ್ದೇಶನ ಮಾಡಿದ್ದಾರೆ. ಟೈಮ್ ಲೂಪ್ & ಹಾರರ್ ಸಸ್ಪೆನಗಸ್ ಥ್ರಿಲ್ಲರ್ ಚಿತ್ರಗಳನ್ನು ಇಷ್ಟಪಡುವವರಿಗೆ ಈ ಸಿನಿಮಾ ನೋಡಬಹುದು.

ಶ್ರೇಯಸ್ ಮಂಜು ಹಾಗೂ ಪ್ರಿಯಾ ಪ್ರಕಾಶ್ ವಾರಿಯರ್ ನಟನೆಯ 'ವಿಷ್ಣುಪ್ರಿಯ' ಸಿನಿಮಾ ಕೂಡ ಇಂದಿನಿಂದ ಒಟಿಟಿಯಲ್ಲಿ ಲಭ್ಯವಿದೆ. ಮಲಯಾಳಂನ ವಿ.ಕೆ ಪ್ರಕಾಶ್ ನಿರ್ದೇಶನದ ಈ ಸಿನಿಮಾದಕಲ್ಲಿ 90ರ ದಶಕದ ಲವ್ ಸ್ಟೋರಿ ನೋಡಬಹುದು. ಅಂದಿನ ವಾತಾವರಣ, ಜನರ ಮನಸ್ಥಿತಿ, ಪೋಷಕರ ಆಲೋಚನೆ, ಮಕ್ಕಳ ಆಕಾಂಕ್ಷೆಗಳು ಸೇರಿದಂತೆ ಹಲವು ವಿಷಯಗಳನ್ನು ಸಿನಿಮಾದಲ್ಲಿ ಕಟ್ಟಿಕೊಡಲಾಗಿದೆ. ಅಂದ್ಹಾಗೆ, ಈ ಸಿನಿಮಾ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಿದೆ.