ಚಿಕ್ಕ ಪಾತ್ರದಿಂದ ಅತಿಹೆಚ್ಚು ಜನಪ್ರಿಯತೆ ಪಡೆದ ಸ್ಯಾಂಡಲ್‌ವುಡ್‌ ನಟರು ಇವರು!

ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಸೂಪರ್ ಹಿಟ್ 'ಚೆಲುವಿನ ಚಿತ್ತಾರದಲ್ಲಿ' ಸಿನಿಮಾದಲ್ಲಿ ರಾಕೇಶ್ 'ಬುಲ್ಲಿ' ಎಂಬ ಪಾತ್ರ ನಿರ್ವಹಿಸಿದ್ದರು. ಇದು ಅವರ ಮೊದಲ ಸಿನಿಮಾವಾಗಿದ್ದು, ಮೊದಲ ಸಿನಿಮಾದಲ್ಲೇ ಸಖತ್ ಫೇಮಸ್ ಆಗಿದ್ದರು. ನಟ ಕೋಮಲ್ ಮತ್ತು ರಾಕೇಶ್ ಅವರ ಕಾಂಬಿನೇಶನ್‌ನಲ್ಲಿ ಮೂಡಿಬಂದ 'ಫೆಪುಸಿ' ಹಾಸ್ಯ ದೃಶ್ಯಗಳು ಸಿನಿರಸಿರನ್ನು ಹೊಟ್ಟೆಹುಣ್ಣಾಗಿಸುವಂತೆ ನಕ್ಕು ನಗಿಸಿದ್ದವು. ಈ ಪಾತ್ರ ನಟ ರಾಕೇಶ್ ಅವರಿಗೆ ಒಳ್ಳೆಯ ಹೆಸರು ತಂದುಕೊಟ್ಟಿತ್ತು. ಆದರೆ, ದುರಾದೃಷ್ಟವಶಾತ್ ಈ ನಟ 2017ರಲ್ಲಿ ಗ್ಯಾಂಗ್ರೀನ್ ಕಾಯಿಲೆಗೆ ತುತ್ತಾಗಿ ನಿಧನರಾದರು.  

ಕ್ರೇಜಿ ಸ್ಟಾರ್ ರವಿಚಂದ್ರನ್ ಅಭಿನಯದ 'ಹಳ್ಳಿ ಮೇಷ್ಟ್ರು' ಸಿನಿಮಾದ 'ಕಪ್ಪೆರಾಯ' ಯಾರಿಗೆ ಗೊತ್ತಿಲ್ಲ ಹೇಳಿ. ಈ ಪಾತ್ರದಲ್ಲಿ ನಟಿಸಿರುವ ನಟನ ಹೆಸರು ಫಕೀರಪ್ಪ ದೊಡ್ಡಮನಿ. ಇವರು ಹಳ್ಳಿ ಮೇಷ್ಟ್ರು ಸಿನಿಮಾದ ಮೂಲಕ ಕಪ್ಪೆರಾಯ ಎಂದೇ ಫೇಮಸ್ ಆಗಿದ್ದಾರೆ.  ಮೂಲತಃ ಹಾವೇರಿ ಜೆಲ್ಲೆಯ ಒಂದು ಚಿಕ್ಕ ಹಳ್ಳಿಯವರಾದ ಇವರು 'ಕಪ್ಪೆರಾಯ' ಪಾತ್ರದ ಮುಖಾಂತರ ಕರ್ನಾಟಕದ ಜನತೆಯ ಮನಗೆದ್ದಿದ್ದಾರೆ. ಇವರು ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರಾದರೂ ಎಲ್ಲರು ಇವರನ್ನು ಕಪ್ಪೆರಾಯ ಎಂದೇ ಗುರುತಿಸುತ್ತಾರೆ. ಇತ್ತೀಚಿಗೆ ಇವರು ಭಜರಂಗಿ 2, ಗೀತಾ ಮತ್ತು ಯುವರತ್ನ ಚಿತ್ರಗಳಲ್ಲಿ ನಟಿಸಿದ್ದಾರೆ. 

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ 'ಕೆಜಿಎಫ್' ಸಿನಿಮಾದಲ್ಲಿ ನಟ ಕೃಷ್ಣ ರಾವ್ ಚಿಕ್ಕ ಪಾತ್ರ ಮಾಡಿದ್ದರು. ಈ ಪಾತ್ರ ಚಿಕ್ಕದಾದರೂ ಅವರಿಗೆ ಅಪಾರ ಕೆಎಟಿ ತಂದುಕೊಟ್ಟಿತ್ತು. ಈ ಸಿನಿಮಾದ ಮೂಲಕ ಅವರು 'ಕೆಜಿಎಫ್ ತಾತ' ಎಂದೇ ಜನಪ್ರಿಯತೆ ಪಡೆದರು. ಕೆಜಿಎಫ್ ಚಾಪ್ಟರ್ ಸಿನಿಮಾದಲ್ಲಿ ಅವರ ಬಾಯಿಂದ ಬರುವ ಡೈಲಾಗ್ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿತ್ತು. ಕೃಷ್ಣ ರಾವ್ ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದರೂ ಕೂಡ ಈ ಸಿನಿಮಾ ಕೊಟ್ಟಷ್ಟು ಖ್ಯಾತಿ ಬೇರೆ ಚಿತ್ರಗಳು ಕೊಟ್ಟಿಲ್ಲ. ಆದರೆ, 2022ರ ಡಿಸೆಂಬರ್ ತಿಂಗಳಲ್ಲಿ ಈ ನಟ ಅನಾರೋಗ್ಯದಿಂದ ಮರಣ ಹೊಂದಿದರು.  

2022ರಲ್ಲಿ ತೆರೆಕಂಡ ಡಾರ್ಲಿಂಗ್ ಕೃಷ್ಣ ನಟಿಸಿ, ನಿರ್ದೇಶಿಸಿದ್ದ ಲವ್ ಮಾಕ್ಟೇಲ್ ಸಿನಿಮಾ ಬ್ಲಾಕ್ ಬಸ್ಟರ್ ಆಗಿತ್ತು. ಈ ಸಿನಿಮಾದಲ್ಲಿ ನಟಿ ರಚನಾ ಇಂದೆರ್ ಚಿಕ್ಕ ಪಾತ್ರ ನಿರ್ವಹಿಸಿದ್ದರು. ಈ ಪಾತ್ರ ಸಿನಿರಸಿಕರಿಗೆ ಸಖತ್ ಇಷ್ಟವಾಗಿತ್ತು. ಅಂದಾಗೆ ಈ ಸಿನಿಮಾದಲ್ಲಿ ರಚನಾ 'ಅದಿತಿ' ಎಂಬ ಪಾತ್ರ ನಿರ್ವಹಿಸಿದ್ದರು. ಈ ಸಿನಿಮಾದಲ್ಲಿ ಅವರ 'ಹೆಂಗೆ ನಾವು' ಡೈಲಾಗ್ ಸಖತ್ ಜನಪ್ರಿಯವಾಗಿತ್ತು. ಈ ಚಿತ್ರದ ನಂತರ ಅದಿತಿ ಹಲವು ಸಿನಿಮಾಗಳಲ್ಲಿ ನಾಯಕಿಯಾಗಿ ನಟಿಸಿದರು.

ಬಹುತಾರಾಗಣವಿರುವ ಜೋಶ್ ಸಿನಿಮಾದಲ್ಲಿನ 'ರೋಬೊ' ಪಾತ್ರ ಯಾರೂ ಮರೆಯಲು ಸಾಧ್ಯವಿಲ್ಲ. ಈ ಪಾತ್ರವನ್ನು ಗಣೇಶ್ ನಿರ್ವಹಿಸಿದ್ದರು. ಜೋಶ್ ಸಿನಿಮಾದಲ್ಲಿನ ಅವರ 'ರೋಬೊ' ಪಾತ್ರಕ್ಕೆ ಸಿನಿಪ್ರಿಯರು ಫಿದಾ ಆಗಿದ್ದರು. ಮೂಲತಃ ಸ್ಟೇಜ್ ಫಾರ್ ಫಾರ್ಮರ್ ಆಗಿರುವ ಇವರು ರೋಬೊ ಗಣೇಶ್ ಎಂದೇ ಖ್ಯಾತಿ ಗಳಿಸಿದ್ದಾರೆ. ಸದ್ಯ ಇವರು ಇಂಟರ್ ನ್ಯಾಷನಲ್ ಸ್ಟೇಜ್ ಫಾರ್ ಫಾರ್ಮರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದು, ರೋಬೊ ಸ್ಟೈಲ್ ಮೂಲಕವೇ ಖ್ಯಾತಿ ಗಳಿಸಿದ್ದಾರೆ. 

ರಿಷಭ್ ಶೆಟ್ಟಿ ನಿರ್ದೇಶನದ 'ಸರ್ಕಾರಿ ಹಿ ಪ್ರಾ ಶಾಲೆ ಕಾಸರಗೋಡು' ಸಿನಿಮಾದಲ್ಲಿ ಪ್ರವೀಣನ ಪಾತ್ರ ಸಖತ್ ಫೇಮಸ್ ಆಗಿತ್ತು. ನಟ ರಂಜನ್ ಈ ಪಾತ್ರವನ್ನು ನಿರ್ವಹಿಸಿದ್ದು, ಈಗ ಪ್ರವೀಣ ಅಂತಲೇ ಫೇಮಸ್ ಆಗಿದ್ದಾರೆ. ಈ ಚಿತ್ರ 'ನೋಡ ನೋಡ ಎಷ್ಟು ಚೆಂದ ಅಲಾ' ಡೈಲಾಗ್ ಈಗಲೂ ಫೇಮಸ್. ಈ ಚಿತ್ರ ಅತ್ತ್ಯುತ್ತಮ ಮಕ್ಕಳ ಚಿತ್ರವಾಗಿ 66ನೇ ರಾಷ್ಟ್ರ ಪ್ರಶಸ್ತಿ ಪಡೆಡಿದ್ದು, ಈ ಸಿನಿಮಾ ಬಳಿಕ ನಟ ರಂಜನ್ ಜನಪ್ರಿಯರಾಗಿದ್ದಾರೆ.