ಸಂಗೀತಾ ನಂದು ಸಿಸ್ಟರ್‌ವುಡ್, ಡ್ರೋನ್ ಪ್ರತಾಪ್ ಯಾವಾಗಲೂ ನನ್ನ ಪುಟ್ಟ ತಮ್ಮನೇ: ನಮ್ರತಾ ಗೌಡ

ಇಲ್ಲಿ ಯಾರೂ ಕೆಟ್ಟವರಲ್ಲ. ಈ ಪ್ರಯಾಣವನ್ನು ನಾನು ಮರೆಯಲು ಸಾಧ್ಯವೇ ಇಲ್ಲ. ರಿಯಲ್ ಫ್ರೆಂಡ್‌ಶಿಪ್ ಮನೆಯೊಳಗಲ್ಲ, ಹೊರಗೆ ಮುಂದುವರೆಯುತ್ತದೆ ಅಂದುಕೊಂಡಿದ್ದೇನೆ. ನನ್ನ ಸಂಗೀತಾ ನಡುವಿನ ಸ್ನೇಹವನ್ನು ಒಂದೇ ಪದದಲ್ಲಿ ಹೇಳಬೇಕೆಂದರೆ ಸಿಸ್ಟರ್‌ವುಡ್. ನನಗೆ ಆ ಥರ ಬಾಂಡಿಂಗ್ ಆಗೋದು ಕಡಿಮೆ. ಆದರೆ, ಇಲ್ಲಿ ಆಯ್ತು. ಸಂಗೀತಾ ಏನೇ ಇದ್ರೂ ಮುಖದ ಮೇಲೆ ಹೇಳ್ತಾರೆ. ನೀನು ಇಲ್ಲಿ ತಪ್ಪು ಮಾಡಿದೆ. ಇದು ಸರಿ, ಇದು ತಪ್ಪು ಎಂಬುದನ್ನು ನೇರವಾಗಿ ಹೇಳ್ತಾರೆ. ಅಂತಹ ಕ್ರಿಟಿಕ್ ಎಲ್ಲರ ಬದುಕಿನಲ್ಲಿಯೂ ಇರಬೇಕು ಅನಿಸುತ್ತದೆ. 

ನನಗೆ ಯಾವಾಗಲೂ ಅಣ್ಣ ಇಲ್ಲವೆಂಬ ಕೊರಗಿತ್ತು. ಆ ಸ್ಥಾನವನ್ನು ವಿನಯ್ ತುಂಬಿದ್ದಾರೆ. ಹೊರಗಡೆ ಕೂಡ ಆ ಬಂಧನವನ್ನು ಮುಂದುವರೆಸಿಕೊಳ್ಳಲು ಬಯಸುತ್ತೇನೆ. ಇಡೀ ಮನೆಯಲ್ಲಿ ನನಗೆ ಬಹುಬೇಗ ಮನಸ್ಸಿಗೆ ಹತ್ತಿರವಾದವನು ಪ್ರತಾಪ್. ಆಗಾಗ ವಿಯರ್ಡ್ ಆಗಿ ಆಡ್ತಾನೆ ನಿಜ. ಆದ್ರೆ, ಅವನು ಇರೋದೆ ಹಾಗೆ. ಅವನನ್ನು ಹಾಗೆಯೇ ನಾನು ಒಪ್ಪಿಕೊಂಡಿದ್ದೇನೆ. ಮೊದಲು ಅವನು ಒಪಿನಿಯನ್ ಹೇಳಬೇಕಾದರೆ, ಕಮೆಂಟ್ ಮಾಎಉವುದನ್ನು ಕೇಳಿದಾಗ ಕಮೆಂಟ್ ಮಾಡೋದನ್ನು ಕೇಳಿದಾಗ ಕೋಪ ಬರ್ತಿತ್ತು. ಏನೋ ಹೇಳಿದ್ದನ್ನು ಪರ್ಸನಲ್ ಆಗಿಟ್ಟುಕೊಂಡು ತುಂಬಾ ದಿನ ಸಾಧಿಸ್ತಿದ್ದ. ಆದ್ರೀಗ ಅವನೂ ಅದನ್ನೆಲ್ಲಾ ಬಿಟ್ಟು ತುಂಬಾ ಚೇಂಜ್ ಆಗಿದ್ದಾನೆ. 

ಪ್ರತಾಪ್ ಅಪ್ಪ-ಅಮ್ಮ ಇಬ್ಬರೂ ಸಿಕ್ಕಾಪಟ್ಟೆ ಒಳ್ಳೆಯ ಜನ, ಮುಗ್ಧರು. ನಾನು ನೋಡಿದ ತಕ್ಷಣ ಪಟ್ ಅಂತ ಕನೆಕ್ಟ್ ಆದೆ. ಅವರಿಬ್ಬರ ಮಾತು ನೋಡಿ ಇಷ್ಟವಾಯ್ತು. ಅವನು 'ನಾನು ನಿಮಗೆ ಸೀರೆ  ಕೊಡಿಸ್ತೀನಿ ದೀ, ನಿಮಗೆ ಓಲೆ ಜುಮುಕಿ ಕೊಡಿಸ್ತೀನಿ ಅಂತ ಹೇಳೋನು. ಬಟ್ ಅವರ ತಂದೆ-ತಾಯಿ ಸೀರೆ ತಂದುಕೊಟ್ಟಿದ್ದು ನೋಡಿಬಹಳ ಎಮೋಷನಲ್ ಆಯ್ತು. ನಮ್ಮೋರು ಅಂತ ಅನಿಸಿತು. ಬೇಕೋ, ಬೇಡವೋ ನಾನು ಯಾವಾಗಲೂ ಅವನ ದೀದಿ ಆಗಿಯೇ ಇರುತ್ತೇನೆ. ಅವನು ಯಾವಾಗಲೂ ನನ್ನ ಪುಟ್ಟ ತಮ್ಮನೇ ಎಂದರು.

ನನಗೆ ಬಿಗ್‌ಬಾಸ್‌ ಮನೆಯಲ್ಲಿ ಅಕ್ಷರಶಃ ಫೇಕ್ ಅನಿಸಿದ್ದು ತುಕಾಲಿ ಸಂತೋಷ್. ಅವರನ್ನು ಬಿಟ್ಟರೆ ಮತ್ತೆ ವಾಪಾಸ್ ಮನೆಯೊಳಗೆ ಬಂದಾಗ ಅನಿಸಿದ್ದು ಸ್ನೇಹಿತ್ ಕೂಡ ಫೇಕ್ ಎಂದು. ನಾನು ಅವರ ಕಡೆಯಿಂದ ಸಾಕಷ್ಟು ಬೆಂಬಲ ನಿರೀಕ್ಷಿಸಿದ್ದೆ. ಆದರೆ, ಅವರು ಬಂದು ನನ್ನ ತುಂಬಾ ಡಿಮೋಟಿವೇಟ್ ಮಾಡಿದರು. 

ಇಡೀ ಮನೆಯಲ್ಲಿ ನಾನು ತುಂಬಾ ಜೆನ್ಯೂನ್ ಆಗಿದ್ದೆ. ಹಾರ್ಟ್‌ಫುಲಿ ಜೆನ್ಯೂನ್ ಆಗಿದ್ದೆ. ಒಬ್ಬರನ್ನು ಬೈದರೂ ಉಗಿದರೂ, ಪ್ರೀತಿಸಿದರೂ ಹೃದಯದಿಂದ ಮಾಡ್ತಿದ್ದೆ. ನನ್ನ ಬಿಟ್ರೆ ವಿನಯ್. ಅವರಲ್ಲಿ ನನಗೆ ಯಾವತ್ತೂ ಕಲ್ಮಷ ಕಾಣಿಸಲಿಲ್ಲ, ಸಂಗೀತಾ ಕೂಡ. ಅವರನ್ನು ನಾನು ತುಂಬಾ ತಪ್ಪು ತಿಳ್ಕೊಂಡಿದ್ದೆ. ಅವರು ಏನನಿಸುತ್ತದೋ ಅದನ್ನೇ ಮಾತಾಡ್ತಾರೆ. ಹೇಗನಿಸ್ತಾರೋ ಹಾಗೆ ಇರ್ತಾರೆ. ಅವರೂ ನನಗೆ ಜೆನ್ಯೂನ್ ಅನಿಸ್ತಾರೆ. 

ಟಾಪ್‌ 3ನಲ್ಲಿ ವಿನಯ್, ಸಂಗೀತಾ ಹಾಗೂ ತುಕಾಲಿ ಸಂತು ಇರ್ತಾರೆ. ನನಗೆ ವಿನಯ್ ವಿನಯ್ ಆಗ್ಬೇಕು ಅಂತ ಇದೆ. ಆದರೆ, ಯಾಕೋ ನನ್ನ ಸಿಕ್ಸ್ ಸೆನ್ಸ್ ಹೇಳ್ತಿದೆ ಸಂಗೀತಾ ವಿನ್ ಆಗ್ತಾರೆ ಅಂತ. ನನ್ನ ಪ್ರಕಾರ, ಈ ಸೀಟ್‌ನಲ್ಲಿ ನನ್ನ ನಂತರ ಕಾರ್ತಿಕ್ ಮಹೇಶ್ ಕೂತಿರ್ತಾರೆ ಎಂದರು.