ಕನ್ನಡ ಸಿನಿಮಾಗಳ ಹಾಡಿಗೆ ಧ್ವನಿಯಾಗಿರುವ ಸೌತ್ ನಟಿಯರಿವರು: ಯಾರು ಯಾವ ಹಾಡಿದ್ದಾರೆ ಗೊತ್ತಾ?

ನಿತ್ಯಾ ಮೆನನ್ ಜನಿಸಿದ್ದು ಬೆಂಗಳೂರಿನಲ್ಲಿ. 2006ರಲ್ಲಿ ತೆರೆಕಂಎ 7 o' clcok ಎಂಬ ಕನ್ನಡ ಚಿತ್ರದಲ್ಲಿ ನಟಿಸುವ ಮೂಲಕ ಸಿನಿಜೀವನವನ್ನು ಆರಂಭಿಸಿದ ಇವರು, ಆನಂತರ ತೆಲುಗು, ಮಲಯಾಳಂ, ತಮಿಳು ಭಾಷೆಗಳಲ್ಲಿ ನಟಿಸಿಸುವ ಮೂಲಕ ಸೌತ್ ಸಿನಿಮಾರಂಗದ ಟಾಪ್ ನಟಿಯಾಗಿ ಜನಪ್ರಿಯತೆ ಪಡೆದಿದ್ದಾರೆ. ಕನ್ನಡದಲ್ಲಿ ಜೋಶ್, ಮೈನಾ,  ಕೋಟಿಗೊಬ್ಬ 2 ಸೇರಿದಂತೆ ಹಲವು ಚಿತ್ರಗಳಲ್ಲಿ ಬಣ್ಣಹಚ್ಚಿರುವ ಇವರು, ಕನ್ನಡದ 5 ಒಂದ್ಲಾ ಐದು ಸಿನಿಮಾದ 'ಪಾಯಸ' ಹಾಡನ್ನು ಹಾಡಿದ್ದಾರೆ.

2010ರಲ್ಲಿ ತೆರೆಕಂಡ ಯೋಗೇಶ್ ಅಭಿನಯದ ಚಿತ್ರ `ಪುಂಡ' ಮೂಲಕ ಚಂದನವನ ಪ್ರವೇಶಿಸಿದ ಮೇಘನಾ ರಾಜ್, ತಮ್ಮ ಅಭಿನಯದ ಬಹುಪರಾಕ್ ಸಿನಿಮಾದ 'ಸಿಂಪಲ್ ಪ್ರೀತಿ' ಸಾಂಗ್‌ಗೆ ಧ್ವನಿಯಾಗಿದ್ದರು. ಆನಂತರ ಸಿಂಗ, ಶಿವಾರ್ಜುನ, 100 ಡಿಗ್ರಿ ಸೆಲ್ಸಿಯಸ್ ಸಿನಿಮಾಗಳಲ್ಲಿ ಹಾಡುವ ಮೂಲಕ ಸಿಂಗರ್ ಆಗಿ ಗುರುತಿಸಿಕೊಂಡಿದ್ದಾರೆ.

ಜೋತಿ ಅಲಿಯಾಸ್ ಕೋತಿರಾಜ್' ಚಿತ್ರದಿಂದ ಚಂದನವನ ಪ್ರವೇಶಿಸಿದ ಐಶಾನಿ ಶೆಟ್ಟಿ, ಮುಂದೆ ವಾಸ್ತು ಪ್ರಕಾರ, ನಡುವೆ ಅಂತರವಿರಲಿ, ಧರಣಿ ಮಂಡಲ ಮಧ್ಯದೊಳಗೆ, ಹೊಂದಿಸಿ ಬರೆಯಿರಿ ಸಿನಿಮಾಗಳ ಮೂಲಕ ಗಮನ ಸೆಳೆದರು. ಇವರು ರಾಕೆಟ್ ಚಿತ್ರದ 'ತಣ್ಣಗೆ ಇದ್ವಿ' ಹಾಡು ಹಾಡಿದ್ದಾರೆ.

150ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿರುವ ವಿನಯ ಪ್ರಸಾದ್ ಅವರು, ಸೌತ್‌ನ ಎಲ್ಲಾ ಭಾಷೆಗಳಲ್ಲೂ ನಟಿಸಿದ್ದಾರೆ. ನಟನೆಯಷ್ಟೇ ಸಿಂಗಿಂಗ್‌ನಲ್ಲೂ ಬಹಳಷ್ಟು ಆಸಕ್ತಿ ಹೊಂದಿರುವ ಇವರು, ಹಲವಾರು ಸ್ಟೇಜ್‌ ಶೋಗಳಲ್ಲಿ ಹಾಡಿದ್ದಾರೆ.

 ಸ್ಯಾಂಡಲ್‌ವುಡ್ ಸಿಂಡ್ರೆಲಾ ರಾಧಿಕಾ ಪಂಡಿತ್ 'ಮೊಗ್ಗಿನ ಮನಸ್ಸು' ಸಿನಿಮಾ ಮೂಲಕ ಚಿತ್ರರಂಗ ಪ್ರವೇಶಿಸಿದರು. ನಂತರ ತಮ್ಮ ಪ್ರಬುದ್ಧ ನಟನೆಯ ಮೂಲಕ ಕರ್ನಾಟಕ ರಾಜ್ಯ ಪ್ರಶಸ್ತಿ, ಸೈಮಾ, ಐಫಾ, ಫಿಲ್ಮ್ ಫೇರ್ ಸೇರಿದಂತೆ ಹತ್ತಕ್ಕೂ ಹೆಚ್ಚು ಬಾರಿ ಅತ್ಯುತ್ತಮ ನಟಿ ಪ್ರಶಸ್ತಿ ಪಡೆದಿದ್ದಾರೆ. ಇವರು ಜೂಮ್ ಸಿನಿಮಾದ 'ಹೇ ದಿವಾನ ಹೇ ದಿವಾನ' ಹಾಡು ಹಾಡಿದ್ದಾರೆ.

ಕಮಲ್ ಹಾಸನ್ ಪುತ್ರಿ ಹಾಗೂ ಸೌತ್ ನಟಿ ಶೃತಿ ಹಾಸನ್ ನಟನೆ ಜೊತೆಗೆ ಗಾಯಕಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಇವರು ಕನ್ನಡದಲ್ಲಿ ಪುನೀತ್ ರಾಜ್‌ಕುಮಾರ್ ಅಬಿನಯಿಸಿರುವ ಪೃಥ್ವಿ ಸಿನಿಮಾದ 'ನೆನಪಿಡು ನೆನಪಿಡು' ಹಾಡನ್ನು ಹಾಡಿದ್ದಾರೆ.

ಸೌತ್ ನಟಿ ಕಾಜಲ್ ಅಗರವಾಲ್ ಅವರು ಮೊದಲ ಬಾರಿಗೆ ಪುನೀತ್ ರಾಜ್‌ಕುಮಾರ್ ಅಭಿನಯದ 'ಚಕ್ರವ್ಯೂಹ' ಸಿನಿಮಾದ 'ಅರೇ ಅರೇ ಏನಾಯ್ತು' ಹಾಡು ಹಾಡುವ ಮೂಲಕ ಸಿಂಗರ್ ಆಗಿ ಗುರುತಿಸಿಕೊಂಡಿದ್ದಾರೆ.