2022 ಮಾರ್ಚ್ ತಿಂಗಳಿನಲ್ಲಿ ಓಟಿಟಿಯಲ್ಲಿ ಬಿಡುಗಡೆಯಾಗುವ ಎಲ್ಲಾ ಭಾಷೆಯ ಪ್ರಮುಖ ಚಲನಚಿತ್ರಗಳು

ಡೇನಿಯಲ್ ಕ್ರೇಗ್ ನಟನೆಯ ಜೇಮ್ಸ್ ಬಾಂಡ್ ಸರಣಿ ಚಿತ್ರಗಳಲ್ಲಿ ಐದನೇ ಮತ್ತು ಕೊನೆಯ ಚಿತ್ರವಾದ `ನೋ ಟೈಮ್ ಟು ಡೈ' ಚಿತ್ರ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ ಉತ್ತಮ ಪ್ರತಿಕ್ರಿಯೆ ಪಡೆಯಿತು. ಮಾರ್ಚ್ 4 ರಂದು ಅಮೇಜಾನ್ ಪ್ರೈಮ್ ವೀಡಿಯೋನಲ್ಲಿ ಬಿಡುಗಡೆಯಾಗಲಿದೆ.

ರ‌್ಯಾನ್ ರೀನಾಲ್ಡ್ಸ್ ಪ್ರಮುಖ ಪಾತ್ರದಲ್ಲಿ ನಟಿಸಿದ ಈ ಚಿತ್ರ ಟೈಮ್ ಟ್ರಾವೆಲ್ ಬಗ್ಗೆ ಮೂಡಿ ಬಂದಿದೆ. ಟೈಮ್ ಟ್ರಾವೆಲ್ ಮುಖಾಂತರ ಕೆಲ ವರ್ಷಗಳ ಹಿಂದೆ ಬರುವ ಆ್ಯಡಮ್ ರೀಡ್, ತನ್ನ ಬಾಲ್ಯದ ರೂಪದ ಜೊತೆಗೆ ಒಂದಾಗುತ್ತಾನೆ. ಈ ಚಿತ್ರ ಮಾರ್ಚ್ 11 ರಂದು ನೆಟ್‌ಫ್ಲಿಕ್ಸ್ ನಲ್ಲಿ ಬಿಡುಗಡೆಯಾಗಲಿದೆ.

ನಿಖಿಲ್ ಕುಮಾರಸ್ವಾಮಿ ಮತ್ತು ಕಾಶ್ಮೀರಾ ಪರ್ದೇಶಿ ಮುಖ್ಯ ಪಾತ್ರದಲ್ಲಿ ನಟಿಸಿದರುವ ರೈಡರ್ ಚಿತ್ರ ಮಾರ್ಚ್ 11 ರಂದು ಜೀ5 ನಲ್ಲಿ ಬಿಡುಗಡೆಯಾಗಲಿದೆ. ಡಿಸೆಂಬರ್ 24 ರಂದು ಚಿತ್ರ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು.

ಸಿದ್ದು ಮತ್ತು ನೇಹಾ ಮುಖ್ಯ ಪಾತ್ರದಲ್ಲಿ ನಟಿಸಿರುವ ಡಿ.ಜೆ.ಟಿಲ್ಲು ಚಿತ್ರವನ್ನು ವಿಮಲ್ ಕೃಷ್ಣ ನಿರ್ದೇಶನ ಮಾಡಿದ್ದಾರೆ. ಚಿತ್ರಮಂದಿರಗಳಲ್ಲಿ ಸೂಪರ್ ರೆಸ್ಪಾನ್ಸ್ ಪಡೆದ ಈ ಚಿತ್ರ ಮಾರ್ಚ್ 4 ರಂದು ಆಹಾ ವೀಡಿಯೋನಲ್ಲಿ ಬಿಡುಗಡೆಯಾಗಲಿದೆ.

ಕಾರ್ತಿಕ್ ನರೇನ್ ನಿರ್ದೇಶನದಲ್ಲಿ ಮೂಡಿಬಂದ `ಮಾರನ್' ಚಿತ್ರದಲ್ಲಿ ಧನುಷ್ ಜೊತೆ ಮಾಳವಿಕಾ ಮೋಹನನ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರ ಮಾರ್ಚ್ 11 ರಂದು ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ನಲ್ಲಿ ತಮಿಳು, ತೆಲುಗು, ಮಲಯಾಳಂ ಮತ್ತು ಕನ್ನಡ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.

ಸುರೇಶ್ ತ್ರಿವೇಣಿ ನಿರ್ದೇಶನದಲ್ಲಿ ಮೂಡಿಬಂದ `ಜಲ್ಸಾ' ಚಿತ್ರದಲ್ಲಿ ವಿದ್ಯಾ ಬಾಲನ್ ಮತ್ತು ಶೆಫಾಲಿ ಶಾಹ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಮಾರ್ಚ್ 18 ರಂದು ಅಮೇಜಾನ್ ಪ್ರೈಮ್ ವೀಡಿಯೋದಲ್ಲಿ ಬಿಡುಗಡೆಯಾಗಲಿದೆ. ಹಿಟ್ ಆ್ಯಂಡ್ ರನ್ ಕೇಸ್ ಮೇಲೆ ಈ ಚಿತ್ರ ಆಧರಿತವಾಗಿದೆ.

ಸ್ಟೀವನ್ ಸ್ಪಿಲ್‌ಬರ್ಗ್ ನಿರ್ದೇಶನದಲ್ಲಿ ಮೂಡಿಬಂದ ವೆಸ್ಟ್ ಸೈಡ್ ಸ್ಟೋರಿ ಚಿತ್ರದಲ್ಲಿ ಎನ್ಸಲ್ ಎಲ್ಗಾರ್ಟ್, ರೇಚಲ್ ಝೆಗ್ಲರ್, ಮ್ಯಾಡಿ ಝೆಗ್ಲರ್ ಮತ್ತು ಏರಿಯಾನಾ ಡಿಬೋಸ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. 1957 ರಲ್ಲಿ ನ್ಯೂಯಾರ್ಕ್ ನಲ್ಲಿ ನೆಡೆಯುವ ಪ್ರೇಮಕಥೆಯೊಂದರ ಜೊತೆ ಅಲ್ಲಿನ ಪ್ರಸಿದ್ಧ ನೃತ್ಯವನ್ನು ಈ ಚಿತ್ರದಲ್ಲಿ ನೋಡಬಹುದು.