2020 ರಲ್ಲಿ ಕನ್ನಡ ಚಿತ್ರರಂಗ ಪ್ರವೇಶಿಸಿದ ಪ್ರತಿಭಾನ್ವಿತ ನವಪ್ರತಿಭೆಗಳು

ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ ರ ಪತ್ನಿ ರಾಗಿಣಿ ಚಂದ್ರನ್ ಈ ಹಿಂದೆ ವೃಷಭಪ್ರಿಯ ಎಂಬ ಕಿರುಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದರು. ಪುನೀತ್ ರಾಜಕುಮಾರ್ ರವರ ಪಿ.ಆರ್.ಕೆ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾದ ಲಾ ಚಿತ್ರದ ಮೂಲಕ ಪೂರ್ಣ ಪ್ರಮಾಣದ ನಾಯಕಿಯಾಗಿ ಕನ್ನಡ ಚಿತ್ರರಂಗ ಪ್ರವೇಶಿಸಿದರು.

ಜೀ ಕನ್ನಡದ ಜೋಡಿ ಹಕ್ಕಿ ಧಾರಾವಾಹಿಯ ಮೂಲಕ ಮನೆ ಮಾತಾಗಿದ್ದ ಚೈತ್ರಾ ರಾವ್ ಪಿ.ಅರ್.ಕೆ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾದ ಮಾಯಾಬಜಾರ್ 2016 ಚಿತ್ರದ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದರು.

2020 ಫೆಬ್ರವರಿಯಲ್ಲಿ ತೆರೆ ಕಂಡು ಜನಮನ ಸೆಳೆದ ಪ್ರೇಮ ಕಥಾನಕವುಳ್ಳ ಮತ್ತು ಮಾತೃ ವಾತ್ಸಲ್ಯ ತುಂಬಿದ ದಿಯಾ ಚಿತ್ರದ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದರು. ತನ್ನ ಮುಗ್ಧ ಮುಖ ಮತ್ತು ಅದ್ಭುತ ಅಭಿನಯದ ಮೂಲಕ ಪ್ರೇಕ್ಷಕರ ಮನ ಸೆಳೆದರು. 

ಮ್ಯೂಸಿಕಲಿ ಮತ್ತು ಟಿಕ್-ಟಾಕ್ ನಲ್ಲಿ ಲಿಪ್-ಸಿಂಕ್ ವೀಡಿಯೋಗಳ ಮೂಲಕ ಪ್ರಸಿದ್ಧರಾಗಿದ್ದ ದಿಶಾ ಮದನ್ ಫ್ರೆಂಚ್ ಬಿರಿಯಾನಿ ಚಿತ್ರದ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದರು.

ಗ್ರೀಷ್ಮಾ ಶ್ರೀಧರ್ ಕನ್ನಡ ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ನಟಿ ಮತ್ತು ಮಾಡೆಲ್. ಇವರು ವಿಜಯ್ ರಾಘವೇಂದ್ರ ರ ಮಾಲ್ಗುಡಿ ಡೇಸ್ ಚಿತ್ರದ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದರು. 

ರೇಡಿಯೋ ಜಾಕಿಯಾಗಿ ಮತ್ತು ಕೆಲ ತುಳು ಮತ್ತು ಕನ್ನಡ ಚಿತ್ರಗಳಲ್ಲಿ ನಟಸಿದ್ದ ಪೃಥ್ವಿ ಅಂಬರ್ 2020 ರಲ್ಲಿ ತೆರೆಕಂಡ ದಿಯಾ ಚಿತ್ರದ ಮೂಲಕ ನಾಯಕನಾಗಿ ಕನ್ನಡ ಚಿತ್ರರಂಗ ಪ್ರವೇಶಿಸಿದರು. ತಮ್ಮ ಅಭಿನಯಕ್ಕೆ ಅಪಾರ ಮೆಚ್ಚುಗೆ ಪಡೆದ ಅವರು ಪ್ರಸ್ತುತ ಹಲವು ಕನ್ನಡ ಚಿತ್ರಗಳಲ್ಲಿ ನಿರತರಾಗಿದ್ದಾರೆ.

ಕಿರುತೆರೆಯಲ್ಲಿ ನಾಗಿಣಿ ಸೀರಿಯಲ್ ಮೂಲಕ ಪ್ರಸಿದ್ಢರಾಗಿದ್ದ ದೀಕ್ಷಿತ್ ಶೆಟ್ಟಿ ತ್ರೀಕೋನ ಪ್ರೇಮ ಕಥೆಯ ದಿಯಾ ಚಿತ್ರದ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದರು. ಚಿತ್ರದಲ್ಲಿನ ತಮ್ಮ ಸಹಜ ಅಭಿನಯಕ್ಕೆ ಮೆಚ್ಚುಗೆ ಪಡೆದರು.

ಕಿರುತೆರೆಯಲ್ಲಿ ಪುಟ್ಟಗೌರಿ ಮದುವೆ ಮತ್ತು ಗಟ್ಟಿಮೇಳ ಧಾರಾವಾಹಿಗಳ ಮೂಲಕ ಮನೆ ಮಾತಾಗಿರುವ ರಕ್ಷ ಗೌಡ ನರಗುಂದ ಬಂಡಾಯ ಚಿತ್ರದ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದರು.

ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ರ ಲವ್ ಮಾಕಟೇಲ್ ಚಿತ್ರದಲ್ಲಿ ಮುದ್ದು ಕಾಲೇಜು ವಿದ್ಯಾರ್ಥಿಯಾಗಿ ಅರಳು ಹುರಿದ ಹಾಗೇ ಮಾತಾನಾಡುವ ಆದಿತಿಯಾಗಿ ಕಾಣಿಸಿಕೊಂಡಿದ್ದ ರಚನಾ ಇಂಡೆರ್ ಕನ್ನಡದ ಮತ್ತೊಬ್ಬ ಭರವಸೆಯ ಪ್ರತಿಭೆಯಾಗಿದ್ದಾಳೆ.