'ಗಂಧದ ಗುಡಿ' ಪುನೀತ್ ರಾಜ್ಕುಮಾರ್ ಅವರ ಕೊನೆಯ ಸಿನಿಮಾ. ಇದು ಅಪ್ಪು ಅವರ ಕನಸಿನ ಡಾಕ್ಯುಮೆಂಟರಿ. ಈ ಹಿಂದೆ 'ವೈಲ್ಡ್ ಕರ್ನಾಟಕ' ಡಾಕ್ಯುಮೆಂಟರಿ ಮಾಡಿ ಸೈ ಎನಿಸಿಕೊಂಡಿದ್ದ ಅಮೋಘ ವರ್ಷ ವಾರ ಜೊತೆ ಸೇರಿ ಪುನೀತ್ ಕರುನಾಡಿನ 'ಗಂಧದಗುಡಿ' ಜಗತ್ತಿಗೆ ತೋರಿಸಲು ಮುಂದಾಗಿದ್ದರು. ಆದರೆ, ಟೀಸರ್ ರಿಲೀಸ್ಗೆ ಹೊಸ್ತಿಲಲ್ಲಿ ಅಪ್ಪು ಬಾರದ ಲೋಕಕ್ಕೆ ಪಯಣ ಬೆಳೆಸಿಬಿಟ್ಟರು. ಇದು ಕರುನಾಡಿಗೆ ಬಹಳ ದೊಡ್ಡ ಆಘಾತವಾಗಿತ್ತು. ಅಕ್ಟೋಬರ್ 28ರಂದು ಅಪ್ಪು ಅವರ ಕನಸಿನ ಕೂಸಾದ 'ಗಂಧದಗುಡಿ' ಬಿಡುಗಡೆಯಾಗಲಿದ್ದು, ಗಂಧದಗುಡಿ ಸಿನಿಮಾದ ವಿಶೇಷತೆಗಳು ಇಲ್ಲಿವೆ.