ಅತಿಹೆಚ್ಚು ಎಪಿಸೋಡ್‌ಗಳು ಪ್ರಸಾರವಾದ ಕನ್ನಡದ ಐದು ಜನಪ್ರಿಯ ಧಾರಾವಾಹಿಗಳಿವು!

ಕಲರ್ಸ್ ಕನ್ನಡ ವಾಹಿನಿಯಲ್ಲಿ 2012ರ ಮಾರ್ಚ್ 12ರಂದು ಆರಂಭವಾದ 'ಪುಟ್ಟಗೌರಿ ಮದುವೆ' ಕನ್ನಡ ಕಿರುತೆರೆಯ ಇತಿಹಾಸದಲ್ಲಿಯೇ ಅತಿಹೆಚ್ಚು ಪ್ರಸಾರವಾದ ಧಾರಾವಾಹಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಸೀರಿಯಲ್‌ ಬರೋಬ್ಬರಿ 3,026 ಎಪಿಸೋಡ್‌ಗಳನ್ನು ಪೂರೈಸಿತ್ತು. ಇದು ಹಿಂದಿಯ ಕಲರ್ಸ್ ಟಿವಿಯ 'ಬಾಲಿಕಾ ವಧು' ಧಾರಾವಾವಾಹಿಯ ರಿಮೇಕ್ ಆಗಿದ್ದು, 2022 ಅಕ್ಟೋಬರ್ 9ರಂದು ಪೂರ್ಣಗೊಂಡಿತ್ತು.

ಉದಯ ವಾಹಿನಿಯಲ್ಲಿ ಪ್ರಸಾರಾವಗುತ್ತಿದ್ದ ಸೀರಿಯಲ್‌ಗಳ ಪೈಕಿ 'ಮಾಂಗಲ್ಯ' ಸಾಕಷ್ಟು ಅಭಿಮಾನಿ ಬಳಗ ಹೊಂದಿತ್ತು. ನಾಲ್ಕು ಅಕ್ಕ-ತಂಗಿಯರ ಕಥೆ ಹೊಂದಿದ್ದ ಈ ಸೀರಿಯಲ್, 2,220 ಸಂಚಿಕೆಗಳ ಪ್ರಸಾರ ಕಂಡಿತ್ತು. ಇಂದಿಗೂ ಕೂಡ ಈ ಧಾರಾವಾಹಿಯ ಹಲವು ಪಾತ್ರಗಳು ಕಿರುತೆರೆ ವೀಕ್ಷಕರ ನೆನಪಿನಲ್ಲಿವೆ. ಈ ಸೀರಿಯಲ್ 2004ರ ಏಪ್ರಿಲ್ 12ರಲ್ಲಿ ಆರಂಭವಾಗಿತ್ತು.

ಒಂದು ಕಾಲದಲ್ಲಿ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಅತಿಹೆಚ್ಚು ಟಿಆರ್‌ಪಿ ಹೊಂದಿದ್ದ ಧಾರಾವಾಹಿ 'ಲಕ್ಷ್ಮೀ ಬಾರಮ್ಮ'. 2013ರ ಮಾರ್ಚ್‌ 4ರಂದು ಶುರುವಾಗಿದ್ದ ಈ ಸೀರಿಯಲ್, 2,125 ಸಂಚಿಕೆಗಳನ್ನು ಪೂರ್ಣಗೊಳಿಸಿ 2020ರ ಜನವರಿ 25ರಂದು ಅಂತ್ಯಗೊಂಡಿತ್ತು. ಚಂದನ್ ಕುಮಾರ್, ನೇಹಾ ಗೌಡ ಹಾಗೂ ಕವಿತಾ ಗೌಡ ಈ ಧಾರಾವಾಹಿಯ ಮುಖ್ಯ ತಾರಾಗಣದಲ್ಲಿದ್ದರು.

ಸ್ಟಾರ್ ಸುವರ್ಣ ವಾಹಿನಯಲ್ಲಿ ಪ್ರಸಾರವಾದ ಅತ್ಯಂತ ಜನಪ್ರಿಯ ಧಾರಾವಾಹಿಗಳಲ್ಲಿ 'ಅಮೃತವರ್ಷಿಣಿ' ಕೂಡ ಒಂದಾಗಿತ್ತು. ೨೦೧೨ರ ಮಾರ್ಚ್ ೧೯ರಂದು ಆರಂಭವಾದ ಈ ಧಾರಾವಾಹಿ, 1,724 ಸಂಚಿಕೆಗಳನ್ನು ಪೂರ್ಣಗೊಳಿಸಿತ್ತು. ಸತತ ಐದು ವರ್ಷಗಳ ಕಾಲ ಮನೋರಂಜನೆ ನೀಡಿದ್ದ ಈ ಧಾರಾವಾಹಿ, 2017ರ ನವೆಂಬರ್‌ನಲ್ಲಿ ಅಂತ್ಯಗೊಂಡಿತ್ತು. 

ಕನ್ನಡ ಕಿರುತೆರೆಯಲ್ಲಿ ಆರು ವರ್ಷಗಳ ಕಾಲ ಪ್ರೇಕ್ಷಕರನ್ನು ರಂಜಿಸಿದ್ದ ಸೂಪರ್ ಹಿಟ್ ಧಾರಾವಾಹಿ ಅಗ್ನಿಸಾಕ್ಷಿ. ವಿಜಯ್ ಸೂರ್ಯ ಮತ್ತು ವೈಷ್ಣವಿ ಗೌಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಈ ಸೀರಿಯಲ್ ಸಿಕ್ಕಾಪಟ್ಟೆ ಕ್ರೇಜ್ ಸೃಷ್ಟಿಸಿತ್ತು.  2013ರ ಡಿಸೆಂಬರ್ ತಿಂಗಳಲ್ಲಿ ಶುರುವಾಗಿದ್ದ ಈ ಸೀರಿಯಲ್, 1,588 ಎಪಿಸೋಡ್‌ಗಳ ಪ್ರಸಾರ ಕಂಡಿತ್ತು. ಅಗ್ನಿಸಾಕ್ಷಿಯಲ್ಲಿ ವಿಜಯ್ ಸೂರ್ಯ ಹಾಗೂ ವೈಷ್ಣವಿ ಗೌಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.