ಪುನೀತ್ ಅಭಿನಯದ 'ಮಿಲನಾ'ಗೆ 16 ವರ್ಷ: 500 ದಿನ ಅಬ್ಬರಿಸಿದ್ದ ಈ ಸಿನಿಮಾದ ಇಂಟರೆಸ್ಟಿಂಗ್ ವಿಷಯಗಳು ಇಲ್ಲಿವೆ.

ಪುನೀತ್ ಅಭಿನಯದ 'ಮಿಲನ' ಕನ್ನಡ ಚಿತ್ರರಂಗದಲ್ಲಿ ಹೊಸ ದಾಖಲೆ ಬರೆದಿತ್ತು. ಕ್ಲಾಸ್‌ ರೊಮ್ಯಾಂಟಿಕ್ ಲವ್ ಸ್ಟೋರಿ ಹೊಂದಿದ್ದ ಈ ಸಿನಿಮಾಗೆ ಸಿನಿರಸಿಕರು ಫಿದಾ ಆಗಿದ್ದರು. ಚಿತ್ರದಲ್ಲಿ ಅಪ್ಪುಗೆ ಪಾರ್ವತಿ ಮೆನನ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು. ಮಿಲನ  ಯುವಜನತೆಗಷ್ಟೇ ಅಲ್ಲದೇ ಎಲ್ಲಾ ವರ್ಗಕ್ಕೂ ತುಂಬಾ ಇಷ್ಟವಾಗಿತ್ತು. ಈ ಸಿನಿಮಾ ಪುನೀತ್ ಸಿನಿ ಕರಿಯರ್‌ನ ಮೋಸ್ಟ್ ಸಕ್ಸಸ್‌ಫುಲ್ ಸಿನಿಮಾಗಳಲ್ಲೊಂದು ಎಂದು ಸಾಬೀತಾಗಿದೆ.

ಪುನೀತ್ ರಾಜ್‌ಕುಮಾರ್ ಪವರ್ ಸ್ಟಾರ್‌ ಆಗಿದ್ದರೂ ಪಕ್ಕಾ ಫ್ಯಾಮಿಲಿಮ್ಯಾನ್ ಆಗಿ ಕಾಣಿಸಿಕೊಂಡಿದ್ದ ಈ ಸಿನಿಮಾ ಮಿಲನ. ಚಿತ್ರದಲ್ಲಿ ಮೊದಲ ಬಾರಿಗೆ ಆರ್‌ಜೆಯಾಗಿ ಕಾಣಿಸಿಕೊಂಡಿದ್ದ ಈ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲೂ ಅಚ್ಚರಿಯ ದಾಖಲೆ ಬರೆದಿತ್ತು. ಸಿನಿಮಾದಲ್ಲಿ ಪುನೀತ್ ನೋಡಿ ಅಭಿಮಾನಿಗಳು ಥ್ರಿಲ್ ಆಗಿದ್ದರು. ಹಾಡು, ಡೈಲಾಗ್, ಚಿಕ್ಕದೊಂದು ಆಕ್ಷನ್ ಸೀಕ್ವೆನ್ಸ್‌ ಕೂಡ ಪ್ರೇಕ್ಷಕರ ಮನೆ ಮೆಚ್ಚುವಂತೆ ಮಾಡಿತ್ತು. ಸದ್ಯ ಈ ಚಿತ್ರ ಈಗ 16 ವರ್ಷ ಪೂರೈಸಿದೆ.

ಈ ಸಿನಿಮಾ ಬಿಡುಗಡೆ ಸಂದರ್ಭದಲ್ಲಿ ಮಲ್ಟಿಪ್ಲೆಕ್ಸ್ ಥಿಯೇಟರ್‌ಗಳು ತಲೆ ಎತ್ತಿದ್ದವು. ಪಿವಿಆರ್, ಐನಾಕ್ಸ್ ಅಂತಹ ಕಂಪನಿಗಳು ಬೆಂಗಳೂರಿಗೆ ಎಂಟ್ರಿಕೊಟ್ಟಿದ್ದವು. ಇಂತಹ ಮಲ್ಟಿಪ್ಲೆಕ್ಸ್‌ನಲ್ಲಿ ಮಿಲನಾಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿತ್ತು. ಮಲ್ಟಿಪ್ಲೆಕ್ಸ್ ಸ್ಕ್ರೀನ್‌ಗಳಲ್ಲೂ ಕನ್ನಡ ಸಿನಿಮಾಗಳು ವರ್ಷಗಟ್ಟಲೇ ಓಡುತ್ತೆ ಅನ್ನೋದನ್ನು ಈ ಸಿನಿಮಾ ಫ್ರೂವ್ ಮಾಡಿತ್ತು. ಸುಮಾರು 500 ದಿನ ನಾನ್‌ ಸ್ಟಾರ್ ಮಲ್ಟಿಪ್ಲೆಕ್ಸ್‌ ಸ್ಕ್ರೀನ್‌ಗಳಲ್ಲಿ ತೆರೆಕಂಡ ಸಿನಿಮಾವಿದು.

ಪ್ರಕಾಶ್ ನಿರ್ದೇಶನದ ಮಿಲನ ಸಿನಿಮಾ ಮಲಯಾಳಂಗೆ ಡಬ್ ಆಗಿತ್ತು. ಮಲಯಾಳಂನಲ್ಲಿ 'ಇಷ್ಟಂ ಎನಿಕ್ಕಿಷ್ಟಂ' ಎಂಬ ಟೈಟಲ್ ಇಟ್ಟುಕೊಂಡು ರಿಲೀಸ್ ಆಗಿತ್ತು. ಮೂಲಗಳ ಪ್ರಕಾರ, ಇದು ಮಲಯಾಳಂಗೆ ಡಬ್ ಆದ ಪುನೀತ್‌ ರಾಜ್‌ಕುಮಾರ್ ಅಭಿನಯದ ಮೊದಲ ಚಿತ್ರವಾಗಿತ್ತು. ಮಲಯಾಳಂನಲ್ಲೂ ಈ ಸಿನಿಮಾ ಉತ್ತಮ ಸಕ್ಸಸ್ ಸಿಕ್ಕಿತ್ತು. ಮಲಯಾಳಂ ನಟಿ ಪಾರ್ವತಿ ಮೆನನ್ ಅಭಿನಯದ ಮೊದಲ ಕನ್ನಡ ಸಿನಿಮಾ ಇದಾಗಿತ್ತು. 

ಮಿಲನಾ 2014ರಲ್ಲಿ ಸಂಥಿಂಗ್ ಸಂಥಿಂಗ್ 2 ಟೈಟಲ್‌ನಲ್ಲಿ ರಿಮೇಕ್ ಆಗಿತ್ತು. 2016ರಲ್ಲಿ ಬಂದ ಬೆಂಗಾಳಿ ಸಿನಿಮಾ ಕಿ ಕೋರೆ ಟೋಕೆ ಬೊಲ್ಬೋ ಕೂಡ ಮಿಲನ ಚಿತ್ರದ ಪ್ರೇರಣೆ ಹೊಂದಿದೆ ಎನ್ನಲಾಗಿದೆ. ಅನುರಾಗ ಅರಳಿತು, ಅಪ್ಪು ಮತ್ತು ಮುಂಗಾರು ಮಳೆ ನಂತರ ದಕ್ಷಿತ ಭಾರತದ ಭಾಷೆಗಳಲ್ಲದೆ ಬೇರೆ ಭಾಷೆಗಳಿಗೆ ರಿಮೇಕ್ ಆದ ನಾಲ್ಕನೇ ಸಿನಿಮಾ ಇದಾಗಿತ್ತು.