ರಾಜಾ-ರಾಣಿ ಸೀಸನ್ 3ರ ಗ್ಯಾಂಡ್ ಫಿನಾಲೆಗೆ ಎಂಟ್ರಿಕೊಟ್ಟ ಸ್ಪರ್ಧಿಗಳಿವುರು: ಗೆಲ್ಲೋದ್ಯಾರು?

ಚಾಂಪಿಯನ್, ಮಜಾ ಭಾರತ ಹಾಗೂ ಗಿಚ್ಚಿ ಗಿಲಿಗಿಲಿ ರಿಯಾಲಿಟಿ ಶೋಗಳ ಮೂಲಕ ಜನಪ್ರಿಯತೆ ಗಳಿಸಿದ್ದ ಪ್ರಿಯಾಂಕಾ ಕಾಮತ್ ಹಾಗೂ ಅವರ ಪತಿ ಅಮಿತ್  ರಾಜಾ-ರಾಣಿ ಸೀಸನ್ 3ರಲ್ಲಿ ಭಾಗವಹಿಸಿದ್ದರು. ಈ ಜೋಡಿ ಸದ್ಯ ಫಿನಾಲೆ ಹಂತ ತಲುಪಿದ್ದಾರೆ.  ಪ್ರಿಯಾಂಕಾ ರಾಜಾ-ರಾಣಿ ಜೊತೆಗೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ನಿನಗಾಗಿ' ಎಂಬ ಹೊಸ ಸೀರಿಯಲ್‌ನಲ್ಲೂ ನಟಿಸುತ್ತಿದ್ದಾರೆ.

ಸಿಲ್ಲಿಲಲ್ಲಿ, ಪಾರ್ವತಿ ಪರಮೇಶ್ವರ ಧಾರಾವಾಹಿಗಳಲ್ಲಿ ಹಾಸ್ಯ ಪಾತ್ರಗಳ ಮೂಲಕವೇ ಜಪ್ರಿಯತೆ ಗಳಿಸಿರುವ ನಟ ಲೋಕೇಶ್ ಬನಹಟ್ಟಿ ಹಾಗೂ ನಟಿ ರಚನಾ ದಶರಥ್ ಕೂಡ ರಾಜಾರಾಣಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ರಚನಾ ಮಾತು-ಕಥೆ, ಯೋಗಿ ದುನಿಯಾ, ಸಮರ್ಥ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇವರಿಬ್ಬರು ಕೂಡ ಫಿನಾಲೆಗೆ ಎಂಟ್ರಿಕೊಟ್ಟಿದ್ದಾರೆ.

ಅರಮನೆ ಗಿಳಿ ಖ್ಯಾತಿಯ ನಟ ಅರ್ಜುನ್ ಯೋಗಿ ಹಾಗೂ ಪತ್ನಿ ಸಾರಿಕಾ ಕೂಡ  ರಾಜಾ-ರಾಣಿ ಸೀಸನ್ ೩ ಕಾರ್ಯಕ್ರಮಕ್ಕೆ ಎಂಟ್ರಿಕೊಟ್ಟಿದ್ದರು. ಅರ್ಜುನ್ ಕನ್ನಡ ಕಿರುತೆರೆ ಮಾತ್ರವಲ್ಲದೇ, ಚೇಜ್, ಲಾಂಗ್‌ಡ್ರೈವ್, ಅನಾವರಣ, ಅತೃಪ್ತ ಸೇರಿದಂತೆ ಕೆಲ ಸಿನಿಮಾಗಳಲ್ಲಿ ಅಭಿನಯಿಸಿದ್ದು, ಈ ಜೋಡಿ ಕೂಡ ಗ್ರ್ಯಾಂಡಲ್ ಫಿನಾಲೆಗೆ ಸೆಲೆಕ್ಟ್ ಆಗಿದೆ.

ಇಷ್ಟ ದೇವತೆ, ನಾಗಿಣಿ 2, ಜೀವಾ ಹೂವಾಗಿದೆ ಸೇರಿದಂತೆ ಹಲವು ಸೀರಿಯಲ್‌ಗಳಲ್ಲಿ ನಟಿಸಿರುವ ನಟಿ ಮೇಘ ಹಾಗೂ ಮಹಾಕಾಳಿ, ವಾರಸ್ದಾರ, ಕ್ಷಮಾ, ಜೀವಾ ಹೂವಾಗಿದೆ ಮುಂತಾದ ಸೀರಿಯಲ್‌ನಲ್ಲಿ ನಟಿಸಿರುವ ಸಂಜಯ್ ದಂಪತಿ ಕೂಡ  ರಾಜಾ-ರಾಣಿ ಸೀಸನ್ 3ರಲ್ಲಿ ಭಾಗವಹಿಸಿತ್ತು. ಈ ಜೋಡಿ ಕೂಡ ಫಿನಾಲೆಗೆ ಎಂಟ್ರಿಕೊಟ್ಟಿದ್ದಾರೆ.

ಕಿರುತೆರೆ ನಟಿ ಹರ್ಷಿತಾ ಹಾಗೂ  ವಿನಯ್ ಜೋಡಿ ಕೂಡ  ರಾಜಾ-ರಾಣಿ ಸೀಸನ್ 3ರ ಗ್ರ್ಯಾಂಡ್ ಫಿನಾಲೆಗೆ ಎಂಟ್ರಿಕೊಟ್ಟಿದ್ದಾರೆ. ಕನ್ನಡ ಮಾತ್ರವಲ್ಲದೇ ತೆಲುಗು ಕಿರುತೆರೆಯಲ್ಲಿ ಹೆಸರು ಮಾಡಿರುವ ಇವರು, ಈ ಹಿಂದೆ ಇಸ್ಮಾರ್ಟ್‌ ಜೋಡಿ ಕಾರ್ಯಕ್ರಮದಲ್ಲೂ ಭಾಗವಹಿಸಿತ್ತು.