Raja Rani Reloaded Finale: ರಾಜಾ ರಾಣಿ ಕಿರೀಟ ಮುಡಿಗೇರಿಸಿಕೊಂಡ ಸಂಜಯ್-ಮೇಘಾ ಜೋಡಿ

ಇಷ್ಟ ದೇವತೆ, ನಾಗಿಣಿ 2, ಜೀವಾ ಹೂವಾಗಿದೆ ಸೇರಿದಂತೆ ಹಲವು ಸೀರಿಯಲ್‌ಗಳಲ್ಲಿ ನಟಿಸಿರುವ ನಟಿ ಮೇಘ ಹಾಗೂ ಮಹಾಕಾಳಿ, ವಾರಸ್ದಾರ, ಕ್ಷಮಾ, ಜೀವಾ ಹೂವಾಗಿದೆ ಮುಂತಾದ ಸೀರಿಯಲ್‌ನಲ್ಲಿ ನಟಿಸಿರುವ ಸಂಜಯ್ ದಂಪತಿ ಕೂಡ  ರಾಜಾ-ರಾಣಿ ಸೀಸನ್ 3ರಲ್ಲಿ ಭಾಗವಹಿಸಿತ್ತು. ಫಿನಾಲೆಗೆ ಎಂಟ್ರಿಕೊಟ್ಟಿದ್ದ ಈ ಜೋಡಿ ಪ್ರಶಸ್ತಿ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದು, ವಿನ್ನರ್ ಪಟ್ಟ ಮುಡಿಗೇರಿಸಿಕೊಂಡಿದ್ದಾರೆ. 

ಅರಮನೆ ಗಿಳಿ ಖ್ಯಾತಿಯ ನಟ ಅರ್ಜುನ್ ಯೋಗಿ ಹಾಗೂ ಪತ್ನಿ ಸಾರಿಕಾ ರಾಜ-ರಾಣಿ ರೀಲೋಡೆಡ್‌ನ ರನ್ನರ್ ಅಪ್ ಆಗಿದ್ದಾರೆ. ಅರ್ಜುನ್ ಯೋಗಿ  ಕನ್ನಡ ಕಿರುತೆರೆ ಮಾತ್ರವಲ್ಲದೇ, ಚೇಜ್, ಲಾಂಗ್‌ಡ್ರೈವ್, ಅನಾವರಣ, ಅತೃಪ್ತ ಸೇರಿದಂತೆ ಕೆಲ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ.

ಚಾಂಪಿಯನ್, ಮಜಾ ಭಾರತ ಹಾಗೂ ಗಿಚ್ಚಿ ಗಿಲಿಗಿಲಿ ರಿಯಾಲಿಟಿ ಶೋಗಳ ಮೂಲಕ ಜನಪ್ರಿಯತೆ ಗಳಿಸಿದ್ದ ಪ್ರಿಯಾಂಕಾ ಕಾಮತ್ ಹಾಗೂ ಅವರ ಪತಿ ಅಮಿತ್ ಮೂರನೇ ಸ್ಥಾನದಲ್ಲಿದ್ದರೆ, ಸಿಲ್ಲಿಲಲ್ಲಿ, ಪಾರ್ವತಿ ಪರಮೇಶ್ವರ ಧಾರಾವಾಹಿಗಳಲ್ಲಿ ಹಾಸ್ಯ ಪಾತ್ರಗಳ ಮೂಲಕವೇ ಜಪ್ರಿಯತೆ ಗಳಿಸಿರುವ ನಟ ಲೋಕೇಶ್ ಬನಹಟ್ಟಿ ಹಾಗೂ ನಟಿ ರಚನಾ ದಶರಥ್ ನಾಲ್ಕನೇ ಸ್ಥಾನ ಪಡೆದಿದ್ದಾರೆ. ಇನ್ನು ಕಿರುತೆರೆ ನಟಿ ಹರ್ಷಿತಾ ಹಾಗೂ  ವಿನಯ್ ಜೋಡಿ ಐದನೇ ಸ್ಥಾನ ಪಡೆದಿದೆ. 

2021ರಲ್ಲಿ ಆರಂಭವಾದ ಈ ಶೋನ ಮೊದಲ ಆವೃತ್ತಿಯಲ್ಲಿ ನೇಹಾಗೌಡ ಹಾಗೂ ಚಂದನ್ ಸೂಪರ್ ಜೋಡಿಯಾಗಿ ವಿನ್ನರ್ ಆಗಿದ್ದರು. ಇಶಿತಾ ವರ್ಷಾ, ಮುರುಗಾನಂದ ರನ್ನರ್ ಅಪ್ ಆಗಿದ್ದರು. ಸೀಸನ್ ೨ರಲ್ಲಿ ಕಾವ್ಯಾ ಮಹಾದೇವ್ ಹಾಗೂ ಕುಮಾರ್ ವಿನ್ನರ್ ಆದರೆ, ಸುಂದರ್ ರಾಜ್ ಮತ್ತು ವೀಣಾ ಸುಂದರ್ ರನ್ನರ್ ಅಪ್ ಆಗಿದ್ದರು. 

ಲೋಕೇಶ್ ಪ್ರೊಡಕ್ಷನ್ಸ್ ಅಡಿಯಲ್ಲಿ ಪ್ರಸಾರವಾಗುವ ಈ ರಿಯಾಲಿಟಿ ಶೋನಲ್ಲಿ ಸೃಜನ್ ಲೋಕೇಶ್, ತಾರಾ, ಅದಿತಿ ಪ್ರಭುದೇವ, ಅನು ಪ್ರಭಾಕರ್ ಜಡ್ಜ್‌ಗಳಾಗಿದ್ದು, ಅನುಪಮಾ ಗೌಡ ನಿರೂಪಕಿ. ಇದೊಂದು ಸೆಲೆಬ್ರಿಟಿ ಕಪಲ್ ರಿಯಾಲಿಟಿ ಶೋ ಆಗಿದೆ.